فعلا تطبيق الميد تيرم بهذه الطريقه حاجه سيئه وتضييع للوقت و تضييع للدرجات وتشتيت للناس
أوافق
لا أوافق
أوافق مع بعض التحفظات
فعلا تطبيق الميد تيرم بهذه الطريقه حاجه سيئه وتضييع للوقت و تضييع للدرجات وتشتيت للناس
- فى نظرى انها تجربة كويسة بنسبة 75% بس فية بعض التحفظات اولا الامتحان مش موحد (فى امتحان سةل جدا \ وسهل \ومتوسط \ وصعب) ولاسف انا وقعت فىالصعب فبطبعا انا زعلت من الدرجات الى راحت منى دى وانا كنت مذاكرة وفى ناس ما كانتش مذاكرة اوى وحلت كويس ودى درجات بتضيع . انا بصراحة باطالب بامتحان موحد ونمتحن ف وقت محدد الدفعةكلها وف اسبوع واحد زى طلبة هندسة عشان يبقى اسمة MID TERM) يعنى نتعود على نظام امتحان التيرم ونظام اللجان ونذاكر كويس وتبقى حاجة ذاكرناها قبل كدة تبقى سهلة ف الاخر
[FONT="Georgia"][FONT="Courier New"][SIZE="4"][COLOR="DarkRed"]مقدرش انكر ان الميد تيرم خلانى ابقى عارف اغلب المواد ماشيه ازاي وخلانى ازاكر بس بصـــــــــــــــراحه كده الناس اللى علقت قالت كل حاجه بس انا عاوز اوضح حاجه كده تكون غايبه عن بعض الطلبه بعمليه حسابيه بسيطه
دلوقتى كان الشفوي ب 30 درجه .....شفوي ب 20 درجه و ال 10 درجات بتوع اعمال السنه او الميد تيرم ايا كان المسمى كلهم مخصومين من الشفوي يعنى لو هنقول انا طالب متوسط يعنى بدخل الشفوي عند دكتور معتدل باخد عنده مش هقول 27 لا ياسيدي هاخد 25.....
دلوقتى بقى الشفوي ب 20 يعنى لو قست على نفس المنوال ونفس الدكتور هيدينى بدل ال 25 هيدينى 15 من 20
ولو انا فارس بنى خيبان ف العك اللى حصل ف الامتحانات ده قوول هجيب من ال 10 درجات ف مواد 7 ومواد 8 ومواد 9 ومواد 5 درجات .....
يعنى كتوتال من ال 30 درجه الل كنت باخد فيهم 25 هاخد دلوقتى 15 + 7=22 ده ف حاله الدكتور المعتدل .....بغض النظر عن النظام كويس ولا مش كووويس
نتكلم بقى عن النظام بتاع الميد تيرم كان سئ للغايه عشان ملقتش اي تنسيق مابين اي قسم والتانى من الاخر كل قسم كان بيعلن عن الامتحان بفتره بس مكنش ليه دعوه بالطاالب اللى هيمتحن سواء كان عنده امتحان قبلها عنده اي حاجه المهم انه اعلن ويقسم الطلبه ولو حد اتكلم يبقى الطالب اللى غلطان
بالنسبه لو عاوزين تعملو ميد تيرم اعملوا بس يبقى بتنسيق وترتيب مشكلتنا عندنا همجيه او ممكن نقول فوضى مرتبه ياريت الاخطاء اللى حصلت الترم الاول تتلاشى ف الترم الثانى ولو الكلام اللى كتبه ضياء على لسان د/ ناهد صح يبقى كده الميد تيرم كوووويس جدا جدا جدااااا....
انا عارف ان انا رغاي اوووي بس معلش استحملونى ف الكلمتين اللى كانوا محشورين ف زوري
انا باتفق مع ال د\احمد جمال انى الامتحان غير منظم يعنى المفروض يكون له جدول خاص لمدة اسبوع مثلا زى كلية هندسة
فيه حاجه كمان نسيت أقولها مش عارفه اذا كان حد تطرق ليها ولا لأ ., بس كمان أسوأ فكره إن الـ 10 درجات دول
يتم تخصيصهم لنشاط مش لامتحان ..
الناس السنه اللى فاتت طالبت بامتحان ميد تيرم زى كلينيكال وهندسه وكليات تانيه علشان نذاكر وندرب على
الامتحانات انما نشاط والدكتور يدى فيه درجات من 1 لـ 10 لأ فعلا حاجه تضايق جدا بالذات لما يكون التقييم على
أساس شكل وتنسيق النشاط وأتظلم انا علشان عاملاه فى البيت وغيرى ياخد درجات هايله مع انه عامله عند
مكتبه
موضوع فاشللأنه مش ف مصلحتنا
اللى عاوز يذاكر من الأول هيذاكرواللى مابيذاكرش من الأول(زى حالاتى) هيحاول يزنق نفسه ف المذاكرة وبردو مش هيحل بيرفكت وأكيد هينقص درجات ف الميد تيرم ده يبقى كده طار منه درجات غير اللى هيطيروا منه ف الشفوى يعنى بدل ما كنا نجيب 25 ف الشفوى دلوقتى نجيب20 ف كل ماده(باعتبار5 درجات رايحين ف الشفوى و5 زيهم ف الميدتيرم)
نتيجة الاستفتاء ده ايه ؟؟؟؟؟؟!!!!!
ولا احنا بنتكلم وخلاص ؟؟
اعتقد ان الميد تيرم كان جيدا جدا لانه جعلنا نذاكر جزء كبير جدا قبل الميد يير ولكن يعيبه فقط الاوقات
درجاته تتاخد من حاجه تانيه غير الشفوى
اسمحولي أقول رأيي مع إني اتخرجت خلاص
الكلية لما كنت فيها مكانتش بتساعدنا إننا نبدأ نذاكر من بدري المنهج النظري وكان الترم بيتذاكر فيه عملي كتير وتكملة كتاب وهكذا ودي في حد ذاتها مشكلة مش للي بيبدأ يذاكر من بدري للي بيذاكر قبل الإمتحانات بس لأنه ببساطة المذاكرة اللي قبل الإمتحان دي بتتحط في الذاكرة المؤقتة أما اللي بيذاكر من الأول مرة واتنين بيخلي المعلومات تتحط في الذاكرة الدائمة وده بيفرق بعد التخرج . واحنا كنا بنسمع الكلام اللي بيتقال ايه فايدة اننا أذاكر من الأول طالما هنسى اللي ذاكرته تاني . بجد الموضوع بيفرق إنك لما بتذاكر حاجة مرتين بتخلي عقلك يحس إنها مهمة ويحتفظ بالمعلومة . أنا كنت بذاكر حاجات من الأول وحاجات في نهاية الترم ولي واحدة صحبتي كانت مذاكرتها معظمها قبل الإمتحان وما شاء الله كانت بتحفظ على طول واتخرجت بتقدير أعلى مني بس دلوقتي وأنا بتكلم معاها عن حاجات أساسي للصيدلي يكون عارفها لقيتها ناسياها . يا جماعة اللي عايز ما يذاكرش إلا قبل الإمتحان عشان يحل كويس وبس ده هيرجع يندم جدا جدا بعد التخرج وبجد كنت اتمنى انهم كانوا طبقوا عندنا الميد تيرم ده .. ربنا يوفقكم يا رب