أنا عندي ملاحظة على يوم الجمعة . حد هنا مشاركني الرأي .
أنا عندي ملاحظة على يوم الجمعة . حد هنا مشاركني الرأي .
انا مش شايف إنها مشكلة خالص يا دكتور كريم,
حتى اللى مش من مدينة المنصورة, ماهياش مشكلة خالص,
لأن أهم حاجة أربع أيام الدراسة متواصلة, ودى الميزة الحقيقية,
وماعتقدش إن فى فرصة إن أيام الجدول يتعدل, يالا حظنا بقى,
بس بجد الجدول مضغوط بطريقة فظيعة, وهايوفر وقت كتير مش زى اللى بيضيع فى إعدادى وأولى نظام قديم.
معلش ماخدتش بالى من ميعاد يوم الجمعة, كنت فاكره زى الجدول القديم.
فعلآ مشكلة, يا جماعة.
إيه رأيكم إن شاء اله نزور العميد فى مكتبه يوم الأربعاء كلنا"كل طلاب الإكلينيكال" ونطلب تعديل الميعاد أو تأخيره لبعد الساعة 2 الظهر!!!
أنا موافق ايه المانع . ولو حد عنده اقتراح تاني يفيدنا بيه مفيش مانع . وشكرا على ردك يا دكتور عامر .
وانا كمان معاكو يا جماعه...و خاصة انى من القاهره ولكن انا مقيم في المنصوره بس بحب ساعات اسافر اخر الاسبوع القاهره وربنا يجيب اللي فيه الخير
احنا بس كده !!!! أمال فين الباقي ؟؟؟ على العموم مش مشكلة بس عاوزين معاد محدد نحطه بالاتفاق بينا . ايه رايكم الساعة 11 ؟؟؟ ولا نخليه بدري عن كده . انا منتظر ردكم .
العدد الي جاه كان قليل ليه !!!! كويس انكم مجتوش لأن العميد مكنش موجود . عشان كده هيكون معادنا يوم السبت ان شاء الله ده اذا كان عندكم نية تغيروا المعاد . مالكوا نايمين كده يا جماعة عاوزين يكون عندكم نشاط اكتر من كده ولا انتوا استحلتوا الأجازة بتاعت رمضان دية . فوقوا بقى بعد العيد أنتوا عارفين الي هيحصل أنا مش هتكلم !!!
معاك يا كيمو ان شاء الله يوم السبت
وانا كمان مستغرب اوى من قلة المشاركه او يمكن انعدامها
بس فعلا اظاهر رمضان واجازتو الحلوه دي لاهيه زمايلنا شويه
وان شاء الله الحال دا مش لازم يدوم بعد العيد
انت كنت عايز اعرف ازاى الترم كله 19 ساعة وفى الاسبوع تقريبا بناخد اكتر من 15 ساعة
والنبى حد يفهمنى
بص يا دكتور المقصود ب 16 ساعة في الترم هنا يعني 16 ساعة في كل أسبوع موجود في الترم مش معناه 16 ساعة في الترم من أوله لأخره . أنا عن نفسي كنت فاهم زيك بس طبعا ده غلط .