السلام عليكم
ربنا يسهل ان شاء الله وأقدر اوصل المعلومة المرة دي
ان شاء الله في مشروع اسمه (اهيلو ) ده بالعربي يعني مشروع تقيم مخرجات التعلم في التعليم العربي
المشروع ده عبارة عن امتحان نفس نظام ICDL كده ان شاء الله من حيث الشهادة كشهادة معتمدة بس مش خاص بالكمبيوتر هو خاص بتقيم الطالب في الأفكار العلمية والحياتية وطرق حل المشكلات
يعني ايه ؟؟
يعني هيكون امتحان عبارة عن اسئلة تشمل مجموعة من المشاكل والمطلوب مني ازاي هقدر احلها واواجها وبناءاً على طريقة الحل هيقيم الشخص
المشروع حاليا المفروض ان مصر هي الدولة الممثلة لقارة افريقيا وهو في مجال التجربة حاليا
لذلك المطلوب فقط هو اشترك الطلبة الي بيرغبوا في الاشتراك وان شاء الله هيتم تخريج شهادة معتمدة بالحصول عليها وان شاء الله هتكون الشهادة دي مهمه في حالة الحصول على وظيفة في الوطن العربي ككل
نظام الامتحان :
ان شاء الله هيكون حوالي ساعة ونص او ساعتين على النت (أونلاين )
وهيكون اسئلة كتابية على النت وهيكون اسألة اختياري
شروط التقدم :
- طالب من الفرقة الرابعة كلية صيدلة جامعة المنصورة
- حاصل على تقدير مقبول او جيد او جيد جدا او امتياز لكن بشرط ان الشخص ما يكونش عاد السنة او كان معاه اي مادة من مواد التخلف في سنة من السنين
- اهم نقطة وهي قدرة الطالب على استخدام الكيبورد وكيفية الكتابة عليه بطريقة تسمح له عدم اضاعة الوقت
-ضروري جدا كتابة الاسم بالكامل و البريد الالكتروني مظبوط لأن ان شاء الله هيتم التواصل عن طريق النت
أتمنى ان اكون قدرة اوصل ولو جزء بسيط عن المعلومة
ولكن ضروري جدا اي شخص حابب يشترك يبعتلي اسمه و ايميله وخلال اليوم فقط
لأن المطلوب مني تسليم الاسماء بكرة ان شاء الله للدكتورة ايمان
ولو في اي حد عنده أي استفسار يبلغني ان شاء الله
وده لينك استمارة التقدم
http://www.box.com/s/18363d395f64f989add5