البحث المتقدم
pharma board, The Official Board

كلية الصيدلة تفعيل العضوية المحاضرات Practical Gallery ضوابط المشاركة هذا المنتدى الرئيسية

 

العودة   منتدى كلية الصيدلة - جامعة المنصورة ҉ ][ملتقـى طلاب كلية الصيدلة بجامعة المنصورة ][ ҉ الصيدلة الاكلينيكيه


إضافة رد

 
أدوات الموضوع انواع عرض الموضوع
قديم 20-09-2011, 11:19 PM   #1
a_fouda2
Moderator
  • معلومات
  • معلومات الاتصال
  • احصائيات
  • حالتي

رقم العضوية : 3874
تاريخ التسجيل: May 2009
الدولة: *في رحاب القرآن*
المشاركات: 2,365
الفرقة : كلينيكال 4

male

a_fouda2 غير متواجد حالياً
Smile شرح مختصر لمواد تالتة كلينكال


الحمد لله خلصنا اول سنتين لينا في الكلية

من اول الترم ده بإذن الله هنبدأ الجد،


هو تقيل شوية و فيه كذا ماده ممكن نقول عليهم " عمالقة "

بس هتحسوا انكم في كلية صيدلة بجد خصوصا بعد الفارما و الميديسينال



*
*
*


Semester 5


ترم تقيل شوية

كالعاده 7 مواد زي كل ترم


Pharmacology-1(PR: Physiology) - Biochemistry-2 (PR: Biochemistry-1) - Phytochemistry-2 (Phytochemistry-1) - Clinical microbiology (PR: General microbiology & immunology) - Dosage forms-2 (PR: Dosage forms-1) - Pharmaceutical business administration - Pathophysiology(PR: Physiology)






Pharmacology-1

ماده جميله جدًا وممتعه و تعتبر اهم ماده من المواد في الكلية
بناخد في الاول مقدمة في علم الفارما وشوية تعريفات كده بسيطة هنستخدمها بعد كده ..
وبعد كده المنهج متقسم على أساس اجهزة الانسان بناخد 3 systems

-Autonomic nervous system
- Cardiovascular system
- Autocoid
"local hormones " as Histamine

بنعرف فيهم الادوية اللي بتشتغل عليهم و ايه المضادات ليهم ؟
وايه الامراض مثلا او الحالات اللي تنفع فيها الأدوية دي ؟

لازم تتفهم طبعا و المذاكرة اول بأول
عشان لو الماده اتزنقت كله هيدخل في بعضه
و بيبقى المنهج كبير وصعب يتلم

الموضوع ده فيه شرح مبسط لمقدمة الفارما


*********

العملي

- عباره عن cases
+
- شغل عملي
هما تجربتين يا اما الفار و بتتعلموا ازاي تمسكوه وتحقنوه
"اوعى حد يخاف و يسيب الفار من ايده
والفار يجري في المعمل "
او عضلة من معدة الارنب بنجرب عليها دوا معين مش عارفينه و بنعمل كذا خطوه لغاية لما نعرف الدوا ده ايه




Biochemistry-2

أكبر عمالقة الترم ده ..
كانت ممتعه بالنسبة ليا ..
بس دي عايزة تتذاكر بمزاج و متتركنش برده ..
لأن المنهج كبير و مطلوب تركيز كبير في المذاكرة والمراجعه ..

بعد ما أخدنا انواع البروتين والكربوهيدرات و الليبيد في bio-1
هنعرف ازاي الجسم بيستخدمهم ..
والميكانزمات بتاعة استخدامهم ..
و ازاي كل واحد مرتبط بالتاني ..
وعمليات بتحصل في الجسم زي الـ
Glycolysis , Krebs' cycle & Gluconeogenesis


كمان الميكانزيمات بتاعة الامينو اسيد في الجسم ...
وازاي بعض الهرمونات و الـ transmitters المهمة في الجسم
بيطلعوا منهم زي الادرينالين من ال tyrosine مثلا ..
عشان كده لازم نكون فاكرين ال structures بتاعة الامينو اسيد من bio-1 ..
الـ Structures مهمة و كمان الانزيمات اللي في وسط التفاعلات مهمة ..


*********

العملي

بنعرف الحاجات المهمة اللي بتتعمل في الـ Urine analysis و ازاي نعملها ..
و في كمان قياس تركيز بعض الحاجات زي الجلوكوز والالبيومين عن طريق ال Absorbance بتاعها .





Phytochemistry-2

برده من عمالقة الترم ده
يا بختكم لو ادهالكم دكتور هاني نشأت ودكتورة فاطمة عبد الرحمن
بيسهلوا الماده و بيحاولوا يبسطوها على الاخر ...
هنكمل باقي الـ constituents اللي مدرسنهاش في فيتو 1 ..
اللي هما الـ glycosides و alkaloids
و كل واحد منهم بيتقسم لتقسيمات اصغر ..
بنعرف الاستخدام بتاع كل ماده وازاي بنكشف عليها في النباتات ..
اسهل طريقة لمذاكرة الالكالويدز هي الجداول طبعًا ...


*********

العملي

بيبقى في المجمل عن التيستات بتاعة الالكالويدز المهمة زي الاتروبين مثلا
سواء Chemical tests ..
أو
microchemical tests ..
يعني بنشوفها تحت الميكروسكوب ..

وبيبقى فيه اسكيمة بنمشي عليها عشان نعرف في الاخر الالكالويد اللي معانا ده ايه .

ممكن تشوفوا الموضوع ده هيساعدكم :





Clinical microbiology

بعد ما درسنا في الميكرو في سمستر 4 يعني ايه Bacteria و Fungi و Virus و معلومات عنهم ..
هندرس بقى الامراض اللي بيسببوها ..
الامراض اللي بتيجي من البكتريا ..
و بتصيب مين الانسان ولا الحيوان؟
و فترة حضانة المرض ..
و الاعراض المهمة بتاعته ..
وازاي نعالجه ؟

نفس الكلام تقريبا بالنسبة للـ fungi و ال Virus .
أسهل طريقة برده الجداول ..



*********

العملي

بنتعلم ازاي نكشف عن بكتريا معينة و كل واحده ليها Tests معينة و بتتزرع على Media خاصة بيها ..
و نفس الكلام بنمشي على اسكيمة في الاخر عشان نوصل في الآخر للبكتريا اللي معانا ..

على فكرة زرع البكتريا مطلوب مننا عشان كده لازم تتعلموا طريقة زرع البكتريا على الـPlate ..
و تجربوه وتشوفوه بعد عملية الـ Incubation





Dosage forms-2

بندرس فيها باقي المستحضرات والاشكال الصيدلية زي :
Ointments , Creams , Collodions , Pastes , Suppositories , Eye preparations, .....
و بناخد هما بيتكونوا من ايه ؟
و بيُستخدموا ازاي ؟
و الـ Base بتاعة كل حاجة مثلا ..
وايه اكتر حاجة المريض بيحبها والفروقات بينهم ..
ممكن تتلخص وتتقرأ بسرعه الاول و هتبقى سهلة في المذاكرة
محتاجة بس قراءة بتركيز

*********

العملي

بنتعلم ازاي نعمل الكريم في المعمل سواء كان فيه دوا او بنعمل الـBase بتاعته بس و ازاي بيتعمل ونسب مكوناته لبعض ..
و كمان بنعمل الـ suppositories نفس الحكاية اما فيها دوا او بنعملها فاضية يعني Base بس .




Pharmaceutical business administration

ماده سهلة ومضمون درجتها ..
تبع قسم الصيدلانيات وغالبا دكتور اسماعيل رمضان اللي هيدرسها ..
من اسمها بتتكلم عن ادارة الاعمال الصيدلية ..
و الصيدلة من المنظور التجاري و الربح فيها والخسارة ..
و بتقارن بين الصيدلية في مكان تجاري مثلا و في الريف او منطقة صناعية وهكذا ..

مفيش فيها عملي




Pathophysiology

ماده حلوة برده تبع قسم الفارما ..
بنتعرف فيها على التغيرات اللي بتحصل نتيجة لمرض معين مثلا او نتيجة لحاجة وراثية او اي سبب تاني ..
زي مثلا عملية الالتهاب "inflammation"
بتحصل ازاي ؟ وايه اعراضها ؟
و ايه اللي بيحصل بعد الالتهاب ده ؟

و بناخد امراض كمان زي الـ
Diabetes , atherosclerosis & bronchial asthma
ايه سببهم ؟
وايه الـ risk factors ليهم ؟
و ازاي نعالجهم ؟ او ازاي نقلل من اعراضهم ؟

ماده جميلة قريبة من الفارما شوية بس مفيش فيها اسماء ادوية الكتير زي الفارما ..

مفيش فيها عملي برده




كده يكون خلص الترم الأول










فاصل ونواصل الترم الثاني مع الدكتورة بنبونة

  رد مع اقتباس
قديم 20-09-2011, 11:20 PM   #2
BoNbOoNa
Pb Elite
  • معلومات
  • معلومات الاتصال
  • احصائيات
  • حالتي

رقم العضوية : 2939
تاريخ التسجيل: Sep 2008
الدولة: .. مع الله ..
المشاركات: 3,120
الفرقة : كلينيكال 4


BoNbOoNa غير متواجد حالياً
Red face

كده بفضل الله خلصنا نص مشوارنا ف الكلية و بدأنا الحمد لله النص التاني

.:: Semester 6 ::.
__
.
.

المواد الـ 7 اللي هندرسها في الترم ده :
Medicinal chemistry 1 ( PR:
Organic chemistry 3) - Community pharmacy - Biopharmaceutics & Pharmacokinetics (PR: Dosage forms 2) - Industerial pharmacy - Quality control ( PR: phytochemistry 2 ) - Pathology - First aid (PR: Histology, Anatomy & Physiology )




(1)

medicinal chemistry 1



الكيمياء الطبية ... مادة جميلة و ممتعة جدا بشرط يبقي في متابعة و مواظبة علي حضور المحاضرات

بندرس فيها تركيب الادوية و خواصها من خلال تركيبها الكيميائي
محتاجة Basics كويسة من العضوية
e.g : PH &PKa - acidity & alkalinity - Polar and Non polar function groups - Resonance - electron withdrawing & donating Functional groups

المواضيع معظهما عن ادوية Anti

Antibiotics
Anticancer
Antifungal
Antiprotozoal
Antimycotic

الإمتحان بيعتمد بشكل اساسي علي الفهم و ربط المعلومات ببعضها و تطبيقها علي اي مركب
مهم التعرف علي كل structure ، لكن مش مطلوب نسترجع شكله بالظبط و نرسمهم من الذاكرة ، مطلوب بس حفظ الـBasic moeity الرئيسية اللي بتميز كل جروب من الادوية


*******

اول سكشنين في العملي عبارة عن شرح لبرامج رسم المركبات الكيميائية علي الكومبيوتر و تحويلها لـ 3D

&


باقي العملي قريب جدا من عملي الكيمياء التحليلية ... بيبقي عبارة عن تعيين لتركيز الدواء في المحلول ،
الشغل بيكون titration او Spectophotometry ،، و
الأداة المتألقة في أغلب الشغل هي السحاحة





>>> المواد الـ 3 الجايين بيدرسهم قسم الصيدلانيات ، و سكاشنهم بتتاخد في المدرج

*
*
*


(2)

Community Pharmacy

صيدلة المجتمعات ... بندرس فيها بالتفصيل الامراض البسيطة اللي مش متحاجة استشارة طبيب مختص و ممكن نتعامل معاها من خلال الصيدلية

زي الـ constipation & diarrhea - hyperacidity & mild ulcers - common cold & allergic rhinitis - Acne

+

معلومات عن المسكنات المسموح نصرفها من غير روشتة " OTC analgesics " و مميزات و عيوب كل واحد فيهم


*******

العملي بيكون عبارة عن روشتات ،
بنعرف فيها كل دواء بيستخدم لإيه ، و لو فيه drug interactions نطلعها و نشوف هنحل التداخل ده ازاي ، و لو في نصايح اضافية للعيان مطلوبة لدواء معين ،
زي مثلا الـ digitalis glycosides ، لو معاها ادوية تانية بتأثر علي تركيزها في الدم لازم المريض يعمل follow up باستمرار بالـ ECG




(3)

Biopharmaceutics & Pharmacokinetics

المنهج مقسوم لشقين ،

Biopharmaceutics... بندرس فيها تأثير الجسم علي الدواء و العوامل اللي بتأثر علي إمتصاص الدواء و توزيعه علي اعضاء الجسم و تكسيره و أخيرا اخراجه ،
ممكن نختصر موضوعات الشق الاول من المادة في كلمة " آدم "

ADME

"Absorbtion - Distribution - Métabolism - Excretion"
l
المواضيع اغلبها حقائق نظرية عن العوامل المؤثرة علي الـADME System

،،

أما الجزء التاني
Pharmacokinetics عبارة عن تطبيقات في شكل calculations و معادلات

*******

العملي بيكون عبارة عن حسابات لمدي امتصاص الدواء و مساره في الجسم بمرور بالوقت

بنستخدم في الحسابات ورق رسم بياني




+ نوع جديد اسمه Semi-log paper


أغلب الشغل بيكون تطبيق علي القوانين و الحسابات اللي تم دراستها في النظري








(4)
Industerial pharmacy

الصيدلة الصناعية ... ممكن تحسوا انها تقيـــلة شوية

بندرس فيها تركيب الاجهزة و الآلات المستخدمة في الصناعات الصيدلية و مميزات و عيوب و استخدمات كل واحد


*******

العملي بيكون شرح بعض الاجهزة من النظري
رسم الاجهزة و التعرف عليها مهم سواء في النظري او العملي


*
*
*

>>> كده خلصنا مواد قسم الصيدلانيات التلاتة الحمد لله





(5)

Quality control


بتتكلم المادة عن ازاي نحدد الـ Quality بتاعة الـ Herbal drugs
هل هي مغشوشة ولا لأ .. و لو مغشوشة نعرف ازاي ؟ و ازاي نحدد هي مشغوشة بإيه بالظبط ؟
هل فيه contamination ببكتيريا او فطريات او مبيدات او معادن او مواد مشعة ؟
طيب ، هل هي exhuasted ؟ ... مممم زي مثلا باكت الشاي ،
لو استخدمناه ... وبعدين نشفناه و استخدمناه تاني،
هيبقي معظم المحتوي تم استخلاصه في المرة الاولي و نسبة الشاي اللي هتطلع في الكوباية التانية اقل من الطبيعي

هل النبات المطحون " الـpowdered " مخلوط برمل او اتربة
... و ازاي نحدد نسبتهم
و لو فيه رطوبة بردو نعرف اد ايه ... و نشوف هي في المستوي المسموح بيه ولا لا ،
لان لو اكتر ممكن تنمو فطريات علي البودرة او يحصل degradation للمواد الفعالة

*******

أغلب شغل العملي بيكون درسناه في كورسات النبات و العقاقير قبل كده
بنكشف عن الActive constituent و نعرف هو موجود ولا لأ في الـsamples ..

و بنفرق بالـ chemical tests و الميكروسكوب بين مجموعة من الـpowders ..
مين فيهم الـ true drug
... و مين الـ exhuasted ... و مين adulterated

و فيه تجارب بسيطة بنستخدم فيها الـflame او الفرن بنحسب بيها الـرطوبة و الاتربة الموجودة في الـpowder
" ash values and moisture content "






>>> آخر مادتين بيدرسهم أساتذة من كلية طب ..

*
*
*


(6)

Pathology

علم الامراض ، شبيهة بالـ Pathophysiology لحد كبير لكن بندرسها علي شكل Cases
بندرس فيها ازاي بينشأ المرض " pathogenisis "
و ازاي نشخصه و نتعرف عليه ... و اعراضه و مضاعفاته لو متعالجش " Complications & symptoms "
و بعد كده نبة بسيطة عن العلاج

اهم المواضيع اللي درسناها :
- مشاكل الدورة الدموية Haemodynamic disorders ... و اشهر حاجة كانت تصلب الشرايين و مضاعافتها

- الـ tumors ومثال عليها الـBreast cancer

-
مشاكل ليها علاقة بتضخم الغدة الدرقية
" Goiter "

Gastric and dudenal ulcers -

Hepatitis C -

- الضغط و السكر

- السكتة الدماغية او النقطة
" Stroke "



*******

العملي بيكون عبارة عن شرايح بنتعرف عليها زي نظام الـ histology
+
السبب اللي ادي للـ abnormality الظاهرة في الشريحة و تأثير الـمرض علي الانسان
" cause & effect "

ا





(7)

First aid

المضمون كله مشتق من اسم المادة .. " اسعافات أولية "
بندرس فيها ازاي نتعامل مع الحروق ، النزيف ، الحساسية ، ارتفاع و انخفاض السكر ، الغرق ، ضربة الشمس ، لو حد وقف الاكل في زوره و بدأ يتخنق الخ ..
-انواع التسمم و طرق علاجه " زي غسيل المعدة مثلا " و المصل المضاد لاكثر السموم شيوعا ..
و أخيرا نبذة عن الصرع و الربو و ازاي نتعامل معاهم .. و شوية معلومات عن نقل الدم و فصايله
هتتعلموا عملي التنفس الصناعي
" CPR "
ا
Cardio Pulmonary Rescusitantion
إحياء القلب و التنفس

المادة ممتعة و سهلة ولكن محتاجة مجهود شوية في المذاكرة لان الامتحان بيبقي عبارة عن اسئلة مقالية

*******

مفيش امتحان عملي ،، بس حضور تدريب العملي اجباري
بيبقي في الـ skill lab في كلية طب " صيدلة القديمة سابقا " .. الدور الارضي اول حودة علي ايدكم شمال



كده الحمد لله خلصنا سنة تالتة ، ربنا يجعلها سنة سعيدة عليكم يا رب و يعيننا كلنا في ما بقي من حياتنا الجامعية

اسيبكم مع فيديو عن طريقة تنفيذ الـ CPR
، هتتعلموها علي الحاج محمد في الـSkill lab إن شاء الله

+ YouTube Video
ERROR: If you can see this, then YouTube is down or you don't have Flash installed.




أي استفسارات احنا تحت امركم

بالتوفيق يا رب دايما




  رد مع اقتباس
قديم 20-09-2011, 11:36 PM   #3
Oz1945
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 5068
تاريخ التسجيل: Jan 2010
الدولة: بين طيات أوراقي
المشاركات: 464
الفرقة : كلينيكال 4

male

Oz1945 غير متواجد حالياً
افتراضي

جزاكم الله خيراً على الشرح الوافي

بالتوفيق للجميع إن شاء الله


  رد مع اقتباس
قديم 24-09-2011, 11:22 PM   #4
Nada Radwan

Pb Designing team

  • معلومات
  • معلومات الاتصال
  • احصائيات
  • حالتي

رقم العضوية : 4610
تاريخ التسجيل: Oct 2009
المشاركات: 770
الفرقة : كلينيكال 5

female

Nada Radwan غير متواجد حالياً
افتراضي

السلام عليكم,,
ماشاء الله ..شكلها سنه حللللوه
بس التيرم التانى شكله لذيذ عن الاولانى..
مش عارفه فى عداء بينى وبين البيو ليه
ربنا معانا..وشكراً ع المجهود الجبار ده ياعبدالرحمن & بونبوونتى
  رد مع اقتباس
قديم 05-10-2011, 07:47 PM   #5
Dr-Smile
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 5931
تاريخ التسجيل: Jul 2010
المشاركات: 2
الفرقة : كلينيكال 3

female

Dr-Smile غير متواجد حالياً
افتراضي

جزاكم الله خيرا
وعلى رأي ندى ... شكلها سنة حلوة
  رد مع اقتباس
قديم 05-10-2011, 08:55 PM   #6
محمد_على_سلام
Moderator
  • معلومات
  • معلومات الاتصال
  • احصائيات
  • حالتي

رقم العضوية : 3164
تاريخ التسجيل: Dec 2008
المشاركات: 2,631
الفرقة : كلينيكال 5
تواصل مع محمد_على_سلام:


محمد_على_سلام غير متواجد حالياً
افتراضي

مجهود رائع يا شباب وربنا يجعله فى ميزان حسناتكم
بس المفروض تتصرفوا وتعملوا موضوع لنا احنا كمان
  رد مع اقتباس
قديم 05-10-2011, 09:45 PM   #7
حنين الأمس
Pb Elite
  • معلومات
  • معلومات الاتصال
  • احصائيات
  • حالتي

رقم العضوية : 3268
تاريخ التسجيل: Jan 2009
الدولة: Mansoura
المشاركات: 1,382
الفرقة : عضو هيئة تدريس
تواصل مع حنين الأمس:

female

حنين الأمس غير متواجد حالياً
افتراضي

ما شاء الله تبارك الرحمـن
ربنا يكرمكم ع المجهود الرائع ده




اقتباس
مشاهدة المشاركة المشاركة الأصلية كتبت بواسطة محمد_على_سلام
بس المفروض تتصرفوا وتعملوا موضوع لنا احنا كمان

+1

  رد مع اقتباس
قديم 06-10-2011, 10:32 AM   #8
Moonlight
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 5040
تاريخ التسجيل: Dec 2009
المشاركات: 805
الفرقة : كلينيكال 4


Moonlight غير متواجد حالياً
افتراضي

اقتباس
مشاهدة المشاركة المشاركة الأصلية كتبت بواسطة حنين الأمس
ما شاء الله تبارك الرحمـن
ربنا يكرمكم ع المجهود الرائع ده







+2


تماااااااااااام
  رد مع اقتباس
قديم 06-10-2011, 11:23 AM   #9
BoNbOoNa
Pb Elite
  • معلومات
  • معلومات الاتصال
  • احصائيات
  • حالتي

رقم العضوية : 2939
تاريخ التسجيل: Sep 2008
الدولة: .. مع الله ..
المشاركات: 3,120
الفرقة : كلينيكال 4


BoNbOoNa غير متواجد حالياً
افتراضي

اقتباس
مشاهدة المشاركة المشاركة الأصلية كتبت بواسطة Oz1945
جزاكم الله خيراً على الشرح الوافي

بالتوفيق للجميع إن شاء الله



اللهم آمين
و بالمثل جزاكم الله و خيرا منه


اقتباس
مشاهدة المشاركة المشاركة الأصلية كتبت بواسطة Nada Radwan
السلام عليكم,,
ماشاء الله ..شكلها سنه حللللوه
بس التيرم التانى شكله لذيذ عن الاولانى..
مش عارفه فى عداء بينى وبين البيو ليه
ربنا معانا..وشكراً ع المجهود الجبار ده ياعبدالرحمن & بونبوونتى

العفو يا نودي ربنا يكرمك يا رب
الترم التاني الذ من الاولاني عشان مفيش بيو ... بس فيه صناعية
شدي حيلك يا بطل انتي ادها و ادود


اقتباس
مشاهدة المشاركة المشاركة الأصلية كتبت بواسطة Dr-Smile
جزاكم الله خيرا
وعلى رأي ندى ... شكلها سنة حلوة


و جزاكم الله مثله و خيرا منه
استعينوا بالله و ان شاء الله هتبقي حلوة
بس هي تبدأ الاول و بعدين نشوف


اقتباس
مشاهدة المشاركة المشاركة الأصلية كتبت بواسطة محمد_على_سلام
مجهود رائع يا شباب وربنا يجعله فى ميزان حسناتكم
بس المفروض تتصرفوا وتعملوا موضوع لنا احنا كمان


آمين يا رب
بسيطة ، خدوها اجازة السنة دي و استنوا لما نخلص احنا و نيجي نعملكم الموضوع


اقتباس
مشاهدة المشاركة المشاركة الأصلية كتبت بواسطة حنين الأمس
ما شاء الله تبارك الرحمـن
ربنا يكرمكم ع المجهود الرائع ده




اللهم آمين
ربنا يكرمك و يبارك لك يا حنين


اقتباس
+1

اقتباس
مشاهدة المشاركة المشاركة الأصلية كتبت بواسطة Moonlight
تماااااااااااام
+2


+3

يا ريت كان ينفع والله ... اتمني ذلك

ربنا يمسيكي بالخير يا ولاء ...

  رد مع اقتباس
قديم 21-10-2011, 02:45 AM   #10
lovely princess
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 3575
تاريخ التسجيل: Mar 2009
الدولة: in my unique world
المشاركات: 815
الفرقة : كلينيكال 4
تواصل مع lovely princess:


lovely princess غير متواجد حالياً
افتراضي

جزاكم الله ألف خير يارب

و جعله في ميزان حسناتكم
  رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 09:39 AM.

Powered by vBulletin
جميع التعليقات تعبّر عن رأي كاتبها ، ولا تعبر عن رأي الموقع او الكلية مطلقا.