على رأى المثل

[dr queen]

(بين حانا ومانا ضاعت لحانا)

عايزة اعرف معناه بليز ..

عشمتنى بالحلق خرمت أنا ودانى ، لا طولت أنا الحلق ولا ........
مش فاكرة الباقى ، اللى عارف يكمله ..

[محمد سمير]

لما انا هانم و انتى هانم .. مين ياختى اللى هيمسح السلالم

ههههههههههههههههههههه

عاجبنى اوى المثل ده مرسى على مرورك نونى

[محمد سمير]

شكرا على مرورك الصيدلى الذهبى &dr queen

[drH.M]

يا واخد القرد علي ماله يروح المال ويفضل القرد علي حاله
موضوع زي العسل تسلم ايدك

[dr queen]

ماحدش عارف باقى المثل ولا ايه ؟؟؟

[:|©؛°¨¨°؛©الصيدلى الذهبى©]

عايزة اعرف معناه بليز ..

عشمتنى بالحلق خرمت أنا ودانى ، لا طولت أنا الحلق ولا ........
مش فاكرة الباقى ، اللى عارف يكمله ..

حاضر تحت امر حضرتك
هو المثل ده ليه قصه اتقال فيها وهى ان راجل كبير كان متجوز اتنين واحده من سنه (اسمها حانا) والتانيه لسه شابه صغيره (اسمها مانا) وكان الراجل ده فى دقنه شعر ابيض وشعر اسود يروح عند مانا تقوله شيل الشعر الابيض ده من ذقنك انت لسه صغير وهو هيكبرك فسمع كلامها ويروح لحانا تقوله ياراجل عيب اللى انت عملته ده دا الشعر الابيض هيبه احلق الشعر الاسود ده فسمع كلامها وبالتالى لحيته (ذقنه) معدش فيها شعر فقال المثل ده
انا قولت المثل وقولت القصه والحدق يفهم


(اتلم تنتون على تنتن واحد نتن والتانى انتن)

[:|©؛°¨¨°؛©الصيدلى الذهبى©]

عايزة اعرف معناه بليز ..

عشمتنى بالحلق خرمت أنا ودانى ، لا طولت أنا الحلق ولا ........
مش فاكرة الباقى ، اللى عارف يكمله ..

ولا ودانى رجعتلى تانى

[dr queen]

شكرا جزيلا د/على .. على تكملة المثل ( بصراحه بابا كان قاله ليا من زماااااااااااااان وكنت نسيته )

وشكرا على الشرح ، فهمته طبعا ..

[محمد سمير]

يا واخد القرد علي ماله يروح المال ويفضل القرد علي حاله
موضوع زي العسل تسلم ايدك

مشاركتك هيا الاحلى يادك

[محمد سمير]

(اتلم تنتون على تنتن واحد نتن والتانى انتن)
ده مثل بجد ولا ايه؟