ايه رايكم فى امتحان العضويه ؟؟!!!!!

[داليدا]

هههههههههههههههههههههههههههههههههههههه
( مفيش تعليق على الامتحان غير كده:d

[Khaled Ali]

حسبي الله و نعم الوكيل ...
صعب طبعا انجح في المادة بعد الامتحان ده .. انا اصلا كل اللي جايبه الترم الاول 98 ... و النهارده طبعا كنت هسيب الامتحان و اتكل على الله .. لأن مستحيل اقدر احل الكم ده كله م الاسئلة ... طبعا الموضوع خلاص منتهي مش باين لها نجاح ..رغم اني كنت مذاكر يمكن احسن م الترم الاول كمان ... الامتحان بقى حاجة غريبة بجد و الله .. حاجة صعبة بجد يعني 6 ورقااااات ..حاجة ايه ... و لا ملحق مجلة المصور ...

.
احداث اليوم ( الغير سار بالمرة )....

دخلت اللجنة .... اتوزع عليا كراسة اسئلة .... و ورقة اجابات ....

بصيت .....

امعنت النظر .... و بعدين ....

غضيت بصري و قلت ابدا ابدا ....

اقصد قلت يعني 4 او 3 او 2 او 555 حتى المهم الاسئلة صعبة و لا سهلة ...

بببص لقيت اول ستركشر فيه 12 ذرة كربون ... قلت الحمد لله .. (بداية مشرقة بالتفاؤل)

و طبعا الباقي زي الفل و الوقت ف الضياع .. يللا ربنا يستر بقى


اخرج بقى م الامتحان اقابل اصحابي ... نماذج م الردود ....

- انا شايلها خلاص ....

- ايه يا عم الللي بيحصل ده .. .

- ال12 كربون اسمه i decane

- ل 12 كربون اسمه Twelvane

- ال 12 كربون اسمه Di hexane plus decane polyalkane

- حد حل الصح و غلط ؟؟؟؟

- مش المركب اللي فيه حلقتين بنزين و بوند او ده هيبقى الميثان

كفاية طبعا ... في حاجات تانية متنفعش تتقال ... حاجات محبطة كلها.... ربنا يسهل و نعدي بس مش اكتر ف المادة دي و ان شاء الله ربنا مش هيضيع تعبنا

[5ald m7md]

عيال خايبة صحيح الإمتحان سهل
و أنا ولله الحمد حليت الصح والغلط كله وكما قفلت علل و ماذا تقول في هذه المواقف
يعني فل الفل

[MAI HABIB]

12 كربونة ؟؟؟؟؟

والله انا عدتهم 10 وحليتهم فالامتحان على اساس انهم 10
لما قلتو دلوقتي 12 قمت ابص تاني

اكتشفت اني مش بعرف اعد

[Dr.Sheko0o0o]

- ل 12 كربون اسمه Twelvane

ده أنا ههههههههههههههههههههههههه

[Khaled Ali]

أترى حين أفقأ عينيك .....

ثم اثبت مكانهما حلقتي بنزين ....

هل ترى ؟؟!....

هي أشياء لا تشترى ....

تذاكر الCarboxylic و ال Amine

و تذهب معك القلم و المسطرة ...

لتجد ان ليلتلك زي الفل ...

و يعجز لسانك .. عن وصف حالك ...

و تتوقف الامعاء و الحنجرة ...


" مع الاعتذار للشاعر الكبير أمل دنقل صاحب قصيدة لا تصالح "

[violet]

مش هقول غير حسبى الله ونعم الوكيل
كده حرااااااااااااااااااااااااااااااااام
والله انا كنت حاسه انى بسابق الوقت مش عارفه ايه الوقت الخرافى اللى على كل سؤال ده
ده فى سؤال كان الوقت بتاعه 3.5 دقيقه ايه ايه كل الوقت ده
بجد السؤال كان كفايه عليه يادوب نص منيت
مش عارفه بقى الغلط منى ولا ايه بالضبط يلا ع العموم اهو امتحان وعدى
بس يارب يكرمونا فى التصحيح
وبمناسبه ال12 ذره كربون دى انا برضو عملتها twelvane من غلبى اعمل ايه
يلا ياجماعه ان شاء الله خير

[~Am@ny~]

يعنى هى جات على 12 ذره كربون
انا كل ما اعدهم يطلعوا 12 اقول طيب اعد تانى
يا عم خلاص هما 12 قومت استهبلت وعملتهم عشره
يمكن ياااخدوا بحسن النيه ..............
اوووووووووووف ......تخريف ما بعده تخريف
استغفر الله العظيم .........وحسبنا الله ونعم الوكيل
ربنااااااااااا ع الظاااااااااااااااااااااالم

[Anas]

بببص لقيت اول ستركشر فيه 12 ذرة كربون ...

وبمناسبه ال12 ذره كربون دى انا برضو عملتها twelvane من غلبى اعمل ايه

أهى دى الحسنة الوحيدة - أصل كان فى سيئات كتيييييييير - اللى عملتها فى البتاع بتاع النهاردة

على فكرة ............ اسمه dodecane و محدش يشتمنى فى سره

*************

" و الذين اذا أصابتهم مصيبة قالوا انا لله و انا اليه راجعون "

[DR\TARE2]

صعبان عاليا يا عضوية من الى عملتية فيا
لا تلومى عليا يا عضوية انتى الى جانيتى عليا
اة بعترف ان حبيتك وكان نفسى تكونى سهلة عليا
ظلمت روحى وزاكرتك وكنتى احلى مادة
صعبان عليا ياعضوية من الى عملتية فيا

جئت لا اعلم من اين عشان امتحن امتحان مكنش لا عالبال ولا عالخاطر از فوجئت بهاجز يئولى ان اول الامتحان 12 كربون اونا مش بعرف اعد الا لحد 10
اسكت لا قفلت ورقة الاجابة وفتحت كراسة الاسئلة وقلت مش هسيبك يا سبعاوى الا متقولى انت مين يا سبعاوى
سبعاوى مرضاش يقولى هوا مين قولتلوا كدة يا سبعاوى طب مش هحلك يا سبعاوى قفلت كراسة الاسئلة وفتحت ورقة الاجابة ودخلت على التقيل لا ئيت الدنيا بتضلم والارسال قطع وعلى موصلت للصفحة التانية كنت بنهج من كتر التفكير
اسكت لا شغلت السريع وسفت الى مش عارفة لائتنى حالل فى كل صفحة 3 اسئلة
صعبان عاليا يا عضوية من الى عملتية فيا