حاجات كتير بتحصل للانسان مكنش يتوقعها ابدا....انك تكون علي شفا الموت ومحدش يعرف ولا يسأل.... انك تخون حد ضحي ليك.... انك تتخان من اقرب الناس ليك.... انك تكره نفسك لكونك طيب
انك يكون همك في الحياة انك تعيش وبس مش انك تعيش حلمك
انك تكون حاسس ان كلامك هاتتحاسب عليه هاتتحاسب من ربنا ودا شيئ جميل لانه عالم بنيتك وهاتتحاسب عليه من البشر اللي بتحركهم الاهواء والمشاعر وكل واحد بيفسر كلامك بالطريقة اللي تخدم قضيته....يهمه انه يكون برئ وتكون مدان... احساس انك تكره الحياة لانك ودعت اهلك وناسك ومش راجعلهم تاني
فكرة انك تظلم او تُظلَم وتعيش حياتك عادي
كم الزنوب اللي كنت بتبرر لنفسك انها عادي ما دام انت في اطار معين بصورة في دماغك وفجاه تلاقي نفسك برا الاطار ده بايدك او بايد غيرك وتحاول كتير انك تكون في الاطار ولكن الصورة رافضة انك تكون جزئ منها
تخرج برا الصورة وتبدأ تفتكر مكانك فيها وتعرف ان المكان دا مش ليك
ممكن يكون لواحد يشيل الاطار اللي كنت انت حاطه ويحط اطار دهب وممكن يكون لواحد ميعجبوش اصلا الصورة ويحرقها... الاحساس اللي ماليك ان في حاجه غلط
انك اتظلمت اوي
من اهلك
من نفسك
من اصحابك
من حبايبك
حاجات كتير بتوجع اوي ومتحسش بوجعها غير متاخر كانك متبنج....انك تبيع اعضائك وتشتري مكانها بيت شيئ غريب.
الحياة دواير كتيييييييير اوي وانت في المركز كل لما توصل لخط الدايرة وتخرج تلاقي نفسك محبوس في دايرة اكبر وكل ما تكسر حاجز تلاقي قدامه 10 حواجز
فكرة انك تتمني الموت عشان تريح اللي بيحبوك بقت امر عادي لان حياتك بالنسبة ليهم متعبه...كل واحد في حياتك عاوزك تعمل اللي هو شايفه صح بغض النظر انت عاوز ايه وعشان ترضي ابوك بامر نفس الامر يغضب امك وعشان تسمع كلام عمك مضطر تقاطع خالتك
كل واحد في الدنيا فاكر انه عايش يامر ليطاع وانك تحاول توفق بين كووووول دول تطلع في الاخر غلطان في نظر الجميع ومحدش بيدور الا علي نفسه واقرب الناس ليك لو مصلحتك اتعارضت مع مصالحه هايكون اول واحد يدوس عليك لو حتي اخوك.... ويقولك في الاخر انت الغلطان.... انت اللي نزلت تحت جزمتي من غير ما اخد بالي...او يبرر تبرير سخيف ويقولك دا انا دست عليك عشان احميك ...عادي جدا وتقوله ماشي وتعمل عادي وكانه عادي.... 25 سنه بحاول اقابل شخص أأتمنه علي حياتي ولكن للاسف....تأبي الحياة الا ان تثبت ان بين بني أدم.....لا يوجد بني آدم واحد يؤتمن... حتي في اهلك
ان صان سرك خان مالك وان صان مالك خان فكرك وان صان فكرك خان أمنك وان صان امنك خان سعادتك
لا يوجد انسان بين بني انسان ولربما كان الحيوانات اوفي و أأمن علي الاقل سيعاملك الحيوان بما عاملته ولن يكلب منك اكثر