تبدأ حياتك بشقة استوديو؟ ادخل و شارك

[eareed]

انا ماعنديش مانع انى ابتدى حياتى فى شقة استديو بس اظن ان اهلى هيرفضوا وانا عذراهم وعلى ما اظن السبب هو انعدام ثقة اهل العروسة فى الشاب اللى عاوز يتجوز بنتهم خاصة لو هو مش قاريبهم بدليل انا اعرف ناس اتجوزو وسافروا مع بعض من غير ما يجيبوا شقة وبعد لما كونوا نفسهم اشتروا شقة بالمناسبة انا من قرية جمب شربين وحكاية التلت غسالات عندنا انا رفضاها طبعا بس الحكاية محتاجة اننا نغير العادات والتقاليد ودى محتاجة شويةوقت وعزيمة بالمناسبة بدا يظهر عندنا اتجاة جديد هو توفير تكاليف حفلة الفرح والعروسين يطلعوا بالفلوس عمرة وانا بايد الحكاية دى

[ameer]

انا شخصيا معنديش مانع ان اعيش فيها علي طول لكن معتقدش ان موضوع زي دة ممكن يتحقق لان المشكلة مش مسالة شقة كبيرة او شقة صغيرة المشكلة بقت في سياسة الاستهلاك نفسها ان كل واحد دلوقتي بيربط بين الشقة والعربية ورصيد البنك علي اساس ان هو دة اللي هيضمن مستقبل بنتة ومش حاطط في اعتبارة ان ممكن قصر يختفي في لحظات وممكن غرفة علي السطوح تستمر طول العمر

هل هتوافق اسر مصرية علي الحل دة ؟؟؟؟ لأااااااااااااا (الا عدد بسيط طبعا)
لانهم علشان يتقبلوا موضوع الشقة دي لازم تغير فكرهم وتعليمهم وتغير نظرة الناس ليهم بمعني ان لو اسرة عندها استعداد للموضوع دة هيكون عليها انها تتحمل كلام الناس عليهم واللي يقول بيرمي بنتة والكلام الكتير اللي مش موجود الا عندنا بس