مناقشات عامة حول كورس الـ Alkaloids للفرقة الثالثة 2009\2010

[dr_pharma]

يا جماعة مش كل حاجة حفظ. المطلوب انك تتعلم تنظر للمركب (تتأمل مع التفكير) لتخرج منه بمجموعة معلومات هامة تعينك على فهم ما يتصل به و التى منها:

1.المجموعات الكيميائية الوظيفية التى تؤثر على تفاعلاتها الكيميائية و خواصهاو درجة القطبية و ذوبانها عموما .
2. المجموعات الكيميائية التى تؤثر فى صفاتها الدوائية او الفسيولوجية على الجسم.
3. اقتفاء اثر المركب السلف (الحمض الأمينى او الأيضات الغير أمينية) الذى نشأ منه و ماهو متحد معه من اجزاء اخرى.
4. درجة قاعدية النيتروجين و عدد ذراته و ذرات الأوكسيجين.

لو ذاكرنا بهذه الطريقة (تفصيص المركب على البنود السابقة) فأنت غير محتاج للحفظ لأننى لن اطلب منك رسم مركب معقد فى الإمتحان لكن فى نفس الوقت لا يفوتك ان تعرف و تتذكر كل ما يتصل به من فاعلية فارماكولوجية و كيميائية أو تصرف فزيائى.
فى المحاضرات القادمة و فى ثنايا التكست ستجدون التفاصيل و ستتعلموا ان شاء الله هذه الخبرة و شاركوا باستمرار معنا فى موضوع "كويزات الألكالويد"

مع تحياتى

شكرا جدا لحضرتك يدكتور على الرد وجزاك الله كل خير
اصل يادكتور والله المشكله الساسيه عندى هى الحفظ ولما سالت امبارح زميله ليا التلى انهم حفظ وزعلت اوى وكان نفسى فعلا تكون طريقة مزكرتهم زى ماحضرتك وضحت الحمد لله والحمد لله ان الموضوع فى الاول والاخر ليس حفظ لان موضوع الحفظ ده والله فى الاساس موضوع فاشل وشكرا لحضرتك مره تانيه واسفه على الاطاله

[dr.nour]

السلام عليكم
لو سمحت يا دكتور بعد اذن حضرتك احنا عاوزين المحاضرات تنزل فى نفس ليوم على النت عشان نلحق نزاكرها واحنا فاكرين
وشكرا لحضرتك على المجهود الكبير

[Dr/HULK]

شكرا جدا لحضرتك يدكتور على الرد وجزاك الله كل خير


اصل يادكتور والله المشكله الساسيه عندى هى الحفظ ولما سالت امبارح زميله ليا التلى انهم حفظ وزعلت اوى وكان نفسى فعلا تكون طريقة مزكرتهم زى ماحضرتك وضحت الحمد لله والحمد لله ان الموضوع فى الاول والاخر ليس حفظ لان موضوع الحفظ ده والله فى الاساس موضوع فاشل وشكرا لحضرتك مره تانيه واسفه على الاطاله

سبحان الله احنا البلد الوحيدة اللى بتعتبر الحفظ عيب

ليه كل ماواحد ييجى يتكلم عن الحفظ يقلل من قيمته

الطالب اللى عنده قدرة على الحفظ ده عملة نادرة

بس بشرط يكون حفظ عن فهم

يعنى المعلومة اللى هو حافظها يكون عارف الهدف منها

وعشان كده النوع ده لما بتاخد منه المعلومة بتاخدها على طبق من دهب

اولا بتكون معلومة كاملة وتانى حاجة بيديك شرحها


اما بقى بالنسبة للاكالويد

فدكتور عطاالله ماشاء الله ثقتوا فينا ملهاش حدود

الكمية اللى الدكتور بيطلب مننا انها تتذاكر
احنا اساسا مش بنعرف نذاكر كمية مشابهة لها لما تكون مشروحة

فايه الوضع لما تبقى ماتشرحتش

على العموم ربنا يستر والله نظام دكتور عطاالله كان هيبقى جميل جدا

بس لو كانت الدراسة بنظام السنة الكاملة مش التيرمات

لان فعلا نظام التيرم مش بيدينا الوقت الكافى للمذاكرة اكتر من مرة

[dr_pharma]

[quote=Dr/HULK;205323]

سبحان الله احنا البلد الوحيدة اللى بتعتبر الحفظ عيب

ليه كل ماواحد ييجى يتكلم عن الحفظ يقلل من قيمته

الطالب اللى عنده قدرة على الحفظ ده عملة نادرة

بس بشرط يكون حفظ عن فهم

يعنى المعلومة اللى هو حافظها يكون عارف الهدف منها

وعشان كده النوع ده لما بتاخد منه المعلومة بتاخدها على طبق من دهب

اولا بتكون معلومة كاملة وتانى حاجة بيديك شرحها

[HTML][/HTML]طبعا كلام حضرتك صح جدا جدا وفعلا القدره على الحفظ دى نعمه كبيره اوى بس انا كان اصدى على الحفظ بدون فهم املا الحفظ بفهم اظن ده قمه التفوق

[dr.nour]

فى ناس كتير فعلا بتفهم كويس بس ده مالوش لازمه طبعا لو مش بيعرفوا يحفظوا لازم الاتنين مع بعض عشان نعرف نمشى فى الدراسه وفى اى حاجه تانيه كمان لكن فعلا فى بعض الحاجات مش بتتفهم بنحتاج نحفظها كده وبسas it is عشان كده لازم نقدر نحفظ مع الفهم
بس انا كان عندى طلب لو سمحتم بس يا جماعه
اى حد يقدر يقول على اى طريقه ممكن نقوى بيها الذاكره لان دى مشكله كبيره عند ناس كتير قوى
ارجوا منكم الاعتناء والمحاوله لايجاد حل معايا

[@Noh]

السلام عليكم لو سمحت يادكتور بالنسبة لبحث التاميفلو ممكن حضرتك تدينا فرصة ليوم الاحد هو جاهز معايا بس خايفة ماالاقيش حضرتك بكرة ويوم السبت ريست وجزاك الله خير الجزاء.

[Dr. Atallah F. Ahmed]

السلام عليكم لو سمحت يادكتور بالنسبة لبحث التاميفلو ممكن حضرتك تدينا فرصة ليوم الاحد هو جاهز معايا بس خايفة ماالاقيش حضرتك بكرة ويوم السبت ريست وجزاك الله خير الجزاء.

و عليكم السلام.................. لا بأس

[احلام عادية]

د/ عطا الله .. حضرتك قلت و كررت كتير انو ال structures مش حفظ و انو المهم اننا نعرف ال functional groups و تأثيرها على خواص كل الكالويد و فعلا علمتنا ازاى نذاكر كده لكن اللى مش فاهماه ازاى السؤال ممكن ييجى خاصة و انو ممكن الكالويدس كتير تكون متشابهة فى الجروب وده ممكن يعمل تداخل كبير جدا اثناء المذاكرة

[احلام عادية]

بالظبط كدة اخى و انا م البداية رافضة اللى بيهاجموا مبدأ الحفظ بس طبعا اللى من غير فهم
و مش عارفة اساسا ازاى الطلبة ممكن يتقدموا و يجيبوا تقديرات و هم مش حافظين المنهج طبعا بردو مع فهمه

لكن بعترض فى نقطة انو الدكتور عطا الله مش بيشرح بالعكس محاضرته مناسبة جدا سواء على مستوى اعطاء المادة العلمية و كمان من الناحية الحياتية و ده بالقيم او المناقشات اللى بيحرص حضرته على طرحها كل محاضرة