الورقة الإمتحانية ما رأيك؟

[*محبة رسول الله*]

سلام عليكم دكتور عطاالله متشكرين جدا على اهتمام حضرتك الحمد لله الورقه اسلوبها كويس وواضح بس المشكله يا دكتور اننا بنحس اننا بنجيب درجات قليله فى العقاقير عن اللى احنا متوقعينه . هل ده نتيجه لعدم تركيزنا ولا الرسم مثلا مش بنكون مدينله حقه ؟!!! وجزاكم الله -تعالى- خيرا

[SmSm]

أولا بشكر حضرتك على مجهوداتك الرائعة معنا ..و حرصك الدائم على التواصل مع الطلاب و محاولة تخفيف بعض المشاكل التي قد تعوقهم في سواء في الدراسة أو- في الحياة العامة..... وأشكر حضرتك جزيل الشكر على حرصك الرائع في اتباع اسلوب التجديد (بالأخص)سواء في الشرح داخل المدرجات أو في اسلوب الامتحانات..


بالنسبة للامتحان ..
أنا برأيي ان الورقة الامتحانية من حيث مواصفاتها العامة جيدة جدا و تستوفي جميع المعلومات اللازمة لفهم المطلوب ..وبالنسبة لاخراجها اعتقد ان لها مواصفات ثابتة ..

أما عن توقعي للامتحان..كنت اتوقع ان أجد أسئلة تقيس مستوى الفهم أكثر.. وكنت أخشى ان تصل لمستوى التعقيد..لأننا لم نعتد مثل هذا النوع من الأسئلة من قبل..

لكن الامتحان كان يحتوي على أسئلة تقيس الفهم والحفظ معا دون تعقيد .. و أعتقد ان أي طالب ذاكر بتركيز على الفروقات بين أجزاء المنهج( بناء على نصائح حضرتك لنا طوال فترة الامتحانات) استطاع أن يجيب على الأسئلة بالشكل الوافي و المطلوب..
وربنا يوفي كل مجتهد نصيبه
مرة تانية بشكر حضرتك على الأسلوب الهادف..

[sa3dany20002002]

هحاول لما يسمح الوقت أصور ورقة الامتحان لمادة الفارماكولوجي و نشوف آراء الفرقة الثالثة فيها ..

كمثال لورقة امتحانية ..


شكرا جزيلا ..

ومتنسيش امتحان الترم الاول
ونشوف بقى الامتحان كان بيقيم ايه بالصلاه على النبى

انا لله وانا ايه راجعون
وحسبنا الله ونعم الوكيل

نقطه ومن اول السطر

[سوزران]

انا شايفة ان اسلوب الورقة الامتحانية بيختلف من مادة لمادة يعنى بصراحة امتحان زى امتحان الطبية امتحان ممتاز من وجهة نظرى لأنه مش بيركز على جزء واحد فى المنهج والباقى كأنه لا اتزاكر ولا ضاع فيه وقت دا بصراحة الامتحان الوحيد اللى اقدر اقول انه كويس
الفارما (حفظ تام يعنى اللى مش حافظ انتهى)وخصوصا جزءCNSيعنى بصراحة الناس اللى بتزاكر بنظام كل جملة يربطوها بكلمة (نظام جمع درجات)أحسن مليون مرة من اللى ذاكر وفهم وادى المادة حقها

الفيتو الى حد ما كويس وفيه تنويع وبيغطى معظم اجزاء المنهج

انما امتحان البيو النهاردة انا مش شايفة اى عدل فى توزيع الأسئلة يعنى الأسئلة متركزة فى حاجة معينة والباقى مواضيع واجزاء كاملة لم يتعرض لها الامتحان

[pharmacistina]

الفيتو الى حد ما كويس وفيه تنويع وبيغطى معظم اجزاء المنهج

جزء د- هاني خصوصا ..
كان جزء يدعو الى التفكير ..
اللي فاهم يحل ..

مش عارفة ليه أسئلة الفهم بقت نادرة ..
مع ان الفهم أبقى من الحفظ ألف مرة ..

و أتفق معاكي يا سوزان ان المفروض الدكتور لو هيقيمني يسألني في كل حاجة علشان التقييم يكون عادل ..
زي الشفوي مثلا المفروض الدكتور يسأل في كل أجزاء المنهج سؤال هنا و سؤال هنا ..

د- سعدية في المحاضرة قالتلنا ( هجيبلكم سؤال في كل محاضرة اتشرحت ) و أعتقد دة النظام الصحيح ..
عشان حتى الطالب يحس الفرق بين محاضرة اتحضرت و أخرى لأ وبين محاضرة ذاكرها و أخرى لأ ..

كان غريب في امتحان الـ Biochemistry ..
الـ Diabetes mellitus جه فيه واحدة تقريبا في الاختياري بدرجتين ..

مع ان البيو في رأيي اللي خرجت بيه منها ..


مرض السكر و أسبابه و ليه ريحة الأسيتون بتكون في نفس المريض بتاع Type I لو ما أخدش الانسولين ..

الريجيم القاسي بمنع الكربوهيدرات تماما و أضراره ..

الـ urea cycle و تخلص الجسم من الأمونيا ..

نقص الوزن وكيفية حدوث الـ lipolysis ..

زيادة تناول الكربوهيدرات و علاقة هذا الـ glycogenesis و الـ lipogenesis ..

و حاجات كدة كلها clinical ..

لكن ان نسأل الطلبة دورة كذا بتطلع كام جزيء ATP ؟؟؟

أو ان الطالب يمسك الـ cycle يحفظها كويس ..
ايه فايدة حفظ الـ cycle أساسا ؟؟
الفايدة هي فهم كيمياء جسم الانسان ..

مش كام جزيء ATP و كام جزيء Acetyl- COA ..

أسئلة تطبيقية .. و محاضرات تطبيقية .. هو دة اللي بيفضل و الله ..

مفيش دولة في العالم غيرنا بتحفظ الأرقام و الـ structures الكتير ..
ومشكلة كبيرة لما نكون حفظ كتير فهم قليل .. لحد امتى ؟؟

آسفة على الاطالة

[BoNbOoNa]

أسئلة تطبيقية .. و محاضرات تطبيقية .. هو دة اللي بيفضل و الله ..

مفيش دولة في العالم غيرنا بتحفظ الأرقام و الـ structures الكتير ..
ومشكلة كبيرة لما نكون حفظ كتير فهم قليل .. لحد امتى ؟؟

لا اجد كلام اقوله بعد هذا بصراحة....... اهم حاجة التطبيق ... لان فعلا هو ده اللي بيفضل بعد كده
بما اني لسه في اول سنة في الكلية لا املك الخبرة الكافية لاحكم علي الامتحانات
ولكن انا احترم جدا الامتحان الذي يعتمد علي التفكير المنطقي مش التعجيزي
و الحفظ الاساسي و ليس الصم
بارك الله فيكم جميعا ...ووفقكم لما يحبه و يرضاه

[Dr. Atallah F. Ahmed]

لاحظوا يا جماعة ان الورقة الإمتحانية الى الان تقريبا لا توجد بها اسئلة خاصة بقياس مهارات التحليل و التركيب. يعنى يعطى الممتحن لك مشكلة ما حتى تخرج منها بمجموعة أدوات لحل مسألة أخرى او تطبيقات ما. اقرب مثال على ذلك هى مشاكل دراسة حالة لحل مسألة او سؤال. فى هذه الحالة الممتحن يريد منك معرفة القدرة على تحليل الأسباب و محاور العلاج ثم الإستفادة من ذلك فى حل المسألة الأخرى. هذا الأمر مستحيل فى اطار ندرة طريقة التدريس المبنى على حل المشاكل او بسبب عدم التدريس بطريقة التعلم الذاتى. الدرجة تختلف هنا و تعطى فى هذه الحالة بمقدار بيان المهارة على الإستدلال و ميكانزم الحل المنطقى.

[dr/noony]

السلام عليكم ورحمة الله وبركاته
جزاكم الله كل الخيييييييييير د/عطا الله على حرصكم
الدائم على التركيز على مشكلاتنا ومحاولة التصدى لها

انا شايفة ان اسلوب الورقة الامتحانية بيختلف من مادة لمادة يعنى بصراحة امتحان زى امتحان الطبية امتحان ممتاز من وجهة نظرى لأنه مش بيركز على جزء واحد فى المنهج والباقى كأنه لا اتزاكر ولا ضاع فيه وقت دا بصراحة الامتحان الوحيد اللى اقدر اقول انه كويس

فعلا من احسن الامتحانات امتحان شامل قاس قدرتنا على الحفظ والفهم فى كل الاجزاء
اما امتحان الفارما طبعا طريقته فاشلة جدااااااااااااااااااااااااااااااااااااااااااااا
لان انا طول السنة فى المحاضرات بندرس فى امراض معينة وتداعيتها
اللى اخدت وقت كبير جدااااا وازاى اعالجها .................
طيب لما يجى الامتحان على الادوية بس وطريقة شغلها وبس
ومفيش اى سؤال على اسباب المرض مثلا او تداعيات المرض
طبعا بالتاكيد بما انى عارفة ان الامتحان هيجى بالطريقة دى
يبقى هاتعب نفسى ليه ما احفظ كام دوا على كام استخدام على كام
عرض جانبى وقضى الامر وهانجح وكمان بامتياز وده اللى عاملته الترم الاول
لان كان قبل الامتحان 4ايام بس وبحاول انقاذ مايمكن انقاذه
لكن الترم التانى قلت انا عاوزة افهم لنفسى ومش مهم عندى
الوقت او الامتحان انا اعاوزة اخد معلومة تنفعنى مستقبلا
مش مجرد ماخرج من الامتحان تتمسح
طيب ممكن نحل ده ازاى يجيبلى حالة ويسألنى فيها بالتفصيل واقتراح العلاج
ما هو ده اللى هتعرض له فى حياتى العملية ها تقولولى ما ده اللى
بيحصل فى العملى العملى مش كفاية لان انا بدرس فى العملى
اقصى حاجة 4 حالات او 4 امراض بس مش كفاية ابداااااااااااااااا
احنا بنقول انها مادة تخصص يعنى المفروض انى لما ادرسها
تأهلنى للوقوف فى الصيدلية لان الصيدلية مش بس ادوية يبقى انا فرقت ايه
عن العمال اللى واقفين ماهما كمان حافظين الادوية باعراضها الجانبية واستخدامتها
يمكن احسن منى ومنك لكن اللى هيفرقنى عنهم انى لما يجى مريض فى الصيدلية
انا بشتكى من كذا وكذا انا هنا اللى اقدر اتصرف واحس انى اللى درسته مكنش مجرد تضيع
وقت عشان يبقى معايا ترخيص افتح سوبر ماركت ويتقالى يا دكتور
*كمان بالنسبة لورقة امتحان الفارما كانت متكدسة بشكل فظيع الفونت كان صغير جداااا
وده ممكن يخلينى مشوفش اسئلة فى النصف او اقرأ كلمة من السؤال اللى فوق او اللى تحت
والله انا بخرج من الامتحان مش شايفة قدامى مش عارفة المشكلة عندى ولا ايه
شكلى محتاجة نظارة مكبرة .....................................
*حاجة اخيرة فى كل المواد بصفة عامة المادة طبعا بتبقى متقسمة بين 3 او 4 دكاترة
وحسب التوزيع بتبقى الدرجات على كل جزء ممكن تلاقى دكتور(فى معظم الاحيان) درجات جزءه مش كتير
وجايب اسئلة كتير ومش واخد باله ان فى اجزاء تانية لسة وعاليها درجات اعلى
ووقت الامتحان طبعا ساعتين وياعينى الطالب هو الضحية بين الساعتين وبين الورقة اللى
مبتخلصش
شكراااااااااااااااااااااااا مرة تانية د/ عطالله واسفة جداااااااااا على الاطالة

[د\بوسى ربيع]

اولا احب اشكر حضرتك يا دكتور على مدى تفاعلك معانا ثانيا اسمحلى انى اضيف رايىى فى الموضوع احنا اللى بيحصلنا فى بعض الامتحانات بيكون ملهوش اى علاقه خالص باللى بندرسه يعنى لما اعد اتعب طول الترم واذاكر واجتهد واحضر محاضرات ويجى الامتحان فى الاخر لا يقيم ده ابدا ماشى انا بذاكر علشان استفاد بالعلم دى فى حياتى بس من حقى على الاقل انى احس ان تعبى ليه قيمه ثالثا المفروض ان الامتحان ده يكون تقيم للطالب يعنى يقيس مستوى فهمه وحفظه مع بعض والمفروض كمان يكون شامل على كل اجزاء المنهج وتكون الاسئله متنوعه ومختلفه بحيث تقيس قدراتنا المختلفه حضرتك لو تفضلت وشفت امتحان الفارما او الاساى بتاع امبارح مثلا هتحس بالمراره اللى احنا حسين بيها اصل ايه الغرض من الامتحان غير تقيمنا خلاص بيقى التقيم ده بصوره موضوعيه تقيس استعيبنا اتمنى مكنش طولت على حضرتك

[sa3dany20002002]

السلام عليكم
===========
هل هييجى يوم
ادخل المنتدى الاقى
10 او 15 عضو هيئه تدريس متصلين


مهو مش معقول اتكلم ومحدش بيسمعنى

على سبيل المثال
واحب أأكد تانى تانى ان الكلام على سبيل المثال

لو عاوز اقول رايي فى امتحان الفارماكولوجى !!!!!!!!

مفيش ولا دكتور من بتوع الفارما بيدخل المنتدى
يبقى انا بكتب كلامى لميييييييييييييييييييييين