الورقة الإمتحانية ما رأيك؟

[Dr. Atallah F. Ahmed]

من خلال متابعة مشاركتم على هذا المنتدى لاحظت اختلاف رؤى الطلاب فى الفرقة الواحدة حول الأوراق الإمتحانية لكل مادة. فمنهم من يمتدحها و يمدح طريقتها و منهم من يعبر عن مدى حزنه و عدم رضاه لأنها لم تلبى ما أراده منها من قياس مدى الكم و الكيف الذى استوعبه من هذه المادة. و لكن الى الان لم أرى اى تحليل واف لأسئلة امتحانات المواد المختلفة بحرفية او بمهنية مثل:
-نسبة اسئلة التذكر الى نسبة اسئلة قياس المهارات الذهنية الى نسبة مهارات الفك و التركيب و التحليل.
- اخراج الورقة الإمتحانية.
- التعليمات الهامة المكتوبة على الورقة لتوضيح طريقة الإجابة و التنبيهات.
- حجم البنط المستخدم و نوعة
- تنوع انماط الأسئلة.
- هلى هناك اسئلة تترك لقياس ابداعات الطلاب و قياس تفكيره قليلا فى تطبيقات مستجدة
- كم حجم الأسئلة التطبيقية التى تترجم فهم جزيئات المادة.
- ما الذى كنتم تتوقعونه و تتمنوه فيها و لم تجدوه.
- الخ
طبعا كل تلك الاراء بدون تجريح او اشتطاط.
اود ان نفتح سويا هذا الملف (الورقة الإمتحانية انماط عادية ام احترافية ) حتى يمكن دراسة ارائكم و الإستفادة بها فى مسيرة التطوير فتفضلوا.

******بمناسبة نتائج أى امتحان - لمن اجتهد قدر الإستطاعة و لم ينل ما توقعه - ارجو التيقن ان هناك درجات على الورق و درجات اخرى محفوظه لك لأنك تعبت و ستستغرب فى المستقبل كيف يكافئك الله بها بعد التخرج******.

[سامح هادى]

الأستاذ الدكتور الفاضل عطا الله احمد
احب اشكر حضرتك بشدة على استجابتك السريعة والدائمة للموضوعات التى تشغل بال الطالب

اما بالنسبة للورقة الأمتحانية فهو موضوع يطول الحديث فيه
لأنها تخضع لمعايير ومواصفات محددة اى اختلال فيها يختل معه ميزان تقويم الطالب

والمعايير دى ثابتة فى اى مكان فى العالم ومع اختلاف اى امتحان

الطلاب ييختلفوا فى الرأى عن الأمتحان لأن هناك عوامل اخر تأثر على تقييمه لهذا الأمتحان

مثلا مستوى ادائه فى الأمتحان حل كويس ولا لأ بتأثر على الحيادية بتاعته
عشان كده ماينفعش نسمع للطالب بعد ما يطلع من الأمتحان .

ده ميمنعش ان الورقة الأمتحانية فى كليتنا-وحسب ما شفت لحد دلوقت- مازالت تخرج بعض الشىء عن المعايير
المطلوبة لتقييم سليم..

طب ايه بقى المعايير دى!!!

اولا الأمتحان تقييم لمادة علمية تحصل عليها الطالب فى مدة محددة ؛هذه المادة درست فى مدة زمنية مخصصة لكل فرع مثال
مادة لها ثلاثة فروع قرع تم تدريسه فى عشر ساعات واخر فى سبع والأخير فى خمس ....
طبقا لعدد الساعات يكون الفرعى الأعلى فى المدة الزمنية هو الأعلى فى عدد الدرجات وليس العكس
-وهى القاعدة الأقل تطبيقا فيما رأيته حتى الأن فى الأمتحانات التى خضتها-

ثانيا يجب ان يكون الأمتحان تقييما لعدة مهارات اكتسبها الطالب من دراسة المادة العلمية ؛فمينفعش ان الأمتحان يكون مركز فى جزء واحد من الفرع وسايب بقية المنهج وبكده بيفتح مجال الحظ وتساوى الفرص بين طالب ذاكر كل حاجة وطالب نشن على كام جزء مهم.

ده كان بالنسبة للمحتوى التقويمى للأمتحان مش هخوض فى نقطة طبيعة الأسئلة وان كانت اسئلة فهم او حفط
لأنها موضوع لوحده

يجب ان يتم تحييد عامل الوقت فى الأمتحان بحيث لا يكون السبب فى عدم استطاعة الطالب الأجابة عن السؤال
على الرغم من معرفته به
بالنسبة للوقت معظم الأمتحانات لاتعطى الطالب الوقت الكافى ليقوم بالحل وخصوصا المواد التى يضعها اكثر من دكتور -كل دكتور بيحط الأمتحان على ان الطالب مش هيحل غير جزئه بس- وانا هنا مش قاصد صيغة الجمع
ولكن ممكن نقول بعض او معظمالدكاتره-

فى قاعدة فى لائحة الكلية بتقول ان الطالب من حقه انه يطلب وقت اضافى قبل مرور نصف وقت الأمتحان
وعلى الرغم من كده محدش بيرضى انه يطبق القاعدة دى -وعن تجربة-

المشكلة الأكبر التى تواجهنا فى الأمتحان هى صيغة السؤال او لغته اللى بتسبب ان الطالب ممكن يجاوب على سؤال اخر غير اللى موجود -واحيانا لا يتعرف على السؤال اصلا-او يطول فى الأجابة لأنه مش عارف الجزئية مطلوبة للحل فبيكتب كل حاجة ويضيع الوقت .

وده ناتج ان الطالب مقولبش معرفته العلمية فى شكل اسئلة - بيذاكر بس من غير مايحل اى اسئلة-

وده حله ان الدكتور لازم اثناء الكورس يدى اسئلة تطبيقية ومايكتفيش بالشرح بس

بالنسبة للخط حجمه فده بيختلف من دكتور لدكتور ولازم يتحدد من قبل مختصين فى كليةالتربية وعلم النفس

لأن معظم اسئلة أكمل وصح وخطأ بيبقوا مكتوبين بطريقة عير مريحة ممكن تسبب ان الطالب ينسى سؤال
أو يفقد تركيزه...

مثال ده سؤال أكمل

qqqqqqqqqqqqqqqqqqqqqqqq .......(1)..... while qqqqqqqqqq.......(2

ده سرد غير جيد للسؤال لازم الرقم واحد يكون فى سطر ورقم اتنين فى سطر تانى
لأن الطالب ممكن يكتب 1,2 على انهم جملة واحدة وبكده كل تسلسل اللأسئلة اللى بعد كده هيبقى غلط طبعا

ده مجرد مثال بس للتوضيح ولكن المشكلة اكبر م نذلك بكثير

مثال تانى مادة بها ثلاثة فروع وكان سؤال اكمل بها بالشكل التاللى
السؤال ثلاثين جملة
تتوزع كالتالى 2فرع 2فرع تانى 3 فرع تالت وعلى هذا المنوال
مينفعش كده ابدا لأن الطالب مصيره هيفقد تركيزه غصب عنه لأنه بيفكر فى تلات فروع مختلفة فى وقت واحد
عمليا يعنى السؤال بيبهدل الطالب.

لازم الفروع التلاته تنفصل عن بعض طالما انهم مش مرتبطين ببعض

والحديث يطول جدا فى هذا الأمر لكن ظروف الأمتحانات لت تسعفنى فى امتداد الحوار
ارجو ان اكو قد اوضحت لول بمقدار طفيف بعض الأراء المعتدلة عن امتحناتنا
وانهى كلامى بالأقتباس ده.

******بمناسبة نتائج أى امتحان - لمن اجتهد قدر الإستطاعة و لم ينل ما توقعه منها - ارجو التيقن ان هناك درجات على الورق و درجات اخرى محفوظه لك لأنك تعبت و ستستغرب فى المستقبل كيف يكافئك الله بها بعد التخرج******.

[El_Daly]

أولا أحب أشكر حضرتك جدا جدا جدا ع مجهودك معانا السنة دى

وجزاك الله عنا كل خير وجعله فى ميزان حسناتك ان شاء الله

أنا بس عايز أتكلم عن ملاحظة صغيرة بالنسبة لحضرتك بجد من كتر الكلام ان الامتحان هيكون للربط والفهم أنا قلقت وحسيت انى هدخل أقعد أتفرج ع الورقة بس

بس الحمد لله الامتحان عادى متوسط بالعكس مريح وغير متعب لأن الكتابة الكتير بتشتت الذهن و بتأثر عامة ع اجابة بقيت الأسئلة والحمد لله

ثانى ملاحظة دى بقى مش منى دكتورة الشفوى كانت اكسترنا وداخلها فى أول مجموعة سألتنى انتوا بتجاوبوا الامتحان ده ازاى طبعا مفهمتش حاجة بس هيا كانت تقصد فين ولما عرفت ان فى كراسة اجابة استغربت أوى

وده مجرد اقتراح ان الامتحان يبقى الاجابة فى نفس الورق بتاع الأسئلة ويكون باسلوب الام سى كيو وأعتقد ان الموضوع ده مطبق فى جامعات كتير بتمنى أشوفه فى الكلية قبل ما أتخرج لأنها هتلغى حاجة اسمها حفظ

وأعتقد كان د/ صالح الشرقاوى كان قالنا ان الامتحانات هتبقى ع الكومبيوتر بس مسمعناش حاجة تانى عن الموضوع ده

وشكرا يادكتور ع سعة صدرك أنا عارف انى اتكلمت كتير بس أتمنى ان الأمنية دى تتحقق مستقبلا

[fathybehery]

Alsalmo alikom dr Atallah
I want to participate concerning two criteria
the first: Exam time
In ULM the first thing we are informed at the begining of the exam is DO NOT FEEL ANY TIME PRESSURE, THE EXAM TIME IS ONE HOUR BUT WE RESERVED THE HALL FOR TWO HOURS
So we start the answer very calmed and we all finish befor one hour

the second: Exam format
We are subjected to about 4 to 5 exams during the entire term in addition to presentations and take home exams and extra point assignment in addition to grade-winning opportunities during the classes.
As you can see there are diverse methods for evaluation and they all count in a reasonable weight.
Thanx for the good subject
salam

[سامح هادى]

[
يquote=fathybehery;149668]Alsalmo alikom dr Atallah

ياه حلم ولاعلم ده

THE EXAM TIME IS ONE HOUR BUT WE RESERVED THE HALL FOR TWO HOURS
So we start the answer very calmed and we all finish befor one hour

هو ده الكلام المظبوط.

As you can see there are diverse methods for evaluation and they all count in a reasonable weight.
Thanx for the good subject
salam[/quote]

[same7]

انا اتفق مع رأى الدكتور fathybehery فى النقطه التانيه
لكن
النقطه الاولى بتاعت الوقت اعتقد ان الوقت لو بقى ساعه مثلا ده يستدعى انى يكون فى دماغى كل حاجه مجرد انى ااقلب المعلومات فى دماغى واكتب
لكن انا معرض انى انسى لانى ببقى تحت ضغط وكمان بيبقى فى خوف مش من الامتحان لكن من ان ربنا ميوفقنيش واقدر احل بالشكل اللى يرضينى

اما النقطه التانيه انا موافق عليها بجد حلوه وخصوصا انى هذاكر وكمان المعلومه هتثبت غصب عنها طول ما انا ببص عليها باستمرار وانى كمان ممكن اوفق فى امتحان و ما اوفقش فى اخر

وشكرا ليك يا دكتور ولدكتور عطا الله

[fathybehery]

Actually each exam is dedicated for a certain part of the studying material and only the final exam that is comprehensive and this depends on the instructor it may not be comprehensive
i.e
you study for 3 weeks and get tested in this material and then forget about it and so forth.

[pharmacistina]

أولا شكرا لحضرتك على الاهتمام بمثل هذا الأمر الهام ..

ثانيا .. جميعنا يتفق على ان امتحانين في العام الدراسي مش كفاية و مش كفاية و مش كفاية عشان تقييم الطالب ..

بمعنى ان ..
الواقع اللي بيحصل ان احنا كطلبة بنضغط على نفسنا أسبوع قبل الامتحان و الكل بيدخل الامتحان و الأمور بتعدي بهذه الطريقة ..
لأن دة امتحان واحد على ترم طويل عريض ..
أصبح التعليم ورقة امتحان تتحل في ساعتين الطالب مذاكر لها من التلخيص ..

دة ما ينفعش ..

عموما بخصوص مواصفات الامتحان .. ليا مشاركة أخرى ..

هحاول لما يسمح الوقت أصور ورقة الامتحان لمادة الفارماكولوجي و نشوف آراء الفرقة الثالثة فيها ..

كمثال لورقة امتحانية ..


شكرا جزيلا ..

[آيه محمد]

اولا احب اشكر حضرتك علي الموضوع
وثانيا من وجهه نظري منقدرش نحكم علي الامتحان بالطريقه اللي حضرتك ذكرتها
وده لان معظم الطلبه فعلا مش فاهمه حاجه
حافظين كلمتين وبيحطوهم في الورقه
والله اللي بيحصل ان الطالب بيقول انا شفت الكلمه دي في السطر ده
ويقوم كاتب كل حاجه متعلقه بالكلمه
مش مشكله السؤال عايزها ولا لا
حتي لو الدكتور غير في صيغه السؤال الطالب مش بيعرف
وده لسببين
اولا ان الطالب حافظ
وثانيا ان اللغه الاساسيه بتاعتنا مش انجليزيه عشان كده اي كلمه بره المنهج ومش قابلناها بيكون فيه صعوبه في فهمها

وعموما عشان مش اطول
منقدرش نتكلم عن امتحان قبل ما نشيل الحشو الكتير اللي في المناهج او علي الاقل نبسطه بطريقه كويسه
عشان ميبقاش الطالب مكنه او آله مطلوب منها الحفظ وبس

ومثال علي كده ماده العقاقير
انا اتحدي ان 99% من الطلاب ده كحد ادني مش فاكرين اي حاجه فيها

ورقه الامتحان لازم تكون بتقيس الفهم ثم الفهم ثم الفهم
والا فعلا هننسي كل حاجه
واكيد لو فهمنا هنحفظ

آسفه ان الافكار مش مترتبه بس الوقت مش مساعد

[محمد_على_سلام]

شكرا لحضرتك د/عطا الله على تعبك ومجهودك وسعيك الدائم للتطوير والتواصل مع الطلاب
وفعلا الموضوع ده بيسبب ازمة لكتير من الطلاب لدرجة ان فى طلاب بيبقوا عارفين الاجابة
بس بيتلخبطوا وبيكتبوا حاجة تانية ولما يخرجوا من الامتحان بيقولوا ازاى احنا مزاكرنها بس
للاسف بيكونوا غلطوا خلاص
وشكرا جزيلا لحضرتك وربنا يجعله فى ميزان حسناتك