ناس كتير عتبت عليا إنى ماردتش ع الموضوع لغاية دلوقتى
بس ده بجد لموت الوقت بالنسبالى ياشباب مش أكتر
أنا نفسى عندى كلام كتير عايز أبارك بيه لكل الأسر و كل أصدقائنا و حبايبنا اللى شرفونا السنادى بس يارب أقدر آجى و أدردش معاكم يوم الأحد الجاي إن شاء الله بعد إمتحانى
بس سريعآ, واجب عليا أبارك لرسالة و فى الكلية ... كنتم كبار فاستمروا ... وكان الله فى عون مسئولين فى الكلية و رسالة العام الجاي ... وألف مبروك ليكم ... مش على نتيجة التقييم بس ... لا على المجهود و الأنشطة الرائعة خلال هذا العام الدراسى ... بارك الله فيكم
وأحب أبارك لد. رحاب و د. رضا و أصدقائى من أسرة صيدلى المستقبل .... كانت فرصة جميلة جدآ للتعاون مع أسرة بحجم و إسم صيدلى المستقبل فى البرنامج التدريبى بأجازة نصف العام الدراسى, و أكثر ماعجبنى فى التعاون هي فكرة التعاون بين أسرتين فى هذا الحدث الكبير, و من بعد هذا التعاون كانت الفرصة أمام جميع الأسر للتعاون و تنظيم أنشطة جميلة و بطاقة و جهد و إخراج أعلى
وبجد أحب أشكر كل حد شكر فى أسرة النجاح, و قبل ده أحب أعتذر عن أي أخطاء أو قصور خارج عن إرادتنا, و نتمنى لكل من قصرنا معه أن يتقبل كامل إعتذارتنا و إننا بنوعده بالمحاولة بكامل طاقتنا لتفادى الأخطاء و السلبيات فى الماضى, ولولاكم ولولا آرائكم الصريح و نقدكم البناء لما نسب إلينا البعض النجاح فى أول عام دراسى لأسرة النجاح.
نسأل الله التوفيق لجميع الأسر الطلابية و ممثلى النشاط فى صيدلة المنصورة وجامعة المنصورة
وزي زى أى حد ماقدرش أرد فى موضوع زى ده إلا وأوجه شكر لكل من ساهم ودعم النشاط الطلابى و خصوصآ حبيبنا محمد الجوهرى اللى مش هقدر أوفيه حقه فى تعبه و جهده معانا و مع الأسر الطلابية جميعآ ... وفقك الله يامحمد لما تحبه وترضاه كله يارب ... آمين
معلش بقى ورايا مذاكرة كتييييييييييييير
يلا بقى بسرعة ... فى أمان الله ... أشوفكم باعدين