صفحة 1 من 12 12311 ... الأخيرةالأخيرة
النتائج 1 إلى 10 من 114

الموضوع: نكـــــــــــــــــــت*نكــــــــــــــت

  1. #1
    Pharma Student
    تاريخ التسجيل
    Oct 2009
    الدولة
    دميــــــــاط
    المشاركات
    422

    افتراضي نكـــــــــــــــــــت*نكــــــــــــــت

    مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .... في سجارتين

    واحد تاكسجى نايم مراتة دخلت علية بالليل وقفلت الباب بشويش..صحى قال لها افتحية واقفلية تانى !!!!

    واحد دمياطى بيغرق ..... منوفى ماشى على الشط .. الدمياطى انقذنى ... المنوفى قاله هات جنيه ....الدمياطى بببببريززةااااا

    بيقولك ولد صغير كل يوم يعدي على البقال يقوله عندك شيبسي يقوله البقال ايوه يقوله طيب اديني كيس لايز....اليوم اللي بعده يقوله عندك هوهوز يقوله ايوا عندي الولد يقوله طيب اديني اتنين توينكيز....و كل يوم بالشكل ده. البقال اشتكى لأبو الولد الصغير و حكاله فالاب انفعل جدا و قال للبقال: عند ك عصايه؟ قاله: ايوا الاب قاله : اديله بالألم

    مرة ابو العربى ركب مركبه فقامت عليه موجه راح مطلع المطوه قال له بلآش انت يا بحرّّّّّّّّ‌‌‌‌‌

    مرة إتنين حلاقين بيسمعوا ماتش فالمذيع بيقول شاط شوطة بمشط رجلة حلوة فى المقص راح الصبى قال إلحق ياسطى بيلعبوا فى العدة

    أبو العريى قابل واحد صاحبه متغاظ من امريكا فقال له شوف امريكا من غضب ربنا عليها خلاها هناك فى آخر الدنيا لكن مصر يادوب ساعتين بالبيجو

    اتنين مساطيل واحد بيقول للتانى : تصدق ان بوش جاى مصر بكره قاله : و ايه يعنى علىِِ الطلاق الاهلى يغلبه

    مره أبو العربى ماشى فى الشارع قابل أبو محمد بيقول له هوا أبوك بيتآلط علينا ليه قال له ليه ياعم... قال له من ساعة مامات محدش عاد بيشوفه

    ابو العربى قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى رد عليه واحد من اللى قاعدين قاله صح يابو العربى انا قابلت نفس الاسد ضربته بالقلم ايدى اتبلت

    سواق ميكروباص راح يحلق شعره......الحلاق بيساله عايز تحلق شعرك ايه؟؟؟؟؟ قاله!!اى حته على جنب

    واحد فلاح أشترى تلفزيون جديد أول ما شغله طلعله عالم الحيوان قال لأبنه روح يا ولا شيل الأريال من الزريبة

    سبع بلدياتنا عملوا عصابه.... سموها الشجعان الثلاثه

    السعودية إ تبرعت للصومال بشحنة أدويه ، فرجعتلها تانى ليه؟؟؟؟؟؟؟؟؟؟ ؟ لانها كلها بعد الاكل

    في واحد دلوووع اوي اتجوز وحده دلوعه اوي خلفو ولد سموه ياااااااااااااااااااااااااي



    مرة واحد محشش اتصل على بيت قال محمد موجود قالوا الرقم غلط قالهم... طيب بتردوا ليه

    في واحد مسطول سالوه ايه رايك في الزواج المبكر ؟ قال لهم .... يعنى حوالي الساعة كام ؟؟

    اتنين مساطيل راكبين سيارة صدمواواحد..فالسائق بيقول للى جنبة:انزل شوفو..مات ولا لسة..؟؟ نزل المسطول التانى وقال:تعال يمين شوية..ايووه..شمال شوية..بس..اطلع قدام...اوكى..كده مات

    واحد مسطووووووول أتصل على الإذاعة : أحب ان أهدي الأغنية الجاية للخطيبة الغالية بمناسبة المولود الجديد


    سوداني اتجوز سودانيه خلفه صبي اشقر وعيونه خضر سمه مستحيل

    مره مهندس خارج من بيته مراته بتقوله على فين العزم قالها فى اتجاه القوه



    اتنين سكرانين ماشيين...فواحد قال للتاني:لما أموت ابقى اشرب لي الكاس بتاعي ....فصاحبنا مات ، وبعد كام يوم التاني راح البار وطلب كاسين... قاله: ايوه بس انت لوحدك.... فحكى له على الموضوع .....وبقى كل يوم يشرب كاسين...لحد ما فى يوم طلب كاس واحد ..........الراجل قالوه اشمعنى...قاله: اصل انا بطلت


    فى بلد كلها أغبية فى نهاية هذه البلد حفره كبيرة كل ما واحد يعدى يقع فى هذه الحفره فقالوا لازم نجيب حد ذكى يحل المشكلة دى ...... جابو أذكى ثلاثة فى البلد الأول قال: أحنا نقف هنا واللى يقع نطلعه ونوديه المستشفى الثانى قال له أنتى غبى مأحنا نجيب الإسعاف تقف هنا واللى يقع تخده هى وتوديه المستشفى .........فقال الثالث أما أنتو بلد أغبيه صحيح مأحنا نردم الحفره دى ونحفر وحده عند المستشفى علطول


    واحد مسطول ماشى فى بيتهم خبط فى امه.. راحت قالت له:انت اعمى؟؟ مش شايفنى؟؟ بص لها بمنتهى الهدوء وقال:لأ ... انا شفتك طبعآ بس مش فاكر فين؟؟

    فشار بيقول لواحد .. انا من شهر أخدت الفلوكه وطلعت على قبرص أشتري تلاجه.... وانا راجع نسيت أشيل الهلب ... رحت جايب قبرص معاي



    يارب تكون عجبتكم ومعلش لو كانت بعض النكت قديمة

  2. #2
    Pharma Student
    تاريخ التسجيل
    Dec 2009
    المشاركات
    1,434

    افتراضي

    لأ والله دى حبه نكت لذيذه
    واسمحيلى اضيف شويه نكت لو ده مش هيضايقك

    -واحد بيقول لصاحبه هوأنا لما أبوس أختك نبقى نسايب قاله لأ نبقى خالصين.

    -صعيدى دخل راسه فى قفص الاسد الحارس قاله انت بتعمل ايه يا بويا قاله يا عم ما تخافش واحنا هناكله .

    -
    واحد بلدياتنا وقع من الدور العاشر .. جاله صداع.

    -
    ***** راح للدكتور ،الدكتور قال له امشي كل يوم 5 كيلو.
    اتصل الصعيدى بعد أربعين يوم بالدكتور وقال له انا دلوقتى داخل على اسكندرية.


    -مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه بعدين طلبت منه يصغرها 20 سنه بقى عندها 30 سنه وبعدين طلبت منه يصغرها 10 سنين بقى عندها 20سنه وبعدين طلبت منه يصغرها 10 سنين ـــ جلها الحصبه ماتت.

    - مرة واحد راح السودان بالليل ملقاش حد .

    - واحدة راحت تخطب لابنها .. ام العروسة بتسألها … وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش….. الا اذا سكر.

    -واحد بلدياتنا غنى قوى ..راح يصطاد فى افريقيا..ولما رجع سالوه صحابه اصطدت ايه قالهم3 غزلان و 2 حمار وحشى ويجى 60 او70 نوبليز..قالولو ايه نوبليز ده؟..قالهم معرفش حاجات بتتنطط لونها اسودقاعده تقولى نوبليز نوبليزنوبليز (no please).

    -
    مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت.

  3. #3
    Pharma Student
    تاريخ التسجيل
    Oct 2009
    الدولة
    دميــــــــاط
    المشاركات
    422

    افتراضي

    النكت بجد تحفة يا دوك
    وطبعا ضيفى اللى انتى عاوزاه التوبيك بتاعك طبعا
    وياريت كل اللى عنده نكت حلوة يضيفها ويكون التوبيك متجدد

  4. #4
    Pharma Student
    تاريخ التسجيل
    Sep 2009
    الدولة
    دمياط
    المشاركات
    1,294

    افتراضي



    nice topic


  5. #5
    Pharma Student
    تاريخ التسجيل
    Apr 2011
    المشاركات
    34

    افتراضي

    هههههههههههه نكت زي العسل يادكتوره

  6. #6
    Pb Elite
    تاريخ التسجيل
    Oct 2007
    المشاركات
    2,246

    افتراضي

    ههههههههههههههههههههههههه
    نكت حلوة اوى
    تسلم ايدك يا دكتورة نور ويا دكتورة الملاك الضاحك

  7. #7
    Pharma Student
    تاريخ التسجيل
    Dec 2009
    المشاركات
    1,434

    افتراضي

    اقتباس المشاركة الأصلية كتبت بواسطة D.NOOR مشاهدة المشاركة
    النكت بجد تحفة يا دوك
    وطبعا ضيفى اللى انتى عاوزاه التوبيك بتاعك طبعا
    وياريت كل اللى عنده نكت حلوة يضيفها ويكون التوبيك متجدد
    ربنا يكرمك يا دكتوره دا بس من زوقك
    ان شاء الله لما أعرف نكت جديده هأدخل أضيفها هنا
    ومنتظرين برضوا الجديد اللى عند حضرتك

  8. #8
    Pharma Student
    تاريخ التسجيل
    Oct 2009
    الدولة
    دميــــــــاط
    المشاركات
    422

    افتراضي

    شكراااا ليكوا يا دكاترة ويارب تكون النكت عجبتكم

    ودول شوية كمان معلش بقى لو فيهم حاجات قديمة

    _حمار وحشى وحمار عادى بيتسابقوا بدأ السباق فالحمار العادى مجريش سالوه مجرتش ليه قالهم والنعمة مانا جارى الا لما تجيبو لى ترنج زيه


    _»ولد بيسأل أبوه:هي الحمير بتتجوز؟ … قاله :يا بني مبيتجوزش أصلاً غيرالحمير


    _»صعيدى حران و معندوش تكييف ولا مروحة اخذ لبوس خافض الحرارة


    _»واحد قاعد في عزاء مراتة صاحبة قاله: هي ماتت ازاي؟ قالة : عضها كلب قالة:وكل الرجالة دي جاية تعزي قالة: لأ دول جاين يشتروا الكلب


    _»واحده بتقول لجوزها الحق ماما جالها تسمم قالها يمكن بلعت ريقها ولا حاجه


    _»واحد غبي عاوز يقتل مراته حطيلها مسدس في الشوربة


    _»غبي اشترى لحبيبتة عصفورين؛ واحد بيغرد والثاني ساكت سألته : ليه الثاني ساكت؟!قال لها: ماهو ده الملحن


    _»صعيدي قال لأبوه: رخصة السواجة خلصت يابوي…قاله:من لفك في الشوارع طول النهار يابن الدزمة


    _»واحد بلدياتنا فتح محل انابيب غاز .. فجّر اسطوانتين فى وسط البلد .. دعاية


    _»واحد أحول راح يجيب أبوه من المطار باس الشنطة وشال أبوه


    _»عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!


    _»واحد غبي رجع من السفر لقى الشقة مليانه صراصير.. غير قفل الباب


    _»مسطول بيقول لصاحبه : يا أخى أمبارح دخلت فيلم هندى هايل بتاع راجل و ست ماشيين لقوا طفله فى اللفه خدوها و ربوها لغايه ما كبرت وفى الاخر طلعت أمهم


    _»واحدة بتقول لجوزها اطرد السواق كان حيموتني مرتين ..فقالها: خلينا ندية فرصة ثالثة


    _»صعيدي جزمتة أتقطعت خيطها و بعد أسبوع بقت كويسه فك الخياطة


    _»مرة واحد محشش لقي كنز قال: كويس فاضل الخريطة!!إتنين مشين فى الصحرا طلع عليهم اسد فواحد منهم رماه بطوبة وجرى بيبص وراه لقى صاحبة واقف بيقولة إنت مبتجريش لية قالو وانا مالى هو انا إللى ضربته


    _»واحد راح للدكتور قال له “يا دكتور انا عندي مشلكة فظيعة جدا، بانسى بسرعة” الدكتور قال له “المشكلة دي عندك من إمتى؟” قال له “مشكلة إيه؟”

    يارب النكت تعجبكم

  9. #9
    Pharma Student
    تاريخ التسجيل
    Dec 2009
    المشاركات
    1,434

    افتراضي

    ههههههههههههههههههه ايه حبه النكت الجميله دى يادكتوره
    والله دى جميله خالث زيك بالظبط
    وخدى بقى النكته دى على الماشى كده
    مرة توك توك دخل محطة البنزين يمون فلقى مقطورة بتمون 200 لتر وميكروباص بيمون 50 لتر، بص للراجل بتاع البنزينة بكسوف وقاله "امبوو"

  10. #10
    Pharma Student
    تاريخ التسجيل
    Oct 2009
    الدولة
    دميــــــــاط
    المشاركات
    422

    افتراضي

    اقتباس المشاركة الأصلية كتبت بواسطة الملاك الضاحك مشاهدة المشاركة
    ههههههههههههههههههه ايه حبه النكت الجميله دى يادكتوره
    والله دى جميله خالث زيك بالظبط
    وخدى بقى النكته دى على الماشى كده
    مرة توك توك دخل محطة البنزين يمون فلقى مقطورة بتمون 200 لتر وميكروباص بيمون 50 لتر، بص للراجل بتاع البنزينة بكسوف وقاله "امبوو"
    والله دى اللى جامدة بجد
    تسلمى يا قمر
    مساعداتك كدا معايا بقى
    منورة يا جميل

صفحة 1 من 12 12311 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •