صفحة 3 من 10 الأولىالأولى 12345 ... الأخيرةالأخيرة
النتائج 21 إلى 30 من 98

الموضوع: يوميات أسره مصريه جدااااااااااا (متــــــــــــــــجدد)

  1. #21
    Pharma Student
    تاريخ التسجيل
    Sep 2009
    المشاركات
    433

    افتراضي

    حلوة كتييييييييير

  2. #22
    Pharma Student
    تاريخ التسجيل
    Feb 2009
    المشاركات
    87

    افتراضي

    فلانت ملامحه وابتسم :ماشى يا ستى انا عجزت بس انتى ما شاء الله عليكى كل سنة بتبقى احلى من اللى قبلها !!


    فاحمروجهها وأرضاها اطراء زوجها لها وقالت بخجل : (بس بقى يا ابو خالد سلمى تسمعنا !)


    ففوجئت بسلمى ممسكة صينية الشاى وهى تضحك وتقول : ( انا هنا من الصبح يا جميل ....ولو عاوزانى اروح اجيب مشبك من دمياط وارجع بكرة انا تحت امرك !!)



    ههههههههههههههههههه وانا مستنيا ها تنورنا في دمياط هههههههههه

  3. #23
    Pb Elite
    تاريخ التسجيل
    Feb 2010
    الدولة
    فى أرض الله الواسعة
    المشاركات
    195

    افتراضي

    جميلة جدا وأتنبأ لك بمستقبل باهر

  4. #24
    Pharma Student
    تاريخ التسجيل
    Sep 2010
    المشاركات
    51

    افتراضي

    جميل اوي ياجماعة انا جديدة في المنتدي
    انا في سنة اولي ياريت حد يفهمني انتوا بتتواصلوا ازاي

  5. #25
    Pharma Student
    تاريخ التسجيل
    Dec 2009
    الدولة
    ام الدنيا غصب عن كل جزائرى
    المشاركات
    952

    افتراضي

    اقتباس المشاركة الأصلية كتبت بواسطة دكتور جوجو مشاهدة المشاركة
    جميل اوي ياجماعة انا جديدة في المنتدي
    انا في سنة اولي ياريت حد يفهمني انتوا بتتواصلوا ازاي
    أهلا بحضرتك معانا على منتدى الكليه

    حضرتك التواصل مع الفرقه الأولى بيبقى موجود فى ساحه الحوار الى موجوده بالفرقه الأولى


    تم اضافه أخر حلقه من يوميات عمر وساره

    بعدما حققت أعلى نسبه مشاهده
    سأكمل مع حضراتكم بأذن الله يوميات اسره مصريه جدا وأتمنى تعجبكم

    الحلقة الرابعة

    رجع خالد مع أصحابه من السينما وهم يدخنون السجائر ويضحكون بصوت عالى ويعلقون على الفيلم الذى شاهدوه

    -احمد : بصراحة فيلم جامد موت .....ولا العربية اللى البطل كان راكبها دى ييجى لها بنص مليون جنيه

    - خالد : ياعم هى العربية بس ؟ شفت الفيلا ولا الشالية اللى كانوا بيصيفوا فيه ؟ انا مش عارف العالم دى بتجيب الفلوس منين ؟

    -احمد : مش كان الواحد طلع لقى عنده اب متريش كده بدل الفقر اللى احنا فيه ؟

    -فرد خالد بضيق : انا عارف ايه البخت ده ياعم ده الواحد كل ما يشوف تمثيلية ولا فيلم يلاقى الحوارات بتاعة الفيلل والقصور كأن دى بلد تانية مأجرينها !!

    -احمد : لا ويقولك ذاكروا وموتوا نفسكم فى الثانوية العامة .......علشان تدخل الجامعة وتقعد تذاكر كمان 4 او 5 سنين وبعدين تقعد جنب والدتك تقشر بصل طيب ما نقشره من دلوقتى احسن ........!!!!!!!

    -

    - فقال خالد بانفعال : والله العظيم كل ما اقول ح أذاكر وابطل تكبير الدماغ ده اقول وأخرتها ايه يعنى ؟ وايه الفايدة ؟ بلا وجع قلب ياعم !!!!
    -احمد : لا وكمان مطلوب منك لما تتخرج انك تتجوز وتفتح بيت ده على اساس انك اصلا ح تكون اشتغلت واشتغلت بالفين جنية كمان !!! يعنى ممنوع ولا واحد يتجرأ ويفكر يحب ولا يتجوز ..........ويقول لك يا عم حوار الجواز العرفى ده انتشر ليه ؟ العام دى مش حاسة بحاجة ولا بيهرجوا ؟

    -فرد خالد باحباط شديد : خلاص ياعم احمد نكدت علينا يالا انا مروح أحسن أبويا زمانه بلغ البوليس !! سلاااااااام
    -
    -
    -
    استقبله والده بقلق عاصف وغضب عارم : كنت فين ياباشا ؟ كان مفروض ترجع من 3 ساعات وزيادة !!!!

    فاستعد خالد لتأليف كذبة جديدة وقال ببراعة : معلش يابابا اصل مدرس الكيمياء اتأخر وبعدين بعد ما جه قسمنا مجموعتين وانا كنت فى التانية وبعدين .......

    فأنقذته أمه من براثن أبيه وقالت : خلاص ياحبيبى ربنا يعينك اكلك جوة فى المطبخ كل وادخل نام وح اصحيك الفجر تذاكر شوية ....

    فلم يضيع الفرصة واطلق الريح لساقيه وترك امه تواجه البركان وحدها

    -والله العظيم ياسعاد الولد ده لو باظ يبقى دلعك فيه هو السبب !!!

    -فردت باستكانة : هو احنا عندنا غيره ياابو خالد؟ ربنا يخليهولك ده راجلنا وسندنا من بعد عمر طويل لك يا اخويا وبعدين ماهو مموت نفسه فى الدروس والسهر اهه .....حيعمل ايه تانى ؟

    -............. وتركها ودخل غرفة نومه .....

    -فدخلت وراءه وابتسمت لتلطيف الجو استعدادا لالقاء قنبلة جديدة : ربنا يخليك لينا وتشيل ولاده وولاد سلمى وملك كمان !!!!!!!

    -فرد بحزن وشرود : سلمى .........

    -فوجدتها الفرصة المناسبة لتطلب طلبها : مالك سهمت كده ليه بكرة ان شاء الله تتجوز وييجى لها عدلها وتفرح بولاد ولادها ...بس هى لو تخرج وتشوف الدنيا يمكن العريس ييجى .......انت مش بتشوف البنات عاملين ايه فى نفسهم علشان يتجوزوا ........عارف سعاد اللى فى العمارة اللى جنبنا حنتها بكرة ومامتها عازمانا انا وسلمى وملك اصل القعدة كلها ستات وبنات بس .....عارف ....

    -فقاطعها بغضب : كفاية ياسعاد انتى عارفة انى مش باحب ادلل على بنتى علشان تتجوز ده رزق ربنا كاتبه باليوم والساعة مش محتاج اننا نلف على الافراح علشان نجيبه !!

    -فردت عليه بتوسل : ياسيدى ادينا بنسعى للرزق ده !! وبعدين اهى فرصة البنت تخرج شوية بدل الحبسة اللى هى فيها دى على طول ..علشان خاطرى يا محمود ما ترفضش لو صحيح انا غالية عندك !!

    -فرد باستسلام وهو يستعد للنوم : خلاص انتو أحرار اعملوا اللى تعملوه تصبحى على خير

    فطارت فرحا بموافقته التى انتزعتها منه وذهبت الى غرفة سلمى التى وجدتها تقرأ وقالت لها : سمسمة بابا وافق اننا نروح حنة سعاد بكرة !!

    فدق قلبها لعرض امها لأنها تعلم توابعه وردت بقلق : معلش ياماما انتى عارفة انى مش باحب اروح افراح ..روحى انتى وملك !!

    فهبط قلب الام فى قدميها لرفض ابنتها بعد كل ما فعلته : ليه بس يا حبيبتى اهو نغير جو البيت شوية وبعدين القعدة كلها بنات مفيش رجالة مش عاوزة تروحى ليه ؟

    فعضت سلمى على شفتيها ولم تستطع ان تخبر امها كم تجرح كرامتها ونفسيتها فى مثل هذه القعدات الحريمى وردت باستكانة : اصلى ياماما ما اعرفش العروسة اوى وبعدين .......

    فتوسلت امها اليها وهى تعلم سبب رفضها وقالت : علشان خاطرى ياسلمى والدة العروسة اتحايلت على يرضيكى اكسفها ؟ لو لى خاطر عندك روحى معايا وبعدين انتى عارفة المفعوصة ملك بتتعبنى قد ايه فى الخروج علشان خاطر ماما ياسمسمة !!

    فردت سلمى باستسلام بعد كل هذا الحصار : خلاص ياماما ح اروح معاكى بكرة ان شاء الله !!!!!!!!!!

  6. #26
    Pharma Student
    تاريخ التسجيل
    Sep 2009
    الدولة
    فى بيتنا
    المشاركات
    784

    افتراضي

    ها بكرة جه ولا لسه؟
    يلا يادكتور عاوزين الجديد

  7. #27

    تاريخ التسجيل
    Dec 2009
    الدولة
    يارب مع رسول الله
    المشاركات
    2,600

    افتراضي

    قصه جميله متابعين ..

  8. #28
    Pharma Student
    تاريخ التسجيل
    Jul 2010
    المشاركات
    476

    افتراضي

    قصه حلوه بس ياريت حضرتك تنزل كمان حلقتين تلاته

  9. #29
    Pharma Student
    تاريخ التسجيل
    Feb 2009
    المشاركات
    87

    افتراضي

    رررررررررروعة متابعين

  10. #30
    Pharma Student
    تاريخ التسجيل
    Oct 2009
    المشاركات
    184

    افتراضي

    بصراحه مواضيع حضرتك جامده جدا وعجبانى ربنا يوفقك
    بس يلا بسرعه نزل الحلقات قبل زحمة الدراسه

صفحة 3 من 10 الأولىالأولى 12345 ... الأخيرةالأخيرة

المواضيع المتشابهه

  1. يوميات صيدلي في سنة أولى شغل
    بواسطة pharmacistina في المنتدى قسـم الخريـجين
    مشاركات: 373
    آخر مشاركة: 26-11-2011, 06:34 AM
  2. يوميات صائم
    بواسطة نعمة في المنتدى المنتدى الاسلامى
    مشاركات: 2
    آخر مشاركة: 11-08-2010, 06:25 PM
  3. يوميات إبليس بيه وأبو جهل
    بواسطة *محبة رسول الله* في المنتدى المنتدي الترفيهي
    مشاركات: 66
    آخر مشاركة: 10-08-2010, 03:45 AM
  4. يوميات طالب فاشل
    بواسطة محبة الله في المنتدى المنتدي الترفيهي
    مشاركات: 11
    آخر مشاركة: 06-03-2010, 07:26 AM
  5. شويه امثال شعبيه انما بدماغ مصريه
    بواسطة ahmed helmy في المنتدى المنتدي الترفيهي
    مشاركات: 19
    آخر مشاركة: 09-11-2009, 04:30 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •