نوادر التدريب الصيفى

[Amira]

جالنا النهارده الصيدليه واحد عاوز كريم بيتاديرم ف
روحت جبته "بما انى اكتر حاجه بجيبها بسهوله هى المراهم"

المهم وجيت اديهوله قالى لا انا عايز اتنين رحت جبتله التانى
لقيت الدكتور بيندهلى من بره المعمل وبيقولى هاتيلوه تراى ديرم احسن فجبتله اتنين
قام الراجل قال لا اصل انا استريحت على الاول
الدكتور قالى روحى هاتيه ورجعى التانى رحت وطلعت ع الكرسى ورجعت التراى ديرم ورايحه بقى احاسب الراجل على البيتاديرم
قالى لا معلش يا دكتوره انا اااااااااسف هاتيلى بيتاديرم

بعد اللفه الطويله دى جبت اقرأ التمن قرأته 5 جنيه فالدكتور مطمنش للحساب قام جه يبص على المرهم لقاه ب 6 جنيه والراجل قالى انا باخده ب 6 جنيه على طول ماتمشوها ب 5 المرادى
الدكتور الاخر حسبهوله ب 5.5 يعنى الاتنين ب 11

ومسكنى تريقه بعدها هو والدكتوره واللى جايه تتدرب معايا جديد بيقولها يعنى مثلا فى ناس بتقرأ الدوا ب 5 وهو ب 6 ولسه حاصله مع ناس اعرفهم من شويه

================

وبردو النهارده "اول يوم لواحده جديده بتتدرب" .....فقاعدين نقرأ روشتات قديمه فى الصيدليه واللى مبنعرفوش بنسال الدكتوره فجه قدامنا دوا Ballcis مكتوب كده فى الروشته

فانا بكل ذكاء بقول للدكتوره اسمه بالسيس طبعا ....قالتلى ماشاء الله دا دوا جديد ولا ايه

المفروض اسمه بالكيس وبيتكتب كده Balkis بس والله الدكتور كاتبه غلط فى الروشته

اول ما الدكتور بتاع الصيدليه دخل جت الدكتوره جنبى تقولى اقوله على البالسيس بتاعك

=======
Baby drink بتاع محبه قولت ادور عليه فى الصيدليه ف معرفتش اوصله "مدورتش كويس يعنى"...وانا ماشيه مروحه بقى فى الشارع ببص فى الارض لقيتنى بشوط ورقه ببص عليها لقيتها عليه دوا شرب مكتوب عليها !!!Baby drink زقططت اوى لما شوفتها

[SHEREIF]

ههههههههههههههههههههه
والله العظيم حاجات جميلة جدااااااااااااااااااااا
انا هابقى احكيلكم على حاجات حصلتلى بس بعد الصلاة بقى

[SHEREIF]

مرة دخلى بنتين صغيرين الاتنين على النقيض تماما وحدة بتضحك وما بتبطلش ضحك وتقعد تتنطط فى قلب الصيدليه وتدخل توزن نفسها وتقعد على المكتب وتلعب فى التلفزيون وتقعد تتنطط حواليا يجى نص ساعة
والتانية ما بتضحكش ابدا واجى اكلمها واهزر معاها ولا بتتاثر بترد بكل برود وعادى خالص واقولها هو انتى ما بتضحكيش ترد وتقولى ما بضحكش بطريقةكدة اكنها ادى وانا بعاكسها ولا حاجة بنت مهما اتكلمت معاها ترد بكلمة او اتنين بس والتانية مش بتبطل كلام ولا لعب
الصراحة مش عارف ازاى الاتنين دول كدة

[S!lent Tear]

بردو ولد صغير داخل ياخد عندنا ابره وكان معاه مسدس لعبه

بعد ما خدها وعيط بص للدكتور شزرا وقاله هموتك ورفع عليه السلاح ههههههههههههه

وانا طبعا مت من الضحك كان شكله زي العسل

[white light]

مره واحده ست كبيره دخلت عايزه مرهم لينا كوين
طبعا انا لو عملت الللى ما كنت هعرفه
بس الست طلعت عايزه مرهم ليجنو كاين المخدر الموضعى
كنت هموت واسالها اش جاب اللجينو كاين للينا كوين

[ameer]

مره واحده ست كبيره دخلت عايزه مرهم لينا كوين
طبعا انا لو عملت الللى ما كنت هعرفه
بس الست طلعت عايزه مرهم ليجنو كاين المخدر الموضعى
كنت هموت واسالها اش جاب اللجينو كاين للينا كوين

طب كويس انها قالت جزء من الدواء
ده ق مره دخلت واحدة بتقولي عايزه مرهم مش عارفه اسمه (طبعا تنحت وقلت اني عمري ما هعرفه بس قلت اجرب ) كملت كلامها وقالت "هو اسمه علي وزن صابرينا "
فجه الدكتور وعرف هي عايزه ايه وجابهولها وطلع ملوش علاقه بصابرينا دي خالص

[Messi]

صابرين

تراميسين

[ameer]

تراميسين

مش معقول ايه ده يارااااااجل عرفته لوحدك




















اكيد مش التراميسين
يعني هو في حد ميعرفش التراميسين هو مرهم كنت اول مره اسمع اسمه ونسيته تاني

[loyalty]

مره واحده ست كبيره دخلت عايزه مرهم لينا كوين

طبعا انا لو عملت الللى ما كنت هعرفه
بس الست طلعت عايزه مرهم ليجنو كاين المخدر الموضعى
كنت هموت واسالها اش جاب اللجينو كاين للينا كوين

طب كويس ده مرة واحدة دخلت بتقول مرهم إسمه لبنى فين وطلع برده الليجنوكايين

[Anas]

مره واحده ست كبيره دخلت عايزه مرهم لينا كوين

طبعا انا لو عملت الللى ما كنت هعرفه
بس الست طلعت عايزه مرهم ليجنو كاين المخدر الموضعى
كنت هموت واسالها اش جاب اللجينو كاين للينا كوين

طب كويس ده مرة واحدة دخلت بتقول مرهم إسمه لبنى فين وطلع برده الليجنوكايين

عادي جدا ... انا مرة دخلتلي واحدة عاوزة مرهم تريكتاتين ... !!!!

بعد مداولات وصلنا لانه اقراص ترياكتين

-------

النهاردة كان يوم مسخرة في الصيدلية

دخلنا واحد مسطول - مسطول بجد - و قعد على الكرسي و الصيدلية كانت زحمة ساعتها

و قعد يحاول يفتح في الفاترينة و مش عارف

ف المساعد اللي معايا طلعله يشوفه ... قام مزعق معاه و قاله تعالالي بره

ف الدكتور راح يشوف الوضع ايه

لقى المسطول ده بيقوله انا عاوز أستحمى !!!



و بدأ يفك في زراير القميص

الحمد لله الناس بتوع القهوة اللي قصادنا سمعو زعيق الدكتور و جريو علينا

و خدو الواد بره و ظبطوه