التكيف اشتغل يارجالة

[Rainbow]

يعني كل حاجه بتحكوها كده علي المنتدي

وكمان التكيف جبتوا سيرتوا مافيش حاجه تبقي سر ابدا

[Dr/HULK]

والله يا دكتور سلمان كانت حاجة جامدة

بس لما مكانى احتل

قلت اقعد تحت التكييف على طول

مكنش فيه نسمة برودة حتى والجو كان حر قوى

شكلهم مظبتينه على المدرجات بس

[NonY]

احنا عندنا فى الفرقة التانية التكييف مش بيشتغل غير فى حالات خااااااااصة جدااا

فى محاضرة دكتور محمد الشابورى فقــــــط

فعلااااااا
هتجنن .. نفسى أعرف اشمعنى ؟!!

[Dr/HULK]

كلموا العامل المسئول عن المدرج (عم سعيد)وقولوا ليه يشغلوا وهو بجد راجل طيب

هيشغلهلكم بس لازم تقفلواالشبابيك

[dr/mero]

يا جماعة هو انتو بتكلموا بجد التكيف اشتغل فعلا ولا بتهزروا انا حسة كده ان التكيفات دي محطوطة ديكور ولا انا كنت بحضر في الكلية القديمة بقى

[BonaBart]

التكييف عندنا ف الفرقة التالتة كاااااااااااان شغال عادى

بس هما بيظبطوه على درجة حرارة الغرفة يعنى 24 درجة

فالواحد مابيحسش بالبرودة والانتعاش اوى يعنى

انما فى محاضرات البارحة
(البارحة مش امس لان المحاضرات كانت شغالة لحد 7 مساء بعد العشاء)

ولظروف غامضة :

التكييف كان بيجيب هواء ساخن جدااااااااا
وكأنه دفايه
واحنا قاعدين بنسح عرق وكنا قربنا نسيح

مش بس كدا
التكييف كان بيستهبل وعملها على روحه ف المدرج
(كان بينقط ميه)
امام حشد كبير من طلبة الفرقة التالتة
ف محاضرة الدكتور عطا الله

لا وكمان كان فيه ناس شمت ريحة شيااااااااااط
عليه العوض ف التكييفات

مش كان احسن لو كانوا جابوا مكيفات

بدلا من التكييفات دى

[Dr/HULK]

ولظروف غامضة :

التكييف كان بيجيب هواء ساخن جدااااااااا
وكأنه دفايه
واحنا قاعدين بنسح عرق وكنا قربنا نسيح

احنا بقى التكييف كان عندنا البارحة برده

فى مجموعة ب

كان كله بيدور على لحاف او بطانية يتغطى بيها

ومن كتر البرد قررنا اننا نفتح الشباك شوية لتدفئة المكان

وفيه اللى مقدروش يستحملوا البرد زى وخرجنا من المحاضرة فى الشمس الحارقة

ودلوقتى بقى عندى زكام خفيف

ياريت لما يشغلوه ميقللوش درجة حرارتة زى امبارح ويخلوها عادى كده زى اول الاسبوع

[pinky]

والله يا جماعه انا عندى برد من التكيفات دى
خيرالامور الوسط يعنى يا ريت درجه الحراره تتظبط شويا
انا كدا مش هاقدر ادخل المدرج تانى
انا عندى زكام جاااااااااااامد الوقتى

[omda2010]

معاك حق يا دكتره

فعلا الموضوع حلو وشيق فعلا التكييف يستاهل التجريب


لكن ان كان ع المحاضرات فمجربين بقالنا 3 سنين

[dr queen]

فيه مشكله الوقتى ان التكييفات مش شغاله عشان فيه واحد اتحرق
ومافيش محول كهربا أو حاجة زى كده

وطبعا التكييفات دى لما اتحطت اتشال مكانها المراوح القديمة ،
يعنى بقينا أسوأ من قبل كده

والمدرج كان ممتلئ بكمية حشرات رهيبه جدا وده طبعا نتيجة الحر وعدم التهوية فى المدرج ..

أنا مكنتش عارفه أهوى بكشكول ولا أبعد الذباب اللى حوالينا ولا أكتب ولا أركز مع الدكتور ،
مش عارفه ..

أكيد ادارة الكليه هتعملنا حاجة وتشوف حل ان شاء الله ،
بس ياااااااااااااااااريت بسرعه ..