المنتدى للبنات فقط

[Dr/HULK]

حلو قوى حكاية اللك والرغى دى ازاى كنتش واخد بالى منها

تطنيش مش اكتر

مطنش مين

[انجالى]

اعتبرهاتفرقه عنصريه هههههههههههههه احنا كتار طبعا علشان كده احنا بنشارك اكتر

[white light]

السبب واضح ان معظمنا بنات

[monmona]

طبعا لان البنات في الكلية كتييييييييييييييييير في الكلية ومفيش صبيان كتير
ده السكشن يبقي ستين ومنهم 3 ولاد بس

[MoRsY]

إحنا مش قاعدين على النت 24 ساعة عشان نرد على المواضيع كلها (مش فاضين) ورانا طلعات وبلاي ستيشن وبلاي ستيشن برضه مشاغلنا كتير

[Dr. Sahar]

مش عارف بس تقريبا الولاد بيكسلوا يردوا على الموضوعات

ماعدا الل هما عاملينها طبعا
بس اصلا الكلية تلات اربعها بنات عايز ايه ياعنى

اه طبعا طول عمر الاولاد كسليين وبعدين انتو تطولو اصلا اننا نكون معاكم في الكليه هو الكليه من غير بنات ليها طعم دحنا زهرة الكليه وفواكه الجامعه وشجرة الحياه

[Larine_Resala]

على فكرة دا الطبيعي

انت مش شايف نسبتنا في الكلية أد ايه؟؟؟؟؟

[chocolata]

مستغرب ليك يادكتور احنا تلات اضعافكم فى الكليه ثم احنا اكتر التزاما واهتماما بالرد فى المشاركات وابداى راينا فى الحاجاه اللى بنقراها واهه جزء من التعبير عن شخصيتنا برده ثم فعلا فى مواضيع بيكتبها الولاد عشام ياخدوا فيها راى البنات بالذات لانها وجهه نظر مختلفه لو احنا مكنش موجوين خالص كنت هتعملوا ايه ؟شويه منكم هيمثلوا انهم بنات ويردوا وخلاص ولا هتكلموا نفسكم ؟شفتوا اهميتنا بقى واحنا اكتر من اصحابك الولاد بنرد فى مواضيع اى عضو يعنى بنزودله عدد المشاركات ونخلى موضوعه فى القمه فبلاش تتنمردوا والا هنستغل الفرصه ونعمل قسم خاص بينا وهتتمنعوا من دخوله احنا بنات بتاكل حديد مش بتشيله

شيكولاته

[Mohamed Al Gohary]

الموضوع ده عاوز انقلاب ووقفه .. احنا شويه شويه وهننقرض يا جماعه ..

على راي حسين فهمي .. يا رجال العالم اتحدوا ..

عموما انا شايف ان معظم الردود واحده وهى ان نشبة البنات اكتر من الولاد اصلا فى الكليه .. فبالتالي زيها نسبة اعضاء المنتدى ..

[d\omnya]

اولا انا مع شيكولاتة فى كل اللى قالتة وبصراحة الولاد دول مبيعجبهمش العجب ولا الصيام ف رجب .