صفحة 1 من 2 12 الأخيرةالأخيرة
النتائج 1 إلى 10 من 12

الموضوع: .. القوه ..

العرض المتطور

المشاركة السابقة المشاركة السابقة   المشاركة التالية المشاركة التالية
  1. #1
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Thumbs up .. القوه ..





    موضوع فى بالى بعد متابعه ومراجعه لبعض المواقف والاحداث والتفكير والسماع لاحاديث الناس
    عن مسمى

    القوه


    واستعمالها فى الحصول على اى شئ
    بعيدا عن شرعيه الحصول على الشئ ده
    لكن بتكلم عن وجود الشئ المستمعل "القوه" فى الحصول على اى شئ


    فحبيت اعرف ارائكم

    ما هى القوه؟


    وما الادوات اللازمه لاكتسابها؟


    وهل القوه تتطلب شئ من هؤلاء " المال الاخلاق النفوذ " ؟


    هل يتطلب التخلى عن الاخلاق لاكتساب القوه ؟


    هل العلم مصدر يعطيك القوه ؟


    هل الدين مصدر قوه ؟


    هل للعاطفه تأثير سلبى على القوه ؟


    هل للقوه سلبيات؟


    وما ايجابيات القوه ؟


    كيف اكون قويا ؟



  2. #2
    Pb Elite
    تاريخ التسجيل
    Nov 2007
    المشاركات
    2,342

    افتراضي

    اقتباس المشاركة الأصلية كتبت بواسطة same7 مشاهدة المشاركة

    وعليكم السلام ورحمة الله وبركاته


    موضوع فى بالى بعد متابعه ومراجعه لبعض المواقف والاحداث والتفكير والسماع لاحاديث الناس
    عن مسمى

    القوه


    واستعمالها فى الحصول على اى شئ
    بعيدا عن شرعيه الحصول على الشئ ده
    لكن بتكلم عن وجود الشئ المستمعل "القوه" فى الحصول على اى شئ


    فحبيت اعرف ارائكم

    ما هى القوه؟

    بالنسبالى هى انى استعمل عقلى فى اثبات حقى او وجهة نظرى من غير عنف او صوت عالى لانهم بيؤدو لتضيع الحق واضعاف وجهة النظر
    وما الادوات اللازمه لاكتسابها؟

    العقل

    وهل القوه تتطلب شئ من هؤلاء " المال الاخلاق النفوذ " ؟

    محدش ينكر ان المال والنفوذ ليهم سلطة كبيرة وممكن انسان ملوش حق وعنده الحاجات ديه وياخد الحق ده لكن بيتهيالى ان الاخلاق سلاح بطىء بس نتيجته طويلة المدى لان الانسان ده بيبقى صعب وجود غلطة عليه وبيحظى بحب الناس يبقى عنده اسلحة تانية السمعه الطيبه وعدم ادخاله فى الخطا


    هل يتطلب التخلى عن الاخلاق لاكتساب القوه ؟

    لا لان الانسان اللى بيعمل ده حتى لو كسب حقه بيبقى خسر حاجات تانية كتير

    هل العلم مصدر يعطيك القوه ؟

    اكيد لان العلم وسيلة لاثبات الانسان وجهة نظرة وبتفرق معاه خصوصا لو كان الشخص اللى بيواجهه اقل منه فى العلم بالموضوع

    هل الدين مصدر قوه ؟

    اكيد للى فاهم دينه صح ومبيستغلوش استغلال سىء بيبقى مصدر قوة مع ان برده فى ناس كتير بتتعامل مع الانسان المتدين على ان ده يديله حصانه من الوقوع فى الخطامع ان ده مش دايما بيكون صح

    هل للعاطفه تأثير سلبى على القوه ؟

    على حسب ممكن اعاطفة تكون عامل ايجابى وتحفز الانسان وممكن تاثر عليه بشكل سلبى وتاثر على طريقة تفكيرة وممكن تكون نقطة ضعفه

    هل للقوه سلبيات؟
    اه لو الانسان تجبراو تكبر بقوته على الاخرين واعتبر نفسه مميز عنهم بيها


    وما ايجابيات القوه ؟
    ان الانسان يكتسب حقه ويكتسب احترام الاخرين

    كيف اكون قويا ؟



    شكرا على الموضوع الرائع

  3. #3
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Thumbs up

    اقتباس المشاركة الأصلية كتبت بواسطة DR.BIBO مشاهدة المشاركة
    ما هى القوه؟

    بالنسبالى هى انى استعمل عقلى فى اثبات حقى او وجهة نظرى من غير عنف او صوت عالى لانهم بيؤدو لتضيع الحق واضعاف وجهة النظر


    وهل كل من استعمل عقله اصبح قويا فى اى وضع؟



    اقتباس المشاركة الأصلية كتبت بواسطة DR.BIBO مشاهدة المشاركة
    شكرا على الموضوع الرائع

    العفو
    شرفنى مرور حضرتك
    بس فين اجابه السؤال ده


    كيف اكون قويا ؟

    يعنى
    ايه الخطوات اللى اعملها عشان اكون قوى




    اقتباس المشاركة الأصلية كتبت بواسطة mohamed fadel مشاهدة المشاركة
    " إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الْإِنْسَانُ ۖ إِنَّهُ كَانَ ظَلُومًا جَهُولًا "


    انا في رايي ان القوة الحقيقية اللي فعلا عند الانسان هى قوة
    "الاختيار"

    افعالنا كلها مبنية على اختياراتنا والفعل عبارة عن قوة ناشئة عن اختيار
    وعلشان الاختيار يكون سليم لازم يكون مبني على معرفة وادراك فهى القوة المؤدية للاختيار
    والمعرفة تستمد قوتها من الشغف وحب الاستطلاع ,ولكي تكون شغوفا لابد ان تكون لديك قوة الارادة ,ولتكون قوي الارادة لابد ان تكون ذا امل اقوى ......فهى قوة داخل قوة داخل قوة مبنية في الاساس على اختيارنا
    ولكل منا اختياراته فتختلف بذلك القوة من شخص لاخر
    بس اعتقد ده يحققلك قوتك قدام نفسك
    ولا ده ممكن يديك قوه قدام الاخرين متخليش حد يجى عليك ؟
    هل القوه دى تديك وضع تحترم بيه حقا فى هذه الدنيا ؟


  4. #4
    Pb Elite
    تاريخ التسجيل
    Nov 2008
    المشاركات
    270

    افتراضي

    " إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الْإِنْسَانُ ۖ إِنَّهُ كَانَ ظَلُومًا جَهُولًا "


    انا في رايي ان القوة الحقيقية اللي فعلا عند الانسان هى قوة
    "الاختيار"

    افعالنا كلها مبنية على اختياراتنا والفعل عبارة عن قوة ناشئة عن اختيار
    وعلشان الاختيار يكون سليم لازم يكون مبني على معرفة وادراك فهى القوة المؤدية للاختيار
    والمعرفة تستمد قوتها من الشغف وحب الاستطلاع ,ولكي تكون شغوفا لابد ان تكون لديك قوة الارادة ,ولتكون قوي الارادة لابد ان تكون ذا امل اقوى ......فهى قوة داخل قوة داخل قوة مبنية في الاساس على اختيارنا
    ولكل منا اختياراته فتختلف بذلك القوة من شخص لاخر

  5. #5
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Thumbs up

    لا حول ولا قوة الا بالله


  6. #6
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    ما هى القوه؟

    هى ق. و. ة وفى بعض الاحيان بيستبدلوا الـ ة بـ ه


    وما الادوات اللازمه لاكتسابها؟

    قلم وورقة ولو خطك وحش ممكن تستخدم قلم رصاص بأستيكته عشان تكتبها صح


    وهل القوه تتطلب شئ من هؤلاء " المال الاخلاق النفوذ " ؟
    أكيد هتحتاج للمال أومال هتشترى القلم الرصاص ازاى
    أما بخصوص الاخلاق والنفوذ فده هيعتمد على شخصية صاحب المكتبة اللى هتشترى منه الحاجة


    هل يتطلب التخلى عن الاخلاق لاكتساب القوه ؟

    طبعا فى حالة اذا الراجل صاحب المكتبة بيبيع غالى فلازم تتخلى عن الاخلاق وتفاصل معاه عشان ميضحكش عليك فى سعر القلم


    هل العلم مصدر يعطيك القوه ؟

    هه طبعا ماهو لو انت مش متعلم هتكتب ازاى ؟!


    هل الدين مصدر قوه ؟

    لأ طبعا ماهو انت لو استلفت وبقيت مديون ممكن اللى سلفك يجيلك فى اى وقت وياخد منك القلم والكراسة ويضيع عليك الكلمة


    هل للعاطفه تأثير سلبى على القوه ؟

    أه لو انت غليظ الاحساس هتكتب قوة
    أما لو احساسك مرهف فهتكتبها قوه


    هل للقوه سلبيات؟

    لو القلم حبر ونوعه مش كويس ممكن يوسخ ايدك وفى بعض الاحيان ممكن يطرش ويبوظ هدومك


    وما ايجابيات القوه ؟

    انك ممكن بعد كده تكتب قبلها كلمة اتحاد فيبقى عندنا جمله مفيدة وهى
    الاتحاد قوة
    أو ممكن تكتب الاهلى وبرده نتطلع نفس المعنى
    الأهلى قوة

    الخ بقى ......


    كيف اكون قويا ؟
    انك لما تقرأ الرد بتاعى متتعصبش ولا تشتم لو عملت كده ساعتها ممكن تبقى قوى
    التعديل الأخير تم بواسطة Dr/HULK ; 12-05-2012 الساعة 07:29 AM سبب آخر: هههههههههههه استحملنى بقى ياعم سامح :D

  7. #7
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Thumbs up

    اقتباس المشاركة الأصلية كتبت بواسطة Dr/HULK مشاهدة المشاركة

    هى ق. و. ة وفى بعض الاحيان بيستبدلوا الـ ة بـ ه
    ده الفرق بين طفل ابتدائى والراجل الكبير

    قلم وورقة ولو خطك وحش ممكن تستخدم قلم رصاص بأستيكته عشان تكتبها صح
    أكيد هتحتاج للمال أومال هتشترى القلم الرصاص ازاى
    أما بخصوص الاخلاق والنفوذ فده هيعتمد على شخصية صاحب المكتبة اللى هتشترى منه الحاجة

    طبعا فى حالة اذا الراجل صاحب المكتبة بيبيع غالى فلازم تتخلى عن الاخلاق وتفاصل معاه عشان ميضحكش عليك فى سعر القلم
    هه طبعا ماهو لو انت مش متعلم هتكتب ازاى ؟!
    لأ طبعا ماهو انت لو استلفت وبقيت مديون ممكن اللى سلفك يجيلك فى اى وقت وياخد منك القلم والكراسة ويضيع عليك الكلمة
    لو القلم حبر ونوعه مش كويس ممكن يوسخ ايدك وفى بعض الاحيان ممكن يطرش ويبوظ هدومك

    انك ممكن بعد كده تكتب قبلها كلمة اتحاد فيبقى عندنا جمله مفيدة وهى
    الاتحاد قوة
    أو ممكن تكتب الاهلى وبرده نتطلع نفس المعنى
    الأهلى قوة


    كلام ساخر جامد جدا
    فهمته بأسلوب وضحلى معنى القوه
    عجبتنى الطريقه جدا

    فعلا للقوه اساس ( المال)
    ولها ادوات ( القلم الجاف)
    وتحلى بالحذر ( قلم رصاص بأستيكه)
    وسياسه متبعه ( حسب اخلاق اللى قدامك)
    ولابد من وجود عقل للتحكم فى الوسائل والسياسات ( متعلم )
    والاعتماد على الذات (متستلفش ومتبقاش تحت سيطره حد )
    ولازم تكون فاهم الطريقه الصحيحه لاستعمال ادواتك كويس جدا (لان القلم ممكن يطرش منك )
    ولازم تستعمل قوتك فى هدف حقيقى له معنى وقيمه (احط كلمه قبلها )

    أه لو انت غليظ الاحساس هتكتب قوة
    أما لو احساسك مرهف فهتكتبها قوه

    الخ بقى ......
    انك لما تقرأ الرد بتاعى متتعصبش ولا تشتم لو عملت كده ساعتها ممكن تبقى قوى

    هههههههههههه استحملنى بقى ياعم سامح
    اتعصبت فى البدايه وبعدين فهمته بالشكل اللى كتبته ده
    بس شكلك مكنتش قاصده كده وداخل ترخم
    مع انى سايبلك الفيس ترخم فيه براحتك

  8. #8
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    كلام ساخر جامد جدا
    فهمته بأسلوب وضحلى معنى القوه
    عجبتنى الطريقه جدا

    فعلا للقوه اساس ( المال)
    ولها ادوات ( القلم الجاف)
    وتحلى بالحذر ( قلم رصاص بأستيكه)
    وسياسه متبعه ( حسب اخلاق اللى قدامك)
    ولابد من وجود عقل للتحكم فى الوسائل والسياسات ( متعلم )
    والاعتماد على الذات (متستلفش ومتبقاش تحت سيطره حد )
    ولازم تكون فاهم الطريقه الصحيحه لاستعمال ادواتك كويس جدا (لان القلم ممكن يطرش منك )
    ولازم تستعمل قوتك فى هدف حقيقى له معنى وقيمه (احط كلمه قبلها )






    ههههههههههههههه سبحان الله فعلا
    لو انت عايز تشوف الكرات تفاح هتشوفه تفاح



    انت استنتجت كل ده منين

    هو بص أنا صحيح تعبت عشان اجيب تشبيهات تخلى الرد كله فى اطار واحد

    لكن الاساسى ان قصدى كان يبقى ألش ليه معنى

    لكنك تفسيرك ليه بصراحة عالى أوى

    اتعصبت فى البدايه وبعدين فهمته بالشكل اللى كتبته ده
    بس شكلك مكنتش قاصده كده وداخل ترخم
    مع انى سايبلك الفيس ترخم فيه براحتك
    هههههههههه ماشى ياعم اتعصب براحتك انت برده فى وقت امتحانات ومعاك عذرك

    صحيح لسه طالب

  9. #9
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Thumbs up

    اقتباس المشاركة الأصلية كتبت بواسطة Dr/HULK مشاهدة المشاركة

    ههههههههههههههه سبحان الله فعلا
    لو انت عايز تشوف الكرات تفاح هتشوفه تفاح

    زى الاته تتاكل حته حته

    انت استنتجت كل ده منين
    كنت لسه صاحى من النوم بقه

    هو بص أنا صحيح تعبت عشان اجيب تشبيهات تخلى الرد كله فى اطار واحد
    لكن الاساسى ان قصدى كان يبقى ألش ليه معنى
    ومن الألش نتعلم
    لكنك تفسيرك ليه بصراحة عالى أوى
    كام دور يعنى


    هههههههههه ماشى ياعم اتعصب براحتك انت برده فى وقت امتحانات ومعاك عذرك
    صحيح لسه طالب
    ماشى يا دفعه


  10. #10
    Pb Elite
    تاريخ التسجيل
    Sep 2010
    الدولة
    حيث توجد الأزهار
    المشاركات
    1,100

    افتراضي

    بسم الله الرحمن الرحيم

    هناك من يستمدون قوتهم من ضعف الآخرين
    و هناك من يستمدون قوتهم من قوة الآخرين
    و هناك آخرون مصدر قوتهم هو أنفسهم

    القوة ؛ خارجية يمكن أن تتمثل فى قوة الجسم أو القوة بسبب المال والنفوذ أو بسبب العلم
    القوة الخارجية بدون القوة الداخلية لا تساوى شيئا
    القوة الداخلية بدون القوة الخارجية تعنى الكثير
    القوة الداخلية للانسان يمكن أن تتمثل فى الثقة بالنفس أو القدرة على مواجهة التحديات ..

    حد فاهم حاجة !!!

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •