النتائج 1 إلى 4 من 4

الموضوع: تعرف إيه عن صيدلة ؟؟؟؟؟

  1. #1
    Pharma Student
    تاريخ التسجيل
    Sep 2007
    المشاركات
    351

    Angry تعرف إيه عن صيدلة ؟؟؟؟؟


    تعرف ايه عن صيدلة؟؟؟


    انا شايف انه سؤال مهم كمواطن عادى تعرف ايه عن الصيدلة؟ وتعرف ايه عن الصيدلى؟؟
    وايه رايك فى الصيدلة فى مصر؟؟؟
    كلنا طبعا عارفين الصيدليات ومين هو الصيدلى..بس فكرك عنه ايه؟هل هو مجرد شخص تديله روشتة الدكتور فيروح يجيبلك الدوا من على الرف زى ما بيقولوا ويدهولك..
    يعنى بمعنى اصح زى ما بيطلق عليه مؤخرا (بقال نظيف)
    مش بس كده ده البعض قالوا ان احنا قصدى الصيادلة هيفتحوا اكشاك فى الشارع يبيعوا فيها الدوا مش بس كده فى كمان قالوا ان الصيادلة هيطلعوا يلفوا فى الاتوبيسات ويقولوا ريفو ريفو....وتريقة من ده كتيييييييييييييير
    سيبك من اللى يقولك بقال نضيف اول ما يسمع انك فلى صيدلة
    ماعلينا..بس تفتكر الصيادلة يستحقوا كده وانا مش بقول كده عشان انا فى صيدلة لا بس انت برده كمواطن من حقك تعرف ايه واجبات الصيدلى اللى المفروض يقدمهالك لما تدخله الصيدلية...
    الصيدلى ملزم انه يديك لمحة عامة عن الدواء وطريقة عمله فى الجسم والمواد الفعالة اللى فيه واحتمالية حدوث اعراض جانبيةوطريقة استخدام الدوا والتعليمات ويحذرك اذا كنت بتاخد ادوية معارضة او اذا كان عندك اى مرض بيتعارض مع الدواء طبعا بعد الشر عليكم...
    تعرف كمان ان الصيدلى لو عرف تشخيص مرضك ممكن يديك الدواء المناسب اكتر من الدكتور لانه اعلم بالمواد الفعالة وميكانيسم الدوا والميتابوليزم بتاعه عنه وده مع احترامى للدكاترة طبعا
    والكلام ده بيحصل فى بعض المستشفيات فى مصر الطبيب يشخص والصيدلى يحدد الدواء للحالة المرضية...
    مهو احنا مش داخلين 5 سنين صيدلة عشان نجيب الدوا من على الرف!!!!!
    لكن ايه اللى بيحصل..المريض يدخلى الصيدلية يدينى الروشتة اروح اجيبله الدوا ياخده ويحاسب ويمشى ميبقاش عايز يسمع ولا كلمة هو هيوجع دماغه ليه؟؟؟
    انك تتكلم معاه او لو الدوا مش موجود فتحاول تقوله ان فيه دوا بديل بنفس المادة الفعالة بل احيانا بيبقى فيه ادوية ارخص واحسن ونفس المادة الفعالة لكن المريض يبصلك كده نظرة ايه ويقولك (هو انت هتفهم احسن من الدكتور؟؟؟) صدقونى الكلام ده بيحصل اه انا بقابل ناس متفهمة جدا لعمل الصيدلى بس دول بيبقوا قليلين اووى...
    انا من واجبى كصيدلى انى اوفرلك كل اللى قلت عليه بس ده مبيحصلش ...
    عشان دلوقتى كمان بقى بيقف فى الصيدلية واحد مش خريج صيدلة ولا طب حتى ولا تمريض ده بيقف شهادات تانية خالص مع احترامى ليهم طبعا
    واحيانا بيقف ناس ثانوية عامة من هنا جه الانطباع ان الصيدلى بقال نضيف واى حد يقدر يقوم بشغله...
    تقريبا كده كلية الصيدلة ملهاش لازمة وبكرة تاخد من مجموع 65% اه مهو اى حد ممكن يقف فى الصيدلية!!!
    بس خدوا بالكم الكلام ده فى مصر بس بره صيدلة ليها وزنها والصيدلى يعتبر اهم عضو فى الفريق الطبى نظرا لانه اخر واحد بيشوفه المريض قبل ما يروح بيته وياخد الدوا ويكون الصيدلى قايله الارشادات كويس.
    معلش انا عارف انى طولت عليكم اووى بس انا حبيت اوصل اللى بتعرضله الصيادلة وحبيت برده تعرفوا حقوقكم ايه على الصيدلى.. اللى هو مش بقال نضيف (البقالين دول على عينا وراسنا والله)
    وربنا يبعد عنكم الامراض ويحفظكم دائما سالمين معافين...



    ..كومندا المنتديات..


  2. #2
    Pharma Student
    تاريخ التسجيل
    Jul 2007
    الدولة
    Mansoura
    المشاركات
    149

    افتراضي

    أحب أضيف على كلامك أن في بلاد برة مفيش حاجة اسمها صيدلي أورديحي كده فيه يا ام صيدلي نووي أو صيدلي جيني أو صيدلي اكلينيكي . والاكلينيكي الى هو العادي عندنا كده شوفتوا الخابة .!!!!!!!!!!

  3. #3
    Pharma Student
    تاريخ التسجيل
    Sep 2007
    المشاركات
    148

    افتراضي

    ميرسى اوى على الموضوع الجميل ده لانو فعلا اللى بيحصل فى الواقع يعنى مثلا لما تقول لحد انا هدخل كليه صيدله يقولك ياخبر يعنى هتبقى بياع؟
    انا نفسى اوى الناس تغير الفكره دى عن الكليه وتعرف ان الصيادله دول ممكن ينقذو حياه ناس كتير لان الدكاتره زى اى بشر ممكن يغلطو فى كتابه الدوا وعشان كده الصيدلى لازم يكون عارف شغله كويس ونا مش هطول عليكو بس ده حصل فى الحقيقه لان انا قريبتى بردو دكتوره صيدله وجاتلها واحده فى الصيدليه وعايزه تصرف دوا والست دى كانت حامل فلما قريبتى شافت الدوا ده قالتلها روحى للدكتور تانى لان الدوا ده خطر عليكى دلوقتى وفعلا راحت الست دى للدكتور واعتزرلها اوى وغير الدوا
    المهم شوفو بقى لو كان اى حد واقف فى الصيدليه بقى كان زمانو مانبهاش للخطر ده
    وشكرا تانى يا ميدو على الموضوع

  4. #4
    Pharma Student
    تاريخ التسجيل
    Sep 2007
    المشاركات
    351

    افتراضي

    لا شكرا على واجب يا قمر الزمان

    بس بجد الموضوع ده مهم جدا لأن ده مصير معظم الصيادلة

    بس بإذن الله يتغير على إيد طلاب إعداى

المواضيع المتشابهه

  1. تعرف على اللئيم............
    بواسطة sara ahmed في المنتدى المنتـدى العـام
    مشاركات: 8
    آخر مشاركة: 13-05-2010, 05:21 PM
  2. هل تعرف ربك؟؟؟
    بواسطة Messi في المنتدى المنتدى الاسلامى
    مشاركات: 1
    آخر مشاركة: 09-05-2010, 06:49 PM
  3. **من صيدلة القاهرة-->إلى صيدلة المنصورة .**عساكم من عوادة
    بواسطة w_eldali في المنتدى قسم المناسبات والأخبار الاجتماعية
    مشاركات: 13
    آخر مشاركة: 30-11-2009, 11:18 PM
  4. ازاي تعرف انت ولد ولا بنت .....!!
    بواسطة Dr Anonymous في المنتدى المنتدي الترفيهي
    مشاركات: 14
    آخر مشاركة: 12-11-2009, 07:35 PM
  5. هل تعتقد أن صيدلة هى صيدلة !!!!
    بواسطة Dr.Done في المنتدى الفرقة الاعدادية 2008
    مشاركات: 19
    آخر مشاركة: 03-11-2007, 03:58 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •