احكيلكوا بقى اللى حصلى فى الشفوى عشان تشوفوا العجب
اللى يعيش ياما يشوف والله
اولا لجنتنا مجالهاش دكتور لحد الساعه 1.30باين
دكتور اسماعيل خدنا وقال هيسألنا
قال كل اللجنه تمضى فى الغياب وهو بيعدى بقى علينا يسألنا واحد واحد
بعد كده دكتور جه فا دكتور اسماعيل قاله خد بقى اللجنه دى كملها
الدكتور بيمسك الورقه لقانا ماضيين
الدكتور: الناس دى امتحنت
احنا: لا لسه
الدكتور: امال مضيتوا ازاى الامضا دى ادامى معناها انكوا امتحنتوا
احنا: دكتور اسماعيل اللى مضانا وبعدين مشى
الدكتور: طيب اللى مضى يروح انا هديكوا درجه حلوة ملكوش دعوه
احنا: نرووح !!!!!!!! ازاى يا دكتور
الدكتور: انا بقلكوا ملكوش دعوه روحوا هديكوا درجه حلوة وخلاص
طبعا فى ناس ماصدقت وجريت روحت علطول
الدكتور: يلا اللى ادامى بس يكتبوا اساميهم فى ورقه تانيه عشان دول اللى هيمتحنوا
واللى روحوا هياخدوا صفررررررررررررر
احنا: ليه يا دكتور
الدكتور: فى حاجه اسمها حد يروح من غير ما يمتحن وانا هحط درجه على اساس ايه يعنى
احنا: ما حضرتك اللى قلتلهم يمشوا
الدكتور : ده كان اختبار ذكااء من امتى صيدله بقى فيها معاتيه كده؟ اى حد يقولكوا حاجه تصدقوها كده !!!!!!!!!!!!
وعجبى عليكى يا صيدله و على اللى شوفته وهفضل اشوفه فيكى لحد اخر يوم
انا بقى كان نفسى قوى اعمل كده لكل حدخنقنى انهاردة وفى واحد كان نفسى ابدأ بيه
بس والله اللى بينقذهم مننا ربنا ربنا موجود هو المنتقم الجبار
واول مرة احس انى عاوزة ادعى على حد ومش حاسة بالذنب
ليه مش بيسيبوا لنا ذكرى حلوة نفتكرهم بها انا بتهيألى لو قبل
حد من اللى فى بالى فى حياتى العملية ءان شاء الله لازم اسوء معاملة بالمثل
موضوع تانى حكاية الوسطة دى والكوسة اللى بتحصل رغم التنبيه على ان كل واحد
يمتحن فى لجنته فى ناس زى الباشوات دخلوا وخلصوا وكمان درجات نهائية واحنا مستنين
اى حد يعبرنا مفيش دكتور جالنا لحد الساعة اتنين واللى يدخل لسيادته من غير واسطة
يتهزأ ويطرد يالا هقول ربنا مطلع ومنتقم وفى حاجة كمان بخصوص الوسطة حصلت فى اللجنة
لواحدة ومش هكمل بقى كفاية ربنا يديهم على اد اللى بيطلعوه علينا
وللناس اللى بتحب الوسطة قوى
بسم الله الرحمن الرحيم
(ولا تصعر خدك للناس ولا تمش في الأرض مرحا إن الله لا يحب كل مختال فخور)
لا انا بردها بس
هههههههههههههه
والله انا مطلعتش بالكلية دى بحاجة غير بيك يا ابو حميد
نكمل بقى على التلفون احتراما لمشاعر الناس