الحلقة الثالثة
زي ما اتكلمنا في الحلقة اللي فاتت عن دور الصيدلي اللي بيعمله في الصيدلية
و قد ايه الدور ده كبير و مهم جدا و مؤثر في المجتمع لو الصيدلي أداه على أكمل وجه
النهاردة هنشوف حاجة مهمة جدا بالنسبة لكل صيدلي واقف في صيدلية
سؤال لازم كل واحد يسأله لنفسه
ليه الناس بتيجي الصيدلية ؟؟؟
لازم ألاقي الإجابة عندي للسؤال ده عشان أشوف احتياجات الناس من الصيدلية و ابدأ أوفرها لهم بحيث لما ييجي الصيدلية يلاقي اللي هو محتاجه
زي ما اتكلمنا برضه الحلقة اللي فاتت ان الناس متخيلة ان الصيدلي ده ساحر بيعمل كل حاجة
نفس الفكرة مع الصيدلية ... الناس فاكرة انها عبارة عن مغارة علي بابا !!!
زي ما في الكاريكاتير ده ...
طبعا محدش يستغرب من كده لانه بيحصل لنا كلنا في الصيدلية ... و اللي محصلوش يبقى دي مش صيدلية ولا مؤاخذة ... أنا وصلت معايا مرة اتسألت على مصيدة فيران
و للأسف في صيدليات كتير بترخص من نفسها و من قيمة الصيدلي و الصيدليات عموما لما تلاقي مكتوب إن الصيدلية فيها كروت شحن جميع الفئات أو تصوير مستندات !!!
الناس مش لازم تيجي الصيدلية عشان مجرد تشتري الدواء و خلاص
هنتكلم في الأول على حاجة بسيطة
و هي ليه الناس بتلجأ للصيدلية في حاجات كتير جدا من الحياة اليومية و خصوصا في الامور الطبية ؟؟؟
معروف ان من اهم المميزات اللي في الصيدلية هي قربها من الناس ... مجرد طلوع درجتين سلم "و أحيانًا نزول" و تبقى في مواجهة مباشرة مع الصيدلي ... بدون ما تحتاج تاخد معاد بالتليفون من قبلها أو تدفع تمن الكشف و تروح من بدري عشان تاخد دورك
و عشان كده الصيدلية هي الخيار الأول للمريض خصوصا في المناطق الشعبية و القرى و اللي بيكون دخل الفرد فيها قليل نسبيا ف بيكون الاعتماد أكتر على الصيدلي في الغالب
و برضه المريض بيلجأ للصيدلي في المقام الأول خصوصا لو الموضوع خفيف سواء ألم أو دور برد أو الكحة و الحاجات البسيطة اللي الصيدلي يقدر يساعد المريض فيها بدون مقابل ... حتى في أسوأ الأحوال لو الحالة صعبة و انت قلتله انها محتاجة لكشف طبيب متخصص هيقولك جملة شهيرة جدا :
طب ما تعرفش يا دكتور حد يكون كويس نكشف عنده ؟؟؟
لو حاولنا نشوف بطريقة مرتبة كالعادة هنلاقي حوالي 90% من أسباب مجيء الناس للصيدلية حاجة من تلاتة
يعني يقولك اعراض معينة يوصفهالك و مطلوب انك تجيبله العلاج المناسب لحالته في حدود اختصاصاتك كصيدلي ... و ده موضوع كبير جدا و هو الـ OTC مش مجالنا هنا
و إن شاء الله في الحلقات الخامسة و السادسة هنتكلم عن ازاي اوصف دواء للمريض و ايه العوامل اللي بحطها في اعتباري و انا بديله الدواء
يعني يطلب منك دواء معين سواء في روشتة طبية او يقولك اسمه زي ما حكينا في الحلقة اللي فاتت
بالمناسبة مظنش ان حد عرف ايه المقصود بـ "حباية بين البينين"
بعد عناء شديد
و مجهود مضني
اكتشفت ان الكلمة دي منتشرة في المنطقة هناك
حباية بين البينين
يقصد بيها
للأسف
Primperan
و ده اللي أخدناه من مجانية التعليم
و دي بيندرج تحتها حاجات كتير زي التغذية و طرق الحفاظ على مستوى السكر و الضغط و العناية بالبشرة و الشعر و التخسيس و خلافه
و ممكن نجمل العناصر التلاتة الرئيسة كالعادة في صورة واحدة
-------------------
الحلقة القادمة الأربعاء 20/7/2011
----------------------
سؤال مناقشة الحلقة
هل في أسباب تانية في رأيك الناس بتردد على الصيدلية بسببها ؟؟؟
ايه الخدمات اللي ممكن أوفرها في الصيدلية بحيث تجذب الناس للصيدلية بتاعتي و تفضلها عن الصيدليات المجاورة ؟؟؟
و دُمْتُمْ بِوِدٍ