صفحة 1 من 7 123 ... الأخيرةالأخيرة
النتائج 1 إلى 10 من 62

الموضوع: هستو واناتومى ....... استر يا رب.

العرض المتطور

المشاركة السابقة المشاركة السابقة   المشاركة التالية المشاركة التالية
  1. #1
    Pharma Student
    تاريخ التسجيل
    Nov 2007
    الدولة
    Mansoura
    المشاركات
    2,100

    Smile هستو واناتومى ....... استر يا رب.

    السلام عليكم ورحمة الله وبركاته ،

    ...امتحان الهستولوجى والاناتومى ...

    معلش انا استعجلت شوية وكتبت الموضوع ده بدرى شويتين ،
    بس أنا قلقانه من المادة ... وعايزة أعرف ناويين تعملوا ايه ؟؟؟!!!؟؟؟؟

    وكمان عايزة اخوانا اللى أكبر مننا ينصحونا
    انتم عارفين ان الفسيولوجى للأسف كان عامل شغل جامد جداااااااا
    مع معظم الدفعة فى الترم الاول،

    وربنا يستر ،
    طبعا معظم الناس بتقول ما تخافوش وهتعدى بتقدير جميل جداااا
    بس أنا عايزة أعرف ازاااااااااااى ؟؟؟؟؟؟!!!؟؟؟

    يعنى كفاية التجميعات ولا زى ما سمعت........
    لازم نزاكر من ورق الشرح وبعدين المراجعه ؟؟؟

    الحاجات المهمه اللى د/عمر جبر قال عليها سمعت انها فعلا بييجى منها،
    لكن الأسئلة اللى د/عونى قال عليها ،
    هو هيجيب منها والا قال اييييييه؟؟؟
    عايزة أعرف لانى للاسف مش حضرت المحاضرة اللى قال فيها الاسئلة ،
    لكن الاسئلة معايا ...

    ربنااااااااااااا يستر بجد لانى قلقانه جداااااا وحاسة ان ماعتش عندى طاقه
    للمذاكرة ....


    بس ربنا يعينا كلنا يااااااااارب .

  2. #2
    Pharma Student
    تاريخ التسجيل
    Dec 2007
    المشاركات
    711

    افتراضي

    ربنا يوفقك يادكتورة كوين
    ياااااااااارب
    وتنتهى بقى الإمتحانات دى على خير
    تقبلى دعواتى وتحياتى ياحبى

  3. #3
    Pharma Student
    تاريخ التسجيل
    Jun 2007
    المشاركات
    450

    افتراضي

    انا حاسة اني خلصت امتحانات خلااااااااااااص

    الهستولوجي والانتومي دول هيتزاكرو ان شاء الله .....زيهم زي اللي قبلهم
    الهستولجي من مزكرة المراجعة اللي هيا كام سؤال
    والانتومي من المراجعة برده

    والي عندو راي تاني او خلفية عن الامتحان ياريت يفيدينا

  4. #4
    Pharma Student
    تاريخ التسجيل
    May 2007
    الدولة
    في ضميري
    المشاركات
    1,139

    افتراضي

    انا اعتقد ان مراجعه دكتور عبد الفتاح في الهستولوجي والناتومي جميله جدا
    بالتوفيق للجميع ان شاء الله

  5. #5
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    Exclamation

    اقتباس المشاركة الأصلية كتبت بواسطة amame_404 مشاهدة المشاركة
    انا اعتقد ان مراجعه دكتور عبد الفتاح في الهستولوجي والناتومي جميله جدا
    بالتوفيق للجميع ان شاء الله



    أولا: ذكر أسامى ناس بتدى دروس ممنوع فى المنتدى يا دكتور ...... إحنا مش منتدى دعاية و إعلان ........ ده منتدى للكلية و المفروض نسمو عن لعب العيال ده



    ثانيا: الدروس دى لعب عيال و هيافة و دكاترة المادة يضربوهم بالجذمة



    ثالثا: للدكتور queen مفيش دكتور هيكدب و طالما قال أسئلة يبقى هيجيب منها بس مش معنى كده إنك متقريش باقى المنهج ..... لأن السنة اللى فاتت جاب سؤال من بره الأسئلة ..... و ده طبعا سؤال الامتياز .



    رابعا: إن شاء الله خير و الترم التانى فى الفسيولوجى مفيش منه خوف بتاتا و كله بيقفل المادة ترم تانى ........ و ربنا يوفقكوا



    على فكرة أنا فرقة تانية مش أولى زى ما هو مكتوب

  6. #6
    Pharma Student
    تاريخ التسجيل
    Jul 2007
    الدولة
    Mansoura -Egypt
    المشاركات
    228

    افتراضي

    شكرا على الافادة اللي قالها زميلنا د. ياسر.. لكن احب اوضحله شوية نقط بمناسبة ان انا واحد من طلبة اولى اللي هيمتحنوا المادة دي السنة دي

    اقتباس المشاركة الأصلية كتبت بواسطة yasser_glh مشاهدة المشاركة
    أولا: ذكر أسامى ناس بتدى دروس ممنوع فى المنتدى يا دكتور ...... إحنا مش منتدى دعاية و إعلان ........ ده منتدى للكلية و المفروض نسمو عن لعب العيال ده

    اوك .. كلامك ده زي الفل يا دكتور .. بس افتكر ان ياريت نسيب كل حاجة لمختصيها .. يعني ادارة المنتدى لو شايفة ان الكلام ده مش مظبوط تبقى تشيله .. ده غير ان قوانين المنتدى مفيهاش مايمنع ذكر اي كلام عن ورق أو مذكرات او غيره .. الخ


    ثانيا: الدروس دى لعب عيال و هيافة و دكاترة المادة يضربوهم بالجذمة

    طبعا .. محدش يقدر يقول حاجة و دكاترة المادة طبعا مهما حصل هما الافضل لأنهم علماء في تخصاصتهم .. بس افتكر يا دكتور ان الكلام اللي الناس قايلاه عن المذكرات اللي هيتذاكر منها .. مش اعلان عن كورسات او كلام م اللي انت بتقوله ده .. و بعدين بالله عليك حد هيعلن عن كورسات قبل المادة ب 5 ايام .. من باب اولى لو كان عايز يعلن ما كان يعلن من اول السنة .. و لا ايه ؟!؟.. و بما أن المذكرة ملهاش اسم فبنضطر نقول اسم اللي كاتبها .. يعني مثلا حضرتك تضايق لو واحد زميلنا ذاكر منهج اولى و لمه كويس .. و عمل موضوع يساعدنا بيه .. و سميناه موضوع الدكتور فلان ..


    ثالثا: للدكتور queen مفيش دكتور هيكدب و طالما قال أسئلة يبقى هيجيب منها بس مش معنى كده إنك متقريش باقى المنهج ..... لأن السنة اللى فاتت جاب سؤال من بره الأسئلة ..... و ده طبعا سؤال الامتياز .

    لأ بقى اسمحلي انا اختلف معاك في دي ... في فرق اني اقرأ منهج لمجرد الاطلاع و الاستفادة كحاجة عامة .. و اني اذاكره عشان امتحن فيه ... و اي حد يقول غير كدة يبقى بيضحك على نفسه .... و بعدين سؤال امتياز هييجي يعمل ايه دلوقت و ناس كتيييير جدا شايلين المادة الترم الاول .. بالاضافة لصدمة العضوية بتاعة الترم التاني .... و لا انت مش عايز يبقى في سنة تانية السنة الجاية


    رابعا: إن شاء الله خير و الترم التانى فى الفسيولوجى مفيش منه خوف بتاتا و كله بيقفل المادة ترم تانى ........ و ربنا يوفقكوا

    ربنا يطمنك يا دكتور و ان شاء الله ربنا يكرم و نعدي



    على فكرة أنا فرقة تانية مش أولى زى ما هو مكتوب

    تشرفنا بيك يا دكتور ... و كله واحد من اعدادي لرابعة كلنا اخوات جايين نفيد بعض و شكرا على نصايحك
    التعديل الأخير تم بواسطة Khaled Ali ; 17-06-2008 الساعة 11:31 PM

  7. #7
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    Exclamation ينفع كده !!!!

    اقتباس المشاركة الأصلية كتبت بواسطة Dr.Lido مشاهدة المشاركة
    شكرا على الافادة اللي قالها زميلنا د. ياسر.. لكن احب اوضحله شوية نقط بمناسبة ان انا واحد من طلبة اولى اللي هيمتحنوا المادة دي السنة دي



    آخر مرة أرد عليكوا فى حاجة ........ دا إنت بهدلتنى يا ليدو ......... و بعدلاحظ إن لسة مفيش تفعيل لإدارة المنتدى




    المنتدى لسة بادىء يطلب مشرفين ...... و المشرفين هم الإدارة الحقيقية .... مش admin ولا ال moderators .. مع إحترامى للجميع




    أنا كنت مشرف فى أحد المنتديات ..... و مدير عام لمنتدى تانى ...... و ماسك مراقب فى منتدى تالت ........ و كل ده فى نفس الوقت ...... و بقولك عن خبرة سابقة فى المجال ...... و الله الإدارة الحقيقية هى المشرفين

  8. #8
    Pharma Student
    تاريخ التسجيل
    Jul 2007
    الدولة
    Mansoura -Egypt
    المشاركات
    228

    افتراضي

    [quote=yasser_glh;44923]
    آخر مرة أرد عليكوا فى حاجة ........ دا إنت بهدلتنى يا ليدو ......... و بعدلاحظ إن لسة مفيش تفعيل لإدارة المنتدى
    ليه كدة بس انا و الله ما قصدي حاجة ... يا سيدي انت ترد في اي مكان وقت ما انت عايز و تقول رأيك .. و اي حد ممكن يعقب على كلامك لو اختلف معااك ... و بعدين انا حبيت بس اوضحلك رأيي مش قصدي اضايقك خااالص ..



    المنتدى لسة بادىء يطلب مشرفين ...... و المشرفين هم الإدارة الحقيقية .... مش admin ولا ال moderators .. مع إحترامى للجميع
    طب ما هياها يا دكتور .. ال Moderators بيكونوا اكتر من واحد .. كل واحد ماسك قسم ... و كل واحد شغال بوجهة نظره الخاصه .. يعني ممكن مشوف يوافقك و يقول الموضوع ده غلط و ميصحش ... على حين واحد تاني ممكن لو مشرف يقول ده موضوع عادي



    أنا كنت مشرف فى أحد المنتديات ..... و مدير عام لمنتدى تانى ...... و ماسك مراقب فى منتدى تالت ........ و كل ده فى نفس الوقت ...... و بقولك عن خبرة سابقة فى المجال ...... و الله الإدارة الحقيقية هى المشرفين

    اوك و الله انا عارف كل اللي بتقوله ده .. بسمفيش حاجة اسمها تقول انا مش رادد هنا تاني .. لأ المنتدى كله بتاع الناس كلها .. انت حقك ترد في اي مكان .. و اي حد يدخل يوافقك ف الراي او يعارضك .. و ارجو انك متسيئش الظن بكلامي ... لأني مقصدش ابدا اقلل من رايك او اطلعك غلطان ... و شكراااا

  9. #9
    Pharma Student
    تاريخ التسجيل
    Aug 2007
    المشاركات
    158

    افتراضي

    اقتباس المشاركة الأصلية كتبت بواسطة yasser_glh مشاهدة المشاركة
    آخر مرة أرد عليكوا فى حاجة ........
    لية بس يا دكتور احنا مبنسدق ان حد يرد علينا من الكبار ويطمنا شوية

    دا إنت بهدلتنى يا ليدو .........
    لا لا ليدوا دة راجل طيب هوا بس حب يوضحلك الصورة كويس وبصراحة انا اقتنعت برأية

    وان شاء اللة يا جماعة الاناتومى هيعدى زى البائى دحنا امتحنا عضوية وعقاقير وصيدلانيات
    خير ان شاء اللة وانا بردوا هزاكر من ورق المراجعة والعشر اسئلة الى دكتور عونى قال عليهم

  10. #10
    Pharma Student
    تاريخ التسجيل
    Apr 2007
    الدولة
    Mansoura
    المشاركات
    1,190

    افتراضي

    اممممممممممممم
    ازيكو يا دفعة أولى
    خلاص هانت اهي
    بالنسبة للهستولوجي والاناتومي

    د/عمر فعلا كان بيجيب من الأسئلة اللى هو بيقولها
    ايامنا مذاكرناش غير اللى قال عليه ومخرجش منه ولا سؤال

    اما بقى د/عوني مدالناش غير محاضرتين ومقالش فيههم أسئلة فمقدرش افيدكو
    بالنسبة بقى للدرجات فان شاء الله هتبقى مرضية الترم التاني عن الأول كتير ولو اني الوحيدة اللى محصلش معايا كده ..مش عارف ليه

    موضوع الدروس بقى :
    اعتقد زي ما قلت يا د/ياسر ممكن تطرح الموضوع فى نقاش مستقل عشان كل الناس تدخل وتشارك
    مع التحفظ على بعض تعليقاتك على الناس اللى بتدي دروس

صفحة 1 من 7 123 ... الأخيرةالأخيرة

المواضيع المتشابهه

  1. بركان ايسلندا......استر يا رب
    بواسطة Messi في المنتدى المنتـدى العـام
    مشاركات: 11
    آخر مشاركة: 20-04-2010, 12:51 AM
  2. ايه الاخبار النهارده (هيستو قصدي هستو)
    بواسطة Dr Deya في المنتدى الفرقة الاولى 2009
    مشاركات: 31
    آخر مشاركة: 17-06-2009, 07:55 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •