صفحة 39 من 50 الأولىالأولى ... 29373839404149 ... الأخيرةالأخيرة
النتائج 381 إلى 390 من 500

الموضوع: يلا نبقى دكاترة بقى .........

  1. #381
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    افتراضي

    السلام عليكم ورحمة الله

    بالنسبة للحالات الى معانا

    وهنطبق عليها ازاى الى فوق؟؟



    اولا

    طفل عنده 10 سنين


    فى الحالات دى عموما بيبقى رسك ان الطفل يكون مصاب بتضخم او سرطان او انسداد فى البايل دكت

    قليل جدا

    ده فى الغالب

    وبيبقى الاحتمالات الى قدامى اقل بكتييييييير من الشخص الى عنده 50 سنة


    وغالبا (من خلال الحالات الى بنشوفها )

    بتكون الحالة حاجة من اتنين:

    1- اما ان الكبد ضعيف بسبب تناول

    (الشيبسى والبيبسى والحجات الى مليانة بالمواد الحفظة دى )

    او

    تناول ادوية كتير فالكبد بينهك

    وبالتالى الانزيمات بتستهلك فى التخلص من المواد دية

    وبالتالى نسبة البلى روبين بتزيد.


    2- زى ما دكتورة يوجينا قالت انها بتكون حالة فايرس

    وغالبا بقول غالبا بيكون فايرس A اشمعنى ده بقى ؟؟


    لان الفايرس ده اسرع واحد ممكن يدى نتيجة ويبان بسرعة

    بعكس الباقى فلو افترضنا انه مثلا اصيب بالفايرس وهو عنده سبع سنين صعب جدا يبان اعراض له وهو عنده 10 سنين

    طبعا دا عالم من الاحتمالات


    طيب

    هتصرف ازاى فى الحالة دى؟؟


    بدى للعيان حجتين ؟؟

    1- اى دوا فيه سيليمارين وارخصهم فى السوق الهيباتيكم

    وده بيشتغل كالاتى

    anti hepatotoxic


    يعنى بالبلدى كدا بيخلى الكبد مورهوش غير انه يموت الفايرس (فى حالة ان كان هو السبب)

    وهو يخلصه من التوكسن دى

    تانى حاجة بينشط وظايف الكبد عموما ويخليه يكون فى احسن حالاته .

    2- بدى مجموعة من الفايتامينات والمقويات العامة ..

    (الاكل ميتعبش الكبد حجات خفيفة وسهلة الهضم وراحة بس 3 اسابيع كتير )



    لو الطفل خف فى خلال يومين ونص او تلاتة


    يبقى خلاص تمام ومش محتاجين تحاليل

    (دلو العيان مش فارقة معاه لكن لو العيان صيدلى او له فى الحكاية اكيد هيروح يحلل )

    المهم

    لو مخفش يبقى لازم تحاليل بقى

    وبيكون فى شك كبير ان تكون فى حاجة كونجنيتال وراثى يعنى .


    ثانيا

    بالنسبة للحالة 50 سنة

    لازم يعمل تحاليل

    لان جميع الاحتمالات بتكون واردة

    ولا مجال للمغامرة ابدا معاة او اضاعة الوقت لان ممكن تكون حاجة خطيرة من الحاجات الى فوق دولى....


    لو فى اى استفسار عن الحالة او فهم اى مرض من الامراض الى مذكورة فى الاحتمالات الى فى الصورة ممكن نبقى نتكلم عنهم باختصار



    وان شاء الله انا عندى جدول حلو اوى بي
    قارن بين انواع فيروسات السباتيتس هبقى اكتبهلكم بس هو فى شوية حجات كدا هبحث عنهم وابقى اكتبه



    بالتوفيق دائما ولا تنسونا من صالح دعائكم


    سبحانك اللهم وبحمدك أشهد أن لا اله الا أنت أستغفرك وأتوب اليك







  2. #382
    Pb Elite
    تاريخ التسجيل
    Feb 2009
    الدولة
    المنصورة
    المشاركات
    345

    افتراضي

    السلام عليكم ورحمة الله وبركاته

    فعلا فعلا موضوع فوق الرائع

    وانا للاسف اول مرة اقرائه النهاردة واول مرة اصمد امام موضوع اقراه حتى النهاية 39 صفحة كاملة

    جعله الله فى موازين حسناتك ومن شارك معك فيه وجزاكم عليه خير الجزاء

    انا كنت عايزه اعرف هو حضرتك ادربت فى الصيدلية من امتى وازاى بتجمع معلوماتك ومراجعك و ازاى نحاول نوصل لمرحلة العلم دى

    حضرتك بجد قدوة حسنة على الاقل لى

  3. #383
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    افتراضي وعليكم السلام ورحمة الله وبركاته

    اقتباس المشاركة الأصلية كتبت بواسطة المشمرون للجنة مشاهدة المشاركة
    السلام عليكم ورحمة الله وبركاته

    فعلا فعلا موضوع فوق الرائع

    وانا للاسف اول مرة اقرائه النهاردة واول مرة اصمد امام موضوع اقراه حتى النهاية 39 صفحة كاملة

    جعله الله فى موازين حسناتك ومن شارك معك فيه وجزاكم عليه خير الجزاء

    انا كنت عايزه اعرف هو حضرتك ادربت فى الصيدلية من امتى وازاى بتجمع معلوماتك ومراجعك و ازاى نحاول نوصل لمرحلة العلم دى

    حضرتك بجد قدوة حسنة على الاقل لى
    ربنا يبارك فى حضرتك


    وجزاكم الله مثله
    وانا الحقيقة مش متخيل حد يقدر يقرأ الموضوع كله....... دى فعلا قدرات بسم الله ما شاء الله


    والله مش عارف اكتب اقول ايه ربنا ييسر لينا ولحضرتك الحال
    -----
    الحالة التالية


    (مريض استيقذ من نومه فشعر بانسداد باذنه وكأنها تضغط عليه وبالم فيها )


    ما هو التشخيص ؟؟

    وكيف يتم علاجه؟؟


    وما هى النصائح الى المفروض ما تنساش تقولها للمريض ؟؟ وليه ؟؟

  4. #384
    Pharma Student
    تاريخ التسجيل
    May 2009
    الدولة
    Still Searching ....!
    المشاركات
    1,156

    افتراضي

    متهيألى ده يا احمد إلتهاب أذن وسطى ... أو ممكن يكون التهاب اذن وسطى إلتصاقي يعنى إلتصاق غشاء الطبل بعظم الأذن و لما بيكون الإلتصاق جزئيا ممكن يعمل عمليه و ان شاء الله بتنجح ميه ف الميه .... بس لو كان الإلتصاق كاملا بيبقى الموضوع اصعب كتير

    ..

    مش عارف انا فى حاجه مش واخد بالى منها ولا ايه .. بس عموماً لو هو ده التشخيص فعلاً ابقى عرفنى و نبقى نشوف موضوع العلاج و النصايح .... بس لو مش صح ما تتعصبش عليا و
    مستنيك ان شاء الله


  5. #385
    Pb Elite
    تاريخ التسجيل
    Feb 2009
    الدولة
    المنصورة
    المشاركات
    345

    افتراضي

    اقتباس المشاركة الأصلية كتبت بواسطة احمد شبند مشاهدة المشاركة
    وانا الحقيقة مش متخيل حد يقدر يقرأ الموضوع كله....... دى فعلا قدرات بسم الله ما شاء الله




    السلام عليكم ورحمة الله وبركاته

    دى مش قدرات ولا حاجة بس علشان فى حاجات كتير لم افهمها لكن قررت انى اقراها وان شاء الله هفهمها بعد كده لما اكبر


    اما بالنسبة للحالة

    فاعتقد والله اعلم انه1- التهاب فى الاذن الوسطى بسبب وجود الالم لكنه بيسبب بعض الدوار تقريبا
    2- بسبب تراكم الشمع وبكده الاذن محتاجة تنظيف لكن بطريقة سليمة وليس بسن الابر والاقلام والقطن اللى بيدخل الشمع اكثر وياذى اكتر ما بينفع

    العلاج

    1- نقط اوتال كمضاد للالتهابات وقاتل للبكتريا او باترافين لو الالتهاب جامدمضاد للفطريات

    النصيحة

    منع وصول الماء وخاصة البارد للاذن حتى لايزيد من الالتهاب حتى الدكتور لما بيغسل الاذن بيغسلها بماء دافئ لاااااااازم

    ولو الدكتور هينظف الاذن بيعطى نقط مش فاكره اسمها علشان تدوب الشمع لمدة 3 ايام تقريبا وممنوع استخدامها بعد كده

    والنصيحة الاخرى عدم الافراط فى النقط حتى لاتسبب التهابات مزمنة القناة السمعية

    وارجو من الله ان تكون حتى لو كلمة واحدة صح

    وانا اسفة جدا على الاطالة

  6. #386
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    افتراضي

    بسم الله ما شاء الله عليكم

    ربنا يبارك فيكم

    كلام والله زى الفل

    فى بس ملحوظة واحدة صغنونة خالص هنبقى نتكلم عنها ان شاء الله


    وكمل يا ابو حميد أنت على الطريق الصحيح ان شاء الله وانا معاك لو احتجت اى حاجة

  7. #387
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    افتراضي

    السلام عليكم ورحمة الله


    هنسيب الحالة شوية وهنرجعلها تانى


    لان فى كلام هاااااااام جدا

    ويهمك كصيدلى


    لانك بسببه ممكن تتسبب فى تدمير حياة مريض بدون قصد



    نشوف القصة

    دى على السريع كدا

    عامك العالم ارلش اعد مع العيال بتوعه



    قالهم:

    انا اخترعت النهاردة صبغة رهيبة بتنتشر بسرعة فى الدم وتلونه حتى شوفه


    ام جاب فار وحقنه وبالفعل الصبغة انتشرت بسرعة ولونت الجسم بس ما عدا المخ!!


    فعيل من عياله اسمه جولدن مان الراحل الذهبى يعنى قاله دا المخ متلونش؟؟


    قاله اصبر انت عارف حاتجة هيتلون دلوقت


    المهم فى الاخر المخ متلونش والعالم بقى شكله زى البتاع ادام تلاميذه



    مرت الايام

    وجه عمك جولدن مان وحقن الفار بالصبغة بس من المخ لقى حاجة غريبة ايه هى ؟؟


    المخ بس الى اتلون والجسم محصلوش حاجة


    وبعد البحث عرفوا ان فى حاجة عاملة زى الجداااااااار بتفصل الدم عن المخ


    وسمها


    Blood Brain Barrier

    بس


    طب ايه مشكلتك بقى يا عم وبتقول حاجة خطر والكلام الكبير ده


    نركز شوية


    اكتشف بعد كدا ان فى نوعين من الباكتيريا



    لهم القدرة على انهم يقتحموا هذا الجدار المتين


    طب وايه المشكلة؟؟


    يا راجل

    يعنى هيبوظو الجدار

    ويعدو ويروحو للمخ

    والحتة الى اتكسرت فى الجدار دى اى حاجة هتعدى منها


    طب تخيل كدا


    هى كسرت الحتة الى فوق مركز الابصار

    وعدت منها اى توكسن او اى سموم فى الجسم

    وبوظتها



    يبقى بالسلامة والراجل بقى اعمى



    يا خبر


    طب والعمل ايه؟؟


    اولا نشوف ايه الباكتيرا دى


    1

    Streptococcus pneumoniae

    2

    Haemophilus influenzae


    والاتنين دولت بيبقو موجودين فى الجسم

    فى معظم حالات الابر ريسبايراتورى وحالات الكومن كولد (البرد يعنى ).


    طب ايه المشكلة ؟؟


    المشكلة ان ممكن تكون الحالة ابر ريسبايراتورى او كومن كولد وتقلب بماننجيتس


    ثوانى كدا


    ايه الماننجيتس ده؟؟

    منا نسيت اقولكم ان الى حصل فوق لما البكتيريا اصابت الجدار وكسرته وكدا ده بنسميه ما ننجايتس .


    تمااااااااااااااام


    طب والحل اعمل ايييييييييييه؟؟


    الحل بسيط جدا جدا


    سيلدتك وأنت بتعالج العيان من الامراض بتاع الابر ريسبايراتورى تدى مع الانتى بايوتك بتاعك


    اى انتى بايوتك بيعدى BBB


    علشان لو واحدة من دول اتجرأت وحاولت تعدى تموت فى ساعتها ومتعملش البلاوى الى قلناها فوق



    كدا مفضلش غير حاجة واحدة وهى بقى


    موضوع البحث


    ما هى المضادات الحيوية الى بتعدى ال BBB ؟؟؟



    وبعد البحث تبين انهم كالاتى :


    ampicillin

    Cefotaxime

    ceftriaxone

    gentamicin sulfate

    vancomycin

    Ciprofloxacin

    rifampin

    الدوكسى والمينو سايكلين

    يعنى دمت الاكتر


    فى حجات تانية بتعدى بس بصورة اقل
    ......


    كدا الكلام العلمى خلص


    هحكى بس موقف علشان تعرفوا انا قلت الكلام ده ليه

    فى العيادات العامة عندنا فى المنصورة جالهم عيل معدش بيعرف يمشى

    والسبب كان ماننجيتس

    والدكتور قال ان الولد كان عنده

    A.F.T والولد اخد سيبتازول وخلاص

    والحالة اطورت وحصل للود الى حصل على الرغم لنه

    لو كان اخد ولو تلت اقراص فقط من الامبسيين

    كان من الممكن تفادى هذا الوضع..


    انا كنت زمان بستغرب لما تكون الحالة ملهاش دعوة بالامبسيبن وميكونش له لزمه فى العلاج ولقيه مكنتوب واقعد اقول طب هو كتبه لييييييييه؟؟



    ودلوقت عرفت واكيد انتم عرفتم السبب


    عذرا على الاطالة


    ثوانى

    خلاصة الكلام حالات الكومن كولد وحلات الابر تدى للعيان مع العلاج امببسيلين


    يلا


    فى امان الله


    التعديل الأخير تم بواسطة احمد شبند ; 20-02-2010 الساعة 06:52 AM

  8. #388
    Pb Elite
    تاريخ التسجيل
    Feb 2009
    الدولة
    المنصورة
    المشاركات
    345

    افتراضي

    السلام عليكم ورحمة الله وبركاته

    جزاك الله خيرا يا دكتور احمد على المعلومة المهمة جدا دى

    انا سمعت فعلا عن موضوع البرد اللى ممكن ياثر على المخ وكان الشيخ بيحكى قصة على سبيل الوعظ اننا جلنا البرد كام مرة والحمد للله بيعدى على خير حتى من غير مضاد حيوى علشان ربنا بيحمينا وبيسترها

    الحالة اللى حكاها ان كان فى امراة حامل جالها شوية برد عادى لكنه قلب معاها بالام وصداع مستمر فى الراس فعملت اشعة وجد ان البكتريا حطمت تقريبا 4/ 3 خلايا المخ وطبعا ماتت الام بعدها بفترة

    ربنا يسترها معانا كلنا انا كنت بستسهل البرد لكن طلع موضوعه كبير

  9. #389
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    افتراضي

    جزاكم الله مثله

    (وخلق الانسان ضعيفا )

    الانسان أضعف مما نتخيل ومع ذلك نعوم فى بحر من الذنوب


    اللهم أجعل خلواتنا خير من ما اشتغلنا به

    واهدى من لن يهتدى الا بك

  10. #390
    Pharma Student
    تاريخ التسجيل
    May 2009
    الدولة
    Still Searching ....!
    المشاركات
    1,156

    افتراضي

    اقتباس المشاركة الأصلية كتبت بواسطة احمد شبند مشاهدة المشاركة
    جزاكم الله مثله


    (وخلق الانسان ضعيفا )


    الانسان أضعف مما نتخيل ومع ذلك نعوم فى بحر من الذنوب


    اللهم أجعل خلواتنا خير من ما اشتغلنا به

    واهدى من لن يهتدى الا بك
    اللهم آمين

صفحة 39 من 50 الأولىالأولى ... 29373839404149 ... الأخيرةالأخيرة

المواضيع المتشابهه

  1. لو سمحتوا يا دكاترة
    بواسطة flora9188 في المنتدى الفرقة الاولى 2010
    مشاركات: 0
    آخر مشاركة: 29-06-2010, 10:06 AM
  2. عفوآ..! لقد توقفـ{القـلم}،،\وبقي{الآلـم}..彡♪●•
    بواسطة Dr Anonymous في المنتدى المنتـدى العـام
    مشاركات: 7
    آخر مشاركة: 11-03-2010, 01:07 AM
  3. الى دكاترة اولى الكرام
    بواسطة ambitious pharmacist في المنتدى الفرقة الاولى 2009
    مشاركات: 22
    آخر مشاركة: 22-03-2009, 08:54 AM
  4. ليييه يا دكاترة
    بواسطة EverLasting في المنتدى منتدى المناقشات
    مشاركات: 10
    آخر مشاركة: 01-08-2008, 10:26 PM
  5. ممكن طلب يا دكاترة
    بواسطة Lavander في المنتدى الفرقة الاولى 2008
    مشاركات: 1
    آخر مشاركة: 23-05-2008, 05:41 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •