صفحة 1 من 2 12 الأخيرةالأخيرة
النتائج 1 إلى 10 من 13

الموضوع: هل يخشى الرجل الزواج من المراه الذكيه

  1. #1
    Pb Elite
    تاريخ التسجيل
    Nov 2007
    المشاركات
    2,342

    Smile هل يخشى الرجل الزواج من المراه الذكيه

    اولا :اذيكو يادكاترة عاملين ايه اجازة سعيدة عليكو ان شاء الله

    فى موضوع عايزة اعرف رايكو فيه


    هل يخشى الرجل الزواج من المراه الذكيه ؟؟؟؟؟؟؟؟؟؟؟؟


    بس الاول هو ايه تعريفكو للمراه الذكية؟


    انا عارفة ان السؤال غريب
    بس
    الفكرة ان فى موقف اتحكالى عن شاب والدته بتقوله بلاش تتجوز فلانه قالها يعنى عايزانى اتجوز واحدة بتفهم عشان اطلقها بعد شهرين زى صاحبى الفلانى اللى اتجوز واحدة ذكية وبتفهم


    انا عايزة اعرف رايكو ايه فى الموقف ده


    وياترى ذكاء المراة ده عيب ولا ميزة ؟
    مستنية اعرف رايكو

  2. #2
    Pb Elite
    تاريخ التسجيل
    Sep 2008
    المشاركات
    2,071

    افتراضي

    بسم الله الرحمن الرحيم
    يعنى ايه تعريف المرأة الذكية الاول صحيح ؟؟

    الى شفته من الناس حوليا ان المرأة الذكية هى الى تعرف تحتوى جوزها ، و الراجل ميحبش الست الى تقف له على الواحدة ، لا لازم تستحمله و تستحمله و تصبر و تفهمه بشويش و فى الاخر تنفجر فيه مرة واحدة

    لكن اسئلتك يابيبو ، طلعت اصعب من امتحان الابلايد

  3. #3
    Moderator
    تاريخ التسجيل
    Oct 2007
    الدولة
    Mansoura
    المشاركات
    2,085

    افتراضي

    كتيييييييييييير مش عاوز واحدة ليها شخصية علشان متقرفنيش، تقول حاضر وخلاص،، رغم ان الشخصية دي هي اللي بتعمل مشاكل

    لي عودة ان شاء الله

  4. #4
    Pharma Student
    تاريخ التسجيل
    Aug 2009
    المشاركات
    486

    افتراضي

    ايوه فعلا الرجل يخشى الزواج من المراه الزكيه الى فاهمه ومدركه كل الى بيحصل حواليها مش عيشه كده وخلاص عشان تكنس وتمسح وتربى العيال واكيد الراجل مش بيحب الست تكون دايما فهماه وعرفه هو بيفكر فى ايه لا بالعكس الراجل بيحب الست تكون اقل منه فى الزكاء ودى حاجه حلوه مش وحشه ودايما يحب الست تكون زى القطه المغمضه زى ما بيقول مش تكون واعيه وفاهمه وليها شخصيه قويه وراى فى الحياه
    بس اكيد مش كل الرجاله بتحب كده انا بقول برده معظمهم عايز مراته تكون كده لان فى رجاله بتفرح وتتشرف ان مراته ست فاهمه لما يخرجو او يقابلو ناس تعرف تتكلم بحكمه وبزكاء واكيد دى حاجه تسعد الرجل مش تزعله الا الرجاله بقى الى عندهم نقص ويارب يبعدنا عنهم

  5. #5
    Pb Elite
    تاريخ التسجيل
    Sep 2008
    المشاركات
    2,071

    افتراضي

    اقتباس المشاركة الأصلية كتبت بواسطة sponge Bop مشاهدة المشاركة
    ايوه فعلا الرجل يخشى الزواج من المراه الزكيه الى فاهمه ومدركه كل الى بيحصل حواليها مش عيشه كده وخلاص عشان تكنس وتمسح وتربى العيال واكيد الراجل مش بيحب الست تكون دايما فهماه وعرفه هو بيفكر فى ايه لا بالعكس الراجل بيحب الست تكون اقل منه فى الزكاء ودى حاجه حلوه مش وحشه ودايما يحب الست تكون زى القطه المغمضه زى ما بيقول مش تكون واعيه وفاهمه وليها شخصيه قويه وراى فى الحياه
    بس اكيد مش كل الرجاله بتحب كده انا بقول برده معظمهم عايز مراته تكون كده لان فى رجاله بتفرح وتتشرف ان مراته ست فاهمه لما يخرجو او يقابلو ناس تعرف تتكلم بحكمه وبزكاء واكيد دى حاجه تسعد الرجل مش تزعله الا الرجاله بقى الى عندهم نقص ويارب يبعدنا عنهم
    فعلا الكلام ده مضبوط جداااااا ...
    انا اعرف واحد كان بيدور على عروسة بحيث انها تكون عاقلة و ذكية و اجتماعية ... و الحقيقة احترمته كتير ، وواحد تانى زوجته خريجة طب و سمح لها انها تكمل دراسات عادى جدا وواقف جمبها و يساعدها ...
    يعنى فى فعلا رجالة متفتحة و مطلعة و مثقفة ، وفى نفس الوقت عارفين ربنا كويس .

    لكن ميمنعش برده ان فى ناس بتبقى قافلة على مراتها و حبسها فى البيت ، كانها جارية عنده ...
    وبرده لو مش عيزها تشتغل و هى قبلت بكده ، مش معناه ان ميبقاش ليها حريتها و شخصيتها ...

  6. #6
    Pb Elite
    تاريخ التسجيل
    Nov 2008
    الدولة
    In my own world
    المشاركات
    1,044

    افتراضي

    ياختي مشي حالك اعملي نفسك مش واخدة بالك هو الراجل مش بيحب الست اللي وقفاله عالواحدة و عاملة نفسها انصح منه
    بالعكس بأه أنا شايفة قمة الذكاء هي التفويت بس باللي مش يضر مصلحة البيت بس بردو مش المواقف اللي تخليكي تشيلي في قلبك عملا بنصيحة عدوية كل اللي في قلبه حاجة أول بأول يقول
    التعديل الأخير تم بواسطة Hope1 ; 29-01-2012 الساعة 04:25 PM

  7. #7
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Thumbs up

    اقتباس المشاركة الأصلية كتبت بواسطة DR.BIBO مشاهدة المشاركة
    هل يخشى الرجل الزواج من المراه الذكيه ؟؟؟؟؟؟؟؟؟؟؟؟
    بسمعها كتير جدا وبستغربها
    ومعرفش المقصود ايه بالنسبه ليهم
    هل انها تكون عندها خبره من الحياه وفاهمه كل حاجه
    ولا المقصود انها تكون اعلى منه فى الدرجه العلميه
    ولا مقصود ايه

    بس الاول هو ايه تعريفكو للمراه الذكية؟
    من وجهه نظرى
    هى المرأه القادره على اختيار التصرف المناسب لاى موقف
    بعيدا عن درجتها العلميه سواء كانت اعلى ام اقل

    انا عارفة ان السؤال غريب بس
    الفكرة ان فى موقف اتحكالى عن شاب والدته بتقوله بلاش تتجوز فلانه قالها يعنى عايزانى اتجوز واحدة بتفهم عشان اطلقها بعد شهرين زى صاحبى الفلانى اللى اتجوز واحدة ذكية وبتفهم

    انا عايزة اعرف رايكو ايه فى الموقف ده
    طبعا ده غلط جدا
    بس اللى بيفكر بالشكل ده اعتقد انه عنده حته نقص او ديله طويل شويه وعنده خلل فكرى
    وتختلف على حسب مفهومه للذكاء

    وياترى ذكاء المراة ده عيب ولا ميزة ؟
    بالنسبه ليا ميزه طبعا

    ان كان المقصود بالذكاء ده
    انه ذكاء فى التعامل
    ازاى يعنى اعيش مع واحده معندهاش حسن تصرف وتعامل مهما كان شكل التعامل ده او الموقف اللى هيه فيه


    وان كان المقصود بيها الذكاء العلمى
    اعتقد العلم يعمق من فكر وشحصيه الفرد ومفيش منه ضرر لو ارقى
    لانها مش عدوتى عشان اخاف من ذكائها



    وان كان مقصود خبرتها فى الحياه وانها فاهمه كل حاجه وفاهمه بفكر ازاى وكده
    ده مطلوب ومش عيب جدا


    واعتقد الرجل اللى يخاف بشكل مطلق من اى نوع من الانواع دى
    هوه رجل مريض نفسيا لديه خلل فى مفهوم الزواج متزوج لغرض عقيم على اساس عقيم

    اعتقد ممكن يخاف لو مقصود بالذكاء ده
    انها ارقى منه فى الدرجه العلميه
    لان ممكن فى يوم من الايام تعبر له بأسلوب يقترب من تذليله او انها تحسسه انه اقل منها
    وطبعا مفيش راجل يحب يحس الاحساس ده
    لكن فى الحاله دى اعتقد هيشوف الطباع والاخلاق اللى هيعرفها من البيت اللى اتربت فيه عشان يحاول يعرف هل ممكن يصدر منها تصرف زى ده ولا لا

    لكن اى نوع تانى اعتقد مفيش منه اى خوف

    شكرا جزيلا للموضوع الرائع ده



  8. #8
    Pharma Student
    تاريخ التسجيل
    Sep 2007
    المشاركات
    2,797

    افتراضي

    المراه الزكيه هيا الى بتجبر الرجل على الصمت

    لان المراه عندها نضوج فى اجزاء م المخ اكتر م الراجل والدليل على كده كثرة الكلام والاهتمام بادق التفاصيل

    الراجل الشرقى بطبيعته عايز واحده تكون وراه مش جنبه ولا قدامه عشان يحس انه راجل

    موضوع طلبات البيت سوا المراه زكيه او لا هتقوم بيه
    موضوع ان الراجل يتقاله حاضر ياسى السيد فى كل حاجه دى بقت نسبتها اقل بكتيييير من زمان

    انتو عارفين المراه الزكيه والعامله قادرة على ادارة شئون بيتها افضل م الغير عامله
    اكيد تطور العقل ونموه والادارك والمعرفه الواسعين بتفيد كتير فالتربيه ومش بس كده كمان فى شيل المسؤليه وتوظيف الوقت والقدرات

    اكيد برده الراجل مش هيحب لما يجى يتكلم فالبيت يلاقى الى قدامه ابيض ياورد
    الجميل لو المراه زكيه وتستغل الزكاء ده فى انها تعرف تضحك على جوزها وتحسسه انه افضل

    ولا ايه رايكو؟

  9. #9
    Pb Elite
    تاريخ التسجيل
    Nov 2007
    المشاركات
    2,342

    Smile

    اقتباس المشاركة الأصلية كتبت بواسطة تابعة محمد مشاهدة المشاركة
    بسم الله الرحمن الرحيم
    يعنى ايه تعريف المرأة الذكية الاول صحيح ؟؟

    الى شفته من الناس حوليا ان المرأة الذكية هى الى تعرف تحتوى جوزها ، و الراجل ميحبش الست الى تقف له على الواحدة ، لا لازم تستحمله و تستحمله و تصبر و تفهمه بشويش و فى الاخر تنفجر فيه مرة واحدة
    هههههههههه حلوة تنفجر فيه ديه لكن بجد انها تحتوى جوزها ومتقفلوش على على الواحدة متهيالى ده ذكاء فعلا لكن برده مش كل حاجة حاضر وطيب وتفوت والا هيحس انه بيكلم نفسه ولا ايه
    لكن اسئلتك يابيبو ، طلعت اصعب من امتحان الابلايد
    ههههههه ليه بس يابنتى ده انا اسالتى بسيطة خالث وبعدين ده الدنيا فيها حاجات كتير اصعب من اسئلة الابلايد
    -----
    اقتباس المشاركة الأصلية كتبت بواسطة Amira Said مشاهدة المشاركة
    كتيييييييييييير مش عاوز واحدة ليها شخصية علشان متقرفنيش، تقول حاضر وخلاص،، رغم ان الشخصية دي هي اللي بتعمل مشاكل

    لي عودة ان شاء الله
    معاكى حق يا اميرة وفعلا ممكن ممكن الشخصية ديه هى اللى تكون سبب فى مشاكل اكتر ممكن تتفادها الانسانه الذكية
    مستنياكى يا اميره

  10. #10
    Pb Elite
    تاريخ التسجيل
    Nov 2007
    المشاركات
    2,342

    Smile

    اقتباس المشاركة الأصلية كتبت بواسطة sponge Bop مشاهدة المشاركة
    ايوه فعلا الرجل يخشى الزواج من المراه الزكيه الى فاهمه ومدركه كل الى بيحصل حواليها مش عيشه كده وخلاص عشان تكنس وتمسح وتربى العيال واكيد الراجل مش بيحب الست تكون دايما فهماه وعرفه هو بيفكر فى ايه لا بالعكس الراجل بيحب الست تكون اقل منه فى الزكاء ودى حاجه حلوه مش وحشه ودايما يحب الست تكون زى القطه المغمضه زى ما بيقول مش تكون واعيه وفاهمه وليها شخصيه قويه وراى فى الحياه
    كلامك جميل يا سبونج بس ممكن تقوليلى ازاى ديه حاجة حلوة مش وحشه
    بس اكيد مش كل الرجاله بتحب كده انا بقول برده معظمهم عايز مراته تكون كده لان فى رجاله بتفرح وتتشرف ان مراته ست فاهمه لما يخرجو او يقابلو ناس تعرف تتكلم بحكمه وبزكاء واكيد دى حاجه تسعد الرجل مش تزعله الا الرجاله بقى الى عندهم نقص ويارب يبعدنا عنهم
    اقتباس المشاركة الأصلية كتبت بواسطة تابعة محمد مشاهدة المشاركة
    فعلا الكلام ده مضبوط جداااااا ...
    انا اعرف واحد كان بيدور على عروسة بحيث انها تكون عاقلة و ذكية و اجتماعية ... و الحقيقة احترمته كتير ، وواحد تانى زوجته خريجة طب و سمح لها انها تكمل دراسات عادى جدا وواقف جمبها و يساعدها ...
    يعنى فى فعلا رجالة متفتحة و مطلعة و مثقفة ، وفى نفس الوقت عارفين ربنا كويس .
    لكن ميمنعش برده ان فى ناس بتبقى قافلة على مراتها و حبسها فى البيت ، كانها جارية عنده ...
    وبرده لو مش عيزها تشتغل و هى قبلت بكده ، مش معناه ان ميبقاش ليها حريتها و شخصيتها ...
    تمام يا بنتوتات كلامكو جميل ومنطقى جدا

    شكرا على اضافتكو للموضوع

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •