صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 26

الموضوع: أ .. ب .. ت .. منتدى الكلية .. و للحديث بقية !!!

  1. #11
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي شرح تعديل الخيارات

    بسم الله الرحمن الرحيم

    النهاردة هكملكوا عن شوية حاجات ف لوحة التحكم الخاصة بالأعضاء ..

    نفتح سوا لوحة التحكم .. و نختار تعديل الخيارات ..



    بعد ما نختارها .. هنلاقى ع اليمين قايمة مكونة من 5 أجزاء ..

    الجزء الأول .. و ده للاتصال و السرية ..


    فى حالة وضع غلامة الصح لاستخدام النمط المخفى ..


    الصورة دى من الصفحة الرئيسية للمنتدى .. ف المتواجدون الآن ..

    هيظهرلك علامة star جنب اسمك .. و مش هيظهر اسمك لباقى الأعضاء ..


    و دى من الملف الشخصى .. هيظهر مكتوب جنبك مخفى .. لكن هيتكتب " غير متصل " لباقى الأعضاء ..

    =====

    أما ف حالة وضع علامة الصح على الاختيار التانى .. فيمكن للأعضاء تحميل بياناتك من خلال ملفك الشخصى فى المنتدى ..


    و اللى تحت دى بطاقة بياناتى ..


    =====

    أما الجزء الثانى .. فده خاص بالرسايل .. و التذكير بيها ..


    =====

    بالنسبة للاشتراك ف المواضيع ..


    الاختيار الأول: عدم الاشتراك ف المواضيع .. مش هتوصلك أى رسالة إلكترونية عن تحديث المواضيع اللى إنت بتحط مشاركات فيها ..

    الاختيار التانى: هيتم الاشتراك .. و تكون المواضيع دى متواجدة على لوحة التحكم بتاعتك - فى مشاركات قادمة هنقول كيفية الوصول إليها - و لكن لا تصلك رسائل على الإيميل بتحديث المواضيع ..

    الاختيار الثالث: اشتراك على لوحة التحكم + رسالة على البريد الإلكترونى فى حالة إضافة أى مشاركة جديدة .. بمعنى .. كل مشاركة جديدة ف الموضوع .. هيوصلك بيها رسالة على الإيميل ..

    الاختيار الرابع: اشتراك على لوحة التحكم + رسالة الكترونية يومية مجمعة بتحديث المواضيع المشترك بها ..

    الاختيار الخامس: الرسايل هتوصلك كل أسبوع ..

    الاختيار السادس:

    -

    -

    -

    -

    -

    -

    -

    احنا هنستهبل .. مفيش اختيار سادس أصلاً..

    - فى حالة اختيار أى من الاختيارات من الثانى إلى الرابع .. ستكون مشترك by default فى أى موضوع تقوم بوضع رد فيه ..

    - فى مشاركات قادمة إن شاء الله هنقول إزاى نشترك ف موضوع بعينه ..

    =====

    آخر حاجة النهاردة .. هتكلم عنها عشان مش أطول عليكوا .. الجزئية بتاعة الرسايل الخاصة .. لأن كتير بيغلطوا فيها ..


    =====


    التعديل الأخير تم بواسطة ..::ciZar_Resala::.. ; 04-07-2009 الساعة 09:04 PM

  2. #12
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    Exclamation تعديل الخيارات ..

    بسم الله الرحمن الرحيم

    هنكمل سوا تعديل الخيارات .. لكن الأول .. عاوز أقول حاجة ف الملف الشخصى .. و هى تعديل الفرقة ..

    تعديل الفرقة بيكون موسمى .. بمعنى إن بعد ما نتايج جميع الفرق تبان .. و يتم تحديث أقسام المنتدى .. و أرشفة أقسام الفرق القديمة .. هيتفتح تعديل الفرقة ف الملف الشخصى لكل واحد ..

    هنروح على ال control panel زى ما احنا متعودين .. و نختار تعديل الملف الشخصى ..





    لما يحصل اللى أنا قلت عليه فوق .. " النتايج كلها بانت .. و الأقسام اتأرشفت .. و اتعمل أقسام جديدة للفرق " .. هنلاقى تعديل الفرقة موجود عندنا على الشمال .. زى ما هو واضح ف الصورة ..



    طبعاً بقدم شكرى للدكتور محمد على الصورة دى ..

    =====

    نكمل موضوعنا النهاردة مع تعديل الخيارات ..



    و نكمل سوا الجزئية الخاصة بتعديل خيارات المواضيع ..



    بعد كده نتكلم عن طرق عرض الموضوع .. و دى هنطوّل فيها الكلام شوية ..



    عند اختيارك لطريقة عرض الموضوع " خطى الأقدم أولاً " .. هيكون شكل القسم من جوه كده ..



    و عند الدخول على أى من المواضيع ..



    أما عند اختيارك لطريقة العرض .. " خطى الأحدث أولاً " .. سيظهر القسم من الداخل بنفس صورة ظهوره ف الاختيار الأول ..



    أما الموضوع من الداخل .. فسيظهر بالصورة ..



    أما أول مشاركة ف الموضوع فهتتحط ف آخر صفحة ..



    عند اختيار طريقة العرض " موضوع " .. سيتم تغيير واجهة القسم كما ف الصورة ..



    أما المواضيع من الداخل ..



    و عند اختيار طريقة العرض " شجرى " ..

    شكل القسم هيبقى زى طريقة العرض " موضوع " ..



    الموضوع من الداخل يشبه إلى حد كبير طريقة العرض الموضوعية ..

    و تظهر خاصية الشجرة فى وجود كل مشاركة كموضوع " أو شجرة " على حدة .. أما المشاركات المتضمنة لاقتباسات .. فتظهر بصورة شجرة و لها فروع لحين انتهاء الاقتباسات ..



    بالنسبة للجزئية التانية .. و هى عدد المشاركات المعروضة ف كل صفحة من الموضوع ..



    أما عن الجزئية الخاصة بالعمر الافتراضى للمواضيع ..



    دى صورة .. لما انا اخترت عرض المواضيع لأخر يوم .. شوفوا قسم الفرقة التالتة بقى عامل إزاى



    ده القسم كله ..

    =====

    و للحديث بقية ..

  3. #13
    Super Moderator
    تاريخ التسجيل
    Sep 2007
    الدولة
    Mansoura
    المشاركات
    7,739

    افتراضي

    Waiting ......,,

  4. #14
    Pharma Student
    تاريخ التسجيل
    Sep 2007
    المشاركات
    203

    افتراضي

    شكرا ليك د/ ياسر
    ونتمني حضرتك تكمل الموضوع لانه هيفيدنا كتير ان شاء الله

  5. #15
    Pharma Student
    تاريخ التسجيل
    Dec 2008
    المشاركات
    803

    افتراضي

    موضوع مفيد جدا جدا ، جزاكم الله خيرا يا دكتور...

  6. #16
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    اقتباس المشاركة الأصلية كتبت بواسطة amira مشاهدة المشاركة
    Waiting ......,,


    Today

    إن شاء الله ..

    اقتباس المشاركة الأصلية كتبت بواسطة shimoaa مشاهدة المشاركة
    شكرا ليك د/ ياسر
    ونتمني حضرتك تكمل الموضوع لانه هيفيدنا كتير ان شاء الله

    العفو يا دكتورة شيماء .. إن شاء الله النهاردة أخلص لوحة التحكم ..

    اقتباس المشاركة الأصلية كتبت بواسطة Rooose مشاهدة المشاركة
    موضوع مفيد جدا جدا ، جزاكم الله خيرا يا دكتور...
    جزاكم مثله د روز .. جارى التحضير ..

  7. #17
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    Cool Control Panel .. The last chapter

    بسم الله الرحمن الرحيم

    النهاردة هنكمل سوا لوحة التحكم لآخرها إن شاء الله .. عشان نبدأ ف حاجة جديدة ..

    نروح يلا على لوحة التحكم زى ما إحنا متعودين ..



    بعد كده هنختار من القايمة .. قائمة الرسائل ..



    هيظهرلنا الشكل الجاى ده ع الشمال .. .. و ده صندوق الوارد اللى فيه الرسايل اللى جايالك ..




    و طبعاً عارفين معنى الأيقونات اللى جنب كل رسالة ..



    فى اختيار بتعلم عليه لما تيجى تبعت رسالة .. الاختيار ده بيحفظ الرسايل اللى إنت بتبعتها ف صندوق الصادر ..



    و تقدر توصل لصندوق الصادر " الرسايل المرسلة " .. زى الصورة دى



    لو اختارت صندوق الصادر هتلاقى اللون اتغير ..



    لو صندوق الرسايل بتاعك اتملى " آخره .. بيشيل 30 رسالة .. و دى مجموع الرسايل اللى تكون موجودة ف الصادر و الوارد " .. و إنت محتفظ برسايل إنت محتاجها مثلاً .. أو رسالة عزيزة عليك .. أو كلام حلو .. .. تقدر تنزل الرسايل عندك ع الكمبيوتر ف صورة ملف ..

    الأفضل تختار نص " هتنزل ف صورة text " .. أو تختار xml ..



    دلوقتى .. من قايمة لوحة التحكم اللى ع اليمين .. هنختار .. إرسال رسالة جديدة ..



    هيظهرلنا ع الشمال الشكل ده ..



    طيب .. دلوقتى أنا عاوز أبعت رسالة لحد .. فى قدامك تختار من كذا حل ..

    أول حل: لو إنت عارف اسم العضو ع المنتدى .. أو أول 3 أو 4 حروف من اسمه ع المنتدى .. تقدر إنك تبحث عنه ..

    طب إزاى ؟؟

    هتكتب ف الصندوق اللى مكتوب فوقه " أسماء المستلمون " .. هتكتب فيه اسم العضو "لو عارفه .. أو أول 3 حروف .. و على فكرة مش يتفرق capital أو small " .. و المنتدى هيعملك بحث تلقائى .. طب نشوف كده .. و جربوا ..



    تمام ..

    ممكن برده تجيب اسم العضو و تضغط عليه من قايمة المتواجدون الآن ف آخر الصفحة الرئيسية للمنتدى من تحت ..



    و بعد كده .. لما تضغط على اسمه .. هيوديك على الملف الشخصى بتاعه ..

    لو العضو ده مختار إنه يستلم رسايل خاصة من الأعضاء .. " زى ما قلنا قبل كده ممكن نلغيها " .. تقدر تبعتله رسالة خاصة زى اللى ف الصورة ..



    طيب .. عاوز حل تااااااااانى خالص .. لآن العضو مش موجود ع المنتدى دلوقت .. أو عامل مخفى .. يعنى مش ظاهر ف المتواجدون الآن .. أو أنا مش حافظ اسمه .. أو عامل اسم مكلكع .. و حاطط فيه حاجات زى دى // أو ** أو أى حاجة ..

    فى حلين للحكاية دى ..

    الأول ..

    لو العضو فى بينك و بينه صلة .. أو رسايل .. تشوف رسالة من رسايله عندك ف صندوق الوارد .. أو رسالة من اللى إنت باعتهاله " لو بتحتفظ بالرسايل المرسلة " من صندوق الصادر .. و تضغط على اسمه " حاسب لا يتكسر و إنت بتضغط ".. تحت عنوان الرسالة .. هيوديك ع الملف الخاص بتاعه .. و نكمل عادى ..

    نشوف الصورة .. المفروض اسم المرسل مكان الخط الأحمر اللى أنا عامله ..



    الحل التانى ..

    تدور على مشاركة من مشاركات العضو .. و تضغط على اسمه .. و يا إما تروح على ملفه الشخصى و تكمل " ودنك منين يا جحا " .. يا إما تقوله ارسال رسالة خاصة علطول ..



    دلوقت بقى نختار من لوحة التحكم ع اليمين .. تتبع الرسايل ..



    فايدتها: إنك بتعرف العضو اللى إنت بعتله الرسالة قرأها و لا لآ ..

    طب إيه يعنى لما أعرف ؟؟

    ببساطة شديدة .. هتعرف العضو ده قرأ الرسالة و لا لأ ..

    لما تضغط عليها .. لو كنت مثلاً باعت رسالة لحد .. و معلم على الاختيار اللى ف الصورة .. هتعرف قرأها و لا لأ ..



    و ف حالة إنك بتعلم ع الخيار ده ف رسايلك اللى بتبعتها .. هيظهرلك رقم زى الصورة الجاية .. أنا مثلاً بعت رسالة و تم قراءتها .. و عشان كده عندى 1 رسالة مؤكدة الاستلام .. و 0 رسالة غير مؤكد الاستلام ..

    أما لو كانت لسة متفتحتش .. فهلاقى الرقم اتعكس .. و بقى 0 مؤكد .. و 1 غير مؤكد ..



    و الجاى ده هيظهرلك .. ف حالة ضغطت على تتبع الرسايل .. أو ضغطت على السطر اللى أنا معلم عليه بالأحمر ف الصورة اللى فاتت .. نشوف كده ..



    تمام كده الجزئية دى ..

    بعد كده نختار .. تعديل المجلدات .. .. و دى بسيطة أوى ..



    وظيفتها .. لو انت عاوز تصنف رسايلك مثلاً و تحتفظ بيها أو كده ..
    و هيظهرلنا ده ..



    بعد كده نختار .. قائمة الاشتراكات ..



    و دى .. بيظهر فيها الموضوعات اللى إنت مشترك فيها ... و تقدر توصلّها بسهولة من هنا .. عشان كده أنا بنصح اللى يعمل موضوع .. يشترك فيه .. أنا بشترك فيه .. و بدون تبليغ بالإيميل ..



    بعد كده .. هنروح على تعديل المجلدات .. بس التانية بقى مش الأولى .. " محدش لاحظ إن فى اتنين " ..


    طب إيه الحكمة من وجود اتنين ؟؟؟

    برده محدش سأل نفسه السؤال ده ..

    عموماً .. الأول: ده عشان مجلدات الرسايل .. و تحفظ رسايلك ف فولدرات و كده ..

    التانى: عشان المواضيع .. تقسم المواضيع اللى بتشترك فيها .. بتاعتك .. بتاعة واحد صاحبك .. بتاعة ** .. المهم يعنى هتقسمها .. حتى لو هتقسمها تبع المادة الفعّالة ..



    بعد كده ..

    هنشوف التذكير بالحدث ..



    عموماً .. دى حاجة مش تبعنا .. .. دى تبع الإدارة ..



    أيوة و الله عارف إن مليش تصريح ..

    اللى بعده ..

    نختار .. قوائم الأصدقاء/ التجاهل ..



    و دى بيكون فيها الناس أصحابك ع المنتدى .. و كمان الناس اللى إنت متغاظ منهم .. و عاوز تعملهم ignore .. و طبعاً إنت اللى بتضيف الناس سواء friend أو blocked ..



    الجزيئة اللى بقول ملهاش لازمة دى .. عشان الإدارة معطلة قايمة الإعضاء .. حفاظاً على ال privacy .. لآن بيكون فيها الإيميلات و أسامى جميع الأعضاء ..



    طب .. سؤال وجيه دلوقت .. إزاى أضيف حد لقايمة الأصدقاء ؟؟

    برده فى كذا طريقة ..

    شوف مشاركة للعضو .. و اضغط على اسمه و ضيفه ..



    هتظهرلك الصفحة دى .. كمل عادى ..



    أو من قايمة المتواجدون الآن ف الصفحة الرئيسية .. تضغط على اسمه .. هتروح ع الملف الشخصى بتاعه .. و بعدين تضيفه ..





    طبعاً .. عشان أنا كنت ضفت نفسى قبلها .. فيدل ما يقول " أضف *** إلى قايمة الأصدقاء " .. قال " حذف ------- " ..

    و من الملف الشخصى برده زى منا معلّم .. .. تقدر تضيف العضو لقايمة التجاهل ..

    لما بتضيف حد لقايمة الأصدقاء .. بيظهر جنبه علامة " + " ف المتواجدون الآن ..



    جرب كده بقى .. تضيف نفسك لقائمة التجاهل ..





    المنتدى هيعلمك الأدب .. إنت بتستعبط ؟؟



    غصب عنك هتفضل مصاحب نفسك طول عمرك .. .. حتى ع النت

    آخر حاجة بقى .. عشان أنا عارف إن أنا طولت أوى .. و زمانكوا بتدعوا عليا ف المشاركة دى ..

    هنختار .. الملفات المرفقة ..



    و دى خاصة بالأعضاء اللى بيرفعوا حاجات على المنتدى هنا .. اللى بتكون موجودة ف المرفقات .. طبعاً دى ليها ضوابط .. و أحجام متحددة من المنتدى .. و أنواع ملفات معينة .. هنتكلم عنها إن شاء الله لما نتكلم عن إزاى تعمل موضوع متكامل ..

    أنا ليا ملفات مرفقة .. اتنين منهم ف قسم الكمبيوتر .. و واحد ف أرشيف الفرقة التالتة أيام الامتحانات ف مادة الكيميا الطبية ..



    طبعاً المرفقات اللى قسم الكمبيوتر ضفتها بعد ما خدت الصورة دى .. فمش ظاهرة ..

    =====

    بكده نكون خلصنا ال control panel .. و ف انتظار مشاركة جديدة إن شاء الله ..

    ف رعاية الله ..


  8. #18
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    انا اهوووووووووووووووووووووو

    و هنا كمااااااااااااااااان
    =-=-=-=-=-=-=-=-=-=-=-=-=
    جزاكم الله خيرا د\ ياسر علي المجهود الجبااااااار ده .... بالتوفيق ان شاء الله

  9. #19
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    اقتباس المشاركة الأصلية كتبت بواسطة BoNbOoNa مشاهدة المشاركة
    انا اهوووووووووووووووووووووو


    و هنا كمااااااااااااااااان
    =-=-=-=-=-=-=-=-=-=-=-=-=
    جزاكم الله خيرا د\ ياسر علي المجهود الجبااااااار ده .... بالتوفيق ان شاء الله
    أه .. إنتى أهو ..

    إنتى كنتى موجودة الصبح و أنا بعمل الموضوع ..

    و جزاكم الله مثله يا بنبونة .. مشكورة على مرورك و ردك .. و يا رب تكون مشاركة النهاردة عجبتك ..

  10. #20
    Pharma Student
    تاريخ التسجيل
    Mar 2008
    الدولة
    f sa7et el kolia
    المشاركات
    784

    افتراضي

    جميله قوى د/ ياسر
    جزاك الله خيرا

صفحة 2 من 3 الأولىالأولى 123 الأخيرةالأخيرة

المواضيع المتشابهه

  1. اتفضلوا للحديث عن اهم شخصية
    بواسطة سوزران في المنتدى الفرقة الثالثة 2009
    مشاركات: 24
    آخر مشاركة: 18-03-2009, 08:54 PM
  2. جيم منتدى الصحه
    بواسطة Dr nour في المنتدى منتدى الصحه
    مشاركات: 28
    آخر مشاركة: 23-02-2009, 08:01 PM
  3. أخبـــار....أهـــرام....جمهـــوريـــة... "كله على منتدى الكلية"
    بواسطة أمــ هـنـد ــة الله في المنتدى منتدى المناقشات
    مشاركات: 79
    آخر مشاركة: 11-02-2009, 10:43 AM
  4. شوف منتدي الكلية زمان كان عامل إزاي !!!!!!!!
    بواسطة A H M E D في المنتدى المنتـدى العـام
    مشاركات: 17
    آخر مشاركة: 16-10-2008, 01:55 PM
  5. 1 سنة مرّت [مرور عام كامل على منتدى الكلية ..] .. تهانينا
    بواسطة M.tal3t في المنتدى قسم المناسبات والأخبار الاجتماعية
    مشاركات: 25
    آخر مشاركة: 25-03-2008, 05:44 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •