>> @@ .. فضفضه .. فضفض وطلع اللى جواك .. @@ >>

[قطر الندى]

صعب انك تقوم من وسط النوم مخضوض جامد وحاسس انك بتتخنق ومش قادر تاخد نفسك اكنك هتموت بس الاحسن فى كل دا انك وقتها تسمع الاذان بياذن فتقوم تصلى الفجر

[قطر الندى]

نفسى ارجع لايام كان كل همى اتفرج على افلام الكرتون كنت عيلة عيلة يعنى
بس بعيد عن التفكير والقلق والحزن واى حاجة

[قطر الندى]

احساس حلوووو اووى لما تحس بفرحة اقرب حد ليك اكنها فرحتك انت بتنسيك اى حزن فى حياتك .. ربنا يتمملك بخييير وافرح بيكى قريب ان شاء الله ..النهاردة بس اتاكدت ان فرحك قريب باذن الله بالرغم انى مكنتش عايزة اصدق علشان محسش انك هتبعدى عنى فربنا يفرحك وافرح بيكى قريب وكنتى زى القمر وانتى لابسة الفستان الابيض وبتختارى فستانك

[قطر الندى]

ربنا يرحمها ويسكنها فسيح جناته ان لله وان اليه يرجعون

[قطر الندى]

فعلا لما حد يحس بطيبتك بيستغل دا فيك وبتتبهدل انت فى الاخر وبتظلم وخلاص ادارة فاشلة وكله بيفكر فى نفسه وبس واكتر حاجة بكرها فى نفسى انى دموعى بتخونى غصب عنى فبحس بجد انى ضعيفة وقتها وبالذات لو حسيت بالظلم وان حد كنت بتقدره وتحترمه اوووى هو السبب فى اللى انت فيه

[قطر الندى]

احساس وحش انك تحس ان قلبك موجوع وانك معتش قادر تحب حد حتى نفسك مش قادر تحبها

[قطر الندى]

حاسة انى معتش قادرة افكر ولا اخد اى قرار وخايفة من القرار اللى اخده معتش عارفة صح ولا غلط

[A.Elrayes]

حبيبتي بتتدلل عليا

[Rooose]

نفسي ارجع الكلية تاني

[قطر الندى]

--------------------- لما يبقا جواك كلااام كتييير وبتبقا عايز تكلم بس بترجع تقول مش مهم بقا خليه جواك لان لاحد هيفهمك او يحس بيك والاحسن بقا انك بتحاول تبين انك كويس اوووى ومبسوط فخلى اللى جواك جواك احسن بردو