إلى دفعة أولى .. وخاصة جروب A

[Mohamed Al Gohary]

قلت لكم قبل كده إنى بعز الدفعه دي جداً .. وربنا يعلم إن ده فعلا حقيقي ..

بس انا فعلا خرجت عن شعوري النهارده بسبب اللى حصل .. وكمان دكتورة فاطمه فعلا كانت تعبانه جداً ..

بس أياً كان أنا بعتذر عن اللى حصل مني وعن انفعالي النهارده .. إنتم كلكم إخواتي الصغيرين ..

بس ده ميمنعش إنى مش هسمح للى حصل النهارده ده إنه يحصل تاني .. ده عشانكم إنتم وعشان زمايلكم ..

وربنا يكرمكم ويوفقكم إن شاء الله ..

[Ali kishk]

معلش يا دكتور ربنا كان فى العوان

[shorook]

بصراحة يا دكتور اللى حصل ده ينرفز اللى ميتنرفزش ده كده وحضرتك دخلت فى دخلت وخرجت الجروبين بس اللى حصل ان المنظر ده كان من الاول و الفاصل بين النصين بتوع المدرج كان مليان بنى ادمين بطريقة مش طبيعية وكلده علشان كل الناس بتبقى هتفتص وتحضر فى الجروب اللى شغال الصبح ايان كان حتى لو الناس اللى فىالجروب الاساسى ماتو من الوقفة والزحمة فياااااااريت لو اى حل للماساة دى

[Messi]

لو كل واحد التزم بباب الدخول و باب للخروج مش هنشوف الزحمه دي تاني

بالتوفيق للجميع

[Ali kishk]

لو كل واحد التزم بباب الدخول و باب للخروج مش هنشوف الزحمه دي تاني

بالتوفيق للجميع

ياريت بس الباب الواحد دخول و خروج

[بسطامى]

أعتقد يادكتور مش حضرتك اللى المفروض يعتذر ولو أى حد مكانك كان هيعمل كده لانو حقيقى حاجة تخرج الواحد عن شعوره كل يوم نيجى علشان نخرج من المدرج اللى بنكون قاعيدن فيه من 9 :2 ف الحر والزحمة نعانى معاناة صعبة
وياريت ياجماعة نلغى موضوع حاجزين ده من قاموسنا
ماهو مش معقول الواحد يخرج من بيته بدرى ومواصلات وبهدلة وف الآخر يجى يقعد يتقالوا حاجزين
بجد كده كتير
وياريت جروب A يحضروا ف مواعيدهم

[سنجانا]

ايوة والله حرام انا كل يوم اقعد ورا خالص حتى مش بشوف الدكاترة وبعدين انا بنت اطلع ازاى فى الشبورة علشان احجز مكان ياريت حد يحل المشكلة دى بسرعة
-----
لأ وكمان مجموعة أ كانت زعلانة اوى يوم السبت علشان الزحمة

[بسطامى]

ع فكرة أنا اعتقد إن احنا الدفعة الوحيدة ف الكلية اللى عاملة مشاكل وشاغلة الكل معاها

[phar. girl]

يا دكتور حضرتك ماتعتذرش لان اللى حصل

النهارده ده بجد شئ ينرفز جدااااااا

انا كنت هموت النهارده فى وسط الزحمه

وياريت لو نعمل كارنيهات ملونه تانى لدخول المدرج بس نلتزم بيها

اعتقد كلنا كده هنرتاح

بس ياريت الكلام ده يتنفذ ويكون فى شده وحزم فى التعامل لاننا فعلا نستاهل كل اللى يجرى لينا

-----

ع فكرة أنا اعتقد إن احنا الدفعة الوحيدة ف الكلية اللى عاملة مشاكل وشاغلة الكل معاها

معاك حق والله يادكتور احنا فعلا اكتر دافعه مشاغبه وعامله قلق فى الكليه

هههههههه والدفعه اللى فضلت فى مدرج اعدادى سنتين

لاننا دفعه غير عاديه
ومفيش دكتور دخل الحمد لله وشكر فينا

[Messi]

ياريت بس الباب الواحد دخول و خروج

مش هنختلف كتير
اي باب للدخول
والتاني للخروج