ليه يا قلبي تقسى على أغلى الناس ..
مرة واحدة ضاع منك الإحساس ..
تبيع الدنيا كلها ، و تريح نفسك و خلاص ..
ليه اللي بتعمله ؟ و على أي أساس ؟..
فجأة كده تهدم فيك معالم الإخلاص ..
لعبتها صح يا قلبي و جرحت جرح مش هين ..
كتمت فيا آلامي ، و قستني بعد ما كنت حنين ..
بكيت يا قلبي و ندمت و مكنتش مبين ..
جت لحد عندك لأنك تهمها و كنت مطنش ..
اعتذرت و طلبت السماح ، قلت إنتا ما يهمش ..
راضي بكده يا قلبي بعد ما هديت صورتك في عنيها ..
كانت سابتك حيران لو مكنتش غالي عليها ..
وصل جبروتك لهد أحلام الناس و هد اللي بانيها !! ..
للدرجة دي بسهولة قدرت تجرح و تبيع ..
قبلت الخيانة لنفسك ، و قبلت إنك تضيع ..
حرام عليك يا قلبي ، جرحتني جرح فظيع ..
كفاية بقى يا قلبي ، بقيت ظالم بعد ما كنت مظلوم ..
و اللي بنيته فيك في سنين ، ضيعته إنتا في يوم ..
يا ترى هتقدر تعيش دلوقتي و إنتا من حبايبك محروم ؟؟؟؟!!!!! ....