النتائج 1 إلى 10 من 10

الموضوع: لماذا فاز الاهلى بالدورى و كلمة حق لدفاع الاهلى و نجم المباراة و على ابو جريشة بيقول نكت

  1. #1

    افتراضي لماذا فاز الاهلى بالدورى و كلمة حق لدفاع الاهلى و نجم المباراة و على ابو جريشة بيقول نكت


    بسم الله الرحمن الرحيم
    الحمد لله حمدا كثيرا مباركا على نعمه الكثيرة التى لا تعد و لا تحصى و الحمد لله على فوز تحقق بفضل من الله
    الاهلى و الاسماعيلى
    لا اخفيكم سرا اننى تعودت منذ قدوم مانويل جوزيه للنادى الاهلى ان ابدء مشاهدة المباراة بعد بدايتها ب خمس او ستة دقائق و غالبا ما اجد الاهلى متقدما بهدف او هدفين و لا نخسر ابدا بأذن الله و فعلا فى مباراة الاهلى الاخيرة فتحت التلفاز وجدت النتيجة 1- صفر تفائلت و قلت اليوم يومنا بأذن الله و بدءت اشاهد المباراة بدون معرفة التشكيل وجدت الفريق متماسك جدا دفاعيا فوائل جمعة عاد شابا و احمد السيد قمة فى التغطية و العريس شادى ليبرو كما يقول الكتاب و امامهم مفاجأة المبارة عاشور هذا اللاعب الذى نال منا الكثير من النقد لكنه كان فى تلك المباراة اسد جسور لاعب و لا اروع لاعب فى وسط الملعب مسمار كما يقولون اخرج حمص عن شعوره عدة مرات فهذا اللاعب فعلا استوى و بجواره الاسطورة ( على فكرة من قال عليه اسطورة هو السيد ممدوح عباس ) احمد فتحى قمة فى فهم متطلبات مركزه و له لعبة مكانها الوحيد المرمى و بجوارهم اينو و لكنه كان تائها و امامهم تريكة و له هدف صحيح ملغى و كرتان ضائعتان بهدفين و فى الامام رأس فلافيو فيكفى وجود مثل تلك الرأس كى تنهى اهم المباريات و اعتقد ان الاهلى كان يلعب المباراة بعشرة لاعبين و رأس و على الطرفين كان احمد صديق الذى قدم فاصل من المرواغة كى لا يحرمنا من شئ حتى لا يخرج احدهم قائلا المهم الاداء و الطرف الاخر جليبرتو هذا الفتى اللامع و نزل سيد معوض الذى اكمل السيرك و معه محمد طلعت هذا الفتى السريع و احمد حسن الذى تمنيت ان نفوز بالدورى لاجله هو و معوض لانهم لم يتذوقوا طعم هذا الدورى طويلا


    عبقرية جوزيه
    جوزيه لا يحب الاسماعيلى هذه حقيقة مؤكدة و انا مثله لا اشجع الاسماعيلى و هذا لا يقلل من قيمة الاسماعيلى كنادى من اندية الوسط و قد لا يقبل الكثيرون هذا الكلام لكنه حقيقة انا لا اكره الاسماعيلى لكنى لا احبه . احترمه نعم لكن احبه لا و السبب جماهيره و ادارييه فالبعض منهم بل قل الكثير منهم لا يهمه امر فريقه بقدر ما يهمه خسارة الاهلى و كلامهم بعد مباراة الجيش ان دل على شئ يدل على ان هذا الفريق من داخله مهزوز فالواقع يقول ان البطل لا يهمه اى مباراة بالعكس يفرح كثيرا لو كانت فاصلة ليثبت من هو البطل فعلا و من هو غاوى الكلام لكن ان تبدو على وجهه الحسرة و الالم بعد نتيجة الجيش فهذا معناه انه لا يثق فى نفسه فهو يريد ان يفوز بايدى الغير . مانويل جوزيه لعب على اهم ما يمتلكه الاسماعيلى و هو المساحات فقام باغلاقها و بالتالى لم يجد ابناء العثمانين اى فرصة فهم لا يملكون سوى طريقة لعب واحدة و هى استخدام المهارات فى المساحات فقام جوزيه باغلاق المساحة فانعدم الاسماعيلى و خطورته و شعر لاعبى الاسماعيلى باليأس ففريق من المفروض انه ينافس لم يصل للمرمى بخطورة الا فى كورتين طوال 95 دقيقة فى المقابل الاهلى له هدف و هدف ملغى و ثلاثة انفردات و السبب براعة مانويل جوزيه فى قفل المساحة و هى العبقرية التى لا تظهر سوى فى المباريات الختامية و هى ما يتميو به مانويل جوزيه


    الاسماعيلى البطل الحقيقى
    جملة مضحكة جدا لا اقرأها سوى فى مصر مش عارف مين الفائز الحقيقى و مين نادى القرن الحقيقى هل فى مرة سمعنا ان تشيلسي قال انه بطل انجلترا الحقيقى و لكن الامر قد يبدو مقبولا لو نظرنا اليه من جهة الاحساس بالعجز فعندما تتباهى مع احدهم قائلا ابنى نجح فى الاعدادية و ابنه فشل هيقولك اصل ابنك غش و ابنى البطل الحقيقى لانه مغشش. . الفرصة كانت امام الاسماعيلى للفوز لم يستغلها بسبب ضعف فنياته و ليس شئ اخر فالحكم لم يحتسب اى شئ ضدهم بالعكس منع احتساب هدف صحيح و للحق الاسماعيلى لم يصل للمرحلة النهائية الا بسبب مستوى الاهلى و هو الشئ الذى لن يحدث ثانية العام القادم بأذن الله. البعض اتهم الحكم انه ظلم الاسماعيلى و قام السيد فتحى و جميعا نعلم من هو السيد فتحى بانتقاد الحكم و العجيب ان من يقوم بانتقاد الحكم لم يقدم اى لقطة تثبت كلامه صحيح ظلمك من جعلك حكم


    صحافة على ما تفرج
    صرح احدهم ان الاهلى فاز بالدورى بابناء الاسماعيلى و السؤال هو مين ابناء الاسماعيلى دول سيد معوض و فتحى .!!!!
    الاهلى بيكسب بالحكام . طيب ما تكسبوا انتم ان شا الله بالتزوير و لا هى حسنة و انا سيدك
    الاهلى يعود .. هو الاهلى كان فين
    الزمالك حزين لخسارة الاسماعيلى . طيب مش تشوف اللى عندك الاول و لو فضل حزن ابقى وديه للاسماعيلى
    مدرب الاهلى الجديد ... و الله لو هو مين هنشجعه و نقف وراه
    ضرب ابراهيم يحيى لفلافيو و هو نائم لو فى دولة اخرى ما لمس الملعب مرة ثانية
    السئ فتحى المثل يقول متخافش من ...... اكمل مكان النقط
    كلمات سريعة


    الدورى هذا العام قوى الكلام ده من 4 ايام اليوم الدورى ضعيف.!!!!!
    مصر حققت 2 امم افريقيا بقائمة 30 لاعب .!!!!!!!
    الف مبروك للاهلى و هارد لك للاسماعيلى ففريقه قدم مستوى مقبول و يناسب فريق متوسط و عندما اصفه بانه متوسط فهذا طبيعى ففريق ينافس كل عشر سنين و يكسب كل عشرين سنة يكون متوسط
    بطولات شادى محمد و حسام عاشور تساوى بطولات اندية الدورى مجتمعة اللهم لا حسد
    رمزى صالح .. تسلم يا ابن فلسطين
    امير عبد الحميد ننتظرك دائما
    الاهلاوية فى كل مكان الف مبروك و دائما مرفوعى الراس
    انتخابات الزمالك الكرسى يناديك يا مرتضى و للاسف لن يفوز الاجدر
    الكابتن على ابو جريشة اثبت انه اسماعيلاوى اصيل بدون اى شك الراجل بجد صعب عليا الغريب انه مجابش سيرة فريقه و انه لم يقدم اى مستوى فى المباراة الفاصلة يا حاج ابو جريشة يا ريت تخليك فى نفسك و فريقك
    لماذا فاز الاهلى



    -----
    الموضوع منقول ..

    .,,

  2. #2
    Pharma Student
    تاريخ التسجيل
    Oct 2007
    المشاركات
    504

    افتراضي

    احترمه نعم لكن احبه لا و السبب جماهيره و ادارييه فالبعض منهم بل قل الكثير منهم لا يهمه امر فريقه بقدر ما يهمه خسارة الاهلى
    اتفق معاك

    مش الاهلى كسب الحمد لله
    يبقى خلاص بقى يقولوا اللى يقولوه

    وبعدين الحمد لله يعنى الاهلى دايما بيرد على الانتقادات او الكلام اللى مالوش لازمة بس ببطولاته

    الاهلاوية فى كل مكان الف مبروك و دائما مرفوعى الراس
    دايما باذن الله

  3. #3
    Pharma Student
    تاريخ التسجيل
    Dec 2007
    الدولة
    on my computer
    المشاركات
    3,478

    افتراضي

    اقتباس المشاركة الأصلية كتبت بواسطة Chimera مشاهدة المشاركة

    السئ فتحى المثل يقول متخافش من ...... اكمل مكان النقط

    .,,

    لمن يتحدث عن التكيم اللى بيحب ويجامل الاهلى


    اعلن الكابتن محمد حسام الدين رئيس لجنة الحكام في مفاجأة من العيار الثقيل تحويل الحكم السيد فتحي الي التحقيق من قبل اتحاد الكرة ولجنة الحكام لاتخاذ ما يراه اعضاء مجلس ادارة اتحاد الكرة بعد اعلان الحكم عن انتمائه بطريقة فجة للنادي الاسماعيلي.

    وقامت قناة النادي الاهلي بفتح ملف الحكم السيد فتحي الذي تسبب في خسارة الفريق امام اتحاد الشرطة في المباراة المؤجلة من الاسبوع السابع بهدف مقابل لاشيء وهو ما تسبب في فقدان الاهلي ثلاث نقاط هامة في سباق الدوري.

    وكانت الحادثة التي قام بها السيد فتحي والتي اثارت مسئولي الاهلي هي ظهوره في برنامج "اسماعيلاوي" والذي يذاع علي قناة مودرن 2 حيث قال انه كان يتمني فوز الاسماعيلي بالدوري، واعلن علي الملأ انتقاده لاتحاد الكرة ولجنة الحكام وبعض افراد التحكيم بشكل اثار استياء الجميع.

    وأتهم الحكم السيد فتحي رئيس لجنة الحكام المصرية بأنه جاء بالطاقم الأسباني الذي أدار اللقاء الفاصل بين الاهلي والإسماعيلي حتى "يهدي الفوز للاهلي".

    ومن جهته، اعلن محمد حسام رئيس لجنة الحكام في مداخلة هاتفية مع قناة الاهلي ان هذا الحكم سيكون عبرة لغيره من الحكام علي الرغم من انتهاء الموسم الكروي في مصر ولكن تلك الامور لن تمر مرور الكرام وانه تم ارسال "سي دي" يحتوي علي كل ما حدث مؤكدا ان من حق النادي الاهلي اتخاذ ما يراه ضد هذا الحكم الذي لم يراعي ضميره وشرف مهنته.


  4. #4

    افتراضي

    موضوع السيد فتحي ده فضيحة مزلزلة ..
    لازم يتم التحقيق ف الماتش و استبعاد كل حكام منطقة بورسعيد و الاسماعيلية و القناة من ماتشات الاهلي

    لازم الادارة تتحرك

    .,,

  5. #5
    Pharma Student
    تاريخ التسجيل
    Dec 2007
    الدولة
    on my computer
    المشاركات
    3,478

    افتراضي

    لا دى علشان اللى بيقول التحكيم وطبعا كلنا فاكرين الماتش واللى حصل فيه !!!!!!!!!

  6. #6
    Pharma Student
    تاريخ التسجيل
    Feb 2008
    المشاركات
    314

    افتراضي

    اقتباس المشاركة الأصلية كتبت بواسطة Chimera مشاهدة المشاركة
    موضوع السيد فتحي ده فضيحة مزلزلة ..
    لازم يتم التحقيق ف الماتش و استبعاد كل حكام منطقة بورسعيد و الاسماعيلية و القناة من ماتشات الاهلي

    لازم الادارة تتحرك

    .,,
    فعلاً فضيحة ... لكن الفضيحة الأكبر ان الأهلي ميعترضش علي ريشة حكم من منطقة بورسعيد المعروفة بحبها للأهلي

    ومبروك ياريشة التجديد سنة فوق السن القانوني

  7. #7

    افتراضي

    اقتباس المشاركة الأصلية كتبت بواسطة alnesr1988 مشاهدة المشاركة
    فعلاً فضيحة ... لكن الفضيحة الأكبر ان الأهلي ميعترضش علي ريشة حكم من منطقة بورسعيد المعروفة بحبها للأهلي

    ومبروك ياريشة التجديد سنة فوق السن القانوني
    اعمل سيرش كده و اعرف فضايح ريشة ضد الأهلي ..
    انا بتكلم بعد واقعة السيد فتحي تحديداً

    الحمد لله الحكم فضح نفسه بكراهيته للنادي الاهلي

    في اي بلد محترمة الواقعة دي يتحقق فيها .. و يتم عقاب المقصر عشان يبقى عبره لباقي الحكام

    و ربنا كبير .. مش بيضيع تعب حد

    .,,

  8. #8
    Pharma Student
    تاريخ التسجيل
    Feb 2008
    المشاركات
    314

    افتراضي

    بس مقلتليش برده أيه رأيك في التجديد له وازاي يتعين للأهلي في ماتش زي ده حكم من بور سعيد ولو ريشه تاريخه أسود مع الأهلي كده محدش اتكلم ليه ولا السكاكين اتسنت قبل الماتش غير لو العمليه متظبطه .. أوي

  9. #9

    افتراضي

    اقتباس المشاركة الأصلية كتبت بواسطة alnesr1988 مشاهدة المشاركة
    بس مقلتليش برده أيه رأيك في التجديد له وازاي يتعين للأهلي في ماتش زي ده حكم من بور سعيد ولو ريشه تاريخه أسود مع الأهلي كده محدش اتكلم ليه ولا السكاكين اتسنت قبل الماتش غير لو العمليه متظبطه .. أوي
    و من امتى الاهلي بيتكلم و بيعترض ع الحكام ..
    كان اولى يعترض ع السيد حمدي الاسماعيلاوي إللي ربنا فضحه

    ريشة .. و هو دلوقتي عنده تقريباً 49 سنة و متجددله قبل كده 3 مرات فوق السن ..
    ماسمعناش صوتك ليه ؟؟!!

    و برضو ريشة ماحسبش بلن لجيبرتو ف ماتش الجيش

    .,,

  10. #10
    Pharma Student
    تاريخ التسجيل
    Dec 2007
    الدولة
    on my computer
    المشاركات
    3,478

    افتراضي

    اقتباس المشاركة الأصلية كتبت بواسطة Chimera مشاهدة المشاركة

    و برضو ريشة ماحسبش بلن لجيبرتو ف ماتش الجيش

    .,,
    اصلهم بيشوفوا اللى ليهم بس ؟؟؟

    اقتباس المشاركة الأصلية كتبت بواسطة Chimera مشاهدة المشاركة
    ريشة .. و هو دلوقتي عنده تقريباً 49 سنة و متجددله قبل كده 3 مرات فوق السن ..
    ماسمعناش صوتك ليه ؟؟!!


    .,,
    اصل الاهلى كان كابسهم السنين اللى فاتت ؟؟؟؟؟؟؟؟ قبل ما الدورى بيبدء بيكون الاهلى البطل !!!!!!

المواضيع المتشابهه

  1. رابطه مشجعي الاهلي بالمنتدي
    بواسطة Messi في المنتدى السـاحة الريـاضيـه
    مشاركات: 146
    آخر مشاركة: 09-04-2012, 10:50 PM
  2. الاهلي × الاسماعيلي
    بواسطة Messi في المنتدى السـاحة الريـاضيـه
    مشاركات: 20
    آخر مشاركة: 03-08-2010, 03:58 PM
  3. الاهلي المصريvs الاتحاد الليبي
    بواسطة Messi في المنتدى السـاحة الريـاضيـه
    مشاركات: 54
    آخر مشاركة: 13-05-2010, 08:16 PM
  4. الاهلي vs الزمالك
    بواسطة Messi في المنتدى السـاحة الريـاضيـه
    مشاركات: 25
    آخر مشاركة: 16-04-2010, 11:07 PM
  5. الاهلى vs الاسماعيلى
    بواسطة Dr Anonymous في المنتدى السـاحة الريـاضيـه
    مشاركات: 23
    آخر مشاركة: 28-05-2009, 01:27 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •