»?•.¸¸.•? P.c.c.p ?•.¸¸.•?«

[dr_Eucalyptus]

السلام عليكم ورحمة الله وبركاته

خلصنــــا الأجازة الحمد لله .... وإن شـــــــــــــاء الله نكون استفادنا منها بأكبر قدر ممكن

اكيد اللى داخل نفسه يعرف ايه هو الـــ PCCP ده ؟؟؟
ده فى المنهج .. ولا بره المنهج

أقولكم أنا>>>> دا اختصــــــــــــــار لـــــ Personality & Career Change Program

طبعــا كل انسان مننا جواه قدرات ومواهب

فى مننا اللى قادر انه يوجه قدراته ومواهبه صح ... وفى اللى محتاج مساعده عشان التوجيه الصح

إن شـــاء الله من خلال البرنامج هتعرف ازاى تغيير من نفسك للأحسن وتطور من إمكانياتك وازاى تستغلها صح ..
وكمــان ازاى توجه قدراتك للاتجــاه الصح

.

.

.

.

ويقــدمـــــــه لكـــــــــــم

.

أســــــــــــرة صيــــدلى المستقبـــل

بالتعـــاون مع

شـــركة IMS للإستشــارات والتدريب

والذى يشمـــل على

Wining the job interview**
Do & don’t in C.V
Dr/ Khaled Hadad
H.R manager crystal Asfour

Leader ship & creativity thinking**
Dr/ Hany Soliman
Chairman of leadership development group

Planing &time management**
Dr / Ibrahim Bakhoum
Training consultant AMOUN

communication skills &personal change**
Presentation skills
Dr / Maha Emad
Certified new code NLP trainer

sales&marketing**
Dr / Ehab Hussein
Training manager SANDOZ

scientific research ethics**
Dr / Mervat El–shabrawy
Certified trainer of international
research ethics

وذلك فى يوم الجمعه من كــل أسبوع لمده 6 أسابيع

بـــــــــــــــــــــادر بالحجــــز

بالتوفيـــق إن شــــــــــــــاء الله

[عامر إبراهيم]

برنامج ممتاز ماشاء الله

ربنا يوفقكم يا جماعة و الله

بصراحة البرنامج لا غبار عليه و المحاضرين كمان ماشاء الله

ربنا يوفقكم يارب إن شاء الله

التيرم التانى واضح إنه هيكون مليئ بالأنشطة الجامدة جدآ

بالتوفيق إن شاء الله

بس ممكن معلومات أكتر عن البرنامج؟

[dr queen]

برنامج جامد أوى يا رضا ما شاء الله ،
بالتوفيق يارب ان شاء الله ..

[SHYMAA]

ان شاء الله نحاول على اد ما نقدر اننا نحضر
بالتوفيق ان شاء الله

[dr_baby]

وذلك فى يوم الجمعه من كــل أسبوع لمده 6 أسابيع
من الساعة كام لكام؟ (مش ممكن يبقى يوم الخميس كدا كدا نكون فى الكلية حتى لو بعد العصر بدل ماننزل مخصوص الجمعة)

وهيبدأ من تاريخ كام؟

بـــــــــــــــــــــادر بالحجــــز

نحجز ازاى؟وتكلفة الكورس كام؟وتكلفة الشهادات كام؟

واضح انه ان شاء الله هيكون برنامج مثمر خلونا نعمل تنشيط مستمر جزاكم الله خيرا

[pharma princiss]

السلام عليكم
طبعا الناس مستغربه من الكلام العجيب اللى فوق ده

كل ده انجليزى معلش حقكوا عليا
انا هاقلكم المختصر المفيد
بدايه الكورس باين من اسمه
برنامج التغيير المهنى والشخصى
تغيير اه .............. تغيييييييييييييير
لازم نتغير طب ليه ليه ده بقى لعده اسباب
اولها اننا فى بدايه ترم جديد ممكن يكون اخر ترم لناس كتير
او يكون تانى ترم لناس تانيه لسه بتقول ياهادى فى الكليه
للاسف ولسه لحد الان بنقول انا مش عارف هاشتغل ايه طيب ياعم ماتقرر يقولك لما اتخرج انا هابقى اشوف انا ممكن اعمل ايه

للاسف ناس كتير لسه بتفكر بالاسلوب ده وانا كمان كنت منهم لحد ماشفت الدوره دى اتعملت فى صيدله الاسماعيليه السنه اللى فاتت وحققت نجاح هايل وكمان اتعملت فى صيدله الازهر وحققت نجاح اكبر يبقى كان لازم تتعمل فى صيدله المنصوره لينا احنا كمان علشان نقدر نتغير
انا اسفه انا طولت قوى عليكم
خلاص خلاص انا هادخل فى الموضوع اهه
فى البدايه احنا فى كليتنا لو ماكنتش محدد هدفك من اول يوم فى الكليه ممكن تضيع منك فرص كتير
وكمان لو خرجت من الكليه وانت مش عارف ناوى تعمل ايه هاتبقى المشكله اكبر واكبر
ليه يعنى اقلكم ليه وعن تجربه عشتها عن قرب مع زمايلى المتخرجين
كل الناس كانت خارجه من الكليه متخيله انها هاتشاور على الوظيفه اللى هى عايزاها واصحاب الشركه ماهايصدقوا هاييجوا يتحايلوا علينا

وطبعا اتصدموا بالحقيقه المره

كل ده ليه لانه ماكانش فيه تخطيط من البدايه احنا هانعمل ايه بعد ماهانخلص
وعلشان كده هايكون معانا
د/ ابراهيم باخوم استشارى التدريب بشركه امون للصناعات الدوائيه
هايتكلم معانا عن التخطيط
وطبعا علشان نقدر نخطط صح ومانحطش خطط ماتتنفذش نقوم نكتئب كان لازم نتكلم عن اداره الوقت بالطريقه الصحيحه اللى تمكنى من تحقيق الخطط اللى انا حططتيها فى الوقت المناسب للوصول لاهدافى
وطبعا بما انى قررت انى هاحط اهداف وخطط لحياتى لازم اعرف انا هاغير السلبيات اللى فى شخصيتى ازاى علشان احقق اهدافى وده اللى هاتكون معانا فيه
د/مها عماد
(مدربه البرمجه اللغويه العصبيه وواحده من الخمس مدربين المعتمدين فى مصر لتدريب الشفره الجديده فى تدريس البرمجه اللغويه العصبيه من المركز الكندى للتنميه للبشريه)
هانتكلم عن مهارات تغيير الشخصيه
واكيد من اهم المهارات اللى هاتتكلم معانا عنها هى مهارات الاتصال وكيفيه التواصل مع الاخرين للوصول الى الاهداف المحدده
اهم موضوع بنحتاجه سواء اشتغلنا بقى فى شركات او فى صيدليه او حتى فى التعامل اليومى مع الناس العاديين هى المبيعات والتسويق وطبعا لازم لما نتكلم عن التسويق يكون معانا واحد من اكبر المدربين فى اكبر الشركات فى مصر وهو
د/ ايهاب حسين
مدير التدريب فى شركه ساندوس (احد فرو ع نوفارتس اللى هى شركه الادويه رقم واحد فى مصر ورقم اتنين فى العالم )
طيب احنا كده وصلنا لانى غيرت شخصيتى وبقيت جاهز للشغل طيب هو انا هاقدر اخد الوظيفه ازاى وايه المفروض يكون متوافر عندى علشان اوصل للوظيفه

ده انا هاقولكم عليه المشاركه الجايه ان شاء الله

[pharma princiss]

برنامج ممتاز ماشاء الله

ربنا يوفقكم يا جماعة و الله

بصراحة البرنامج لا غبار عليه و المحاضرين كمان ماشاء الله

ربنا يوفقكم يارب إن شاء الله

التيرم التانى واضح إنه هيكون مليئ بالأنشطة الجامدة جدآ

بالتوفيق إن شاء الله

بس ممكن معلومات أكتر عن البرنامج؟

شكرا د/عامر

وربنا يوفقنا كلنا لتقديم افضل خدمه للطلبه

بالنسبه للمعلومات الاكتر حضرتك تقولنا محتاج معلومات ايه بالظبط ؟

[

ان شاء الله نحاول على اد ما نقدر اننا نحضر

بالتوفيق ان شاء الله

ان شاء الله حضرتك تشرفينا يا د/شيماء

واضح انه ان شاء الله هيكون برنامج مثمر خلونا نعمل تنشيط مستمر جزاكم الله خيرا

باذن الله نقدر نحقق الاستفاده للكل
بالنسبه ليوم الخميس فده كان صعب جدا لانا بنتفق مع الدكاتره على اكتر من جامعه مش كليتنا بس ده معانا جامعه قناه السويس كمان
بالنسبه للحجز انشاء الله هايكون الاستاند موجود من بكره قدام الكليه حضرتك ممكن تحجزى هناك
بالنسبه للمواعيد فهانبدا ان شاء الله يوم الجمعه الساعه 1.30 مع وجود فاصل لصلاه العصر

بالتوفيق ان شاء الله ويارب اكون قدرت ارد على استفساراتكم

[Sarah Mohsen]

بسم الله الرحمن الرحيم

ما شاء الله حاجة جميلة اوي

علي فكرة انا عرفت من الاعلان اللي ورا الجدول ودخلت هنا عشان اشوف

بس عايزة اسأل عن شوية حاجات
1- هنبدأ الجمعة الجاية ولا اللي بعدها ولا امتي ؟
2-هل ممكن ماجيش محاضرة مثلا لأني هبقي مشغولة الجمعة اللي بعد الجاية_ يعني لينا نسبة معينة من الغياب؟
3- هل فيه شهاده في انتهاء الكورس؟
4- هل الكورس مجاني ولا فيه فلوس معينة بتتدفع ؟

جزاكم الله كل خير

[pharma princiss]

[quote=dr_sarah;253285]بسم الله الرحمن الرحيم

ما شاء الله حاجة جميلة اوي

علي فكرة انا عرفت من الاعلان اللي ورا الجدول ودخلت هنا عشان اشوف

بس عايزة اسأل عن شوية حاجات
1- هنبدأ الجمعة الجاية ولا اللي بعدها ولا امتي ؟
2-هل ممكن ماجيش محاضرة مثلا لأني هبقي مشغولة الجمعة اللي بعد الجاية_ يعني لينا نسبة معينة من الغياب؟
3- هل فيه شهاده في انتهاء الكورس؟
4- هل الكورس مجاني ولا فيه فلوس معينة بتتدفع ؟

جزاكم الله كل خير[/quote]

بدايه اهلا بيكى د/ساره

حضرتك سالتى ودى الاجابه يارب تطلع زى ماحضرتك عايزه
1 - ان شاء الله هانبدأ الجمعه 19مارس باذن الله
2- باذن الله حضرتك مش هاتغيبى لاننا هانكون لسه مابدأناش
3-اكيد فيه شهاده فى نهايه الكورس معتمده من الكليه ومن شركه IMS للتدريب والتوظيف
4- الكورس له رسوم معينه بتدفع على قد التكلفه بتاعته
ان شاء الله حضرتك تشرفينا واكون قدرت اجاوب على الاسئله صح

[Mohamed Al Gohary]

بالتوفيق يا جماعه ان شاء الله ..

برنامج ممتاز ..