السلام عليكم ورحمة الله وبركاته
...
كتير اوى بنلاقى مواضيع عن الولاد او البنات وطبيعى اننا نلاقى البنات بيدافعوا عن نفسهم
والولاد بيدافعوا عن نفسهم
وشوية شوية الموضوع يقلب بحرب قبلية تحاول فيها البنات انهم ينتصروا على الولاد او العكس
طب ايه رايكوا نعمل حاجة مختلفة؟
ايه رايكوا لو نعكس الادوار
بمعنى اننا نفتح حوار فيه البنات يقولوا ايه هى اكتر عيوب البنات والشباب يقولوا ايه هى اكتر عيوبهم
وعشان كدة اسم الموضوع
انتقد نفسك...وإمدح الآخر..!!
ايه رايكوا لو نتناقش فى اكتر الحاجات اللى بتضايق البنات فى البنات
واكتر الحاجات اللى بتضايق الولاد فى الولاد
ومش بس كدة لا كمان هنتكلم فى اكتر الحاجات اللى بتضايقنا فى نفسنا؟!
خلونى ابدا بمثال بسيط عشان الناس تفهم الفكرة ونفتح الحوار:
انا مثلا كبنت شايفة ان من اسوا الحاجات اللى بتبقى موجودة بين بعض البنات هى الغيرة ايا كانت فى ايه غيرة فى الدراسة ،غيرة بسبب حب الناس، غيرة بسبب الشكل ،او حتى غيرة بسبب الهدوم..!!
وشايفة ان الغيرة اكتر فى البنات عن الولاد
ايه رايكوا بقا فى الكلام دة يا بنات؟
وهل دة حقيقى يا شباب انكوا مبتغيروش من بعض؟ ولو فى بينكوا غيرة فعلا بتبقى فى ايه تحديدا؟
يلا خلونا ندردش مع بعض كل واحد يجاوب ويقولنا ايه هى العيوب اللى هو شايفها فى نوعه من وجهة نظره
س1:يابنات-ايه اكتر حاجة بتضايقكم فى البنات؟
س2:يا شباب -ايه اكتر حاجة بتضايقكم فى الشباب؟
س3:إنت-إيه أكتر حاجة بتضايقك فى نفسك؟
ملحوظة:مفيش قاعدة قابلة للتعميم ..اكيد كلنا متفقين على كدة
فى إنتظاركم
.....