صفحة 3 من 11 الأولىالأولى 12345 ... الأخيرةالأخيرة
النتائج 21 إلى 30 من 109

الموضوع: ساحة حوار صيادلة الفرقة الثالثة و الرابعة

  1. #21

    Smile

    اقتباس المشاركة الأصلية كتبت بواسطة pharmacistina مشاهدة المشاركة
    يا جماعة اللي مش عايز يشارك , ما يشاركش ..

    اللي شايف الموضوع مجدي و مفيد يتفضل يسأل و ان شاء الله هيعود بالافادة ع الجميع ,

    و اللي مش شايف ان الموضوع له جدوى , براحته ..
    يا دكتورة ده لمصلحة زمالائي الطلبة .. و مصلحتك برضو
    انتي و كل اخوانا ف رابعة لسه طلاب .. و غير مؤهلين للرد على استفسارات علمية بخصوص المواد
    منكوا إللي ناسي .. و إللي مش فاهم كويس ..!!

    بدل ما تنقلوا معلومة غلط .. او منقوصة .. يبقى كده ضريتوا زملائكم .. و ضريتوا نفسكم برضو

    يا ريت نفكر شوية .. احنا مش صغيرين عشان نقول إللي عاوز يشارك يشارك .. و إللي مش عاوز مش عارف إيه

    و براحتكوا برضو .. انا بس بنصح الناس

    .,,

  2. #22
    Pb Elite
    تاريخ التسجيل
    Apr 2007
    الدولة
    My own World
    المشاركات
    601

    افتراضي

    اقتباس المشاركة الأصلية كتبت بواسطة pharmacistina مشاهدة المشاركة



    كلمة steroidal تشير الى ان المركب فيه حاجة اسمها steroidal nucleus

    هذه الـ steroidal nucleus هي cyclopentanophenanthrene ..

    بالراحة مفيش أي مشاكل ..

    cyclopentano = حلقة خماسية , و الـ phenanthrene دة عبارة عن ثلاث حلقات بنزين ملتحمة ببعضها بشكل معين احنا درسنا الـ phenanthrene في عضوية سنة ثانية صيدلة ..

    هذه الـ steroidal nucleus نشوفها في المركب نقول دة steroidal compound على طول ..



    مثلا المركب الجاي دة .. نبص فيه نقول دة steroidal



    ...............................

    كدة عرفنا يعني ايه steroidal

    الأدوية المضادة للالتهاب anti-inflammatory drugs اما تكون :

    1- steroidal anti- inflammatory drugs ( فيها الـ steroidal nucleus )

    2- non - steroidal anti - inflammatory ( مافيهاش steroidal nucleus )

    كلاهما بيشيل الالتهاب , بس الـ steroidal فعالة أكثر و لكن لها آثار جانبية كتيرة لأنها بتعمل اجتباس للماء في الجسم و بترفع الضغط و بتقلل المناعة لها مشاكل كتير .. زي الكورتيزون cortisone

    أما الـ non- steroidal هي مضادة للالتهاب و مسكنة و كمان خافضة للحرارة ..زي الأسبرين و الديكلوفيناك و الاندوميثازين و حاجات كتير أوي .. و ليها برده آثار جانبية لأنها قد تساعد على حدوث أزمات الربو asthma و قد تسبب قرحة معدة مع الاستخدام الطويل .. و هتعرفوا بالتفصيل الممل جدااا الكلام دة في الترم الثاني في الفارماكولوجي ..

    بصي كدة لصورة الكورتيزون :

    http://upload.wikimedia.org/wikipedi.../Cortisone.png

    شايفة فيها steroidal nucleus .. يبقي نقدر نقول

    Cortisone is a steroidal anti - inflammatory agent

    بصي على صورة الأسبرين هتلاقيها مفيهاش steroidal nucleus ..

    ............................


    أصلا الـ mechanism of action بين الـ steroidal و الـ non- steroidal مختلف .. هتاخدوه في الفارما الترم الثاني ,

    يا رب يكون كدة عندك أول فكرة عن الفرق بين المجموعتين دول من الأدوية ..
    شكراً ع الافادة يا دوك
    بس بلاش بصي دي

  3. #23
    Pharma Student
    تاريخ التسجيل
    Nov 2008
    الدولة
    aga
    المشاركات
    543

    افتراضي

    فكره جميله جدا يا فرماسيستينا

    وان شاء الله لو مكناش هنعرف نشارك نكون متابعين ونستفيد باذن الله ولو اي شيء بسيط يدينا اي معلومة عن اي شيء او يوضح اي شيءحتي لو بسيط يبقي جميل جداااااااااااااااااا

    جزاكم الله خيرا

  4. #24
    Pharma Student
    تاريخ التسجيل
    Jun 2008
    الدولة
    المنصورة
    المشاركات
    745

    افتراضي

    جزاكم الله كل خير أخواتنا الكبار....

    وربنا يقدرنا ويقدركم على إفادة بعضنا..

    وبالتوفيق للجميع ان شاء الله....

  5. #25
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    شكراً ع الافادة يا دوك
    بس بلاش بصي دي
    معلش قريتها أميرة .. عذرا كنت بكتب بسرعة ..

    جزانا الله خيرا و اياكم ..

    و الساحة دي بيننا و بينكم طول السنة ان شاء الله ..

  6. #26
    Pharma Student
    تاريخ التسجيل
    Sep 2007
    المشاركات
    183

    افتراضي

    أنا كنت كل لما بسمع كلمة
    non - steroidal & steroidal anti- inflammatory drugs
    الموضوع ده كان بيستفزني جدا لأني مكنتش فاهمه يعني ايه
    بس دلوقتي الحمد لله حاجه تانيه خاااااااالص
    جزاكي الله خيرا د/pharmacistina
    وجعله الله في ميزان حسناتك

  7. #27
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    انتي و كل اخوانا ف رابعة لسه طلاب .. و غير مؤهلين للرد على استفسارات علمية بخصوص المواد
    منكوا إللي ناسي .. و إللي مش فاهم كويس ..!!

    بدل ما تنقلوا معلومة غلط .. او منقوصة .. يبقى كده ضريتوا زملائكم .. و ضريتوا نفسكم برضو
    مننا اللي ناسي و هيحاول يفتكر , و هيفتح كتب السنة اللي فاتت و هو دة المطلوب ..

    مننا اللي مش فاهم مش هيرد , و هييجي زميل أو زميلة فاهم يجاوب و يفهم الباقيين ..

    حضرتك ليه بتفترض اننا مش عارفين حاجة ؟؟

    و بعدين لو حد أجاب لك على سؤال طالب زميلك أو أكبر منك أو أيا كان , من حقك تدور على صحة الاجابة لو عايز ..

    خلاص الساحة اتفتحت و ان شاء الله نكون قدها , و معظمنا مبسوط من الفكرة ..


  8. #28

    افتراضي

    جزاكم الله خيرا وجزاكى الله خيرا يا فارماسيستينا ..

    ومعلش احنا كده متعبين ومبيعجبناش العجب استحملينا

  9. #29
    Pharma Student
    تاريخ التسجيل
    May 2009
    الدولة
    Still Searching ....!
    المشاركات
    1,156

    افتراضي

    الموضوع جميل يا د/ pharmacistina .. و ان شاء الله يكون فيه فايده لطلبة تالته و رابعه كمان و هتبقى اسهل لينا "كطلبة تالته " ان احنا نسأل طلبة رابعه على ما نلاقى الوقت او الظروف المناسبه علشان نتأكد من الدكاتره أو من النت .. لكن على الاقل نكون عندنا فكره" و لو بسيطه" عن الحاجه اللى بنسأل عليها و مش عارفينها .,.. و احب انى أسال سؤال بسيط كده علشان اشارك معاكم .. احنا عرفنا ان النيتروجلسرين بيكون تناوله sublingual بس النيتروماك و المونوماك اللى فى الصيدليات و بيحتووا على النيتروجلسرين بيكونوا oral .... إزاى ؟!

  10. #30
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    اقتباس المشاركة الأصلية كتبت بواسطة ahmedofegypt مشاهدة المشاركة
    الموضوع جميل يا د/ pharmacistina .. و ان شاء الله يكون فيه فايده لطلبة تالته و رابعه كمان و هتبقى اسهل لينا "كطلبة تالته " ان احنا نسأل طلبة رابعه على ما نلاقى الوقت او الظروف المناسبه علشان نتأكد من الدكاتره أو من النت .. لكن على الاقل نكون عندنا فكره" و لو بسيطه" عن الحاجه اللى بنسأل عليها و مش عارفينها .,.. و احب انى أسال سؤال بسيط كده علشان اشارك معاكم .. احنا عرفنا ان النيتروجلسرين بيكون تناوله sublingual بس النيتروماك و المونوماك اللى فى الصيدليات و بيحتووا على النيتروجلسرين بيكونوا oral .... إزاى ؟!

    الـ Nitroglycerin .. لعلاج الـ Angina pectoris أي الذبحة الصدرية ..

    الذبحة الصدرية و هي المرض الناتج من أي ضيق لأي سبب كان في الشريان التاجي المغذي لعضلة القلب , مما يؤدي الى نقص تغذية عضلة القلب بالأكسجين اللازم لانقباضها ..

    القلب عضلة زي أي عضو في الجسم وظيفتها انها تضخ الدم لباقي أعضاء الجسم , لكن القلب كعضو من حقه ياخد تغذية علشان يقدر ينقبض و دة بيتم من خلال الشريان التاجي المتفرع و كلنا عارفينه ازاي محيط بالقلب علشان يغذيه ..

    لو القلب اللي عمال ينقبض و يبذل مجهود مش لاقي تغذية كويسة ولا لاقي أكسجين , هل هيقدر يقوم بدوره صح ؟؟

    الاجابة لأ .. و هنا يحدث ما يسمى بالذبحة الصدرية ..

    متى تحدث الذبحة الصدرية ؟

    1- لما يحصل ضيق في الشريان التاجي Coronary spasm و تيار الدم الواصل لتغذية القلب قليل .. و الضيق دة ممكن نتيجة ترسيب الدهون على الشريان التاجي atherosclerosis in coronaries .. تخيل لما يتصلب الشريان التاجي و يترسب عليه دهون أكيد هيضيق ..

    2- لما الانسان مننا يبذل مجهود جامد زيادة عن اللزوم فالقلب عمال ينقبض بسرعة و كمية الغذاء و الأكسجين الواصلة مش مكفياه بيسموها increased oxygen demand ( زيادة احتياج القلب من الأكسجين )

    , جرب حضرتك تفضل تجري سريع لفترة طويلة و بسرعة .. هتحس بألم في كتفك الشمال .. و كلنا جربناها قبل كدة ..

    3- جلطة مثلا اتكونت و سدت جزء من الشريان التاجي ..

    كل دة يعمل الذبحة الصدرية أو الـ Angina pectoris ..

    اجابة سؤالك بقى :

    الذبحة الصدرية أنواع :

    في منها اللي نوبات الذبحة بتيجي في أوقات معروفة و ثابتة و اسمها Typical angina..


    و في منها اللي نوبات الذبحة تجي فجأة و بدون مقدمات يلاقي كتفه الشمال واجعه و حاسس بثقل على صدره .. و ممكن تحصل و الواحد مرتاح على سريره بدون أي مجهود .. Variant angina أو acute coronary vasospasm




    فطبيعي اللي بيحدد اذا كان المريض ياخد الدواء nitroglycerin بطريقة sublingually أو بطريقة orally هو نوع نوبة الذبحة الصدرية ..

    الـ Sublingual tablet امتصاصها سريع جداا و بتعطي مفعولها بسرعة في ثواني , علشان المريض ينقذ نفسه من الموت لما يتفاجئ بنوبة الذبحة ..

    Sublingual nitroglycerin used for ttt of acute angina attacks

    لكن القرص اللي يتاخد orally دة لسة هيحله disintegration بعدين dissolution و بعدين absorption يعني عايزله ساعات ..

    Oral nitroglycerin tablets used to prevent typical angina attacks

    كلام منطقي ..

    شكرا لأن حضرتك فكرتنا بالـ Angina pectoris اللي شرحها لنا أستاذنا الدكتور حسن الكاشف أحسن شرح جزاه الله عنا كل خير ..


    هتدرسوا الكلام دة في الترم التامي CVS في الفارما ..

    وفقكم الله

صفحة 3 من 11 الأولىالأولى 12345 ... الأخيرةالأخيرة

المواضيع المتشابهه

  1. ساحة حوار طلاب الفرقة الثالثة والرابعة والخريجين الخ.. :((.
    بواسطة عبدالله عبدالرحمن في المنتدى الفرقة الثالثة 2011
    مشاركات: 92
    آخر مشاركة: 18-12-2010, 08:38 PM
  2. المعركة التالتة ....ساحة حوار ((مادة الفيزياء))
    بواسطة ameer في المنتدى الفرقة الاعدادية 2010
    مشاركات: 646
    آخر مشاركة: 23-01-2010, 09:39 PM
  3. نداء من طلاب الفرقة الرابعة و الثالثة .. ميعاد الشفوي أصبح مشكلة !
    بواسطة pharmacistina في المنتدى التطوير المستمر لكليات الصيدلة
    مشاركات: 90
    آخر مشاركة: 18-01-2010, 03:59 PM
  4. ساحة حوار الفرقة الاعدادية
    بواسطة AMERAL في المنتدى الفرقة الاعدادية 2009
    مشاركات: 238
    آخر مشاركة: 07-07-2009, 01:00 AM
  5. ساحة حوار الفرقة الاعدادى
    بواسطة trialless في المنتدى الفرقة الاعدادية 2008
    مشاركات: 469
    آخر مشاركة: 08-07-2008, 10:36 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •