طريقة تحميل المحاضرات

[drsabri2010]

بسم الله الرحمن الرحيم
الحمد لله و الصلاة و السلام على رسول الله
سيدنا محمد و على آله و صحبه أجمعين

أما بعد؛

من أكبر المشاكل اللى بتقابلنا على المنتدى هى تحميل المحاضرات عشان كده بدأ يلجأ البعض منا لرفع المحاضرات على مواقع تانيه زى المديا فير و غيرها.

طب ليه ؟

عشان أنا مسطب idm و الموقع مبيدعموش

و الحل؟

إن شاء الله أنا جايب لكم حلين و اللى عنده بعد كده يضيف

الحل الأول:-

1- نفتح نافذة البرنامج و نضغط على خيارات.


2- من القائمة اللى هتظهر نضغط على tab أنواع الملفات.


3- نكتب اسم الموقع اللى هوه www.pharma-board.com زى ما فى الصورة
(مع الحفاظ على وجود فاصل بين أسماء المواقع)
و نضغط على تحرير القائمة.


4- نعمل زى مافى الصورة القادمة و نضيف اللينك القادم
http://www.pharma-board.com/board/lectures.php?do=file&id=276&act=down


5- نختار حسناً , بعد كده الموقع أما يجى يحمل تظهر الرسالة التالية:-
بالنسبة للفايرفوكس ( وده أنا بفضله):-


بالنسبة للاكسبلورر:-

الحل الثانى ( لمن يستخدم الفايرفوكس):-

1- من قائمة tools.
2- نختار add on
3- نشوف idm و نختار disable

وفى الختام أدعو الله أن ينفعنا بما علمنا و أن يجعله فى ميزان حسناتنا

[Anas]

تمام يا دوك

أسهل من كده

تضغط على زرار Alt‏ مع الاستمرار في الضغط
و أثناء كده تضغط على "تحميل المحاضرة"

[Chimera]

حل تالت ..
من الصفحة دي


شيل علامتين الصح إللي تحت تكامل البرنامج مع المتصفحات .. انترنت و موزيلا ..

و لو عاوز تحمل منه اوتوماتيك .. رجعهم تاني

.,,

[drsabri2010]

ماشى كلامك جميل يا anas
بس انا بخص المنتدى بس بعدم التحميل تلقائياً منه
لأنى لو عملت زى مابتقول
كل شوية أعد اخش على البرنامج و اطلع
وعموما شكراً على رأيك الجميل

[Dr/HULK]

مش عارف ايه لازمتها يخنقوا الواحد عشان محاضرة 1 ميجا

ماترفعوها على اى موقع من مواقع الرفع

مش لازم يعنى يترفع على المنتدى

ولاهى .............وخلاص

[mony89]

جزاكم الله خيرا يا دكتور صبرى

[drsabri2010]

مش عارف ايه لازمتها يخنقوا الواحد عشان محاضرة 1 ميجا

ماترفعوها على اى موقع من مواقع الرفع

مش لازم يعنى يترفع على المنتدى

ولاهى .............وخلاص

فيه اختلاف فى السرعة من شخص لآخر و من مكان لآخر
و السرعة عندنا كلنا مش زى بعض
انت مثلاً عندك 2 ميجا فيه ناس بتدخل بالتليفون
و هكذا فلازم نراعى ظروف بعض

[Dr/HULK]

فيه اختلاف فى السرعة من شخص لآخر و من مكان لآخر
و السرعة عندنا كلنا مش زى بعض
انت مثلاً عندك 2 ميجا فيه ناس بتدخل بالتليفون
و هكذا فلازم نراعى ظروف بعض

طب مثلا لما المحاضرة تترفع على

الميديا فاير مثلا

بتكون سرعة التحميل منها اكبر بكتير من موقع المنتدى

انا لحد دلوقتى المحاضرات الوحيدة اللى نزلتها

هى محاضرات دكتور عطاالله

[Anas]

طب مثلا لما المحاضرة تترفع على
الميديا فاير مثلا
بتكون سرعة التحميل منها اكبر بكتير من موقع المنتدى
انا لحد دلوقتى المحاضرات الوحيدة اللى نزلتها

هى محاضرات دكتور عطاالله

على فكرة آخر محاضرات عملي الطبية مرفوعة على الميديا فاير

لما تضغط تحميل هيتعمل لك اعادة توجيه تلقائي لصفحة التحميل

و عيش بعدها بقى