مشاهدة نتائج الإستطلاع: ماذا تصبو أن تكون بعد التخرج ان شاء الله

المصوتون
142. أنت لم تصوت في هذا الإستطلاع
  • صيدلى أهلى

    30 21.13%
  • الطب الشرعى

    18 12.68%
  • عضو هيئة تدريس

    24 16.90%
  • مندوب دعاية (مسوق)

    4 2.82%
  • صاحب مخزن أعشاب

    2 1.41%
  • مدير تحكم جودة فى شركة أدوية

    43 30.28%
  • أخرى

    21 14.79%
صفحة 3 من 5 الأولىالأولى 12345 الأخيرةالأخيرة
النتائج 21 إلى 30 من 47

الموضوع: ماهى شمسك؟ ما هو هدفك؟

  1. #21
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    شكرا جزيلا د. MAI HABIB و Eman * SAMPS و dr noha و ahmed ramadan على مشاركتكم الجميلة و الدقيقة و الحقيقة انا استفيد جدا من مثل تلك المشاركات فشكرا لكم. أود ان الفت نظر احبائنا المشاركين انه فى حالة إختياركم لخانة "أخرى" فى الإستفناء المصاحب أن يعرفوها لنا حتى تكتمل الفائدة من هذا الإستفتاء. و ننوه أنه لايمكن الحكم عى مخرجات هذا الإستفتاء إلا بعد و صول أعداد المشاركين فيه الى 2000 مشارك.
    فتفضلوا مع تحياتى.
    "من لا يتقدم يتقادم .. فلا بصمة و لا أثر"

  2. #22
    Pharma Student
    تاريخ التسجيل
    Dec 2007
    المشاركات
    16

    افتراضي


    السلام عليكم ورحمة الله وبركاته
    أولا: أشكرك يا أستاذي الجليل د.عطا الله علي الموضوع



    ماذا انت صانع بعد التخرج؟ هو دا السؤال اللي بسأله لنفسي دلوقتي بجد

    الحمدلله دخلت الكلية حبا فيها كان نفسي أدخلها والحمد لله ربنا كرمني ودخلتها
    كان عندي هدف وانا داخله الكليه
    كان نفسي أشتغل في شركة أدويه وأثبت نفسي فيها بجد وحاول
    اعمل حاجة جديدة حاجة تنفع الناس وتنفعني
    نفسي بجد ان ربنا ينفعني باللي اتعلمته ويخليني
    انفع بيه الناس...


    عشان كدة انا اخترت مدير تحكم جودة في شركة أدويه
    رغم اني أعتقد انها حاجه خياليه شوية و ساعات كتير
    بتخلي عن حلمي دا للاسف
    ولو معرفتش احققه أعتقد اني هلجأ للاختيار الأعم:العمل كصيدلي أهلي
    بس مش مجرد دكتور واقف في صيدلية او فاتح صيدلية لمجرد انها مشروع تجاري هكسب من ورا فلوس
    لأ نفسي بجد الناس تيجي الصيدلية عشان فيها فلان بالذات
    نفسي اكسب ثقة الناس وحبهم واحترامهم وأساعدهم علي قد أما أقدر بعيدا تماما عن المادية أو استغلال ظروفهم أو
    مرضهم وسواء اشتغلت في شركة
    او صيدلية-ان شاء الله- أهم حاجة التعامل مع الناس بما يرضي الله
    أعتقد ان دي الحاجة اللي هتسعدني

    إن كانت الصيدلية وسيلة لجمع المال فهى "مقبرة الصيادلة" و إن كانت لجمع القلوب فهى "مملكة الصيادلة".
    حضرتك لخصت كل الكلام في الجملة دي.....





    المعادلة: المهنة و الرزق و السعادة

    المهنة سبيل لكسب الرزق اللي هنعيش منه و هناكل وهنشرب وهنلبس منه
    بس في الاخر السعادة هي الغاية

    تقبلوا مروري و أسفة للاطالة








  3. #23
    Pharma Student
    تاريخ التسجيل
    Jul 2007
    المشاركات
    118

    افتراضي

    اولا وقبل كل شىء انا أحب ان اسلم عليك يادكتور واسلم على كل زملائى وزميلاتى
    وأحب ان اقول لحضرتك شىء:- ان اسلوبك فى الكلام وفى توجيه النصائح والعبارات يدل فعلا اننا أمام شخص مؤهل ومثقف وقادر على امتطاء مهنة المعلم بكل تميز بغض النظر عن كون حضرتك استاذ فاضل فى الكلية التى اشرف بالانتماء اليها. فقد تجد الكثير من الاساتذة ليسوا على هذا القدر من الثقافة والاسلوب المتحضر فى الكتابة او الحوار سواء كان مع طلبة او غيرهم.
    واحب ان اقول لحضرتك انى لا اجاملك ولكنى حسيت انى لازم اقولك الكلام ده فى البداية.

    ثانيا:- طبعا انا قرأت كل اللى زمايلى كتبوه وانا اتفق مع معظمهم فيما كتب.
    ولن اعيد او اكرر الكلام ولكن احب ان اقول انى اخترت
    مراقب جودة فى احدى شركات الادوية
    فمع احترامى الكامل لكل الوظائف الموجودة فى الاستبيان.ولكن منذ ان قررت دخول كلية الصيدلة وهى دى حلمى الصغير وبعد كدة ممكن الحلم يكبر ويكبر والله اعلم ممكن يحصل ايه فكما قلت حضرتك ان هذا من الغيبيات
    ولكن مع كل هذا فان احلامى انا شخصيا ولنقل فى المستقبل القريب تنحصر فى السفر الى الخارج والعمل بالخارج
    وذلك رغم علمى بالصعوبات التى قد تواجهنى وتواجه غيرى فى العمل فى الخارج وان الحياة شاقة جدا وصعبة جدا هناك ليست سهلة بسيطة كما يعتقدها البعض(زى اللى بيقولوا دول بيلاقوا الفلوس فى الشارع)
    ولكن دعنا نتكلم بصراحة.احلامى فى بلدى (فى الوقت الراهن)لاتتعدى كونها رحلة تدريب قصيرة تعقبها رحلة العمل فى الخارج وفد تعقبها عودة الى بلدى لافيدها بما تعلمت واكتسبت من الخارج (سواء مال او خبرات)
    واايضا دعنا نتكلم بوضوح اكتر .وضع الصيدلى يختلف عن وضع الصيدلانية-كما هو الفرق بين الولد والبنت- انا لا اقصد فى الفكر او الدراسة ولكن انا اقصد الاحوال الاجتماعية
    فالولد له ظروفه واحلامه تختلف عن البنت
    انا لا اريد ان اكون مثاليا او ملاك فى كلامى ولكنى اتكلم بصراحة وبوضوح
    المال وباعترافنا جميعا مهم جدا وخصوصا عند الولد(انا اتكلم كشاب الان)وحلمه فى تكوين اسرة وبيت وعائلة وهذة الاحلام لن تتكون الا بالاموال
    ولكن هذا ابدا لا يكون مبررا لكسب المال الحرام والعياذ بالله ولكن طبعا المال الحلال ومن مصدر شريف سواء كنت ساعمل صيدلى اهلى (بالساعة)او مندوب مبيعات(وده اللى حاصل الان)(ودول هما الشغلتين المنتشرين لمعظم ان لم يكن كل صيادلة اليومين دول)
    فأنا ارى ان فرصة العمل فى الخارج مع الاجتهاد فى اى من المجالات السابقة افضل وبمراحل من عمل نفس المجالات هنا فى مصر (اليومين دول على الأقل) فالبلد فى انحدار مستمر والله وحدة هو العليم بما قد يحدث مستقبلا

    واخيرا بالنسبة للمعادلة:
    فعملك فى مهنة شريفة محترمة يوفر لك احترام نفسك واحترام مجتمعك لك كما توفر لك السعادة الذاتية(سعيد بما تقدمه) .اما الرزق فهذا بيد الله ولا يعلمه سواه
    فقد اعمل فى مهنة محترمة ولكنى لا اكسب من ورائها مايكفينى ولكنى قد اخسر القليل من المال فى مقابل اكتساب الكثير من احترام النفس واحترام الاخرين
    وطبعا العكس صحيح

    واسف جدا على الاطالة

    وسلامى هو خير ختام لكلامى

  4. #24
    Pharma Student
    تاريخ التسجيل
    Oct 2007
    الدولة
    في الحياه
    المشاركات
    284

    افتراضي

    جزاك الله خيرنا دكتورنا الغالي علي الاهتمام وأرجو من الله العمل في ال Qaulity Contorl وهذا الأمر قدري قد يحدث أ لا . ان لم يكن ففي الطب الشرعي ونرجو من سيادتكم معرفه شروط هذان العملان .
    التعديل الأخير تم بواسطة محمد السيد ; 01-03-2008 الساعة 09:58 PM

  5. #25
    Pharma Student
    تاريخ التسجيل
    Feb 2008
    الدولة
    Land of Idiots
    المشاركات
    235

    افتراضي

    انا رأى ان المعنى الصريح الواضح للسعاده هو الرضا فانا اقبل بمهنه مهما كانت بشرط ان تكون فى مجالى كصيدلى شريفه تحقق لى ذاتى وتوفر لى عائد مادى -على الاقل - مقبول

  6. #26
    Pharma Student
    تاريخ التسجيل
    May 2008
    المشاركات
    108

    افتراضي

    السلام عليكم ورحمة الله وبركاته .
    اولا انا باشكر حضرتك جدا يا دكتر علي هذا الموضوع ,انا فعلا لاحظت اهتمام حضرتك به وحصوصا في محاضرات حضرتك .
    انا انشاء الله طالعة رابعة وبحب كلية الصيدلة و باحترمها جدا ولو اتخرجت ولقيت فرصة ادخل كلية تانية برده هادخل كليه الصيدلة ،هي فعلا كلية قمة في علمها وانسانيتها وكمان فلوسها .
    انشاء الله بعد التخرج هاكمل الدراسات العليا لاني اعتقد ان بكالريوس الصيدلة وحده لا يكفي للحصول علي عمل حيد ،انا شخصيا نفسي اشتغل في تحكم الجودة في شركة ادوية ومش مستعجلة اوي اني ا كون المدير .
    المهم محسش اني موظفة مثل موظفي الحكومة امضي كل يوم حضور وانصراف مفيش تطوير وبكدة ملهاش لزمة بقة كلية الصيدلة .
    في الحالة دي انا مش لازمني العمل اصلا وممكن فعلا اعد في البيت علي الاقل احترم آدميتي واحاول ان اثقف نفسي بدل مانسي ان انا صيدلانية .
    بفكر كمان اشتغل صيدلانية اهلية مش بائعة في صيدلية لا انا عايزة اجبر الناس علي احترامي والثقة في رايي عايزة انا الي اوصف وانا الي اغير الروشتة لصالح المريض .
    بالنسبة للرزق دي حاجة بتاعت ربنا بس ده ميمنعش ان الانسان لازم يسعي ايضا لكي يمتلك المال الذي يكفل له الحياة الهادئة فمن لا يملك قوته لا يملك قراره .
    بانسبة للسعادة هتيجي لما الاقي عمل احترم فيه نفسي ويحترمني الناس و رزق وفير انشاء الله .
    شكرا وآسفة جداا علي الاطالة .ا

  7. #27
    Pharma Student
    تاريخ التسجيل
    Feb 2008
    المشاركات
    39

    افتراضي سؤال عن الطب الشرعي

    السلام عليكم ورحمة الله و بركاته
    الحقيقة انا حابة اسأل عن موضوع خاص بالشغل
    و هو مجال الطب الشرعي للصيادلة
    يا تري ما هي مميزات هذا المجال
    ايه المسئوليات اللي بيقوم بيها الصيدلي
    وايه هي طبيعة الشغل فيه

    شكرا

  8. #28
    Pharma Student
    تاريخ التسجيل
    Feb 2008
    الدولة
    فى البيت
    المشاركات
    3,924

    افتراضي

    بس على فكرة موضوع الطب الشرعى مش لذيذ ابدا انا ابن خالتى بيشتغل طبيب شرعى وبيحكيلنا حاجات مرعبة انا من رايى خليكى فى المجالات بتاعتنا احسن مش هتستحملى ابدا الشغل فى الطب الشرعى

  9. #29
    Pharma Student
    تاريخ التسجيل
    Nov 2008
    المشاركات
    119

    افتراضي

    انا سمعت والله أعلم ان الصيدلى من حقه يعمل فى الطب الشرعى بس لازم يكون حاصل على دبلومات أو ماجستير فى حاجات معينة
    زى التوكسو والبيو وبعدكده بيقدم عادى لو فى مسابقة او حاجة
    وطبيعة الشغل محتاجة قلب جامد ومبيخفش لأنه بيتعامل مع كافة الجرائم بكافة انواع العنف والقسوة البشرية
    وفى موضوع فى مجلة الشباب لو قدرت الاقيه هجيبه لحضرتك
    الموضوع ده بيتكلم فيه مدير الطب الشرعى فى مصر

  10. #30
    Pharma Student
    تاريخ التسجيل
    Feb 2008
    المشاركات
    39

    افتراضي

    شكرا جزيلا علي المعلومات القيمة يا جماعه و ياريت اللي يعرف حاجه يعرفني لان عندي اهتمام جامد اوي بالموضوع ده و عايزة اعرف كل اللي يتعلق بيه
    شكرا جزيلا د\قناع الذهب
    و شكرا جزيلا د\ سامح الهادي

صفحة 3 من 5 الأولىالأولى 12345 الأخيرةالأخيرة

المواضيع المتشابهه

  1. ادخل هنا لتحقق هدفك ............لاتتردد
    بواسطة عاشقة الشهادة في المنتدى التنمية البشرية وتطوير الذات
    مشاركات: 23
    آخر مشاركة: 18-03-2011, 07:04 PM
  2. `•. عندما تغيب شمسك.... .•`
    بواسطة زهرة الايمان في المنتدى المنتدى الاسلامى
    مشاركات: 6
    آخر مشاركة: 17-07-2009, 03:06 AM
  3. الغيرة ماهي ؟؟
    بواسطة drsherbiny في المنتدى المنتـدى العـام
    مشاركات: 8
    آخر مشاركة: 07-07-2009, 11:53 PM
  4. ماهى السعاده ؟؟؟؟
    بواسطة Amira في المنتدى منتدى المناقشات
    مشاركات: 10
    آخر مشاركة: 29-03-2009, 10:19 PM
  5. عاوز ايه من سنة تانية ؟؟؟ .... تعالى و شاركنا هدفك ...
    بواسطة Anas في المنتدى الفرقة الثانية 2009
    مشاركات: 22
    آخر مشاركة: 28-09-2008, 10:38 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •