شاركوا معنا فى تلك القضية
بعد أسبوع من الان ان شاء الله
"درجة الشفهى
Interview.jpg
معيار
ist2_92337-balance.jpg
حكم
judgeHammer.jpg
ام
هدية؟"
money.jpg
كونوا معنا بعد الإمتحانات مباشرة
انا اعتبر الشفهى الحالى اختبار تحصيلى فقط ليس فيه مهارات ذهنية
ارى ان يكون الشفهى معيار هام لقياس المهارات الذهنية و النقلية للطالب
بديهى ان يكون فى الشفهى اسئلة غير نمطية و تميل للتطبيق لقياس مدى فهم الطالب للمادة
الواسطة غير موجودة البته فى إمتحان الشفهى
يجب ان يوزع القسم على الممتحن الخارجى قائمة محتوى المقرر قبل امتحان الشفهى
انا عندى احساس يالغبن عندما ارى زميل او زميلة تأخذ درجة افضل منى لمجرد التوصية
ارى ان زيادة اعداد الطلاب تؤثر بالسلب فى معرفة المستوى الحقيقى للطالب
افضل ان امتحن وحدى و ليس فى مجموعة حتى لا أحرج و حتى يتحدد مستواى الحقيقى
افضل ان امتحن فى مجموعة لا تزيد عن ثلاثة طلاب حتى يظهر الفرق للممتحن فتكون الدرجة معبرة
ارى ان يعطى الطالب سؤال مكتوب كمفتاح قبل البدء فى إمتحانه
ارى انى املك المعلومة و لكن السؤال الغير مباشر او الغير نمطى يوترنى فلا استطيع الإجابة
ابتسامة الممتحن لى و عدم تجهمه فى وجهى يشجعنى على الإجابة يإنطلاق و بثقة
ارى ان لا يسأل ممتحن الشفهى فى امتحان النظرى حتى لا يصير الجزاء ضعفين فى النظرى
ارى استبدال الشفهى بمشاريع بحثية يناقش الطالب فيها و يقيم على جودة البحث و مهارات العرض
يتحقق العدل فى امتحان الشفهى بإختفاء الواسطة
أرى ان يلغى الشفهى بوضعه الحالى او تقل درجته الى النصف لأنه غير معبر عن المستوى الحقيقى للطلاب
ارى ان يكون الشفهى فى اليوم التالى للنظرى لان الإجهاد و عدم الأكل يؤثر بالسلب على القدرة الذهنية
ارى ان يكون الشفهى بعد انتهاء الإمتحانات النظرية
ارى ان يشمل تقييم الشفهى مظهر الطالب و مهارات الشرح و الثقافة العامة
هل لك رأى إضافى (تفضل بالمشاركة فى الموضوع)
شاركوا معنا فى تلك القضية
بعد أسبوع من الان ان شاء الله
"درجة الشفهى
Interview.jpg
معيار
ist2_92337-balance.jpg
حكم
judgeHammer.jpg
ام
هدية؟"
money.jpg
كونوا معنا بعد الإمتحانات مباشرة
"من لا يتقدم يتقادم .. فلا بصمة و لا أثر"
موضوع مهم جدا وغاية فى الحيوية لكل الطلبه .. ديما بتختار موضوعات شيقه يا دكتور .. بعد اسبوع ان شاء الله منتظر احتدام نقاش جيد بإذن الله عقب الامتحانات .. وانا شخصيا عندي كلام كثير جدا لأقوله ..
مبدئيا و لحين العودة من الامتحانات
ف امتحان الشفوي الطلبة بتعلق عليه آمال كبيرة سواء للنجاح أو لتحقيق تقدير
و لكن للأسف نظام الشفوي المعمول به حاليا لا يمثل تقييما حقيقيا لمستوى الطالب الفكري أو العملي
و كذلك لا يحقق معايير المساواة باي شكل من الأشكال بين الطلاب
فنجد أحد الممتحنين يسأل بالكاد سؤال او اثنين و يكررهم لمعظم الطلاب
ويعطي درجة عالية ولا تقل درجته عن 26 للطالب الذي يجاوب على سؤال " اسمك ايه ؟ "
و على النقيض من ذلك تماما ...
نجد من الممتحنين من يمتهن الطلاب - إذا جاز التعبير - في الأسئلة و يعطي درجات نادرا ما تزيد على 25 على أقصى تقدري لمن يجيب على الاسئلة جميعها
و حدث لي شخصيا موقف تكرر مرتين ... دخلت للدكتور في آخر مجموعة ف قال لي
" هنبدأ مع بعض من 25 يعني انت ناقص 5 درجات "
طيب ايه الحل ... ماهو تحت أي ظرف من الظروف لازم حد يدخل في الآخر !!!
و مرة أخرى امتحنت عند دكتور من طب المنصورة ... يحتقر الطلبة و الكلية و النظام و كل شيء
أضف إلى ما سبقى هو تغيير العديد من الطلاب للجانهم و الذهاب للجان أخرى بغية الحصول على درجات اعلى
و لن أدعي نفسي ملاكا لا أقوم بمثل هذا ...
بل فعلته عدة مرات ... و آخرها هذا التيرم في مادتين من 4 مواد امتحنت فيهما عند رئيس القسم
و لم يكن هذا بالواسطة أو للحصول على الدرجة النهائية و إنما لآخذ حقي فقط لأ أكثر
و بالفعل لم أحصل في إحداهما على الدرجة الكاملة و لكن اطمأننت لأني حصلت على الدرجة التي أستحقها
ف للأسف النظام غير عادل على الإطلاق ... و لن ينصلح حاله إلا بواحد من حلين
أولهما أن يوحد الممتحن على جميع الطلاب و هذا من ضروب الخيال نظرا للعدد الهائل للطلاب
ثانيهما هو توحيد المعايير التي يتم على أساسها تقييم الطلاب مهما اختلف الممتحن
و الاهم من توحيد تلك المعايير هو التأكد من تطبيقها بالطريقة التي تضمن المساواة لجميع الطلاب
عذرا على الإطالة و لعدم تسلسل الأفكار في الرد
و لي عودة إن شاء الله بعد الامتحانات ...
على الماشي كده برضه .. على ما نخلص امتحانات .. انا عندي أمنية أو حلم سموها زى ما إنتم عاوزين .. أنا نفسي يبقى الممتحنين كلهم Internal .. ازاى معرفش
درجات الشفهي....
موضوع شائك اوي يا دكتور...
هو اكيد اكيد مش معيار ولا حكم...اللهم الا عند قله من الدكاتره-اللي نفسي اقابلهم مره واحده في امتحان-
امنيه....بالفعل هي امنيه لكتير من الطلبه خصوصا لما يبقي النظري وحش..
هديه....ده بيعتمد.....هل تعرف حد في الكليه ولا لا....ودي للاسف اسوأ ما في الموضوع..
يعني مينفعش اكون واقف امتحن الساعه 2 الظهر في عز الحر بتاع الايام اللي فاتت ولاقي زميل فاضل جايب واحد معاه -احد الاداريين - و يخبط علي باب الدكتور ...وهو كان بيمتحن 4 طلبه بالفعل في الوقت ده...ويخش 5 دقايق ويطلع و ابتسامه تعلو وجهه ويقول لزميل اخر لنا انا اخدت 30
وللاسف بقي يا دكتور تلاقي كل ورقه امتحان مكتوب عليها في الاخر
علي كل طالب ضروره الالتزام بالموعد واللجنه المحدده له ولن يسمح لأي طالب بتغيير هذه اللجنه
نفسي اعرف ليه بتتكتب الجمله دي....؟؟
الحقيقه معدتش لاقي حاجه في دماغي اكتبها دلوقتي...
وشكرا جزيلا لحضرتك يا دكتور ....الواحد اخيرا قال اللي جواه
والله يادكتور موضوع غايه فـ الاهميه
دايما حضرتك الى حاسس بينا كده.على طول ...... .ربنا يكرمك
بس بجد الشفوى ده والله بيفرق كتير جدا معانا
ممكن ينجح طالب بدرجات كتير وممكن يرفع التقدير من جيد
لجيد جدا ....وجيد جدا لامتياز ....بسهوله جدا
لان الفارق فـ الدرجات بيكون كتير
يعنى مثلا فـ دكاتره معدلهم مش بيزيد عن 22
وفيه دكاتره مش بيقلوا عن 26حتى لو الطالب محلش
انا الى نفسى فيه بجد ان دكتور واحد يمتحن الدفعه كلها ازاى مش عارفه !
او على الاقل يكون فيه مثلا قواعد ثابته عند كل الدكاتره
لان بجد والله بنتظلم كتير جدا فـ الشفوى ده
والماده الى انا عارفه ان دكتورها صعب فـ الشفوى ببقى متوقعه تقدير فيها وحش
وهو ده الى بيحصل فعلا
والغريب يادكتور ان فـ دكاتره بتسال من خارج المنهج نهائى وتحاسبنا على كده
وخاصه ال Externalومهما نقولهم مخدناش ده مش بيصدقوا خالص
وحصل معانا فـ الميكرو وسيبنا الدكتور ورحنا امتحنا عند دكتور تانى
واكتر حاجه بتتعبنا جدا يادكتور هى الواسطه لما نكون واقفين من الساعه 2 للساعه6مع العلم اننا مخلصين النظرى 11وتيجى واحده ماسكه فـ اديها واحده وعماله توسع الطريق لحضرتها تدخل تمتحن تاخد 30تقريبا لمجرد انها قالت اسمهامش اكتر واحنا نطلع عينا فـ الاسئله وناخد درجات مش كويسه خالص !!
طب ده ليه !!
نفسى الواسطات والحاجات دى متبقاش كده ادام عينينا عشان بس نفسيتنا متتعبش
اسفه جدا ع الاطاله
جزاك الله عنا كل خير ووفقك الله لما يحب ويرضى
عندي اقتراح ممكن يكون غريب شوية بس عاجبني قوي
واحد صاحبي في طب الازهر عندهم الشفوي له يوم مستقل
الشباب بييجو لابسين بدل و مظبطين نفسهم
و بياخدو راحتهم مع الدكاترة في الأسئلة و بيبقى امتحان بجد
نفسي يكون عندنا حاجة زي دي قبل ما أتخرج
طب واللى معندوش بدله ؟؟؟ ينقص
على فكرة ... اه بينقص ... و كمان اللي مش حالق دقنه " إلا إذا كان ملتحي "
بس أنا مش بتكلم على كده ... انا بتكلم على ان الامتحان بياخد حقه و كمان الطالب ياخد حقه
مع طبعا حدوث بعض التجاوزات ... لانك اكيد أكيد في مصر
موضوع مهم
جزاكم الله خيرا يا دكتر ..
باذن الله لي عودة بعد الامتحانات ,,