معلش ياجماعة انا داخلة اسألكو سؤال بس
هو ينفع التحويل بعد اعدادي لاكلينيكال ولا هنعيد السنة دي تاني
وهل هي اصعب من الصيدلة العادية ولا مفيش فرق ف المذاكرة
وايه الميزة اللي فيها مش ف العادية
ويارب تجاوبوني
معلش ياجماعة انا داخلة اسألكو سؤال بس
هو ينفع التحويل بعد اعدادي لاكلينيكال ولا هنعيد السنة دي تاني
وهل هي اصعب من الصيدلة العادية ولا مفيش فرق ف المذاكرة
وايه الميزة اللي فيها مش ف العادية
ويارب تجاوبوني
حضرتك نورتى الساحة
على الاقل يبقى فيه مشاركات فى الساحة بتاعتنا بدل الصحرا اللى احنا فيها دى
هقول لحضرتك هو بيتهيالى ممكن لأن غالبا معانا واحدة زميلتنا السنة دى حولت من النظام العادى لاكلينيكال بس انا مش متاكد
مش اصعب ولا حاجة ومن الاخر مفيش حاجة صعبة بس حضرتك تذاكري كويس وتعملى اللى عليك والتوفيق على ربنا
وعلى فكرة المواد أغلبها الحشو اللى فيها اتشال
( أنا بقول أغلبها محدش يضربني )
هى بس صعوبتها ان الجدول بيبقى مكدس على الاخر وكمان سبع مواد فى الترم ده غير ان حضور المحاضرات مهم وعليه غياب ( المفروض يعنى )
يعنى ممكن تيجي مثلا الساعة 9 الصبح وتروحى الساعة 5 ويا سلام بقى لو حضرتك بتسافري زى حالاتى
بروح عشان انام واصحى تانى يوم اروح الكلية وبقضيها شوية مذاكره فى المواصلات مثلا (بس فى الغالب بيبقى قاعد معايا شوية عيال رخمة فى تجارة صوتهم عالى وقاعدين بيضحكوا ومبعرفش اذاكر ) لو عندك امتحان على شوية من الباكجروند من اللى الواحد بيفتكره فى المحاضرة بس عامة الترم بيعدي على خير
واعتقد ان انا جاوبت حضرتك قبل كده على الميزة بين الاتنين فى موضوعك اللى فى منتدى اعدادى
وبالتوفيق ليكي فى اختيارك
وعموما الدكتورة بنبونة هتيجي ترد عليكي كمان شوية ان شاء الله ( يا رب متحرجنيش وترد )
متشرة اوي يادكتر علي ردك
اصلي بفكر احول
بس لازم معلومات كافية عشان مرجعش ازعل تاني
معلش هو سؤال شخصي
ليه حضرتك اخترتها
ولك حرية الرد او عدم الرد علي السؤال
بس ف الاخر انا عاوزة اعرف كل حاجة عنها قبل مافكر احول
وشكرا علي ردك مرة تانية
العفو مفيش مشكله
ان شاء الله مش تزعلى ولا حاجة
هو مشكلة النظام بتاعنا انه لسه جديد بس ودى بيترتب عليها مشاكل كتير
بس اهم ميزة نسيت اقولهالك عدد الطلبة احنا عدد الدفعه بتاعتنا 56 طالب بس وطالبة برده
والدفعة اللى بعدنا حاجة و70 أو 80 مش عارف بالظبط بس مهما كان أحسن من 1200 أو 1400بس الدفعة اللى بعدنا اللى هما كانوا فى اولى كلينيكال غالبا والله اعلم ومحدش يزعل منى بيحبوا يزعلوا الدكاترة منهم أوىبرده مفيش مشاكل
هو الصراحة يعنى مش انا اللى اخترتها ولا اخترت حتى صيدلة
هو المجموع بتاعى هو اللى اختار
ووالدى هو اللى قالى أدخل كلينكال انا مكنتش اعرفها اصلا
قالى عشان دول عددهم قليل و لسه فى الاول فالحق خدها فى الرخص وهى لسه بادئة وكمان الطلب عليهم كتير ( صراحة اخر حتة دى هى اللى اقنعتنى )
و جاب لى كام اعلان من الجورنان على صيادلة اكلينكيين
هو انا حبيت البرنامج بتاعنا بس لسه السنة دى بس بعد ما حسيت بنعمة العدد القليل بتاع المحاضرات والسكاشن
وربنا يوفقك فى اختيارك برده
صلي صلاة استخارة وشوفى حضرتك مستريحة لايه بالظبط
واللى فيه خير ربنا يعمله
انا لسه شايفة المشاركات حالا ..عموما ، كده كده كنت هرد بإذن الله
امممم ، مش عارفة .. اظن ينفع لكن هتعيدي مواد معينة مش السنة كلهاهو ينفع التحويل بعد اعدادي لاكلينيكال ولا هنعيد السنة دي تاني
الأفضــل تسألي حد من المسئولين عشان يكون عنده دراية لاني مقابلتش حد مر بالموقف ده ..
أغلب اللي حولوا معانا كان في نفس السنة بعد ما دخلوا اعدادي شهر او اتنين لكن مش بعد ما السنة خلصت
احنا بنبقي مضغوطين طول الترم لأن المناهج مكثفة جدا عشان تتضغط 5 سنين صيدلية لــ 3 في كلينيكال و آخر سنتين دراسة مختلفة تماما عن النظام التاني ..وهل هي اصعب من الصيدلة العادية ولا مفيش فرق ف المذاكرة
متقدريش تقولي علي نظام دراسة ككل اسهل او اصعب
في مواد سهلة اوي و فيه مواد سهلة و في مواد صعبة
طريقة المذاكرة برده حاجة ترجعلك انتي لكن الافضل دايما تبدأي تقرأي مع بداية الدراسة و تمشي مع المحاضرات
لان زي ما قلت المنهج مضغوط و السكاشن عددها الضعف فبتكون متواصلة مش اسبوع و اسبوع
وايه الميزة اللي فيها مش ف العادية
ويارب تجاوبوني
ممكن تقرأي الموضوع ده هيفيدك بإذن الله :
http://www.pharma-board.com/board/showthread.php?t=950
في نقطة بس حابة الفت نظرك ليها
خلي بالك ان السنة الجاية ان شاء الله غالبا مش هيكون فيه اعدادي و لا اولي كلينيكال ..
لأن الطلبة في 3 ثانوي السنة دي قليلين جدا .. و بالتالي لو كان في مواد من سنة اولي لازم تاخديها ممكن تقابلك مشاكل لان مينفعش تتفتح مادة للدراسة الا لو توفر حد ادني من الطلبة 5% و سمعت انها زادت دلوقتي لـ10%
ممكن تتكلمي مع دكتور ممدوح الششتاوي - في قسم الكيمياء الحيوية - لانه رئيس الكنترول في كلينيكال و تقدري تعرفي منه كل معلومات كافية عن طبيعة الدراسة و تسجيـل المواد و عن امكانية التحويل و ايه اللي هيترتب علي كده ..
و ممكن كمان تتواصلي مع أستاذ عصام الموظف المسئول عن كلينكال ، ممكن ابعتلك رقم تليفون مكتبه لو تحبي
و دي المعلومات اللي موجودة علي موقع الجامعة
http://www.mans.edu.eg/Facphar/arabic/clinical_files/clinical_main.htm
دعواتي لكِ بالتوفيق و السداد
السلام عليكم و رحمة الله و بركاته
أهلا بيكي في ساحتنا
هو كان فيه واحدة معانا حولت بعد الترم الأول ما خلص
هو أعتقد فيه مواد بتفتح في الصيف بس أعتقد مواد الترم التاني اللي لازم تكوني أخدتي مواد الترم الأول علشان تدخليها بس لو فيه مواد مش متطلبة مواد قبلها معارفش النظام هيبقى معاكي إيه
هو يفضل تروحي لأستاذ عصام و هو إن شاء الله يفيدك في الموضوع ده
كمان أعتقد إن السنة دي مافيش ثالثة ثانويفشوفي الأخبار إيه بس ياريت تسألي بدري علشان لو فيه حاجة تقدري تخديها في الصيف تلحقيها من أولها
بالتوفيق إن شاء الله
و ربنا يسدد خطاكي
السلام عليكم ورحمة الله وبركاته
ازيكم يا شباب عاملين ايه
الاجازة عاملة معاكم ايه؟؟؟؟؟؟؟؟
يا رب تكونوا بخير و صحة وعافية
كل سنة وانتم طيبين
وحشتونى لكن الكلية
صحيح حد يقولى ايه حكاية التدريب والابحاث والكلام ده
و عليكم السلام ورحمة الله وبركاته
يا هلا يا هلا
ايه النور ده
محمد علي باشا وانا بقول برده ايه النور ده كله
حمدًا لله على السلامة أولا
انت واحشنا أكتر والله يامحمد
بص يا سيدي انت تروح الكلية للدكتورة داليا رشاد فى قسم الميديسنال و هى المسئولة عنك فى حكاية التدريب وهتديلك بحث تعمله وورقة تملاها انت والصيدلي اللى انت هتدرب عنده فى الصيدلية
بس يا سيدى دى كل الحكاية
السلام عليكم
كل عام وانتو طيبين إحنا خلاص بدأنا العد التنازلى على شهر رمضان الكريم
انا حبيت اشاركو فالمنتدى عشان فعلا على رأى د / a_fouda2 بأى صحراء ومحدش بيشارك فيه خالص إلا نادرا
انا زيك والله يا د / a_fouda2 زهقانة جدا بالرغم إن الأجازة فيها تدريب الصيدلية لكن انا بجد إتصدمت لأن دة ما كنش تخيلى عنها فهى أشبه بالسوبر ماركت بالفعل مفيش أى تجديد فى أى شئ ومقتصرة على البيع والشراء وبس !!! حاجة يقدر أى حد يعملها لو عرف يقرا الروشتة وأسامى ومكان الأدوية !!! { زينا كدة مخدناش فارما ونازلين تدريب فالصيدلية }
نرجع لموضوعنا : انا قلت ما أستعجلش وأستنى لغاية ما أعرف موضوع البحث اللى هعمله عن تدريبى فيها يمكن أغير رأيى وأحبها ؟!
وإذا بالصدمة الأخرى إنى كلمت د / ممدوح الششتاوى إنهاردة عشان أعرف موضوع البحث بتاعى قالى عنوان بحث غريييييييب
{Inborn error in ****bolism of aromatic a . a }
أنا حاسة إن الموضوع مالوش علاقة بالتدريب فالصيدلية غير إن الواحد يدخل على النت يدور وبس
انا كنت متخيلة إن البحث عن نوعية معينة من الأدوية اللى بتعالج مرض معين والمواد الفعالة اللى فالأدوية دى لكن للأسف ملقتش كدة؟!
بجد بجد زاد حبى للصيدلية وللأجازة كلها ؟!!!
المهم... مبروك علينا الموافقة على الفارما وأكيد كدة أحسن بكتير
اسيبكم بأى عشان ما أطولش عليكو
فى أمان الله