صفحة 1 من 3 123 الأخيرةالأخيرة
النتائج 1 إلى 10 من 23

الموضوع: شرح مختصر لمواد تانية كلينيكال

  1. #1
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    Red face شرح مختصر لمواد تانية كلينيكال



    يااااااااه (تاني) ....خلصنا سنة أولى أخيرا "أول سنة في عالم مجهول"
    وعدت الأيام بسرعة أووووي وهندخل أهو سنة تانية

    بس دلوقتي إحنا دخلنا في مود كلية صيدلة شوية مش كده ولا إيــــه
    ؟؟
    :
    :
    الهدف من الموضوع ده اننا ننقل لكم نبذة مبسطة و فكرة عامة عن كل مادة من مواد سنة تانية كلينيكال

    نسأل الله ان يرزقنا القبول و الاخلاص في كل قول و عمل

    " رب اشرح لي صدري و يسر لي امري و احلل عقدة من لساني يفقهوا قولي "




    .:: Semester 3 ::.
    __
    .
    .

    كعادة كل ترم بندرس 7 مواد ، و هي كالآتي :

    Physiology (PR: Cell biology) - Medical terminology (PR: English) - Psychology - Pharmaceutical Organic chemistry 3 (PR: Organic 2) - Pharmacognosy 2 (PR: Pharmacognosy 1) - Pharmaceutical Analytical chemistry 2 (PR: analytical 1) -
    Anatomy



    1- Physiology

    مادتي المفضلة في الترم ده .. رائعة بمعني الكلمة خصوصا لو درسهالكم د. شحتة

    بس عايزة تركيييز وفهم و ربط بين المواضيع ، وخدوا بالكم منها كويس لأنها أساس الفارماكولوجي

    الدكاترة اللي بيدرسوها بيكونوا من قسم الفارما...

    هتدرسوا فيها الجهاز العصبي الارادي و اللا ارادي
    تركيب المخ و وظائفه
    حاجة اسمها receptors ... دي زي اقفال علي سطح الخلايا بترتبط بالمواد الكيميائية اللي الجسم بيفرزها او الادوية فيحصل تأثير سلبي او ايجابي نتيجة الارتباط ده :

    هتدرسوا كمان الهرمونات بالتفصيـل ، و آلية التنفس و تركيب العضلات و ازاي بنتحرك ..
    تجلط الدم ، تركيب العين ، القلب بأعصابه و عضلاته و اساسيات جهاز رسم القلب ECG ..
    في موضوع شرح للـECG كنا عملناه السنة اللي فاتت :



    ::.. العملي ..::
    بناخد فيه تطبيقات على النظري ،
    وطبعا الضحايا بتوع كل سكشن : "الضفدعة-الأرنب-الفار"

    انا كنت بحب العب في ودان الارنب
    التجارب دي demonstration بس ، و الامتحان العملي بيكون علي هيئة شيت .



    2- Medical terminology

    بيدرسها دكاترة من قسم الفارما ، غالبا دكتورة منار ،
    مادة مهمة و بتسهل الدراسة بعد كده ، بندرس فيها المصطلحات الطبية متقسمة علي حسب كل system في الجسم...
    المصطلحات كتير لكن أغلبها مبني علي بعضه و فيها حاجات كتيـر جدا مكررة في الفيسيولوجي .. المتابعة من الأول في المادي دي بالذات بتسهل مذاكراتها بشكل كبير
    >>> مفيش عملي
    منهج الترمنولوجي بتاع د. منار مرفوع كامل علي المنتدي هنا ، لو تحبوا تلقوا نظرة استكشافية :




    3- Psychology

    "علم النفس"

    أول لقاء بيكوا مع طب
    الماده شبه-الى حد كبير-علم النفس اللى بعضنا اخده ف المدرسه بس المره دى بالانجليزى واعمق شويه..


    اول جزء هو بعض العمليات اللى لها صله مباشرة بالانسان.
    هتاخدو الذاكره المؤقته والدائمه..
    ومراحل النوم , وكيفية قراءة الEEG , والادراك والانتباه , وتحديد ذكاء الانسان تبعا لاختبارات الIQ
    .

    الجزء التانى..

    هو دراسة بعض الامراض النفسيه والعقليه..
    زى البارانويا..الفصام وغيرهم
    وأسباب كل مرض..زى العنف الاسري مثلا .

    وآخر جزء فى الماده هو اسامى بعض الادويه لعلاج امراض معينه
    والجرعه المحدده لكل دواء و الاعراض الجانبيه بتاعته..

    ملهاش عملى طبعاً لكن حضور المحاضرات مهم جداً فى الفهم


    الماده جميله جداً وممتعه..وهتفيدكم بعد كده..
    بس محتاجه مذاكره من اول محاضره..وتحديد مصدر ثابت للمذاكره سواء كان تبييض المحاضرات او الداتا شو..





    4- Pharmaceutical Organic chemistry 3

    ده هيكون آخر ترم ليكم تدرسوا فيه مادة الكيمياء العضوية،، لكن هتكتشفوا الترم اللي بعده ان العضوية مبتخلصش و هتلاقوها متغلغلة في مواد تانية

    المنهج متقسم جزئين :

    - الجزء الأول تطبيقي بيثبت في المحاضرة و مافيهوش حفظ كتير:
    " Stereochemistry "
    بتدرسوا فيه تفاصيل شكل المركب الكيميائي في الـ3D
    ويابختكم لو درسه ليكم دكتور سري


    - الجزء التاني محتاج مجهود و مذاكرة بالورقة و القلم ،
    عباره عن :
    Heterocyclic compounds
    hetero يعني غير متجانس .. المقصود بيها دراسة المركبات العضوية اللي بتتكون من كربون و هيدروجين + atoms مختلفة ( غير متجانسة \ hetero )
    التركيز بيكون في الغالبية العظمي علي 3 hetero atoms :
    N - O - S
    " نص "
    بتدرسوا
    التسمية Nomenclature و الـ preparation & reactions
    و شوية ميكانزمات مش لطيفة خالص

    ::.. العملي ..::
    هو نسخة من العملي بتاع الترم اللي قبله بس عبارة عن mixtures
    وفيه كمان جزئية عبارة عن
    synthesis لبعض المركبات
    وآخر جزئية مسائل حسابية تبع جزء الـU.V
    ( فاكرينه ولا )



    5- Pharmacognosy 2

    دا آخر ترم عقاقير .. بعد كده هتقولوا ولا يوم من ايامك يا عقاقير
    هتاخدوا الـ seeds, fruits, underground plants ,
    unorganized drugs : زي الصمغ و الأجار و الجيلاتين و حاجة اسمها مُر البطارخ
    camiphora mol mol

    animal drugs : زي المسك و زيت كبد الحوت و صبغات مستخلصة من الحشرات ..
    نفس نظام العقاقير اللي قبل كده :
    Name , origin , active constituent , Key elements , chemical tests & uses

    العملي
    برده نفس نظام عقاقير الترم اللي فات بالظبط




    6- Pharmaceutical Analytical chemistry 2


    كويسة بشرط المتابعة من بداية الترم
    هتاخدوا فيها باقي انواع الـQuantitative analysis
    Oxidation-reduction titrations,
    potentiometry,
    conductimetry,
    polarography
    + الـ titration curve بتاعهم
    الـ applications بتاعة كل فرع منهم كتييير جدااا و مهمين جدا ، خدوا بالكم منها أول بأول


    ::.. العملي ..::
    titration بحسابات التركيز المعتادة..
    لكن في منها محتاج مهارات معينة سواء في الشغل الـpractical او الحسابات




    Anatomy -7


    "علم التشريح"

    هيدرسه ليكم دكتور عمر جبر من كلية الطب والسكاشن برده بتاخدوها هناك..
    أحلى حاجة كانت في المادة دي السكاشن، ركزوا فيها لأنها هتساعدكم جدا في النظري

    هتدرسوا فيها اجهزة جسم الانسان بالتفصيل ووظيفة كل عضو فيهم و تركيبه + جزء مكرر من الهستولوجي و نبذة مختصرة في النهاية عن الهرمونات

    ::.. العملي ..::


    عبارة عن شرح النقاط المهمة في نظري و jars ... مش مطلوب منكم ادوات
    امتحان العملي بيكون identification لأرقام معينة علي الأعضاء اللي في الـjars ، نفس نظام الـspots في العقاقير
    الـjars المطلوبة كلها موجودة هنا :




    بكده يكون الترم الاول انتهي ....نخش بقي علي الترم التاني



    .:: Semester 4 ::.
    __
    .
    .


    بإختصار ده ترم الجبال ، اللي نفسه يخس 5-6 كيلو يواظب علي حضور المحاضرات و السكاشن .... المواد :

    Biochemistry1 (PR: organic 3) - Phytochemistry1 (PR: cognosy 2) - General microbiology & immunology (PR: cell biology) - Pharmaceutical Dosage forms1 (PR: physical chem.) - instrumental analysis (PR: analytical 2) - parasitology
    (PR: cell biology) - Pharmacy legislation



    1- Biochemistry 1

    مادة ممتعة بس ضخمة .. أكبر جبال الترم
    طبعا لازم تاخدوا بالكم منها بردو لأنها تكملة للترم اللي بعده بإذن الله
    هتاخدوا فيها الـ
    proteins, carbohydrates, lipids, enzymes ,vitamins and Biological oxidation

    والعملي بتاعها شبيه بالأورجانك يعني سامبل واسكيمة


    &



    2-
    Phytochemistry 1

    الجبل التاني
    زمان كنا بناخد النباتات ككل ... هنا بقى هنركز علي الـ active constituent نفسها ،
    اسمها والـ chemical structure بتاعها والـ sources اللي بتيجي منها واستخداماتها ولو فيه شوية تفاعلات برده ،،
    عبارة عن :
    volatile oils, carbohydrates,resins and resin combinations, bitter principles and tannins

    جزء الـ Volatile oil اسهل طريقة لمذاكرته هي الجداول و المقارنة بين الفروق البسيطة بين كل مركب و التاني

    ::.. العملي ..::

    titration لحساب التركيز و فصل مركبات من الـ carbohydrates&v.o



    3-
    General microbiology & immunology

    تالت جبــل .. عبارة عن قسمين ،

    الأول:
    Immunology
    بيتكلم عن مواضيع مختلفة عن المناعة ، بداية من تركيب الـantibody و أنواع المناعة ( طبيعية بنتولد بيها و مكتسبة ) لحد آلية حدوث infection أو allergy و أنواع التطعيمات و أمراض الجهاز المناعي ..

    التاني:
    General Microbiology:
    هيندرس فيه الـ Bacteriology و الفرق بين الـ Gram positive&Gram negative bacteria
    بعد كده ندرس الـmycology ، بيتكلم عن تركيب الـfungi و انواعها و طرق تكاثرها و تطبيقات عليها

    Virology : علم الفيروسات
    Molecular Genetics وDNA

    مذاكرة الـDNA بالذات بتبقي أسهل بالـ animations عشان الصورة بتكون أوضح و اقرب للذهن ..


    ::.. العملي ..::

    أجمل عملي علي الاطلاق
    هتشوفوا الGram+ve&-ve باكتيريا بأشكالها المختلفة تحت الميكروسكوب وتتعرفوا عليها
    وإنتوا اللي هتحضروا الـSlides بنفسكم
    وكمان هتتعلموا ازاي تعملوا الـ vaccine
    وازاي تفصلوا micro organism واحد من مستعمرات كبيرة متداخلة ،
    و هتتعرفوا على الMicrobiological media اللي بتنموا فيها الـميكروبات المختلفة
    والBiochemical reactions اللي بنمل بيها identification لنوع معين من الميكروبات ..
    و جهاز الـPCR هتدرسوا في العملي و النظري طريقة تشغيله و بيستخدم في ايه ..




    4-
    Pharmaceutical Dosage forms 1

    آخر جبال الترم


    أدوية الشرب المختلفة : colloids,emulsions,suspensions
    Tablets &Capsules
    Microencapsulation : طرق تصنيع ميكرو كبسولة و مزايا و عيوب كل technique
    المستحضرات الخاصة بالأنف و الأذن و الجلد و الفوار ،


    ::.. العملي ..::
    معامل الصيدلانيات بتفكرني دايما بالمطبخ
    هتتعلموا ازاي تعملوا أدوية الشرب المختلفة و الأقراص و الفوار ..



    5-
    instrumental analysis

    آخر و أسهل تحليلية هتعدي عليكم
    هتاخدوا فيها فرعين..
    الأول..Spectrophotometric methods of analysis
    التاني..chromatography

    ::.. العملي ..::
    جزء في شكل مسائل و تطيبقات من النظري
    و الجزء التاني spectrophotometry زي زمان
    و فيه شغل chromatography لكن مش مطالبين بيه في الامتحان ..



    6-
    parasitology

    طفيليات و حشرات و حاجة تفتح النفس علي الآخر
    هتاخدوا دورة حياته كل parasite وشكله والمرض اللي بيسببه والأعراض والعلاج و الوقاية ..
    احسن طريقة لمذاكرة البارا هي الجداول .. الدكاترة كانوا اخدوا مننا الجداول يراجعوها و اعتمدوها كمنهج و اتحط منها الامتحان و نموذج اجابته


    ::.. العملي ..::
    عبارة عن spots و cases ،
    بنشوف الكائنات اللي كنا بناخدها تحت الميكروسكوب
    و يتوزع علينا case نطبق عليها اللي درسناه بحيث نتوصل في الاخر لإيـه هو الـparasite ده و نعالجه ازاي ..




    7-
    Pharmacy legislation

    "التشريعات الصيدلية"
    دي مادة بالعربي
    .كلها قوانين ×قوانين
    - مين من حقه يمارس مهنة الصيدلة في مصر ؟
    - ايه اجراءات التسجيل في النقابة و وزارة الصحة ؟
    - ايه المطلوب من الصيدلي عشان يفتح صيدلية ؟
    -ايه العقوبات اللي بتفرض علي الصيدلي و امتي ؟
    - الأدوية المخدرة و السامة و المنومة و جداولهم و انواعهم و احكام استيرادهم و تصديرهم ... الخ

    هتستفيدوا منها في حياتكم كصيادلة
    و مفيــــتش عملي اكيد



    بعد كده تبقوا قطعتوا أكثر بشوية من ثلث مرحلة الدراسة الجامعية
    ... و نباركلكم و نشوفكم في سنة تالتة ان شاء الله

    ملحوظة:
    الموضوع مكتوب من الذاكرة ... و بناء علي تجربتي الشخصية خلال عامي الثاني في الكلية


    لو فيه أي استفسار او حاجة مش واضحة انا تحت أمركم ..







    " شكر خاص لـ حنين الأمس و Nada Radwan علي المساعدة في كتابة الموضوع "

  2. #2

    Pb Designing team


    تاريخ التسجيل
    Oct 2009
    المشاركات
    770

    افتراضي

    والله لسه كنت ف الارشيف بتاع السنه اللى فاتت
    وسألت نفسي انتى عملتى شرح لتانيه وللا لا..
    جزاكِ الله كل خير يابونبوووونتى
    بالحق..
    وانا ف الارشيف..
    حاولت انزل حاجات..
    بس كلهم اتمسحوا من المواقع اللى مرفوعين عليها

    التعديل الأخير تم بواسطة Nada Radwan ; 19-09-2010 الساعة 12:28 AM

  3. #3
    Pharma Student
    تاريخ التسجيل
    Apr 2009
    الدولة
    Egypt :)
    المشاركات
    765

    افتراضي

    بجد جميل جدا يا بونبونة


    عقبال سنه تالتة ان شاء الله

  4. #4
    Moderator
    تاريخ التسجيل
    May 2009
    الدولة
    *في رحاب القرآن*
    المشاركات
    2,365

    افتراضي

    الشرح جميل بسم الله ما شاء الله
    جزاكي الله خيرًا يا بنبونة

    ربنا يوفق الجميع في السنة الجديدة ان شاء الله



    اقتباس المشاركة الأصلية كتبت بواسطة Nada Radwan مشاهدة المشاركة
    والله لسه كنت ف الارشيف بتاع السنه اللى فاتت
    وسألت نفسي انتى عملتى شرح لتانيه وللا لا..
    جزاكِ الله كل خير يابونبوووونتى
    بالحق..
    وانا ف الارشيف..
    حاولت انزل حاجات..
    بس كلهم اتمسحوا من المواقع اللى مرفوعين عليها


    أنا حاجة الترم التانى كله لسه عندي

    و حاجة الترم الأول ممكن أدور عليها لأن هي غالبًا عندي
    متستغربيش من كلمة أدور عليها و أنا قصدي على الكمبيوتر مش ورق ولا حاجة بس ده من كتر الكمبيوترات اللي عندنا

    احنا ممكن نفتح سيبر في البيت

  5. #5
    Pb Elite
    تاريخ التسجيل
    Jan 2009
    الدولة
    Mansoura
    المشاركات
    1,382

    افتراضي

    رااااااااااااائع يا بنبونتي
    بارك الله فيـــك صديـــقتي
    :
    :
    "ربنا لا تزغ قلوبنا بعد إذ هديتنا وهب لنا من لدنك رحمة إنك أنت الوهاب"

  6. #6
    Pharma Student
    تاريخ التسجيل
    Dec 2009
    المشاركات
    805

    افتراضي

    ممتاز يا بنبونة حقيقي يريح النفس أخذ نبذات عن منهج السنة القادمة
    حقيقي كنت أتمنى إن حد من الناس اللي كانوا فيثالثة يعمل معانا كده لأنها تساعد على إن الواحد يرتب نفسه لكن للأسف مافيش أي اتصال ما بنا مش عارفة ليه

  7. #7

    Pb Designing team


    تاريخ التسجيل
    Oct 2009
    المشاركات
    770

    افتراضي

    أنا حاجة الترم التانى كله لسه عندي

    و حاجة الترم الأول ممكن أدور عليها لأن هي غالبًا عندي
    متستغربيش من كلمة أدور عليها و أنا قصدي على الكمبيوتر مش ورق ولا حاجة بس ده من كتر الكمبيوترات اللي عندنا

    احنا ممكن نفتح سيبر في البيت

    ههههه ربنا يزيد ويباارك

    ياريت لو تلاقيلى أى لينك من حاجات التيرم الاول..او حتى التانى ميضرّش..

  8. #8
    Moderator
    تاريخ التسجيل
    May 2009
    الدولة
    *في رحاب القرآن*
    المشاركات
    2,365

    افتراضي

    اقتباس المشاركة الأصلية كتبت بواسطة Nada Radwan مشاهدة المشاركة


    ههههه ربنا يزيد ويباارك


    لا ربنا يبارك بس مش عايزين زيادة أكتر من كده
    الحمد لله


    اقتباس المشاركة الأصلية كتبت بواسطة Nada Radwan مشاهدة المشاركة

    ياريت لو تلاقيلى أى لينك من حاجات التيرم الاول..او حتى التانى ميضرّش..
    طيب معلش هتصبري لغاية الاسبوع الجاى ان شاء الله
    واجيبلك كل حاجة كاملة ان شاء الله إذا لقيت حاجة الترم الأول



  9. #9
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    اقتباس المشاركة الأصلية كتبت بواسطة Nada Radwan مشاهدة المشاركة
    والله لسه كنت ف الارشيف بتاع السنه اللى فاتت
    وسألت نفسي انتى عملتى شرح لتانيه وللا لا..
    جزاكِ الله كل خير يابونبوووونتى

    و جزاكِ الله بالمثل يا رب ... انت تؤمر بس يا ندي باشا
    ربنا معاكم و تبقي سنة سعيدة علينا كلنا ان شاء الله


    اقتباس المشاركة الأصلية كتبت بواسطة Dina al sheshtawy مشاهدة المشاركة
    بجد جميل جدا يا بونبونة

    عقبال سنه تالتة ان شاء الله
    ان شاء الله .. ربنا يسترها معانا
    شكرا يا دينا
    اقتباس المشاركة الأصلية كتبت بواسطة a_fouda2 مشاهدة المشاركة
    الشرح جميل بسم الله ما شاء الله
    جزاكي الله خيرًا يا بنبونة

    ربنا يوفق الجميع في السنة الجديدة ان شاء الله


    اللهم آمين
    جزاكم الله بالمثل


    اقتباس المشاركة الأصلية كتبت بواسطة حنين الأمس مشاهدة المشاركة
    رااااااااااااائع يا بنبونتي
    بارك الله فيـــك صديـــقتي

    شكرا يا حنين ، انرتِ الصفحة

    اقتباس المشاركة الأصلية كتبت بواسطة Moonlight مشاهدة المشاركة
    ممتاز يا بنبونة حقيقي يريح النفس أخذ نبذات عن منهج السنة القادمة

    شكرا يا Moon ،، ربنا يرزقنا القبول و يستخدمنا ولا يستبدلنا

    حقيقي كنت أتمنى إن حد من الناس اللي كانوا في ثالثة يعمل معانا كده لأنها تساعد على إن الواحد يرتب نفسه لكن للأسف مافيش أي اتصال ما بنا مش عارفة ليه
    ربنا ييسر ان شاء الله
    بالحق..
    وانا ف الارشيف..
    حاولت انزل حاجات..
    بس كلهم اتمسحوا من المواقع اللى مرفوعين عليها
    اقتباس المشاركة الأصلية كتبت بواسطة a_fouda2 مشاهدة المشاركة
    أنا حاجة الترم التانى كله لسه عندي
    أنا كمان عندي الحاجات كلها بفضل الله ..

    بقترح تنتظروا لما الدراسة تبدأ و نعمل ساحات حوار منفصلة لكل مادة و كل موضوع نضيف فيه المحاضرات و شرح المعامل أول بأول و يكون مخصص لمناقشة المادة دي .. و الحاجات اللي هتفيدكم من السنين اللي فاتت ممكن نرفعهالكم في نفس الموضوع الخاص بكل مادة
    هيبقي اسهل في المتابعة و منظم اكتر ،
    ايه رأيكم ؟


    + لو حد عنده اي اقتراح او تصور للعام الدراسي الجديد ممكن يعمل موضوع هنا في القسم يعرض فيه افكاره و نتناقش فيها




  10. #10

    Pb Designing team


    تاريخ التسجيل
    Oct 2009
    المشاركات
    770

    افتراضي

    بقترح تنتظروا لما الدراسة تبدأ و نعمل ساحات حوار منفصلة لكل مادة و كل موضوع نضيف فيه المحاضرات و شرح المعامل أول بأول و يكون مخصص لمناقشة المادة دي .. و الحاجات اللي هتفيدكم من السنين اللي فاتت ممكن نرفعهالكم في نفس الموضوع الخاص بكل مادة
    هيبقي اسهل في المتابعة و منظم اكتر ،
    ايه رأيكم ؟

    بجد لو ده مش هيعطلكوا يبقي جزاكم الله كل خييير..

صفحة 1 من 3 123 الأخيرةالأخيرة

المواضيع المتشابهه

  1. شرح مختصر لمواد أولي كلينيكال
    بواسطة BoNbOoNa في المنتدى الصيدلة الاكلينيكيه
    مشاركات: 14
    آخر مشاركة: 26-02-2010, 07:08 PM
  2. كويزات الـ Alkaloids للفرقة الثالثة 2010 و كلينيكال م5
    بواسطة Dr. Atallah F. Ahmed في المنتدى الأستاذ الدكتور عطا الله أحمـد
    مشاركات: 123
    آخر مشاركة: 16-01-2010, 05:59 PM
  3. بناء على طلب الجماهير ... شرح مبسط لمواد تانية
    بواسطة Mohamed Al Gohary في المنتدى الفرقة الثانية 2010
    مشاركات: 60
    آخر مشاركة: 06-10-2009, 12:08 AM
  4. بناء على طلب الجماهير ... شرح مبسط لمواد تانية
    بواسطة Mohamed Al Gohary في المنتدى الفرقة الثانية 2009
    مشاركات: 102
    آخر مشاركة: 15-03-2009, 10:14 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •