حاسس كده ان في كروته
حاسس كده ان في كروته
بسم الله الرحمن الرحيم
ايه ده خير اللهم اجعله خير
جدول امتحانات الميد تيرم والله حاجه حلوه انه ينزل بدرى بدل الزنقه اللى كنا فيها التيرم الاول
الجدول كويس عشان هنبتدى بدرى المنهج قليل وبعيد شويه عن امتحانات العملى
بس رخم فى حاجه انه كل المواد ورا بعضها مينفعش يعمله ع الاقل حتى يوم ويوم
انا شايفة ان الجدول كويس وخصوصا انهم هيوقفوا المحاضرات والسكاشن اثناء الامتحانات
يبقى ايه وجه اعتراضكم ؟؟
هههههههههههه 4 محاضرات يعني 8 ساعات في كل مادة وماتنسيش ان الدراسة هتقف اسبوع ده معناه ان الدكاترة مش هيردو بكده ابدا والي هنسمعه طول المحاضرات الدراسة هتتوقف اسبوع والمنهج طويل وعايزين نخلص المنهج عشان هنعطل اسبوع ( كلام الدكاترة ده محفوظ قوي )
يعني كده كده هتيجي على دماغنا بردو والي انا متأكده منه ان 4 محاضرات هيبقوا 8 لكن لو بالكم الطبيعي فأنا موافقة بس معتقدش
كل حاجه ممكن تحصل الا ان الامتحانات دى تبقى يوميا لان دا فوق طاقتنا كلنا
انا متفقة مع الكلام ده ... وهو ان لو هيشرحوا لينا بالمعدل الطبيعى بدون زيادة علشان يمتحنونا على اكبر قدر ممكن ، يبقى احنا موافقين ...
بس فى مواد زى الطبية و الصناعية بناخد فيها كميات كبيرة ومذاكرتها مش سهلة و بتحتاج مراجعة كتير و محتاجين على الاقل يوم فرق خصوصا الصناعية ، واظن ان اغلبنا تعب النص الاول فى الصناعية علشان يلحق يخلصها ، لكن الطبية لو عملوا امتحان زى الترم الاول كان بها ممكن نقدر عليها
ربنا يسترها علينا والنتيجه تكون كويسه وتظهر قبل الميد تيرم ونعدي على خير من الكليه الجميله دي
اللى موافق على الجدول ده عشان لسه على البر بس وقتها هنتبهدل ما ينفعش كل يوم على الاقل يوم و يوم
-----
انا اعتقد انهم لو عاملينها يوميا ده عشان ما نضيعش محاضرات كتير يعنى نمتحن فى اسبوع بس يحيث المحاضرات و السكاشن اسبوع برده بس مش هتفرق لو امتحنا يوم و يوم و نبدأ الخميس و بعدها السبت و الاتنين و الاربعاء و الجمعه استثناء يا ريت لو فعلا الكلام ده يوصل للوكيلة