الجدول المقترح لامتحانات الميدترم ( الترم الثانى )

[mido17]

حاسس كده ان في كروته

[white light]

بسم الله الرحمن الرحيم

ايه ده خير اللهم اجعله خير

جدول امتحانات الميد تيرم والله حاجه حلوه انه ينزل بدرى بدل الزنقه اللى كنا فيها التيرم الاول

الجدول كويس عشان هنبتدى بدرى المنهج قليل وبعيد شويه عن امتحانات العملى

بس رخم فى حاجه انه كل المواد ورا بعضها مينفعش يعمله ع الاقل حتى يوم ويوم

[amira89]

انا شايفة ان الجدول كويس وخصوصا انهم هيوقفوا المحاضرات والسكاشن اثناء الامتحانات
يبقى ايه وجه اعتراضكم ؟؟

[dr_s]

على فكرة الجدول فيه ميزة حلوة لازم كلنا ناخد بالنا منها
انه بدرى
بمعنى ان الدكاترة كده كده هيمتحنونا تقريبا كده على شرح اربع اسابيع بس
واظن احنا دفعه مخلصه وبتجيب من الاخر وسهل نذاكر اربع اجزاء فى كل مادة وغالبا الجزء الاول بيكون مقدمه وبيترمى
مش عايزين بس نعترض لمجرد الاعتراض
هما تقريبا طبقوا او بدؤوا يطبقوا نظام الميد ترم صح
كل المواد فى اسبوع واحد والدراسه واقفه فى الاسبوع ده
واعتقد ده اللى كنا بنطالب بيه الترم الاول صح ؟
انا اعتراضى على المده بتاع الامتحان نفسه بس لانه بالنسبه للصناعيه لو الكم زى الترم الاول مش هنلحق نخلص فى ساعه الا ربع بس انا متاكده ان اللى هيحط الامتحان هيراعى ده
وملحوظه كمان اتمنى اللى هيقسم المجموعات بتاع كل المواد يكون شخص واحد او الاقسام تنسق مع بعضها علشان كل طالب فى الدفعة يمتحن مرة فى كل ميعاد علشان يكون فيه تكافؤ
لانه مش معقول واحد يمتحن كل مرة فى اول اليوم او العكس
واسفه على الاطاله

اتفق معاكى تماما وربنا هيسهل ان شاء الله وكله هيعدى ما تنسوش بقالنا خمس سنين فى نفس الطاحونة هههههههه دى والحمد لله لسه عايشين سبوها على الله ومادام هو ده النظام المعروف للميد ترم يبقى خلاص

[Dr.Sanureta.S]

على فكرة الجدول فيه ميزة حلوة لازم كلنا ناخد بالنا منها
انه بدرى
بمعنى ان الدكاترة كده كده هيمتحنونا تقريبا كده على شرح اربع اسابيع بس
واظن احنا دفعه مخلصه وبتجيب من الاخر وسهل نذاكر اربع اجزاء فى كل مادة وغالبا الجزء الاول بيكون مقدمه وبيترمى
مش عايزين بس نعترض لمجرد الاعتراض
هما تقريبا طبقوا او بدؤوا يطبقوا نظام الميد ترم صح
كل المواد فى اسبوع واحد والدراسه واقفه فى الاسبوع ده
واعتقد ده اللى كنا بنطالب بيه الترم الاول صح ؟
انا اعتراضى على المده بتاع الامتحان نفسه بس لانه بالنسبه للصناعيه لو الكم زى الترم الاول مش هنلحق نخلص فى ساعه الا ربع بس انا متاكده ان اللى هيحط الامتحان هيراعى ده
وملحوظه كمان اتمنى اللى هيقسم المجموعات بتاع كل المواد يكون شخص واحد او الاقسام تنسق مع بعضها علشان كل طالب فى الدفعة يمتحن مرة فى كل ميعاد علشان يكون فيه تكافؤ
لانه مش معقول واحد يمتحن كل مرة فى اول اليوم او العكس
واسفه على الاطاله

هههههههههههه 4 محاضرات يعني 8 ساعات في كل مادة وماتنسيش ان الدراسة هتقف اسبوع ده معناه ان الدكاترة مش هيردو بكده ابدا والي هنسمعه طول المحاضرات الدراسة هتتوقف اسبوع والمنهج طويل وعايزين نخلص المنهج عشان هنعطل اسبوع ( كلام الدكاترة ده محفوظ قوي )
يعني كده كده هتيجي على دماغنا بردو والي انا متأكده منه ان 4 محاضرات هيبقوا 8 لكن لو بالكم الطبيعي فأنا موافقة بس معتقدش

[EAGLE]

كل حاجه ممكن تحصل الا ان الامتحانات دى تبقى يوميا لان دا فوق طاقتنا كلنا

[Rooose]

مش عايزين بس نعترض لمجرد الاعتراض

هما تقريبا طبقوا او بدؤوا يطبقوا نظام الميد ترم صح
كل المواد فى اسبوع واحد والدراسه واقفه فى الاسبوع ده
واعتقد ده اللى كنا بنطالب بيه الترم الاول صح ؟
وملحوظه كمان اتمنى اللى هيقسم المجموعات بتاع كل المواد يكون شخص واحد او الاقسام تنسق مع بعضها علشان كل طالب فى الدفعة يمتحن مرة فى كل ميعاد علشان يكون فيه تكافؤ
لانه مش معقول واحد يمتحن كل مرة فى اول اليوم او العكس
واسفه على الاطاله

موافقة تماما .. دا نظام الميد تيرم في كل الكليات اللي بتعمل ميد تيرم..
ولو دكتور زود عليا أو ضغطنا في الشرح هنقوله يشرح براحته ويبقي يدينا محاضرة زيادة بعد الميد تيرم ..
مش عايزين نعقدها من أولها ونعترض وخلاص علي الفاضي

[تابعة محمد]

هههههههههههه 4 محاضرات يعني 8 ساعات في كل مادة وماتنسيش ان الدراسة هتقف اسبوع ده معناه ان الدكاترة مش هيردو بكده ابدا والي هنسمعه طول المحاضرات الدراسة هتتوقف اسبوع والمنهج طويل وعايزين نخلص المنهج عشان هنعطل اسبوع ( كلام الدكاترة ده محفوظ قوي )
يعني كده كده هتيجي على دماغنا بردو والي انا متأكده منه ان 4 محاضرات هيبقوا 8 لكن لو بالكم الطبيعي فأنا موافقة بس معتقدش

انا متفقة مع الكلام ده ... وهو ان لو هيشرحوا لينا بالمعدل الطبيعى بدون زيادة علشان يمتحنونا على اكبر قدر ممكن ، يبقى احنا موافقين ...
بس فى مواد زى الطبية و الصناعية بناخد فيها كميات كبيرة ومذاكرتها مش سهلة و بتحتاج مراجعة كتير و محتاجين على الاقل يوم فرق خصوصا الصناعية ، واظن ان اغلبنا تعب النص الاول فى الصناعية علشان يلحق يخلصها ، لكن الطبية لو عملوا امتحان زى الترم الاول كان بها ممكن نقدر عليها

[nlasakr]

ربنا يسترها علينا والنتيجه تكون كويسه وتظهر قبل الميد تيرم ونعدي على خير من الكليه الجميله دي

[lolaa]

اللى موافق على الجدول ده عشان لسه على البر بس وقتها هنتبهدل ما ينفعش كل يوم على الاقل يوم و يوم
-----
انا اعتقد انهم لو عاملينها يوميا ده عشان ما نضيعش محاضرات كتير يعنى نمتحن فى اسبوع بس يحيث المحاضرات و السكاشن اسبوع برده بس مش هتفرق لو امتحنا يوم و يوم و نبدأ الخميس و بعدها السبت و الاتنين و الاربعاء و الجمعه استثناء يا ريت لو فعلا الكلام ده يوصل للوكيلة