استفتاء تقييم امتحان البارا والباثولوجى

[أمــ هـنـد ــة الله]

انـا طالعـة من الامتحـان مش مبسوطـة أوى

سألت عن الامتحـان جايـز العيـب منـى أنـا

يـلا الحمـد لله على كـل حـال

[تامى007]

الحمد لله الامتحان ده احلى من الامتحان اللى فات على الاقل فى الامتحان ده كتبت وحليت صحيح مش كله بس على الاقل الامتحان كان من المنهج

[NeScaFE]

مش عارفة

بس بيتهيالى ان الامتحان لا سهل ولا صعب ..هو عاوز حد مذاكر اكتر من مرة

ويقدر يفتكر كويس ..وانا الحمد مفتكرتش حاجة ربنا يستر

[drpinkysnow]

هتبداو صناعية امتى



ولو حد بدا هيبدا بمين؟؟؟؟

[زهرة الايمان]

جزء الباثولوجى كان غير اللى قالوا عليه يعنى مش سهل و حرام تضيعوا فيه درجات والكلام من ده
كان محتاج يكون عندنا مصطلحات علمية أكتر عشان نعرف نحل فيه
بس طبعا و أكيد أسهل من البارا
وكان المتوقع وزى امتحان الميكرو تانية د.رمضان رغم انك مذاكر كويس كان فيه برضه أسئلة كده مش عرفت هو عاوز ايه عشان أجاوبها بجد كنت عارفة انه هيعمل كده
د. ايمان امتحانها كان كويس بس كان محتاج حفظ أكتر منى وتركيز أكتر عشان أعرف أحل
د.خالد كنت حاسة ان جزئه كان عليه أكتر من 6 درجات
بس عموما كان الامتحان معقول على الأقل حليت فيه أنا أحسن كتييييييييييييييييييييييير من الابليد
الحمدلله

[omaralbahlol]

أنا رأيى أن المادة بسيطة وجميلة وممتعة وبتسد شغف ولكن الوقت كان مزنوق مزنوق مزنوق ومالحقتش اخد وادى مع المادة حتى الاجزاء اللى كنت مراجعها مالحقتش اراجعها كويس
-----
أما بقى بالنسبة للامتحان الحمد لله على كل حال حاسس ان حليت على مجهودى فى المادة

[wezeza]

ياجماعه احنا كنا بنراجع مع د.حازم النهارده وقالنا الامتحان كويس فى مجمله
وجه زى ماهو متوقع الباثولوجى كله 35 درجه منهم 25 درجه على الاقل مباشرين " ان لم يكن اكثر" ومن 7 - 10 درجات محتاجين تفكير للطالب المتميز
والبارا كانت كويسه ومباشره بس المشكله ان اغلبنا كان داخل مفوت اجزاء كتير
وفى ناس اعتمدت على المذكره " التجميعات " الى كانت نازلة فى دريم "
وعلى فكرة الدكتور قال انها مش بتاعته وان صاحب المكتبه هو الى كتب اسمه على الغلاف عشان يعمل منها مكسب دون مراعاة لمصلحة الطلبه ...
وانا فعلا لما رحت اسال على ورق الباثولوجى بتاع د.حازم قالى مش موجود " مع انه كان موجود ف ميدان " عشان يجبرنا ناخد المذكرة الكبيرة وندفع اكتر !
ولما سالنا على جزء د.خالد قالنا ان د.حازم منزلش عشان برضه نشترى التجميعه " الى كانت ب 4 ج " مع انها كانت موجوده برضه ف ميدان وللاسف الدكتور كان مسافر ومعرفش باللى حصل ده ...
فياريت كل الناس بعد كده تتحرى وهى بتشترى اى ورق له خاصة الناس الى بتشترى من دريم
وانا واحد من الناس معتش هشترى من هناك تانى وحسبى الله ونعم الوكيل فيه لانه ضيعنا ف جزء د.خالد ومش بيدور الا على المكسب المادى وبس ...

[sekoseko]

وفى ناس اعتمدت على المذكره " التجميعات " الى كانت نازلة فى دريم "
وعلى فكرة الدكتور قال انها مش بتاعته وان صاحب المكتبه هو الى كتب اسمه على الغلاف عشان يعمل منها مكسب دون مراعاة لمصلحة الطلبه ...
وانا فعلا لما رحت اسال على ورق الباثولوجى بتاع د.حازم قالى مش موجود " مع انه كان موجود ف ميدان " عشان يجبرنا ناخد المذكرة الكبيرة وندفع اكتر !
ولما سالنا على جزء د.خالد قالنا ان د.حازم منزلش عشان برضه نشترى التجميعه " الى كانت ب 4 ج " مع انها كانت موجوده برضه ف ميدان وللاسف الدكتور كان مسافر ومعرفش باللى حصل ده ...
فياريت كل الناس بعد كده تتحرى وهى بتشترى اى ورق له خاصة الناس الى بتشترى من دريم
وانا واحد من الناس معتش هشترى من هناك تانى وحسبى الله ونعم الوكيل فيه لانه ضيعنا ف جزء د.خالد ومش بيدور الا على المكسب المادى وبس ...

عندك حق ع فكرة
انا من اول الترم وانا حاسة بعدم ثقة فى التعامل مع دريم و كلامهم مش موثوق فيه خالص
لاحظت فى الاول انه ساعات بيدى الناس ورق بتاع السنة اللى فاتت على انه بتاع السنادى واكتشفت ده لما قارنته بالورق اللى فى المكتبات التانية
ده غير الورق اللى بنجيبه من دريم وبيبقى عليه ختم مكتبات تانية
بجد مبقتش واثقة فى المكتبة دى ولا فى الناس اللى شغالين فيها

[dr moory]

اولا بالنسبة للامتحان فالبارا الحمد لله كان زفت
والباثولوجى كان معقول الى حد ما وان شاء الله هو اللى هينجحنا اصلا
وثانيا بالنسبة لمكتبة دريم انا بصراحة عمرى ما اتعاملت معاها ولا عايزة اتعامل معاها لانها بتسرق ورق الكورسات من ورا الدكاترة وهما بيكونوا مضايقين من كده

[Amira]

والله انا شايفه ان الامتحان حلو .. جدا ومباشر باستثناء الاكمل بس مش لمذاكره يومين او تلاته دا عاوز واحد حافظ المنهج ومذاكر كذا مره

الباثولوجى هو اللى مش عاجبنى وكنت عامله حسابى انجح بيه :d

بس هنجح بإذن الله