التدريب الصيفي بالكلية .. استبيان هام

[AhmadRaed]

د/أحمد على فكره أنا ماكنتش أقصد حاجة خالص ،
الظاهر حضرتك فهمتنى غلط ، أنا كنت بهزر ، ومش مستاهله الكلام ده كله ..

يا سيدى ربنا يوفقك فى كل المواد ،
وأنا أتمنى لك كل خير والله ..

يا دكتورة غادة مفيش داعي للإعتذار , أنا بس حبيت أوضح وجهة نظري و أنا عارف إن حضرتك بتهزري و قصدك على موضوع المذاكرة و ما تقصديش أي حاجة وحشة أو غلط لا سمح الله
و ربنا يكرمك و أنا برده بأتمني لكي و لكل زمايلنا كل الخير
و بأكد مرة تانية أنا بس حبيت أوضح وجهة نظري و بأعتذر لو حصل خطأ و حضرتك أو أي حد فهم كلامي غلط أو لو كان كلامي شديد أو رخم
و الموضوع مش مستاهل على رأي الجوهري و إحنا كلنا في الأول و الآخر إخوات و كمان زملاء في جمعية واحدة

[lamiaa]

ما شاءالله فكرة ممتازة
هو طبعا المشكلة بس انى مش عارفة هقدر اجى كل يوم ولا لا بس حابة الفكرة جدا
بس هو هيبقى كل يوم ورا بعضه كده؟؟؟
واحب يكون ميكرو وتحليلية طالما مش هندرس الميكرو تانى

[عامر إبراهيم]

أولآ يا محمد بشكرك على إهتمامك بالموضوع

ثانيآ, خلونا نبص للموضوع من نقطة تانية

عمرنا مش هيكون كله لدراسة الصيدلة

المفروض فى حاجات كتير ندرسها ونعرفها إحنا مش بناخدها فى الكلية

نيجى بقى لموضوع التدريب

أنا أصلآ مش عارف هو إحنا واخدين الأجازة علشان نتدرب بره الكلية لما حد يفكر إننا نتدرب جوه الكلية

نرجع لنقطة إن التدريب ده مهم ومفيد ومؤثر

أتفق معاك 100000000 % وممكن أكتر كمان

بس علشان أكون مش بناقض نفسى هوضح

المفروض الكلام الجميل اللى دكتورة ماجدة بتشجعه ده يكون أثناء الدراسة " الشتاء يعنى " وده بيطبق فى الأماكن المحترمة

طبعآ مافيش مجال للمقارنة بين التعليم المصرى و الأماكن المحترمة فامش هتكلم كتير

وبصراحة يا محمد إحنا زهقانين من الدراسة فى أيام الدراسة, فامش هنكتر أيام جديدة, حتى لو الأيام دى هتكون حلوة وهوضح أكتر فى باقى الكلام:

دكتورة ماجدة بالذات كنت سمعت منها كلمة هى حكمة أعمل بها:

لازم كل شيئ يكون مدروس حتى لو إتأخر, علشان لما نبدأ نبدأ صح ...

وأحب أضيف, المفروض نصلح الحالى ومش نستمر فى الوضع الغلط قبل مانحاول نضيف جديد حلو

فى حد ممكن يعترض على كلامى لكن هقول مثالين بسيطين جدآ

أول مثال, ينفع تستخدم برفان بحجة إنك مش بتاخد شاور كل يوم, أو تعكسها ومش تاخد شاور كل يوم فى مقابل إنك تستخدم أفضل أنواع البرفانات ؟؟؟

ومثال تانى,

هات تورتة ضفادع, وحط عليها كريز, ياترى هتبص للتورتة؟؟؟
او حتى هتركز فى الكريزية؟؟؟

الموضوع مش موضوع كوب نصه ماء ونصه فاضى, لأن للأسف الموضوع موضوع كوب نصه مليان حاجات مش مايه بس مش هننكر إن فى نسبة بخار ماء, ونص الكوب الباقى ... فاضى !!!!

لو عاوزين نصلح يبقى نبدأ من الصفر, مش نزود أدوار فى عمارة مايلة ....

[Pharmcist_girl]

ياريت كل واحد يخش يجاوب على 3 اسئله :

1- تحب تشارك فى التدريب ده ولا لأ ؟؟ اه طبعا وفكره حلوة اوى وياريت تتنفذ على اسرع وقت لان انا بحب شغل العملى صراحه بس على امكانبات معقوله
2- تحب يكون امتى بالظبط ؟؟ ومدته قد ايه تقريبا ؟؟فى نص شهر 7 مثلا ولمده شهر مثلا
3- تحب يكون في مادة ايه ؟؟الصيدلانيات او عقاقير

اولا شكرا لدكتوره ماجده نصر على كل حاجه

[Mohamed Al Gohary]

اولا يا عامر متنساش اننا كلية حكومه لها لايحه بعدد ساعات معين .. يعنى لما تكون الدراسه يوميا بيوصل لحد 6 و 8 ساعات .. يتعمل تدريب ازاى !! وامتى ؟؟
كمان المعامل كلها بتبقى مشغوله فى الدراسه ..
كمان الدكتوره ماجده لما فكرت فى الموضوع .. فكرت بداية من ان فيه تدريب فعلا صيفي كل الطلبه ملتزمه بيه فى الصيدليات فقالت ليه ميبقاش فيه جزء من التدريب ده فى الكليه .. ويبقى اختياري .. بحيث ان يبقى الطالب اتدرب على الصيدليه بصفته سوء عمل .. وفى معامل الكليه بصفته باحث او طالب ماجستير ..

اعتقد ان الموضوع هيبقى مفيدجدا .. كون انك بتقول اننا نصلح الموجود الاول .. انا بقولك مين قالك انه متصلحش ..
لايحة الكليه الجديده اللى انتهت وهيتم تطبيقها .. فيها حاجات كتير صح .. ولغت حاجات كتير غلط احنا بنعانى منها ..

[عامر إبراهيم]

أتفق معاك يا محمد

لكن نقطة إضافية, أنا من رأيى هيبقى كتير على الطلبة اللى كفر الشيخ و المحلة و دمياط و و و و إنهم يلاقوا مدينة جامعية فى الصيف, ولو حصل وفى مدينة جامعية,دى مش مصاريف على الطلبة !!!
وطبعآ المصاريف هما آخر حاجة هيبصولها لأنهم بيكونوا طول 9 أو 10 شهورمحرومين من بيوتهم وأهلهم وأكل والدتهم, فا مش لازم نخليهم 11 شهر يعنى ...
والنقطة التانية ملخص ردى اللى فات, إن فكرتك حلوة وبتتعمل أيام الدراسة فى كليات محترمة واليوم الدراسى بيكون اقل من 6 : 8 ساعات بس طبعآ بتكون فى حاجات كتير مظبوطة فى نظام الدراسى, سواء من حيث العملى ولا المحاضرات ...

يلا ربنا يوفقكم يارب ....

[leeh_keda]

ياريت والله

[Mohamed Al Gohary]

أتفق معاك يا محمد

لكن نقطة إضافية, أنا من رأيى هيبقى كتير على الطلبة اللى كفر الشيخ و المحلة و دمياط و و و و إنهم يلاقوا مدينة جامعية فى الصيف, ولو حصل وفى مدينة جامعية,دى مش مصاريف على الطلبة !!!
وطبعآ المصاريف هما آخر حاجة هيبصولها لأنهم بيكونوا طول 9 أو 10 شهورمحرومين من بيوتهم وأهلهم وأكل والدتهم, فا مش لازم نخليهم 11 شهر يعنى ...

كمان الدكتوره ماجده لما فكرت فى الموضوع .. فكرت بداية من ان فيه تدريب فعلا صيفي كل الطلبه ملتزمه بيه فى الصيدليات فقالت ليه ميبقاش فيه جزء من التدريب ده فى الكليه .. ويبقى اختياري .. بحيث ان يبقى الطالب اتدرب على الصيدليه بصفته سوء عمل .. وفى معامل الكليه بصفته باحث او طالب ماجستير ..

مستنى اراء اكتر عشان اسلم الاستبيان للدكتوره ماجده

[DR/MADONA]

فكره ممتازه والله وياريت تكون في نص سبعه وتكون لمده شهر وفي اقتراح كمان ممكن يبقي ال كورس ده معاه كورس otcاصل انا نفسي اخده تبع الكليه

[زهرة الياسمين]

جزاكم الله خيرا على الفكرة الرااائعة

1- تحب تشارك فى التدريب ده ولا لأ ؟؟
طبعااااا
تحب يكون امتى بالظبط ؟؟

لو هيتطبق السنه دي يكون بعد انتهاء الامتحانات مباشرة (قبل رمضان والحر)
ويكون بمنهج مبسط ومركز بحيث اننا نتعلم اساسيات البحث والموضوع يكون ممتع وليس عبئا علينا ومهمة نؤديها فقط
ومدته قد ايه تقريبا ؟؟
على حسب المطلوب منى ان أؤديه
وقدرتى على انجازه وعدد الايام في الاسبوع...كم ساعة في اليوم
ومقدار استفادتى من هذا العمل
وهل الفائدة فيه اكبر ام في الصيدلية (وهذا يرجع لقدرات كل شخص وميوله وطموحاته)والامر من البداية اختياري


تحب يكون في مادة ايه ؟
عن نفسي: تحليلية

واتمنى ان يُراعى عدد الساعات التى نقضيها في الكلية في التدريب ضمن عدد الساعات الكلية للتدريب الصيفى
لان مثلما قال د-عامر هناك مهام وأولويات أخرى لا نستطيع ادراكها وتحصيلها أثناء الدراسة
وجزى الله خيرا كل من ساهم في هذه الفكرة
واتمنى ان تطبق من هذا العام