الفسيولوجى

خلوا بالكم منه جدا لأن كتير بيقعوا فيه فى التيرم الأول

الفسيولوجى متقسم جزء لصيدله وجزء لطب
جزء صيدله ذاكروه أول بأول واحفظوه كويس جدا لأن امتحانه بييجى complete وصح وغلط ومش بيتلغى ولا بيتخلص فيه حاجه.,

جزء طب تصفحوا كل محاضره أول ما تتوفر معاكم وأقرأوها وترجموا اللى يقف فى ايدكم فيها وافهموها مش اكتر .,
وفى الأخر الدكتور فى اخر محاضره هيحدد حوالى 20 سؤال هييجى الامتحان منهم

د.أحمد الجندى السنه دى كان معانا فى جروب ب وكانت محاضرته ممتعه جدا ., كنت بأستناها من الأسبوف للأسبوع كانت زى دردشه ظريفه كده فى الطب.,

وقال على الأسئله المهم فى أخر محاضره والامتحان جه منها ماعدا سؤال واحد بس كان قال عليه مهم فى وقت ما اتشرح بس ماكرروش تانى فى أخر محاضره .,حاجه كده زى مكافأه للطلبه المواظبين على الحضور معاه من أول السنه.

امتحان فسيولوجى طب بيكون كله short notes استنادا على مبدأ أكتب من دلوقتى لاخر ثانيه أو لغايه ما تفضل عايش

خلوا بالكم من فسيولوجى صيدله بالذات من الأول علشان ليله الامتحان الفسيولوجى دا بيكون كم مهول
هوا تقريبا تانى أكبر ماده بعد الصيدلانيات.,

جزء طب دا بقى لو كنتوا كويسين مع الدكتور واحترمتوه هيعمل زى ما قلت وهيحدد لكم أسئله ظريفه خالص
~~~~~~~~~~

الهستولوجى والأناتومى

دا الجزء المكمل للفسيولوجى فى التيرم التانى

والدكاتره بيكونوا متعاطفين معانا ومع درجاتنا فى الفسيولوجى فبيسهلوا الوضع برضو علينا وفى الأخر برضو هتلاقى معاك حوالى 25 سؤال فى كل جزء والدكاتره بيحترموا كلمهتهم جدا ومش بيخرجوا عنها.

~~~~~~~~~~~~

السيكولوجى
(علم النفس)

يستحسن تحضر لسبب واحد
علم النفس مش بينزل له شرح اثناء السنه ., وعادا الدكاتره مش بيحددوا حاجه
فبالتالى انت ليله الامتحان هيكون معاك منهج السيكولوجى فبدل ما تبقى أول مره مذاكره وعدم فهم.,
الأحسن انك تكون فاهم انت هتذاكر ايه ..

~~~~~~~~~~~~~~~~

كده يبقى مواد أولى كلها خلصت .,

سنه أولى احلى سنه هتشوفوها فى صيدله على حد قول من سبقونا
بس المهم انك تتابع من الأول .,

طيب فرضا ان الدكاتره اللى قت عليهم قبل كده مش كانوا معاكم السنه دى ؟؟

مش مشكله خدوا الكلام العام عن الماده مش مهم نظام الدكتور يعنى أعرف مثلا ان الصيدلانيات طويله جدا ومحتاجه مذاكره من أول السنه أيا كان الدكتور اللى معايا.

وبالتوفيق ان شاء الله فى نتيجه اعدادى