انا عايزة اعرف تفاصيل عن رحلة القاهرة
انا عايزة اعرف تفاصيل عن رحلة القاهرة
يا جماعه ياريت تفاصيل عن برنامج كل رحله
السلام عليكم
اولاً
انا آسف ع تاخر الرد حتى الآن وده ............
ثانياً
دي برنامج الرحلات المذكورة
1)الاسكندرية ....... القلعة أو المكتبة + محطة الرمل + الملاهي + المنتزة ............... وف الآخر ممكن كوبري سانلي
2)القاهرة ...... الملاهي + المتحف + القلعة + شارع المعز
3)الفيوم ............... الهرم (احتمال ) ... + الشلالات + وادي الحيتان + بحيرة قارون
4)الاسماعلية ........ مدينة الفيروز ( ع شكل مركب ) + بحيرة التمساح مساحتها 9 كيلو متر مربع
ثالثاً
لو فيه اقتراح لمزارات تانيه يكون ف ايدينا نروحها ما فيش مشكله
ولو فيه اعتراض ع بعض المزارات برضو ما فيش مشكله ........
ممكن نتناقش
ويسعدنا مشاركاتكم
الفيوم واسماعيلية حلوين أوي
بس المواعيد والحجز لحد امتى بقى
وشكرااااااا
طب هترجع امتى رحله الفيوم والاسماعيليه
السلام عليكم
طبعا أولا بشكر القائمين على الرحلات دى ... وإن شاء الله تكون رحلات سعيدة للكل
ثانى حاجة ... ولأنى اتسألت فيها كتير مباشر ...
معاكم ... سارة حسن عبدالقادر ... أمينة اتحاد المدن الجامعية طالبات ...
بالنسبة لطالبات المدينة :: انا دلوقتى ماشية فى اجراءات طلب .. إن طالبات المدينة هيباتوا عادى فى نص السنة فى المدينة ... عشان اللى عايز يطلع الرحلات دى ...
وعامة الموضوع لما اتكلمت فيه مع مديرة المدن شفوى كان مقبول ... بس قالتلى أقدم طلب ... وإن شاء الله هأقول عن تطور الموضوع كل ما يحصل حاجة ...
طيب ممكن تكون فى رحله الى الاقصر واسوان وانا هكون اول مشتركه فيها لانى بجد نفسى اطلع الرحله دى قبل ما اتخرج من الكليه الزفت اقصد الجميله اوى بتاعنا لو تعرفو تطلعوها ياريت وهكون شاكره جدا ليكم
السلام عليكم
هو فعلا كذا طالبه كلموني عند ادارة رعاية الطلاب
وقولتلهم ان فيه زميله ف الكلية امينة الاتحاد بالمدينه خلوها تخلصلكم الموضوع
اللي انا اعرفه ان الموضوع ده ما بيمشيش ايام زمان ع حسب خبرتي المتواضعه
لكن لو حضرتك ممكن تخلصيه باااااااااااااريت
ثانيا ان شاء الله الرحلات ع 10 ونص او 11 بالكتير نكون ف المنصوره
ودا ع كل الرحلات ان شاء الله
ثالثا آخر معاد للحجز مع آخر طالب يحجز والاولويه باسبقية الحجز
وكانوا عارفينى فطبعا وصلولى وكلمتهم ...
والله دا كلام مديرة المدن معايا .. وقالتلى إن المدينة بتبقى مفتوحة أصلا .. عشان فى طلبة من طب بيبقوا قاعدين _دا الكلام اللى اتقالى _
وعامة إن شاء الله الطلب هيتقدم باسم مدير عام المدن الجامعية يوم السبت إن شاء الله .. ومرفق معاه ورقة فيها اعلان الرحلات .. وأ/مصطفى فى الرعاية قالى .. اكتب فى الطلب إن الكلية على أتم استعداد لمخطابتكم ...
سؤال لو سمحت يا دكتور ... التجمع للرحلات هيبقى امتى .. عشان اعرف الطلب هيتقدم بالمبيت ليلة قبل وليلة بعد ولا ليلة بعد بس .!!!!؟؟؟
طيب ازاي مثلا في رحلة اسكندريه فرضا هنروح الاماكن دي كلها ونرجع بدري كدا؟؟؟ اعتقد صعب بس لو في امكانيه اننا نرجع تاني يوم الصبح هيبقى افضل عشان الناس اللي بتسافر بردو وكدا هيكون مناسب للجميع