شكرا يا دكتورة على الموضوع الجامد جدا
وبالتوفيق دائما ليكى ولكلنا
وربنا يسترها معانا بقى فى تالتة
احنا كنا حنتجنن من شوية استركشات فى التحليليه والصيدلانيات فى تانية
طلع نص مواد تالتة فيها استركشات
شكرا يا دكتورة على الموضوع الجامد جدا
وبالتوفيق دائما ليكى ولكلنا
وربنا يسترها معانا بقى فى تالتة
احنا كنا حنتجنن من شوية استركشات فى التحليليه والصيدلانيات فى تانية
طلع نص مواد تالتة فيها استركشات
الموضوع حلو اوى بجد تسلم دماغك يا دكتورة
اسلوبك اكتر من رائع يا دكتورة بس ممكن سوال؟
هما كل الي بيخلصوا تالته بيكون اسلوبهم رائع بالشكل ده
مع اني اعتقد انك سبيشيال وبجد شكرا عن المعلوماتالقيمة دي
انا اول مرة اعرفها وكمان حبتها من اسلوبك في شرح كل
ماده
التعديل الأخير تم بواسطة ملكة القلوب ; 17-07-2009 الساعة 08:27 AM
جزاكي الله خيرا يا أحلى دكتوره
ربنا يكرمك ويعزك
استفدت جدا من الموضوع
ربنا يكرمكم ياجماعه على الكلام الحلو وان شاء الله تبقى سنه سهله وميسره عليكم وعلينا يارب
باذن الله دلوقتي هكلمكم عن كورس العملي
بس قبل مااتكلم في حاجه كنت نسيت اقولها في الاساي النظري في جزء احصاء هو جزء بسيط بس بييجي عليه اربعين درجه او على اقل تقدير 35 درجه ركزوا فيه لان حرام الدرجات دي تضيع عليكم ويلا بقى ندخل ع العملي
طبعا متفقين ان الماده معشوقه الجماهير هي الفارما علشان كدا هنبدا بيها بالنسبه للعملي بتاعها هو بصراحه مش عارفه اسمه عملي ليه كل السكاشن عباره عن نظري بحت بتاخد موضوع وليكن مثلا الدياريا بتعرف ايه اسبابه هل هو بكتيريا ولا فيرس ولا الاتنين وبتعرف اسم البكتيريا او الفيروس المسبب وبعدها بقى تشوف الاعراض اللي بتظهر على المريض في حاله الاصابه والادويه اللي ممكن تتوصف وبيختم الموضوع بحالات توضيحيه كتطبيق على الكلام اللي انتا اخدته وهكذا بقى كل الكورس وامتحانه بييجي شيت وانتم ونصيبكم بقى
عملي الكيمياء الطبيه هو ميكس مابين عملي العضويه وعملي التحليليه لانك بتاخد فيه عناصر بيتعملها ديترمينيشن بطريقه النسلريزاشن يعني بتستعمل فيه النسلر تيوب اللي استخدمتوها في التحليليه ودا بقى مفيهوش هزار يعني لازم تشتغلوه كويس ومتسبهوش الا لما تقدروا تميزوا الفرق بين الاتنين نسلر لان الامتحان بينزل لكل طالب فيه 3 عناصر بيتعملوا بالنسلر الواحده عليها خمس درجات اما الجزء التاني من الامتحان فبيكون ان نون بودر بتشتغلوها زي شغل العضويه مع الفارق بقى مفيش سكيمه طويله عريضه ولا الكلام المتعب دا اضافه الا ان البودر اصلا اللي في الكورس معقوله يعني مش صعبه في الشغل طبعا الكلام دا مش عليه الاربعين درجه كلهم طبعا طبعا لازم شويه شيتات كدا على نظري المعمل يعني ميصحش خالص ماده من غير شيتات تبقى مش كليتنا
عملي الاساي العملي اللي الناس مبتحبوش وبيعمل عقد لدى البعض وكلاكيع لدى البعض الاخر هكلمكم عنه كتير شويه لانه يستاهل
مبدئيا علشان محدش يتخض امتحان الاساي في الترم الاول بيكون شيت وشيت اغلبه من النظري وبيبقى في جزء كبير من النظري وعلى فكره الموضوع دا مش وحش زي ماانتم فاكرين بالعكس دا بيعطيلكم فرصه تتدربوا على شغل العملي ترم كامل من غير مايخليكم تشتغلوا اضافه الى انه بيسهل عليكم جدا اخر السنه لانك تقريبا بتبقى مذاكر نص الكورس في الشيت ربنا يديكم ال
طيب لما هندخل المعمل هنشتغل ايه ؟؟؟؟ في عندنا في كورس الاساي تجربتين رئيسيتين تجربه اسمها
RABBIT INTESTINE ودي التجربه الرنيسيه مهمه جدا ياجماعه دي الترم التاني بتنزل في الامتحان من غير ماتتشرح لانكم هتشتغلوها الترم الاولاني حوالي 3 مرات فلازم تشتغلوها كويس وتحتفظوا بالشرح وبالبرنسبل لانك مطالبين بيه التجربه مهياش صعبه بقدر ماالامكانيات في الكليه ممكن تخليها مرعبه لبعض الطلاب لانها بتتعمل على جهاز اسمه الكايموجرام الجهاز دا حالته وحشه جدا جدا في الكليه اوحش من ميكروسكوبات العقاقير
كمان عدده قليل تقريبا العشر طلاب بياخدوا جهاز يعني الدنيا بمبي خالص
ايه اللي بيحصل في السكشن اللي بيحصل ان المعيدين كل واحد بياخد جروب وبيشرحلهم طريقه الشغل وبعدين يقلهم اشتغلوا وبيحاسبهم بالدرجات شوفوا دا اللي حصل قدامي في سكشني معرفش اذا كانت دي حركه وهميه من المعيدين علشان نشتغل ولا كانت حاجه حقيقيه لكن كل اللي اعرفه ان دي حاجه سيئه بكل المقاييس لان انا واحده من الناس بجد من بعد الحركه دي مقربتش للجهاز دا تاني لاخر السنه لان اي غلطه انا هعملها في شغلي العشر طلاب هياخدوا صفر عليها وعلشان كدا نصيحتي ليكم ان كا مجموعه يتفقوا مع الدكتور بتاعهم ان اول سكشنين يبقوا تدريب ليكم ازاي ؟؟بصوا الكلام دلوقتي ممكن يبقى مبهم او صعب عليكم لانكم لسه مشفتوش بعينكم لكن انا هحاول اقربهالكم قدر الامكان ولو مش اتفهمت لما تدخلوا السكشن ابقوا ارجعوا للمشاركه دي واقرؤوها تاني ساعتها تبقى اسهل
باختصار هما بيجيبولكم عضله من امعاء ارنب المفروض انكم بتاخدوها وتعلقوها في الجهاز ودي خطوه بتحتاج انكم تخيطوها وبعدين تظبطوا التنفس ومحلول علشان يغذيها وبعدين نتظبطوا وضعها داخل الجهاز نفسه وبعد كدا بتحقنهوها باكتر من حاجه زي النيكوتين والاتروبين وهكذا طبعا انتم بتكونوا عشره علشان كدا كل واحد بيعمل حاجه حد بيخيط حد بيعلق حد بيظبط الجهاز حد بيعبي الدوا في السرنجه يعني الخلاصه مفيش طالب بيشتغل التجربه كلها من اولها لاخرها مع انك في الامتحان مطالب انك تعملها كلها من طقطق لسلامو عليكم علشان كدا الحل من وجهه نظري ان العشره اللي ع الجهاز يقسموا نفسهم خمسه خمسه خمسه يشتغلوا اول اسبوع وخمسه تاني اسبوع الخمسه اللي هيشتغلوا اول اسبوع يحاولوا ان كل واحد فيهم يشتغل الخطوات كلها لحد حقن الدوا لو وصلت للمرحله دي يبقى متقلقش لان كدا باذن الله الجهاز هيعطي معاك ريسبونس بس لازم الواحد يجرب بنفسه يخيط العضله ويعلقها صح في الجهاز ويظبط الايرياشن ويفضي المحلول ويعمل ووشنج لازم لازم حاولوا تعملوا كدا من الاول علشان ترتاحوا في الترم التاني ومتشيلوش هم التجربه دي زينا
التجربه التانيه هي تجربه الFROG RECTUS ABDOMINUS
ودي من اسمها هتشتغلوها على ضفدع ومفيهاش كلام كتير اقوله بس عامه يعني هيا مش بتيجي في الامتحان بس برضه ركزوا فيها واعرفوها الاحتياط واجب في الكليه دي
طيب كدا خلصنا تلات مواد ومتبقيلنا تلاته اللي هما البيو والفيتو والصيدلانيات
البيو عمليها سهل خالص ماهو الا كربوهيدرات يعني هتشتغلوا الجلوكوز والفركتور واللاكتوز والسكروز والحاجات اللي انتم محضرين دكتوراه فيها دي وفيها كمان سامبل بروتين زي الالبيومن والكاززين وكام حاجه كدا بس سهلين برضه بس ريحتهم ايه حاجه كدا ولا هوجو بيرفيوم بس الامتحان بينزل ان نون واحد بس وانت ونصيبك يا ييجي كربوهيدرات ياييجي بروتين بس لمن يهمه الامر يعني دكاتره البيو بيحاسبوا على السبلنج في الكتابه رغبه منهم في تقويه الاملاء عند طلاب صيدله تيك كيــــــــــــــــــر
الفيتو وماادراك ماالفيتو زي مااتفقنا سابقا ان الفيتو تو بارت جزء الالكالويد وجزء الزيوت الطياره بالنسبه للالكالويد بتشتغلوها اول سكشنين وبعدين بيعطولكم ليها سكيمه زي سكيمه العضويه كدا تقدروا منها توصلوا للان نون الكالويد اللي بينزلكم في الامتحان اما جزء الزيوت الطياره بتشتغلوا فيه اكتر من زيت بس في الامتحان مش بتنزل منهم غير تجربه واحده بس بتتعمل بالسحاحه محتاجه دقه شويه بس باذن الله تقدروا تعملوها تمام كمان في الالكالويد ياجماعه بتدخل بالاسكيمه عادي دونت ووري ربنا بيعوضكم عن اللي كان بيتعمل فيكم في العضويه
اخر ماده بقى هي الصيدلانيات عمليها طبعا عملي مشرف جدا وفيه ياصيادله المستقبل هتعملوا هتعملوا هتعملوا ........................ لبوس .......وبلاش البصه دي
هو انتم طول الترم هتعملوا لبوس والامتحان لبوس برضه ياسبحان الله معنديش حاجه برضه اقولها بس حاولوا تشتغلوا كويس في المعامل لان عمليها مش سهل ومش صعب بس ربنا الموفق واللي حالته صعبه في الامتحان يزوغ ويروح يصحح عند دكتور اسماعيل
انا بكده خلصت كلامي عن العملي يارب اكون افدتكم اشوف وشكم على خير بقى في الترم التاني هاجي برضه اعملكم موضوع عن مواد الترم الجديد اذا كان في العمر بقيه
شكرا دكتورة سمر على الأستجابة السريعة جداوالشرح المبسط
انا فهمت الكايموجرام بس برضه محتاج اشوفه
وبيقولوا صورة خيرا من الف كلمة
صح
جزاكى الله خيرا
وان شاءالله ربنا يوفق حضرتك فى رايعة
ونسمع من حضرتك الشرح بتاعها
جزاكى الله خير يادكتورة سمر على الشرح الجميل ده
ربنا يكرمك ويوفقك فى رابعة ان شاء الله
اخر ماده بقى هي الصيدلانيات عمليها طبعا عملي مشرف جدا وفيه ياصيادله المستقبل هتعملوا هتعملوا هتعملوا ........................ لبوس .......وبلاش البصه دي
هو انتم طول الترم هتعملوا لبوس والامتحان لبوس برضه ياسبحان الله
شكراا على الموضوع الجميل والمفيد