صفحة 1 من 2 12 الأخيرةالأخيرة
النتائج 1 إلى 10 من 19

الموضوع: & / $ عاوز تسافر للعمل بالسعوديه ادخل وشوف ايه اللى بتعمله $ / &

  1. #1
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    Smile & / $ عاوز تسافر للعمل بالسعوديه ادخل وشوف ايه اللى بتعمله $ / &


    كيفيه الحصول على عقد السفر

    يمكن الحصول على عقد عمل باحدى الطرق الاتيه

    أ - عمل c.v. محترم وارساله الى مكاتب السفريات المتواجدة خاصه فى شارع قصر العينى والمعالى والمزدلفى والخ......... لان معظم العقود ان لم تكن كلها تتم عن طريق تلك المكاتب

    ب - متابعة منتدى فارما بورد للاطلاع على اخر فرص السفر للسعوديه من خلال قسم وظائف الصيادله


    ج- التواصل مع الاصدقاء المتواجدين بالخارج وابلاغهم برغباتكم بالسفر حتى اذا تسنى لاى فرد منهم فرصة عمل يقوم بابلاغك بها

    د- متابعة مواقع التوظيف على النت



    هـ -
    متابعة صفح الاعلانات والوظائف الخاليه بالجرائد وخاصة جرنال الاهرم يوم الجمعة


    يتبع

  2. #2
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    افتراضي

    التعامل مع مكاتب السفريات

    معظم مكاتب السفريات لا هم لها سوى المبلغ الذى سوف يتم دفعه اليهم فى نهايه الامر
    بمعنى اخر مش همهم مصلحة الشخص ولا اى حاجة تانيه

    وايضا الكفيل اوصاحب العمل السعودى اهم عندهم من الصيدلى - ودة لانه الزبون الدائم - لكن الصيدلى الزبون الطيارى
    خدوا بالكم المكتب ممكن يبيعك للشخص اللى هتتعاقد معاة

    لذلك

    1- مفيش اى كلام يقال لك من مكتب السفريات وتقتنع بيه - لازم تسمعه باذنك من صاحب العمل اوالكفيل

    2- متفوتش نقطة وانت قاعد مع الكفيل ومتسالش فيها ومتعتمدش على المكتب فى الرد على اسالتك لانة هيعملك البحر طحينه

    3- كل الكلام اللى تتفق معاة مع الكفيل لازم يكتب داخل العقد وبالتفصيل والعقد يوثق

    4- الاوراق الخاصه بيك لا تعطيها ايضا لاى مكتب سفريات الا لما تجلس مع الكفيل او صاحب العمل وتتفقوا على العقد والموافقه تتم بينكم ( بين الطرفين ) لانك لو اديت اوراقك قبل ما يتوافق عليك واترفضت من صاحب العمل - صعب المكتب يرجعلك ورقك وهيماطلك وهيقولك هجيبلك عقد احسن منه لانك زبون بالنسبه له وعايز فلوسك فى الاخر

    5- تتاكد من صاحب العمل هيبعتلك تذكرة الطيران ولا لا فى البدايه علشان دة هيتوقف عليه المبلغ اللى هتدفعه فى النهايه للمكتب


  3. #3
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    افتراضي

    الاوراق اللى المكتب بيستلمها من الشخص

    أ - الباسبور

    ب- شهادة التخرج ( توثق)

    ج- شهادة الخبرة (توثق ) ومش ااقل من سنتين

    د- كشف المعامل المركزيه لفيروس سى ودة متعملوش الا لما يقوللك المكتب اعمله لانه ليه تاريخ صلاحيه
    حوالى 1 شهر على ما اتذكر


    ه- الكشف الطبى من مستشفى بن سينا او الصفا

    اى ورق هيتوثق لازم يكون موثق من الخارجيه المصريه ثم السفارة السعوديه

    باقى ليك : تصريح السفر من الجيش وتصريح العمل ودة اخر حاجه هتعملها قبل ما تسافر


    - نيجى لوظيفه المكتب بعد ما يتوافق عليك من الكفيل - كل لازمة المكتب هو ادخال ورقك للسفارة للحصول على التاشيرة وتوثيق ورقك فى السفارة السعوديه والقيام بالحجز للطيران والخطوة الاخيرة ممكن تعملها انت

    - نيجى للفلوس اللى هتدفع للمكتب - ذى ما قولت فى الاول دة متوقف على الكفيل هيبعتلك تذكرة الطيران ولا انت اللى هتحجز وعليه تقدر تحسب مصاريف المكتب فى السفارة السعوديه وهتشوف عايز مكسب قد ايه وتقدر انت

    - حذار من مكاتب السفريات - اغلبهم معندهمش ضمير وبيعملك البحر طحينة



  4. #4
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    افتراضي

    فى امتحان اسمه امتحان البرومتريك

    ده امتحان لازم تعمله وتنجح فيه عشان تاخد ترخيص مزاولة مهنة الصيدله فى السعوديه

    فى مجموعات بتخليك تمتحنه فى مصر قبل ما تسافر

    وفى مجموعات تانيه بتبقى مستعجله على الصيدلى وبتخليه يسافر ويمتحنه فى السعوديه

    لو امتحنته فى مصر

    بيكلفك 550 جنيه مصرى بتدفعهم عن طريق النت ب visacard او تخلى المكتب يقدملك للامتحان بس بياخد منك 650 او 700

    ومكان امتحان البرومتريك فى مصر

    23 شارع مصدق - الدقى - المركز الدولى للغات اميد ايست

    لو هتمتحنه فى السعوديه

    بتاخد دوره اسمها

    BLS Course
    Basic Life Support
    BLS Course دورة فى الانعاش القلبى الرئوى وكيفية التعامل مع انسداد مجرى التنفس بالغصة ودى سهلة جدا ومفيش فيها اى صعوبة بالنسبة للصيادلة وفى بعض المراكز بتنظمها يوم واحد تبدا 9 الصبح وتخلص حوالى 4 العصر والامتحان فى نفس اليوم وهو عبارة عن 20 جملة اختيارى من اللى تم شرحه فى الدورة والنجاح من 17 (لازم يكون المركز المنظم للدورة معتمد من جمعية القلب السعودية) وسعرها بدون الكتاب 350 ريال +50 ريال للكتاب

    الاوراق المطلوبة فى هيئة التخصصات الصحية بالسعوديه

    1- نموذج التصنيف والتسجيل المهنى (موجود بالهيئة).
    2- أصل المؤهل العلمي موثقة من السفارة السعودية أو الملحق الثقافي السعودي في بلد مصدر الشهادة.
    3- خطاب تعريف من جهة العمل موضح بها التخصص واللقب المهني وتاريخ بداية العمل يصدر من الجهة المخولة في المنشأة الصحية (غير مطلوب إذا كان المتقدم لايعمل ).
    4- شهادة التسجيل لممارسة المهنة ساري المفعول في بلد الممارس الأصلي (إن وجد).
    5- صورة الإقامة أو جواز السفر مع الأصل (للمطابقة).
    6- عدد ( 2 ) صورة شخصية حديثة.


    ثالثا الرسوم:
    1- 1100 ريال للتصنيف المهنى.
    2- 360 ريال للتسجيل المهنى (3 سنوات).
    بعد كدة يتحدد موعد دخول الامتحان وبيكون خلال 90 يوم من تاريخ التسجيل وفى حالة تجاوز ال90 يوم بدون اداء الامتحان تدفع 360 ريال مرة تانية.


    موقع الهيئة:
    الرياض - حى السفارات - بجوار السفارة المصرية

  5. #5
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    افتراضي

    نصيحه لاى حد هيسافر

    لا تدفع أى مصاريف لأى مكتب سفريات أو اى شخص كان الا بعد الحصول على الاتى :

    1- جواز السفر وبه الفيزا صالحه للسفر ومكتوب بها وظيفتك صيدلى وجهه العمل التى تم الاتفاق معها

    2- العقد ومنصوص فيه كل البنود التى تم الاتفاق عليها ويكون مصدق عليه من السفارة السعوديه

  6. #6
    Moderator
    تاريخ التسجيل
    Oct 2007
    الدولة
    Mansoura
    المشاركات
    2,085

    افتراضي

    جزاكم الله خيرا د/محمد، موضوع قيم وثري جدا

  7. #7
    Pb Elite
    تاريخ التسجيل
    Dec 2008
    المشاركات
    672

    افتراضي

    جزاكم الله خيرا يا محمد...

    يارب تكون بخير..

    كنت عاوز نص شهاده الخبره اذا تكرمت..

    ممكن ؟

  8. #8
    Moderator
    تاريخ التسجيل
    Mar 2009
    الدولة
    فى الجنه باذن الله
    المشاركات
    8,884

    افتراضي

    اقتباس المشاركة الأصلية كتبت بواسطة د/محمد عمر مشاهدة المشاركة
    جزاكم الله خيرا يا محمد...

    يارب تكون بخير..
    وجزاك ربى مثله ياعمر

    الحمد لله تمام

    كنت عاوز نص شهاده الخبره اذا تكرمت..

    ممكن ؟

    بالنسبه لنص شهادة الخبره

    مش انت اللى بتكتبها

    انت بتروح الشهر العقارى ومعاك الدكتور اللى هيعملك شهادة الخبره

    وهناك الموظف عارف الصيغه بتاعتها وبيكتب نص الشهاده على الكمبيوتر وبيطبعهالك

    هو عموما بيكون نصها كده

    يشهد الصيدلى كذا صاحب صيدلية كذا ان الصيدلى كذا يعمل بالصيدليه من تاريخ كذا الى تاريخ كذا مقابل اجر مالى كذا شهريا

    وانت رايح خلى الدكتور ياخد معاه السجل التجارى بتاع الصيدليه

  9. #9
    Pharma Student
    تاريخ التسجيل
    Nov 2007
    الدولة
    Mansoura
    المشاركات
    799

    افتراضي

    طيب هو ينفع السفر للبنات ولازم يكون عدي ع التخرج كام سنة ؟

  10. #10
    Moderator
    تاريخ التسجيل
    Oct 2007
    الدولة
    Mansoura
    المشاركات
    2,085

    افتراضي

    معنديش فكرة بالظبط بس اعرف ان السعودية ممنوع فيها شغل البنات في الصيدليات الاهلية
    وواحدة زميلتي قالت ان شغل معامل التحاليل هناك للبنات حلو لو حاباه ممكن تعملي دبلومة بيو او ميكرو

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •