النتائج 1 إلى 4 من 4

الموضوع: حياتى بعد التخرج

  1. #1
    Pharma Student
    تاريخ التسجيل
    Nov 2007
    المشاركات
    24

    افتراضي حياتى بعد التخرج

    السلام عليكم ورحمه الله وبركاته
    حياتى بعد التخرج
    حبيت اتكلم عن الموضوع ده لأنه اكيد شاغل تفكيرنا كلنا وجميعنا هائمين لا ندرى ما هى الحياه بعد التخرج وما هى طبيعه العمل المنا سبه لنا ؟وايضا التشتت يسيطر على تفكيرنا ونفكر اى مجال سأدخله وهل سيكون مناسب لى؟؟
    اعلم ان كل شىء بيد الله وان الله سيكون معنا ان شاء الله طالما نقوم بواجباتنا
    ولكن هل استطعت ان تقيم قدراتك وتحدد هدفك وتحدد مجال عملك ام هذا صعب بالنسبه اليك ؟؟؟؟
    هل تجد من نفسك من يستحق لقب حاصل على بكالوريوس صيدله؟؟؟
    هل تجد من نفسك شخص يستطيع ان يفيد الأخرين فى هذا المجال؟؟؟
    هل وانت فى السنه النهائيه ولم يعد هناك سوى اشهر ان شاء الله عن التخرج انك راضى عن حياتك فى الكليه طوال الخمس سنوات او على حسب الفتره التى قضيتها ؟؟؟؟هل ستتخرج وضميرك مرتاح ونفسك راضيه وتقول لك لقد فعلت ما عليك ام تجدها تقول لك لقد قصرت فى كذا وكذا وكذا

  2. #2
    عضـو هيئـة التـدريـس
    تاريخ التسجيل
    Jul 2007
    المشاركات
    162

    افتراضي

    وعليكم السلام ورحمة الله وبركاته
    فى البداية بشكرك على الموضوع الأكتر من رائع دا وثانيا أحب أقول أن دا فعلا سؤال مهم جدا بس يا جماعه نفسنا الناس تسأله لنفسها فى السنين الأولى من دخولها للكلية مش وهى بتخرج منها . صدقونى لو كنا سألنا نفسنا السؤال دا وكل واحد عرف كويس هو عاوز يعمل ايه بالظبط بعد ما يتخرج أكيد مش هنحتار الحيرة دى أبدا وعموما أنا عارف الشعور اللى كل اللى أوشكم على التخرج حاسين بيه لأن أنا عشت نفس اللحظات دى...عموما اللى معرفناش نعمله لنفسنا نقدر نعمله لقرايبنا ولأولادنا وللشباب اللى لس داخل الجامعه ونقوله انه يخللى باله كويس أوى ويعرف ايه اللى هو عاوزه بالظبط بدل ( التوهان ) اللى هيعيشه وفى الاخر مش هيبقى الا اللى بس كان عارف محدد بالظبط هو عاوز ايه....بس مش معنى كدا ان اللى محتار دلوقتى يبقى game over لأ فى أمل بس مش هيجى الا بحاجه اسمها self dependent learner
    يعنى اللى هتقف فى صيدليه او اللى هيقف فى صيدليه لازم يبدأ يحضر نفسه ويجيب كتب الأطلس ويذاكر فارما تانى وكدا
    واللى ناوى يعمل معادلة ويسافر يجيب الكتب ويبدأ يذاكر ومع نفسه ( دلوقتى مع نفسك) مفيش حد هيبقى معاك ويهتم طبعا بالانجليزى ويكون معاه فلوس كويسه علشان الموضوع دا بيتكلف جامد
    أما اللى هيتعين فربنا يعينه زى حالتنا على اللى مستنيه
    وطبعا السواد الأعظم من الشباب اللى هيشتغلوا فى الدعاية يهتموا بأنهم يعملوا CV كويس والانجليزى والكمبيوتر ومعرفه عامه كدا بعلاج أهم الأمراض زى الضغط والسكر...الخ علشان يستعد لل interviews
    أتمنى ان تكون مشاركتى لها لازمة وتستفيدوا بيها...واللى عاوز أى مزيد من الاستفسارات حوالين الموضوع دا يكونتاكت مى...وفقنى ووفقكم الله
    thanks alot...A.Elkamhawy

  3. #3
    Pharma Student
    تاريخ التسجيل
    Oct 2007
    الدولة
    in dreams' world
    المشاركات
    154

    افتراضي

    وعليكم السلام و رحمة الله و بركاته
    موضوع جميل جدا يا رفيدة ....
    فعلا مهم قوي إن الإنسان يحدد أولياته و اهدافه .. و يكون ماشي في كنف و ضوء هذا الهدف ..
    مبدئيا : كنت حاطة مخطط في تفكيري من اول ثانوي ان إن شاء الله هدخل كلية طب أو صيدلة و غالبا كنت بفكر في كلية صيدلة .. و فعلا بفضل الله دخلتها و دي كانت خطوة جيدة في طريق الهدف ...
    و لكن!!!!!!!!!!!
    أول ما دخلت الكلية مش حسيت إني فعلا وصلت لحاجه أو بدأت في حاجه ...
    واضح قوي إن الكلية دي لسه تعتبر أول خطوة في تحقيق الهدف ..!!
    يا ترى ليه بقول تحقيق الهدف؟؟ مع إن الموضوع بيتكلم عن حياتي بعد التخرج!!!
    الي استشفيته ان حياتي بعد التخرج مش نهاية دراسة بالعكس دي تعتبر بداااااااية !!
    بس يا ترى بعد كدا هاعمل ايه؟؟ هاشتغل و لا هكمل دراسات عالية؟؟ ولا هفضل في البيت ؟؟

    كل دي حاجات أظن انها بتتأثر بعد كدا ... طبعا هتسألوني ازاي؟!!

    كل واحد هيكون ليه إن شاء الله شريك أو شريكة حياة ...
    غالبا الاتنين هيأثروا في حياة بعض ...
    و أظن إن ممكن الرؤى و الاراء تختلف ...
    بس الفكرة تكمن في ايه؟!!
    أكيد كل واحد هيكون عنده حاجه معينة نفسه يحققها .. حد هيكون نفسه يبلغ قمة من قمم العلم .. جميل
    حد هيكون نفسه يكون في منصب كويس مثلا .. و حد تاني هيكون عاوز يفتح مثلا مجموعة صيدليات .. و آخر هيكون عاوز يسافر بره و يكمل دراسة بره ... و حد ... وحد ... و حد ... حاجه من اتنين يا هيساعدوا بعض هيساعدوا بعض ههههههه .. بس غاليا ممكن حد يأثر على التاني
    طيب الفكرة فين.؟؟؟
    الفكرة إن حاليا كل إنسان يحط قدامه دراسته الي هو فيها و بلاش نسبق خطوة قدام ..
    يقول الله تعالى في سورة الكهف : ( ولا تقولن لشيء إني فاعل ذلك غدا إلا أن يشاء الله )
    بس مش معنى كدا إننا نبطل نفكر و نحط أهداف بالعكس ..؟!!!!!!!
    تمااااااااامااااااااا
    بس مثلا طالب أو طالبة لسه في الكلية : أول هدف حاليا ايه هو ؟؟!! إنه يزاكر كويييييييس قوي .. عشان يجيب أعلى تقدير يستطيع إنه يحصل عليه 0 لا يكلف الله نفسا إلا وسعها .
    بس عشان مصداقية الموضوع في هدفين مهميين قوي في حياتي و إن شاء الله ربنا يعني إن أحققهم و لكن لن أفصح عنهم اكيييييييييييد ( عشان ربنا يس هو الي يعرفهم )

    و بعدين؟
    و بعد ما يتخرج إن شاء الله بعد كدا يبدأ بقى يمسك خيط جديد و يمشي من اوله بس اهم حاجه ساعتها يفكر كويس قوي و يحدد هو عاوز ايه و ليه ؟؟!!
    اكيد الحياة هتختلف كتير جدا من و احنا لسه بندرس .. لغاية بعد ما نتخرج ..
    بس الاهم من كل ده؟؟!!
    انك مش تقول اديني ماشي في الكلية و زي ما تيجي تيجي و بعد كدا ربنا يبقى يحلها ..!!! ( بحس في النبرة دي بلا مبالاة أو قد يكون يأس أو أو أو )
    ( أعقلها و توكل )

    امممممممممممم يمكن في حاجات كتير في بالي عاوزة أقولها ...
    و يمكن في أراء عندي مش عرفت أعبر عنها كويس ..
    ولكن مش هطول عليكم اكتفي بهذا القدر ...
    و أسأل الله إن يهدينا للخير و ما يحبه و يرضاه ...

    سامحوني لو كان كلامي ممكن يكون بعيد عن بعضه .. بس بحب أتكلم بتلقائية

    ولاء الدالي

  4. #4
    Pharma Student
    تاريخ التسجيل
    Nov 2007
    المشاركات
    24

    افتراضي

    [COLOR="DarkOrchid"]شكرا يادكتور على مشاركه حضرتك المتميزه ولكن اريد ان اضيف شيئا .........معنى الحيره ليس عدم وجود هدف ولكن الحيره هنا تكمن من هل يمكن تحقيقه فى هذا المكان ؟؟؟؟؟؟؟؟ اعلم جيدا ان كل شىء بيد الله
    ولكن اقصد هل هى البيئه المناسبه لتحقيق هذا الهدف
    طبعا من اول ما دخلت الكليه وانا محدده هدفى الحمد لله وعلى الرغم من ذلك كنت بدرب فى الصيدليه من اعدادى والأجازه الماضيه كنت بدرب فى صيدليتين والحمد لله بحصل على تقديرولكن مع مرور الوقت ادركت ان الانسان قد يجد ان هذا الهدف الذى يريده تغير لظروف ما وايضا عموما الانسان يحب يعرف كل حاجه وكل الأحتمالات وده اللى هيفيدنا فيه حضراتكم وياريت كل اعضاء التدريس يشاركونا فى التفكير واكيد هيعطونا معلومات كتيره لم نكن نعلمها
    وشكرا ياولاء على مشاركتك بس يا ترى بعد كدا هاعمل ايه؟؟ هاشتغل و لا هكمل دراسات عالية؟؟ ولا هفضل في البيت ؟؟ وفعلا دى نقطه جميله وصحيحه بس اعتقد ده يعتمد على الأختيار اما الموضوع مختلف بالنسبه لكم شويه لأنكم لسه فى بدايه الدراسه لكن احنا اوشكنا بأذن الله وده اللى بيزود حيرتنا .........ويارب خير ان شاء الله[/FONT][/COLOR]

المواضيع المتشابهه

  1. الف مبروووووووووووك التخرج
    بواسطة dr/noony في المنتدى الفرقة الرابعة 2010
    مشاركات: 133
    آخر مشاركة: 25-07-2010, 06:01 PM
  2. احباط ما بعد التخرج
    بواسطة روماvv في المنتدى قسـم الخريـجين
    مشاركات: 15
    آخر مشاركة: 25-03-2010, 12:43 AM
  3. حفلة التخرج.................
    بواسطة snowwhite300 في المنتدى قسـم الخريـجين
    مشاركات: 18
    آخر مشاركة: 09-12-2009, 02:29 AM
  4. حب حياتي
    بواسطة ahmed kewan في المنتدى المنتدى الأدبي
    مشاركات: 5
    آخر مشاركة: 15-02-2009, 02:21 AM
  5. بحث التخرج....
    بواسطة RASHAD_RESALA في المنتدى المنتـدى العـام
    مشاركات: 6
    آخر مشاركة: 13-08-2008, 10:13 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •