صفحة 1 من 3 123 الأخيرةالأخيرة
النتائج 1 إلى 10 من 23

الموضوع: ..:: رسـالـة خـاصـة لـدفـعـة 2010 ::..

  1. #1
    Co-Admin
    تاريخ التسجيل
    Oct 2007
    الدولة
    المنصورة
    المشاركات
    4,032

    Smile ..:: رسـالـة خـاصـة لـدفـعـة 2010 ::..



    الحمد لله رب العالمين والصلاة والسلام على ختام النبيين صلى الله عليه وعلى آله وصحبه أجعين



    ألف مبرووووووووك يا دفعة 2010 على التخرج إن شاء الله



    خلاص الكلية خلصت بين غمضة عين وانتباهتها

    أنا لسة فاكر أول يوم دخلت فيه الكلية قبل الدراسة بأسابيع ..
    وكنت ماشي أسأل جوة الجامعة ( لو سمحت هي فين كلية صيدلة ؟ )

    وأول يوم في الدراسة
    وأول محاضرة حضرتها في الكلية
    وخلص بسرعة أول تيرم
    وكلها أيام وانتهت إعدادي
    وبعدها خلصت أولى وتانية وثالثة واحنا مش واخدين بالنا
    وهوووووووووب لاقينا نفسنا في رابعة يعني بكالوريوس يعني آخر سنة


    الدفعة ديه والله عزيزة عليَّ جدا

    اتعرفت فيها على أصحاب بعتز بيهم جدا وفخور بمعرفتهم جدا جدا
    والمنتدى كان ليه دور كبير في معرفتي بناس حبتهم جدا وبحترمهم جدا جدا




    المهم .. أنا مش عامل الموضوع عشان ذكريات الكلية

    لكن أنا عملت الموضوع ده عشان أقول


    أنا آسف ... وأسألك بالله تسامحني





    الكلمة ديه بوجهها

    لكل زميل
    (ـة) في الكلية كلها وفي دفعة رابعة على وجه الخصوص

    لكل زميل ممكن أكون عملت تصرف ضايقه أو موقف زعله أو كلمة ضايقته

    لكل عضو في المنتدى اتضايق من كلمة أنا وجهتهاله

    لكل عضو في المنتدى ممكن يكون زعل مني كمشرف

    لكل طالب في أي دفعة من دفعات الكلية كلها



    بأمانة والله ما أقصدتش أزعل أي حد مني
    ممكن يكون بدر مني موقف كدة أو كدة لكن كونوا على يقين إني مش متعمد إطلاقا مضايقة حد
    وقدموا حسن النوايا



    مواقف المنتدى بالذات
    بعضكم ممكن يكون اتضايق في أيام
    لكن فيه حاجات بنتصرف من خلالها وخلفيات بنتصرف على أساسها غير معروفة للغالبية

    بالتأكيد في نسبة خطأ وده لأننا كلنا بشر بنغلط
    محدش فينا معصوم

    عشان كدة أنا عملت الموضوع ده عشان أقول
    أنا آسف لكل واحد ممكن يكون زعل في أي من الأيام



    كل واحد هيشوف حياته
    وممكن بعضكم معدتش هيدخل المنتدى بعد كدة باستمرار
    ممكن يطل كل مدة كدة يشوف ذكرياته على صفحات المنتدى .. وعلى كدة


    فمش عاوز حد يمشي وهو زعلان ..

    وبقول لكل واحد

    أستحلفك بالله تسامح


    مش شرط أنا كمشرف أو باقي المشرفين ..
    حتى زمايلك واصحابك


    خلاص سامحتم ولا لسة
    اللي مش هيرضى يسامح هحذفله مشاركاته كلها من المنتدى



    أنا عن نفسي أشهد الله أني لا أحمل في قلبي شيئا على أحد منكم


    وأدعو الله لكم جميعا بدوام التوفيق والسداد والنجاح
    وأتمنى لكم جميعا الخير


    من حق ..
    الشباب خلاص اتخرجوا وبقوا قاعدين على الرصيف
    عشان انتم اصحابي بس .. اللي الرصيف بتاعهم اتملى يقولي عشان أحجزله على الرصيف اللي جنبنا
    هو زحمة بس عشان خاطركم بس هحجزلكم مكان فيه


    لا طبعا مافيش قعاد على ارصفة ولا حاجة إن شاء الله
    يارب كلنا نشتغل في أفضل الأماكن في كل الاتجاهات وكلنا نبقة في مالتي ناشيونال

    ويارب حياة موفقة وناجحة
    ويكون ختامها الجنة بعد انقضاء العمر في طاعة الله

    أستودعكم الله دينكم وآماناتكم وخواتيم أعمالكم


    ياريت المنتدى يستمر وسيلة تواصل للدفعة ديه على مدار السنين إن قدر الله لنا البقاء .. وللمنتدى التواصل والاستمرار والعطاء



    في النهاية عاوز أتقدم بالشكر الجزيل لكل الزملاء اللي أفادونا في المنتدى واتعلمنا منهم كتير
    الله أسأل أن يتولى مكافأتهم


    والذي فلق الحبة وبرأ النسمة إني أحبكم في الله
    وأسأله سبحانه أن يجمعنا بهذا الحب في ظل عرشه يوم لا ظل إلا ظله

    روى مسلم في صحيحه عن أبي الدرداء، قال:
    قال رسول الله "ما من عبد مسلم يدعو لأخيه بظهر الغيب، إلا قال الملك: ولك ، بمثل
    "






    الرسالة ديه موجهة ليكم من فريق إشراف المنتدى بصفة عامة

    ومشرفي رابعة على وجه الخصوص د\بوسى ربيع ، ودكتورة Amira Said
    وبصورة أخص منِّي أنا







    لا تنسونا من صـالح الدعـاء


    أخوكم في الله
    رامي سعد حافظ

  2. #2
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي



    انا مش سامح

    انا اسمى محمد

    انا عارف انكوا هتستريحوا من رخامة دفعة تالتة

    او رابعة فى المستقبل القريب باذن الله

    لكن اكيد انتوا هتفتقدونا

    واحنا كمان استغلناكم على اكمل وجه

    بصراحة خريجى 2010 ان شاء الله هما اللى عملوا المنتدى بمشاركتهم المتميزة زمساعدتهم لكل الدفع

    ربنا يوفقكم باذن الله وكل واحد يروح المكان اللى يحبه

    ويشتغل الحاجة اللى بيتمناها

  3. #3
    Pb Elite
    تاريخ التسجيل
    Nov 2007
    المشاركات
    2,342

    افتراضي

    اعضاء الفرقه الرابعه فادونا كتير واثرو فينا بمواضيعهم وافكارهم فاحب اوجهلهم كلمه شكر وخصوصا
    د.بوسى ربيع,د.قناع الذهب,د.PHARMAMASTINA
    د.رامى بن سعد , د.محمد سمير
    وغيرهم كتير بس دول اللى فاكراهم دلوقتى ربنا يوفق كل اعضاء الفرقة الرابعه فى حياتهم الجديده

  4. #4
    Co-Admin
    تاريخ التسجيل
    Oct 2007
    الدولة
    المنصورة
    المشاركات
    4,032

    افتراضي

    اقتباس المشاركة الأصلية كتبت بواسطة Dr/HULK مشاهدة المشاركة

    انا مش سامح

    انا اسمى محمد

    انا عارف انكوا هتستريحوا من رخامة دفعة تالتة

    او رابعة فى المستقبل القريب باذن الله

    لكن اكيد انتوا هتفتقدونا

    واحنا كمان استغلناكم على اكمل وجه

    بصراحة خريجى 2010 ان شاء الله هما اللى عملوا المنتدى بمشاركتهم المتميزة زمساعدتهم لكل الدفع

    ربنا يوفقكم باذن الله وكل واحد يروح المكان اللى يحبه


    ويشتغل الحاجة اللى بيتمناها

    والله وأنا بكتب الموضوع كنت عارف إن فيه حد هيقولي الكلمة ديه

    ألف شكر يا محمد وعقابلكم يارب السنة الجاية زي دلوقتي وإنتم متخرجين


    اقتباس المشاركة الأصلية كتبت بواسطة DR.BIBO مشاهدة المشاركة
    اعضاء الفرقه الرابعه فادونا كتير واثرو فينا بمواضيعهم وافكارهم فاحب اوجهلهم كلمه شكر وخصوصا
    د.بوسى ربيع,د.قناع الذهب,د.PHARMAMASTINA
    د.رامى بن سعد , د.محمد سمير
    وغيرهم كتير بس دول اللى فاكراهم دلوقتى ربنا يوفق كل اعضاء الفرقة الرابعه فى حياتهم الجديده
    جـزاكم الله خيرا
    إن شاء الله متواجدين في المنتدى والتواصل مستمر

    بالتوفيق وعقبال التخرج يارب

  5. #5
    Pb Elite
    تاريخ التسجيل
    Apr 2007
    الدولة
    على رصيف الحياة
    المشاركات
    269

    افتراضي

    د. رامي..

    بجد ممنونة جداا.. ان حضرتك أعطتني الفرصة من خلال الرسالة دي..

    إني أشكر كل من قدم لي مساعدة.. سواء كان بمعلومة أو معنوية..

    ربنا يجعلها في ميزان حسناتكم ياارب..

    ويبارك في حياتكم القادمة بإذن الله...

    ويااارب بالتوفيق والخير كله لجميع الدفعة..

    خاالص تحياتي..

    أختكم في الله..

  6. #6
    Pb Elite
    تاريخ التسجيل
    Jun 2007
    الدولة
    المنصوره
    المشاركات
    3,112

    افتراضي

    كل سنه وكلكم طيبين يارب تجمعنا الايام بخير وانا متاكده ان كلنا باذن الله هنتقابل الدنيا صغيره اوى وبجد الدفعه دى كل ناسها طيبين ويتحبوا وباذن الله هيبقى فى احسن حال فى كل حاجه
    اما بالنسبه طبعا ان فى حد ممكن يكون زعل منى فى اى يوم استغليت فى سلطتى وارخمت على الناس كمشرفه فده اكيد مش وارد مش علشان حاجه بس والله انا عمرى ما قصدت ازعل حد وطول فتره وجودى معاكم حاولت قدر الامكان مزعلش حد يارب متكنوش زعلانين منى وانا بجد
    اسفه
    لاى حد غصب عنى زعلته

  7. #7
    Moderator
    تاريخ التسجيل
    Oct 2007
    الدولة
    Mansoura
    المشاركات
    2,085

    افتراضي

    وانا كمان بعتذر لأي حد زعلته بدون قصد، وخصوصا في فترات الامتحانات بنكون كلنا مش مركزين
    وأرجو انكم تسامحوني سواء على تقصير او إساءة،، كلكم اخواتي وانا محبش ابدا حد يزعل مني
    وان شاء الله دائما موفّقين

  8. #8
    Co-Admin
    تاريخ التسجيل
    Oct 2007
    الدولة
    المنصورة
    المشاركات
    4,032

    افتراضي

    اقتباس المشاركة الأصلية كتبت بواسطة همسة عتاب مشاهدة المشاركة
    د. رامي..

    بجد ممنونة جداا.. ان حضرتك أعطتني الفرصة من خلال الرسالة دي..

    إني أشكر كل من قدم لي مساعدة.. سواء كان بمعلومة أو معنوية..

    ربنا يجعلها في ميزان حسناتكم ياارب..

    ويبارك في حياتكم القادمة بإذن الله...

    ويااارب بالتوفيق والخير كله لجميع الدفعة..

    خاالص تحياتي..

    أختكم في الله..

    بارك الله فيكم ..

    بالطبع الشكر موصول لكل واحد قدم مساعدة من أي نوع وعلى أي وجه
    سواء زميل أو معيد أو دكتور أو حتى خريج

    الله نسأل أن يتولى مكافأتهم

  9. #9
    Pharma Student
    تاريخ التسجيل
    Nov 2009
    المشاركات
    387

    افتراضي

    اقتباس المشاركة الأصلية كتبت بواسطة Amira Said مشاهدة المشاركة
    وانا كمان بعتذر لأي حد زعلته بدون قصد، وخصوصا في فترات الامتحانات بنكون كلنا مش مركزين
    وأرجو انكم تسامحوني سواء على تقصير او إساءة،، كلكم اخواتي وانا محبش ابدا حد يزعل مني
    وان شاء الله دائما موفّقين
    لا انا زعلانة منك
    كنتي بتمسحي مشاركاتي يا وحشة
    بس لما اشوفك مكنتش فايقة آخر يوم دا
    بس لما اشوفك هعرف اخد حقي منك
    ان شاء الله نلتقى على الخير والحب
    وان لم يكن اللقاء
    فسيدوم الوفاء

  10. #10
    Moderator
    تاريخ التسجيل
    Oct 2007
    الدولة
    Mansoura
    المشاركات
    2,085

    افتراضي

    ايه الكلام الكبير ده،، لقاء ايه ووفاء ايه،، الحياة حلوة يا بنتي
    مع السلامة بقى علشان الحق امسح كل المشاركات بتاعتك

صفحة 1 من 3 123 الأخيرةالأخيرة

المواضيع المتشابهه

  1. محاضرات الترم التاني - 2010 " تحديث 19/4/2010 "
    بواسطة Anas في المنتدى الفرقة الثالثة 2010
    مشاركات: 3
    آخر مشاركة: 25-03-2010, 09:26 AM
  2. مايكروسوفت أوفيس 2010 حصريآ --- Microsoft office 2010
    بواسطة عامر إبراهيم في المنتدى قسـم الكومبيوتر والانترنت
    مشاركات: 5
    آخر مشاركة: 12-06-2009, 02:51 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •