ما هي فروع الفارما؟
ما هي فروع الفارما؟
يا jasmin لو تقصدى المواد اللى يدرسها قسم الفارماكولوجى لطلبة الصيدلة فهى:
1- مادة الحيوان اعدادى صيدلة.
2- bioassay (المعايرات الاحصائية) الفرقة الثالثة.
3-pharmacology (الاقربازين) الفرقة الثالثة.
4-toxicology (السموم) الفرقة الرابعة.
انا بس عندي استفسار يا دكاترة اولا جزاكم الله خيرا علي الاهتمام الكبير ده ثانيا انا بس عايز اقول انا واحد مدبلر اعدادي دي واخدت الفارما دي السنه اللي فاتت انا خلاص مذاكر كل حاجه مش عارف بدخل احل سواء كان امتحان الشيت في المدرج ولا امتحان الترم بحس ان كل الكلام ناسيه مش عارف الماده دي تتذاكر حفظ ولا افهمها انا عايزكم لو تفضلتوا يا دكاترة تقولولي هي تتذاكر ازاى وشكرا ليكم علي الاهتمام
السلام عليكم ورحمه الله وبركاته
الفارما عموما ماده محتاجه فهم في المقام الاول بعد ما تفهم كل حاجه فيها ممكن نبدأ الحفظ للحاجات الل لازم تتحفظ بس مش ينفع تتحفظ كده من غير فهم مش هتركز
بس هي مش بتتحفظ من مره واحد لان المعلومات فيها كتير يبقي لازم نقراها مره واتنين وتلاته علشان تثبت طبعا زي ما قولت بعد ما تتفهم كويس
اما بالنسبه للجزء اللي انتوا بتدرسوه وهو الpharmacodynamics فده محتاج حفظ اكتر شويه بس برضه لازم نفهمه وبرضه محتاج اننا نركز فيه وانه يقرأ اكثر من مره لان الجزء ده فيه معلومات كتير مش هينفع يتحفظ علي مره واحده
ونبدأ بعد المزاكره نطبق علي اللي احنا زاكرناه فممكن نحل امتحانات السنين السابقه لان الحل بيساعد علي تثبيت المعلومات اللي زاكرناها
وربنا معاكم ان شاء الله
طيب يا دكتور طبعا جزأ الدكتور شحته بيجي mcq وطبعا السؤال ده يجي كله فهم وبنتسأل فيه اسئله كلها فهم والاسئله دي عايزة واحد يعرف الادويه كلها واحنا لسه ولا جربنا ننزل صيدليات ولا حاجه فطبعا الاسئله دي في منها اللي مش بنعرف نجاوبها طيب نعمل ايه في الجزء ده والاسئله دي عايزة واحد يعرف دواعي استعمال بعض الادويه وطبعا في ادويه ممكن ياخدها الشباب والاطفال مينفعش ياخدوها كل الحاجات دي محتاجه واحد له خبرة في المجال بتاع الصيدليات واحنا مش كده
الموضوع مش محتاج خبره ولا حاجه لان ببساطه اسئله د\شحته لا تخرج عن اللى تم شرحه بس المهم الفهم الكويس قبل الحفظ
تمام كده فعلا دكتور شحته مش بيجيب حاجه من بره المنهج والشرح اللي قاله في المدرج
يبقي الموضوع محتاج مننا اننا نركز في الحاجات اللي دكتور قال عليها في المحاضره واللي بيحضر لدكتور شحته وبيركز معاه في المحاضره هيعرف منه ايه الحاجات المهمه اللي ركز عليها في الشرح واللي بيجي منها جزء كبير اوي من الامتحان
وعموما حضور المحاضره بيعادل جزء كبير من الفهم وكذلك بيساعد علي الحفظ لان الكلام لما تسمعه من الدكتور مره وترجع تقراه بعدها بيركز الي حد كبير غير ما نقراه مع نفسنا ونعد نحاول نفهمه مع نفسنا
يعني المطلوب مننا انا نحضر المحاضره
ونرجع نقرأ المحاضره مره او مرتين وكده هتكون ركزت بنسبه70% تقريبا الباقي بقي سهل اننا نجيبه بالحفظ بعد الفهم
وبعد كده نحل علي اللي احنا زاكرناه ده بيساعد علي تثبيت المعلومه والتأكد منها
جزاكم الله خيرآ د. أحمد جمال و د. أحمد رمضان و د. سالى على إهتمامكم بطلبة إعدادى ووقفتكم جمبهم ....
ويا مرمور الدكاترة مظبطلنا القسم بتاعنا والله دلوقتى وإحنا فى أولى, ويارب عقبال كل المواد لكل الفرق إن شاء الله ....
السلام عليكم ورحمة الله وبركاته
انا فهمت كده الحمد لله اذاكر ازاى لكن المشكلة دلوقتى اذاكر منين
دكتور شحته ما شاء الله شرحه جميل وهو بيشرح زى البروجيكتور وكل الامثلة
لكنه للاسف رافض يعطينا الفلاشه وانا شخصيا مش عارفة اركز فى الشرح ولا اكتب البروجيكتور ولو كتبت اللى فاهماه فى حاجات كتييييير بتقع منى
والكتاب مفيش فيه كل حاجه لانى جربت اتابع من الكتاب فى المحاضرة لكنى وجدت انى بضيع وقت
وبذلك يبقى الحل الاسهل والامثل لطلبة اعدادى وهو شراء ورق من المكتبة للدكاتره
وهو الحل الذى ترفضوه بالطبع!!!
لكنى ايضامعجبة جدا بدكتور الفارما اللى دخلنا الاربعاء الماضى وشرح الجهاز المناعى لانه اتعامل معانا بواقعية جدا وفهمنا نذاكر ازاى ومنين وايه اللى طالبه بالضبط فى الامتحان
انا اسفة جدا جدا على الاطالة