حدث يستحق جائزة الاوسكار....احذروا ايها السادة؟؟

[hesham 2011]

الفيلم حصل امبارح فى سكشن الميكرو الرابع لواحد صاحبى
صاحبى الغلبان ده قعد طول الليل يكمل فى كتاب الميكرو ويلون ( طبعا بعد ما اتذل لامواخذه لطبةالتربية الرياضية فى المدينة علشان يدوله الوان ) على امل انه ياخد درجات كتاب الميكرو علشان تساعد فى المادة الصعبة اوى دى والحمد لله كمله ونام
صحى الصبح مبتسم وفرحان علشان هياخد 5 درجات ميكرو (يعنى مش قليلين) وصلى الصبح وراح السكشن
المعيدة فى السكشن قالت ياجماعة هنصحح الكتب وصاحبنا فرح بقى مهو مكمل الكتاب
وجرى على المعيدة علشان يصحح وياخد A
ذى الناس المعيدة ادته B طبعا صاحبنا اتشل وهو واقف وبقى بينقط من كل حته ومش عارف ايه اللى حصل

سال عن السبب
المعيدة قالت له :انت ما رسمتش القطنة فوق TESTTUBE
فسققط مغشيا عليه.......................
لذلك نحذر كل اخواننا الطلبه
لو عايز A لازم ترسم القطنة وربنا يصبرك يا صاحبى........

[آيه محمد]

القطنه؟؟؟
آخدلهم كيس قطن

[~Am@ny~]

ما كان يرسم القطنه ............!!!!

يااااااسبحان الله........بس كنت عاوزه اعرف هنرسمها معقمه ولا متفرقش ؟؟؟!!

[آيه محمد]

حطي جنبها شويه نار

[Dr nour]

ههههههههههه ربنا يصبره بس لازم تعتادوا على الحاجات دى
وA من B مفرقتش كتير

[lost*soul]

الى معتاد عليه ان درجات الكتاب عشان تساعد الطلبه

وبعدين ازاى ينسى القطنه عايز المديا تتلوث

[جمال الشافعي]

ازاي ينسي القطنه كان لازم ياخد لها كيس قطن ولا ايه ؟ وبعدين كدة تتلوث الميديا

[Mohamed Al Gohary]

كان ياخد شوية قطن من المرتبة

[monosh]

طب كويس انه افتكر يرسم الغطاء الأسود بتاع لونستين جنسم ميديا بتاع ال تى بى. ما علينا بالقطنة.

أحسن مكنتش تدى له درجة خالص.

ايه الذل دا ياربى.....ربنا يعينهم علينا كمان وكمان.وفى ميزان حسناتنا يا جماعة.

[dr queen]

تصدقوا انا نسيت احط القطنه بردو !!!!

بس مش هقولكم أخدت ايه ...