ساحـــة حـــــوار الصيدلانيات

[قناع الذهب]

انا شفت امتحانات ال 3 سنين اللى فاتت لقيت كل امتحان فيه مسأله واحده ب 4 درجات و ساعات 5 درجات بس الله اعلم السنه دى هيعملوا فينا ايه

لالالالالالالالالالالالالالالالا خير
هما بيحبونا خالص واكيد السنة دى مش هيجيبولنا مساله عشان اللى محلش فى الاساى يعوض فى الصيدلانيات

[wh_kaboo]

ومين عالم يمكن يكملوا اسئلة فى ال drugs اصل ورقة الاساى كانت صغيرة برضو

[sa3dany20002002]

السلام عليكم
===========
توزيعه الدرجات يا شباب
مين عليه كام ؟!!

[pharmacistina]

توزيعة الدرجات تفرق في ايه تفتكروا ؟؟

د- اسماعيل هيحط كل الامتحان ..

[Monaliza]

معاكي حق .. وخصوصا انه جاب 35 درجة الترم الاولاني على المسائل !!!
فمش هتفرق فعلا


بس ليه عندي شعور ان جزء الكوزمتكس ده كان المفروض يتاخد في اولى او تانية..
هو كلام جميل وممتع ومسلي ... بس حطوه جنب الفارما والمديسنال والبيو .. على كفة ميزان وشوفوا مين هيطب !

واكتشفت ان الاساي ليها دور كبير في الجزء ده بالزات .. يعني التستات بتاعة التحضيرات لازم يبقى فيها bioassay
عشان كده المفروض تبقى المناهج متداخلة
ويبقى في عملي مجمع
ازاي
نعمل تحضيرة في الصيدلانيات نختبرها على models ونجربلها الbioavailability بالطرق بتاعتها بدل ما ناخد كلام بيكرر نفسه من اول السنة
ال quality testing ممكن تتطبق في المادة دي بشكل كبير... بس للاسف اخدناها تجربة واحدة الترم الاول ومتكررتش .. وماخدتش حقها في الاستيعاب والشغل .. مع انها في الشركات من اهم الأدوار للصيادلة أثناء التصنيع

بصراحة يا جماعة انا زهقت
الخمس سنين بتوع الكلية دول كتير يضيعوا في الحفظ الاصم ده

معلومات بتتكاوم فوق بعضها وخلاص ومش عارفين نطبق منها حاجة
انما لو فكرنا شوية وشغلنا مخنا هنلاقي اننا ممكن نبدع
مهم المبدعين ميفرقوش عننا في حاجة !
وعمالقة المهنة في " الخارج" مش زايدين عننا في حاجة

هم بس عرفوا ازاي يوظفوا المعلومة .. ويطلعوا منها بفايدة .. ويطبقوها في مشكلة .. وليهم فرصة ابتداع طرق جديدة وابتكار افكار جديدة وتجربتها عشان ينموا مواهبهم وجايزتخرج مجموعة منهم باكتشاف يفيد البشرية

زهقت من اللي احنا بنعمله ده!!!!

[mohatrm]

يا جماعة اكيد جاى مسائل ....انتو مش فاكرين النصف الاول لما جه مسئلة من مسائل العملى
وكمان الدكتور اسماعيل قال انه هيجيب من الشيتات فى الامتحان
يعنى لازم نذاكر المسائل الى كانت فيها

[د\بوسى ربيع]

معاكي حق .. وخصوصا انه جاب 35 درجة الترم الاولاني على المسائل !!!
فمش هتفرق فعلا


بس ليه عندي شعور ان جزء الكوزمتكس ده كان المفروض يتاخد في اولى او تانية..
هو كلام جميل وممتع ومسلي ... بس حطوه جنب الفارما والمديسنال والبيو .. على كفة ميزان وشوفوا مين هيطب !

واكتشفت ان الاساي ليها دور كبير في الجزء ده بالزات .. يعني التستات بتاعة التحضيرات لازم يبقى فيها bioassay
عشان كده المفروض تبقى المناهج متداخلة
ويبقى في عملي مجمع
ازاي
نعمل تحضيرة في الصيدلانيات نختبرها على models ونجربلها الbioavailability بالطرق بتاعتها بدل ما ناخد كلام بيكرر نفسه من اول السنة
ال quality testing ممكن تتطبق في المادة دي بشكل كبير... بس للاسف اخدناها تجربة واحدة الترم الاول ومتكررتش .. وماخدتش حقها في الاستيعاب والشغل .. مع انها في الشركات من اهم الأدوار للصيادلة أثناء التصنيع

بصراحة يا جماعة انا زهقت
الخمس سنين بتوع الكلية دول كتير يضيعوا في الحفظ الاصم ده

معلومات بتتكاوم فوق بعضها وخلاص ومش عارفين نطبق منها حاجة
انما لو فكرنا شوية وشغلنا مخنا هنلاقي اننا ممكن نبدع
مهم المبدعين ميفرقوش عننا في حاجة !
وعمالقة المهنة في " الخارج" مش زايدين عننا في حاجة

هم بس عرفوا ازاي يوظفوا المعلومة .. ويطلعوا منها بفايدة .. ويطبقوها في مشكلة .. وليهم فرصة ابتداع طرق جديدة وابتكار افكار جديدة وتجربتها عشان ينموا مواهبهم وجايزتخرج مجموعة منهم باكتشاف يفيد البشرية

زهقت من اللي احنا بنعمله ده!!!!

والله يا منى الواحد بقى محبط على الاخر بقيت بذاكر وخلاص منغير ادنى هدف حاسه ان كل طموحاتى معدش ليها اى وجود حاسه ان كل حاجه بعملها ملهاش اى لزمه وانى هتخرج مش هلاقى حاجه اعملها مش عارفه ليه

[pharmacistina]

بس ليه عندي شعور ان جزء الكوزمتكس ده كان المفروض يتاخد في اولى او تانية..
هو كلام جميل وممتع ومسلي ... بس حطوه جنب الفارما والمديسنال والبيو .. على كفة ميزان وشوفوا مين هيطب !

عندك حق في دي طبعا .. و على فكرة أنا قلت نفس رأيك دة و نقلته لادارة الكلية , ان طالب سنة ثالثة اللي هيتخرج دة مينفعش يذاكر اللي احنا بنذاكره دة حاليا ..
الدكتور اسماعيل نفسه في المحاضرة كان بيقول ( أنا عارف انها محاضرات ...... )
عشان كدة صيدلانيات سنة ثالثة صيدلة يعني .. كان المفروض اعدادي أو أولى يدرسها ..
أنا و الله حاسة بمنتهى عدم الجدية ..

واكتشفت ان الاساي ليها دور كبير في الجزء ده بالزات .. يعني التستات بتاعة التحضيرات لازم يبقى فيها bioassay
عشان كده المفروض تبقى المناهج متداخلة

بس في حاجة يا منى ..
الـ Bioassay دة علم بيحدد كفاءة الدواء أو تركيز الدواء بناء على مفعوله الفارماكولوجي ..

لكن هنا في الصيدلانيات لما تيجي تعملي اختبار لحاجة بتعملي اختبار لمستحضر ,, أقصد

منى عملت في معملها كريم مرطب .. و بوسي عملت في معملها كريم مرطب ..
أنا هاجي أعمل اختبار للكريمين و أحدد مين اللي عمل formulation أحسن الكريم بتاعه أعطى أحسن مفعول ؟؟
مع ان كلاهما كريم مرطب بنفس الـ ingredient ..
في المستحضرات انتي مش بتحكمي على دواء , لأن مستحضر التجميل مفيهوش دواء بمعنى كلمة دواء ..
شوية جلسرين و فازلين و شمع عسل و ألوان .. مفيش دواء ..
و من هنا كان ماينفعش يتحط تقييم التحضيرة تبع علم الـ bioassay ..

الحاجة التانية تجارب الـ bioassay بتتعمل على حيوانات التجارب .. و ممنوع منعا باتا استخدام الانسان في عمل أي تجارب bioassay و دي اتفاقية دولية سمعنا عنها في حقوق الانسان كان بيديهالنا د- حمدي عبد العليم ..
و الـ volunteer اللي هو أول انسان بيتم تجريب الدوا الجديد عليه دة بيكتب هو و أهله اقرار انه رايح بمزاجه وبدون اجبار ( عشان ما يرجعوش يقولوا حاجة ع الشركة أو ع الباحث )
و غالبا بيكون انسان مريض جداااا و هيموت كدة كدة فغريق بيتعلق بقشاية زي ما بنقول في لهجتنا المصرية البسيطة ..

في حين ان المستحضرات بيتم تجريبها ع الانسان ( يعني موظفة في الشركة ممكن ترضى و بيدوها مبلغ كويس )

فلو قلنا ان test for performance of cosmetic preparation يعتبر نوع من الـ bioassay ..
كدة أصبح الانسان داخل في الـ bioassay !! مينفعش

غير كدة ان جميع مستحضرات التجميل غير سامة .. حتى لو أنا جبت أنبوبة كريم مرطب حطيتها كاملة على الجلد المفروض ميحصلش أي تسمم ..
في حين ان الأدوية الزيادة منها يعمل تسمم ..

م الآخر اختبارات الصيدلانيات دي بتحدد جودة الـ formula .. هل المرهم أحسن ولا الكريم ولا اللوشن , و أي واحد بيوصل الدواء أكتر ..

لكن اختبارات الـ bioassay بتحدد أيهما أكثر فاعلية الـ Lidocaine ولا الـ procaine ولا كذا .. بناء على تأثيره العلاجي و تأثيره السام ..

في تشابه لكن يظل الخط الفاصل موجود .. صح ولا ايه ..

معلش طولت لكن انتي عارفة بحب جدااااا أناقشك يا منى قد ايه ..

زهقت من اللي احنا بنعمله ده!!!!

كلنا زهقانين .. من أهم الأسئلة في المنهج ما هو استخدام الكحل .. روحي ذاكري واجتهدي كدة في مذاكرة المستحضرات ..

[ShEriF EzzELdiN]

كفاية اجارزة كده يا جماعة انا هبدأ لسه دلوقتى ان شاء الله
حد يبدأ معايا

[dr soooma]

كفاية اجارزة كده يا جماعة انا هبدأ لسه دلوقتى ان شاء الله
حد يبدأ معايا

وا الله لله يا دكتور انا قلت كفايه كده وابدأ بقى عشان مرجعش اندم كويس ان فيه حد هيبدأ معايا
نسيب حاله الخنقه والزهق دى بقى ونبدأ وربنا يوفقنا جميعا ان شاء