دعوة للاجتماع على الخير ..
ناوي تعمل إيه في شعبان ..؟!!1 عن أسامة بن زيد قال :
" قلت يا رسول الله لم أرك تصوم من شهر من الشهور ما تصوم من شعبان ، قال : ذلك شهر يغفل الناس عنه بين رجب ورمضان ، وهو شهر ترفع فيه الأعمال إلى رب العالمين فأحب أن يرفع عملي وأنا صائم "
بما إننا اخييييراااا خلصنا امتحانات وطلعنا من موود الضغط والطحن اللي كنا فيه .. واخييييراااااااا اخدنا الأجازة ..مممم فكرت إننا نستغلها في حاجة صح من البداية ..
كلنا..انا وانت واخواتك واصحابك .. وشلتك وكل معارفك ..كلنا هنا في المنتدى.. هنتفق نصوم أيام من شعبان .. هنشجع بعض .. بدل منقعد طول اليوم في البيت نايميين او عالتلفزيون او بنخرج بالليل مع الشلة ..نغير الروتين شوية صغيريين ..
هتخرج يا عم متخفش بس خروجة مختلفة
تلم الشلة .. وتخرجوا وفي نفس الميعاد برده .. وبعد الساعة 7 عشان الشمس - ملكش حجة - .. وتقعدوا في أي مطعم أو في بيت حد منكم -الله يكون في عونه..كل واحد ييجي ومعاه أكله - تفطروا .. وتصلوا المغرب جماعة في الجامع .. وتقعدوا باقي اليوم مع بعض .. وهتبقى أجازة لذيذة إن شاء الله مش بقولك هتقضي الأجازة صوم .. بس اهو هنحاول .. وهنكون بكدة أخدنا ثواب شعبان .. ودربنا نفسنا على صيام رمضان ..
وكل سنة وانتم بألف خير